49
Ziouv Dingc Ammon Mienh Nyei Zuiz
1Gorngv taux Ammon Mienh.
Ziouv hnangv naaiv gorngv,
“I^saa^laa^en maiv maaih dorn fai?
Ninh maiv maaih hoz doic nzipc fai?
Wuov nyungc Minkom zienh weic haaix diuc nzipc Gaatc nyei ndau?
Ninh nyei baeqc fingx weic haaix diuc yiem njiec Gaatc nyei zingh?”⚓
2Ziouv gorngv, “Weic naaiv hnoi-nyieqc oix taux,
yie oix bun mienh haiz mborqv jaax nyei qiex mbui,
se yie mborqv Ammon Mienh nyei Lapv^mbaa Zingh nyei ziangh hoc.
Lapv^mbaa ziouc benx baaic huaang nyei ga'naaiv-ndui,
weih gormx nyei laangz yaac oix zuqc douz buov qui.
Zinh ndaangc caangv duqv I^saa^laa^en nyei zingh wuov deix
daaux nzuonx I^saa^laa^en Mienh yaac duqv caangv nzuonx.”
Ziouv hnangv naaiv gorngv.
3“Hetv^mbon aah! Meih oix zuqc nyiemv,
weic zuqc Ai Zingh zuqc baaic huaang,
Lapv^mbaa nyei mienh aah!⚓ Oix zuqc nyiemv,
longc la'maah ndie-cou sai jienv jaaiv,
yiem weih jienv nyei dorngx gu'nyuoz tiux mingh tiux daaih,
weic zuqc Minkom zienh caux jienv ninh nyei sai mienh
caux jien oix yietc njiec zuqc guaatv mingh mi'aqv.
4Maiv ziepc zuoqv nyei mienh⚓ aah!
Meih mbuo weic haaix diuc bungx waac-maux gorngv meih mbuo nyei horngz?
Meih mbuo kaux zinh zoih gorngv,
‘Haaix dauh haih daaih caux yie doix-dekc?’
5Ziouv, Nernh Jiex nyei Ziouv, hnangv naaiv gorngv,
“Yie oix bun meih mbuo gamh nziex haic,
laaix weih gormx meih mbuo yietc zungv mienh.
Meih mbuo oix zuqc zunc cuotv,
dauh dauh baeng zaqc nyei mingh wuov ndaangc,
yaac maiv maaih haaix dauh siou zunv biaux nyei mienh.
6Mv baac nqa'haav yie oix bun Ammon Mienh aengx duqv longx hnangv loz wuov nor.”
Ziouv hnangv naaiv gorngv.
Ziouv Dingc E^ndom Nyei Zuiz
7Gorngv taux E^ndom.
Nernh Jiex nyei Ziouv hnangv naaiv gorngv,
“Yiem Temaan mbu'ndongx maiv aengx maaih cong-mengh fai?
Caangh laangh nyei waac yiem guai nyei mienh ndortv nzengc mi'aqv fai?
Ninh mbuo nyei cong-mengh zuqc mietc nzengc mi'aqv fai?⚓
8Yiem Nde^ndaan nyei mienh aah!
Oix zuqc guinh sin biaux, bingx jienv ndo nyei dorngx,
weic zuqc yie dingc Esaau nyei zuiz nyei ziangh hoc,
yie oix bun ninh zuqc zeqc naanc.
9Se gorngv gaeqv a'ngunc biouv nyei mienh daaih lorz meih,
ninh mbuo maiv zeiz liouh deix a'ngunc biouv bun mienh nzauz fai?
Se gorngv lungh muonz zanc maaih janx-zaqc daaih nimc,
ninh maiv zeiz kungx zoux waaic gaux ninh mbuo ganh hnangv fai?
10Mv baac yie ciev Esaau⚓ njang nzengc,
koi nqoi ninh bingx nyei dorngx,
ninh ziouc bingx maiv mbueiz ninh ganh aqv.
Ninh nyei zeiv-fun caux gorx-youz
caux juangc laangz mienh zuqc mietc nzengc,
maiv maaih ninh aqv.
11Guangc meih mbuo nyei guh hanh fu'jueiv,
yie ziouc bun ninh mbuo maaih maengc ziangh,
yaac bun meih mbuo nyei auv-guaav kaux yie.”⚓
12Weic zuqc Ziouv hnangv naaiv gorngv, “Se gorngv maiv horpc zuqc hopv wuov norm zaanv nyei mienh zungv zuqc hopv, meih haih biaux duqv ndutv, maiv zuqc dingc zuiz fai? Meih zungv biaux maiv ndutv, ndongc haaix oix zuqc hopv naaiv norm zaanv.”
13Ziouv gorngv, “Yie ziangv jienv yie ganh houv waac gorngv, “Mbo^saa^laa oix zuqc benx bun mienh gamh nziex nyei dorngx, zuqc mienh huotv, zuqc baaic huaang yaac zuqc zioux. Ninh nyei yietc zungv zingh oix zuqc benx yietc liuz baaic huaang nyei dorngx.”
14Yie duqv haiz yiem Ziouv daaih nyei fienx.
Ninh paaiv dauh douc fienx mienh
mingh maanc guoqv mienh mbu'ndongx gorngv,
“Meih mbuo gapv zunv daaih mborqv E^ndom,
jiez daaih mborqv jaax maah!”
15“Weic zuqc yie oix bun meih yiem maanc guoqv mbu'ndongx zoux faix,
yiem baamh mienh mbu'ndongx zuqc mangc piex.
16Meih haeqv mienh gamh nziex haic,
caux meih hnyouv maux nyei jauv nduov meih,
se meih yiem jienv mbaengx-ngaamh
yaac yiem jienv mbong-ningv gu'nguaaic nyei mienh.
Maiv gunv meih hnangv domh jaangv yiem hlang nyei dorngx zoux lauz,
yie oix yiem naaic baeng meih njiec.”
Naaiv se Ziouv gorngv nyei waac.
17“E^ndom ziouc benx bun mienh gamh nziex nyei dorngx.
Da'faanh jiex jauv nyei mienh za'gengh gamh nziex haic,
aengx weic E^ndom zuqc nyei yietc zungv zeqc naanc huotv ninh.
18Hnangv ⟨So^ndom⟩ caux Go^mo^laa
caux nitv fatv nyei zingh zuqc baaic,
maiv maaih haaix dauh duqv yiem naaic.
Maiv maaih haaix dauh dingh zepv.”⚓
Ziouv hnangv naaiv gorngv.
19“Hnangv dauh sienh yiem Jor^ndaen Ndaaih hlen nyei lomc
daaih borngz wuonv nyei ba'gi yungh laanh,
yie oix liemh zeih bun ninh mbuo tiux leih nqoi naaiv norm deic-bung,⚓ biaux E^ndom.
Yie ginv haaix dauh yie ziouc paaiv wuov dauh gunv wuov norm guoqv.
Haaix dauh hnangv yie?
Haaix dauh haih heuc yie daaih?
Maaih haaix dauh goux ba'gi yungh nyei mienh
haih souv duqv jienv yie nyei nza'hmien?”
20Weic naaiv, oix zuqc muangx Ziouv daav nyei za'eix weic mborqv E^ndom
caux ninh mborqv Temaan Zingh nyei mienh dingc nyei za'eix.
Ninh mbuo faix jiex nyei ba'gi yungh dorn zungv oix zuqc tor mingh.
Ninh mbuo nyei ba'gi yungh laanh
ndongc haaix zungv oix zuqc mietc.⚓
21E^ndom mbaang njiec nyei qiex mbui ndanc ndau dongz,
ninh mbuo heuc nyei qiex aengv mingh taux koiv-siqv.
22Mangc maah! Maaih dauh hnangv domh jaangv
oix yang nqoi ndaatv ndaix daaih mborqv Mbo^saa^laa.
Wuov hnoi E^ndom mborqv jaax henv nyei baeng nyei hnyouv
hnangv m'sieqv dorn mun gu'nguaaz nor.”
Ziouv Dingc Ndaa^matv^gatc Nyei Zuiz
23Gorngv taux Ndaa^matv^gatc.
“Haamatv caux Aanbatc zuqc baaic hmien
weic zuqc ninh mbuo muangx haiz ciouv nyei fienx.
Ninh mbuo mba'nziu yuqc mi'aqv,
ninh mbuo hnyouv paan-paan puoqv-puoqv nyei
hnangv koiv maiv haih sekv nor.⚓
24Ndaa^matv^gatc mau mi'aqv.
Ninh guinh sin biaux, hnyouv huaang nzengc.
Ninh zuqc hnyouv mun, hnyouv nzauh,
hnangv m'sieqv dorn mun gu'nguaaz nor.
25Maaih mengh dauh wuov norm zingh zuqc guangc mi'aqv,
dongh maaih njien-youh buangv nzengc nyei zingh.⚓
26Weic naaiv ninh nyei mienh lunx mienh ziouc yiem domh zuangx zaamc zuqc daix daic.
Dongh wuov hnoi ninh nyei yietc zungv baeng zuqc mietc nzengc.”
Nernh Jiex nyei Ziouv hnangv naaiv gorngv.
27“Yie oix yiem Ndaa^matv^gatc nyei zingh laatc diemv douz,
douz ziouc buov qui Mben Haa^ndatc weih wuonv nyei dorngx.”
Douc Waac Gorngv Ke^ndaa Caux Haaso
28Naaiv gorngv taux Mbaa^mbi^lon nyei hungh, Ne^mbu^katv^netv^saa, mborqv Ke^ndaa Fingx caux Haaso nyei guoqv.
Ziouv hnangv naaiv gorngv,
“Jiez daaih mingh mborqv Ke^ndaa,
mietc nzengc yiem dong bung nyei mienh.
29Ninh mbuo nyei ndopv-liuh caux ba'gi yungh guanh, yungh guanh, oix zuqc zorqv,
liemh ninh mbuo nyei mbaeqc gaengh ndie caux ninh mbuo nyei yietc zungv jaa-dorngx.
Ninh mbuo nyei lorh torh zuqc zorqv mingh,
mienh ziouc heuc jienv mbuox ninh mbuo, ‘Bung-bung maaih gamh nziex nyei sic aqv loh!’+”
30Ziouv gorngv, “Haaso Mienh aah!
Biaux aqv. Youh jienv mingh go, yiem ndo nyei dorngx,
weic zuqc Mbaa^mbi^lon nyei hungh, Ne^mbu^katv^netv^saa,
daav za'eix mborqv meih mbuo,
yaac jiez hnyouv hoic meih mbuo.”
31Ziouv gorngv, “Jiez daaih,
cuotv mingh mborqv yietc fingx kuh yiem nyei mienh,
se yiem duqv wuonv nyei mienh.
Ninh mbuo zungv maiv maaih zingh gaengh, maiv maaih gaengh sorn,
ninh mbuo ganh yiem hnangv.
32Ninh mbuo nyei lorh torh oix zuqc benx luv daaih nyei ga'naaiv,
ninh mbuo nyei ngongh guanh zuqc caangv daaih.
Japv mba'biei baengh nyei huing gormx m'nqorngv nyei mienh,⚓⚓
yie oix bun nzaanx mingh biei bung nziaaux-kuotv,
yaac oix bun ninh mbuo zuqc yiem bung-bung daaih nyei zeqc naanc.”
Naaiv se Ziouv gorngv nyei waac.
33“Haaso oix zuqc benx hieh juv yiem nyei dorngx,
yietc liuz zuqc baaic huaang,
maiv maaih mienh yiem,
yaac maiv maaih haaix dauh hitv naaic.”
Douc Waac Gorngv Elaam
34Se^nde^ki^yaa jiez gorn zoux Yu^ndaa nyei hungh wuov zanc, Ye^le^mi duqv zipv Ziouv gorngv taux Elaam naaiv deix waac.
35Nernh Jiex nyei Ziouv hnangv naaiv gorngv,
“Mangc maah! Yie oix wuotv nauv Elaam nyei juang-zinx,
dongh ninh mbuo bangc camv jiex tengx ninh mbuo duqv qaqv.
36Yie oix bun biei bung nziaaux yiem biei bung lungh buonc daaih taux Elaam.
Yie oix bun ninh mbuo gan wuov deix yietc zungv nziaaux nzaanx mingh.
Wuov deix zuqc zunc cuotv Elaam nyei mienh maiv maaih yietc norm guoqv ninh mbuo maiv taux.”
37Ziouv gorngv, “Yie oix bun Elaam Mienh yiem ninh mbuo nyei win-wangv
caux lorz ninh mbuo nyei maengc wuov deix nyei nza'hmien gamh nziex haic.
Yie oix bun ninh mbuo zuqc ciouv nyei zeqc naanc,
se yie ga'qiex baetv cuotv bun ninh mbuo.
Yie oix bun nzuqc ndaauv zunc ninh mbuo, taux yie mietc nzengc ninh mbuo.
38Yie oix yiem Elaam liepc yie nyei weic,
mietc nzengc ninh mbuo nyei hungh diex caux jien.”
Ziouv hnangv naaiv gorngv.
39“Mv baac taux setv mueiz nyei ziangh hoc
yie oix bun Elaam duqv longx hnangv loz wuov nor.”
49
有關亞捫的話
1論亞捫人。
耶和華如此說：
以色列沒有兒子嗎？
沒有後嗣嗎？
米勒公⚓為何承受迦得為業呢？
屬它的百姓為何住其中的城鎮呢？
2看哪，日子將到，我必使人聽見打仗的喊聲，
攻擊亞捫人所住的拉巴的喊聲。
拉巴要成為廢墟，
屬它的鄉鎮⚓要被火焚燒。
這是耶和華說的。
先前承受以色列為業的，
此時以色列倒要承受他們為業。
這是耶和華說的。
3希實本哪，要哀號，
因為愛地已成荒地。
拉巴的鄉鎮哪，要呼喊，
以麻布束腰；
要哭號，在籬笆中往來奔跑；
因米勒公和它的祭司、
官長要一同被擄去。
4背道的民⚓哪，
你為何因有山谷，
因有水流的山谷誇耀呢？
為何倚靠自己的財寶，說：
「誰能來到我們這裏呢？」
5萬軍之主耶和華說：
看哪，我要使驚嚇從四圍的鄰邦臨到你們；
你們必被趕出，
各人一直往前，
無人收容難民。
6但後來，我卻要使被擄的亞捫人歸回。這是耶和華說的。
有關以東的話
7論以東。
萬軍之耶和華如此說：
提幔不再有智慧了嗎？
聰明人的謀略都用盡了嗎？
他們的智慧盡歸無有了嗎？
8底但的居民哪，要轉身逃跑，
住在深密處；
因為我懲罰以掃的時候，
必使災殃臨到他。
9摘葡萄的若來到你那裏，
豈不留下幾串嗎？
賊若夜間來到，
豈不是只毀壞他們要毀壞的嗎？
10我卻使以掃赤裸，
暴露他的藏身處；
他不能隱藏自己。
他的後裔、弟兄、鄰舍全都滅絕，
他也歸於無有。
11你撇下孤兒，我必保全他們的性命；
你的寡婦可以倚靠我。
12耶和華如此說：「看哪，既然原不該喝那杯的一定要喝，你能免去懲罰嗎？必不能免，一定要喝！
13我指着自己起誓，波斯拉必令人驚駭、受羞辱、被詛咒，並且全然荒廢。它所有的城鎮都要永遠成為廢墟。這是耶和華說的。」
14我從耶和華那裏聽見消息，
有使者被差往列國去，說：
「你們要聚集前來攻擊以東，
要起來爭戰。」
15看哪，我使你在列國中為最小，
在世人中被藐視。
16住在山穴中盤據山頂的啊，
你被自己的聲勢與心中的狂傲所蒙蔽；
你雖如大鷹高高搭窩，
我卻要從那裏拉你下來。
這是耶和華說的。
17以東必令人驚駭；凡經過的人都驚駭，又因它一切的災禍嗤笑。
18耶和華說：它要像所多瑪、蛾摩拉和鄰近的城鎮一樣傾覆，必無人住在那裏，也無人在其中寄居。
19看哪，就像獅子從約旦河邊的叢林上來，攻擊堅固的居所，我要在轉眼之間使以東人逃跑，離開這地。我揀選誰，就派誰治理這地。誰能像我呢？誰能召我出庭呢？⚓有哪一個牧人能在我面前站得住呢？
20你們要聽耶和華攻擊以東所定的計劃和他攻擊提幔居民所定的旨意。他們羊羣當中微弱的定要被拖走，他們的草場定要變為荒涼。
21因他們仆倒的聲音，地就震動，哀號的聲音傳到紅海⚓那裏。
22看哪，仇敵必如大鷹飛起，展開翅膀攻擊波斯拉。到那日，以東的勇士心中疼痛如臨產的婦人。
有關大馬士革的話
23論大馬士革。
哈馬和亞珥拔蒙羞，
因為他們聽見兇惡的消息就融化；
焦慮像海浪洶湧，不得平靜。
24大馬士革發軟，轉身逃跑；
戰兢將它捉住，
痛苦憂愁將它抓住，
如臨產的婦人一樣。
25我所喜樂受稱讚的城，
怎能被撇棄⚓呢？
26它的壯丁必仆倒在街上，
當那日，戰士全都靜默無聲。
這是萬軍之耶和華說的。
27我必用火點燃大馬士革的城牆，
燒滅便‧哈達的宮殿。
有關基達和夏瑣的話
28論巴比倫王尼布甲尼撒所攻打的基達和夏瑣諸國。
耶和華如此說：
迦勒底人哪，起來上基達去，
毀滅東方人。
29人要奪去他們的帳棚和羊羣，
人要帶走他們的幔子、一切器皿，和駱駝，佔為己有。
人向他們喊着說：
四圍都有驚嚇。
30夏瑣的居民哪，要逃奔遠方，
住在深密處；
因為巴比倫王尼布甲尼撒設計謀害你們，
起意攻擊你們。
這是耶和華說的。
31迦勒底人哪，起來！
上到安逸無慮的國民那裏去，
他們是無門無閂、單獨居住的。
這是耶和華說的。
32他們的駱駝必成為掠物，
他們眾多的牲畜必成為擄物。
我要將剃鬢髮的人分散四方⚓，
使災殃從四圍臨到他們。
這是耶和華說的。
33夏瑣必成為野狗的住處，
永遠荒廢；
無人住在那裏，
也無人在其中寄居。
有關以攔的話
34猶大王西底家登基的時候，耶和華論以攔的話臨到耶利米先知，說：
35「萬軍之耶和華如此說：看哪，我必折斷以攔人的弓，那是他們戰鬥的主力。
36我要使風從天的四方颳來，臨到以攔，將他們分散四方。以攔被趕散的人沒有一國不到的。
37我必使以攔人在仇敵和尋索其命的人面前驚惶；我也必使災禍，就是我的烈怒臨到他們，又必使刀劍追殺他們，直到將他們滅盡。這是耶和華說的。
38我要在以攔設立我的寶座，在那裏除滅君王和官長。這是耶和華說的。
39「到末後，我卻要使被擄的以攔人歸回。這是耶和華說的。」