49

Ziouv Dingc Ammon Mienh Nyei Zuiz

¹Gorngv taux Ammon Mienh.
Ziouv hnangv naaiv gorngv,
“I^saa^laa^en maiv maaih dorn fai?
Ninh maiv maaih hoz doic nzipc fai?
Wuov nyungc Minkom zienh weic haaix diuc nzipc Gaatc nyei ndau?
Ninh nyei baeqc fingx weic haaix diuc yiem njiec Gaatc nyei zingh?”⚓
²Ziouv gorngv, “Weic naaiv hnoi-nyieqc oix taux,
yie oix bun mienh haiz mborqv jaax nyei qiex mbui,
se yie mborqv Ammon Mienh nyei Lapv^mbaa Zingh nyei ziangh hoc.
Lapv^mbaa ziouc benx baaic huaang nyei ga'naaiv-ndui,
weih gormx nyei laangz yaac oix zuqc douz buov qui.
Zinh ndaangc caangv duqv I^saa^laa^en nyei zingh wuov deix
daaux nzuonx I^saa^laa^en Mienh yaac duqv caangv nzuonx.”
Ziouv hnangv naaiv gorngv.
³“Hetv^mbon aah! Meih oix zuqc nyiemv,
weic zuqc Ai Zingh zuqc baaic huaang,
Lapv^mbaa nyei mienh aah!⚓ Oix zuqc nyiemv,
longc la'maah ndie-cou sai jienv jaaiv,
yiem weih jienv nyei dorngx gu'nyuoz tiux mingh tiux daaih,
weic zuqc Minkom zienh caux jienv ninh nyei sai mienh
caux jien oix yietc njiec zuqc guaatv mingh mi'aqv.
⁴Maiv ziepc zuoqv nyei mienh⚓ aah!
Meih mbuo weic haaix diuc bungx waac-maux gorngv meih mbuo nyei horngz?
Meih mbuo kaux zinh zoih gorngv,
‘Haaix dauh haih daaih caux yie doix-dekc?’
⁵Ziouv, Nernh Jiex nyei Ziouv, hnangv naaiv gorngv,
“Yie oix bun meih mbuo gamh nziex haic,
laaix weih gormx meih mbuo yietc zungv mienh.
Meih mbuo oix zuqc zunc cuotv,
dauh dauh baeng zaqc nyei mingh wuov ndaangc,
yaac maiv maaih haaix dauh siou zunv biaux nyei mienh.
⁶Mv baac nqa'haav yie oix bun Ammon Mienh aengx duqv longx hnangv loz wuov nor.”
Ziouv hnangv naaiv gorngv.

Ziouv Dingc E^ndom Nyei Zuiz

⁷Gorngv taux E^ndom.
Nernh Jiex nyei Ziouv hnangv naaiv gorngv,
“Yiem Temaan mbu'ndongx maiv aengx maaih cong-mengh fai?
Caangh laangh nyei waac yiem guai nyei mienh ndortv nzengc mi'aqv fai?
Ninh mbuo nyei cong-mengh zuqc mietc nzengc mi'aqv fai?⚓
⁸Yiem Nde^ndaan nyei mienh aah!
Oix zuqc guinh sin biaux, bingx jienv ndo nyei dorngx,
weic zuqc yie dingc Esaau nyei zuiz nyei ziangh hoc,
yie oix bun ninh zuqc zeqc naanc.
⁹Se gorngv gaeqv a'ngunc biouv nyei mienh daaih lorz meih,
ninh mbuo maiv zeiz liouh deix a'ngunc biouv bun mienh nzauz fai?
Se gorngv lungh muonz zanc maaih janx-zaqc daaih nimc,
ninh maiv zeiz kungx zoux waaic gaux ninh mbuo ganh hnangv fai?
¹⁰Mv baac yie ciev Esaau⚓ njang nzengc,
koi nqoi ninh bingx nyei dorngx,
ninh ziouc bingx maiv mbueiz ninh ganh aqv.
Ninh nyei zeiv-fun caux gorx-youz
caux juangc laangz mienh zuqc mietc nzengc,
maiv maaih ninh aqv.
¹¹Guangc meih mbuo nyei guh hanh fu'jueiv,
yie ziouc bun ninh mbuo maaih maengc ziangh,
yaac bun meih mbuo nyei auv-guaav kaux yie.”⚓
¹²Weic zuqc Ziouv hnangv naaiv gorngv, “Se gorngv maiv horpc zuqc hopv wuov norm zaanv nyei mienh zungv zuqc hopv, meih haih biaux duqv ndutv, maiv zuqc dingc zuiz fai? Meih zungv biaux maiv ndutv, ndongc haaix oix zuqc hopv naaiv norm zaanv.” ¹³Ziouv gorngv, “Yie ziangv jienv yie ganh houv waac gorngv, “Mbo^saa^laa oix zuqc benx bun mienh gamh nziex nyei dorngx, zuqc mienh huotv, zuqc baaic huaang yaac zuqc zioux. Ninh nyei yietc zungv zingh oix zuqc benx yietc liuz baaic huaang nyei dorngx.”
¹⁴Yie duqv haiz yiem Ziouv daaih nyei fienx.
Ninh paaiv dauh douc fienx mienh
mingh maanc guoqv mienh mbu'ndongx gorngv,
“Meih mbuo gapv zunv daaih mborqv E^ndom,
jiez daaih mborqv jaax maah!”
¹⁵“Weic zuqc yie oix bun meih yiem maanc guoqv mbu'ndongx zoux faix,
yiem baamh mienh mbu'ndongx zuqc mangc piex.
¹⁶Meih haeqv mienh gamh nziex haic,
caux meih hnyouv maux nyei jauv nduov meih,
se meih yiem jienv mbaengx-ngaamh
yaac yiem jienv mbong-ningv gu'nguaaic nyei mienh.
Maiv gunv meih hnangv domh jaangv yiem hlang nyei dorngx zoux lauz,
yie oix yiem naaic baeng meih njiec.”
Naaiv se Ziouv gorngv nyei waac.
¹⁷“E^ndom ziouc benx bun mienh gamh nziex nyei dorngx.
Da'faanh jiex jauv nyei mienh za'gengh gamh nziex haic,
aengx weic E^ndom zuqc nyei yietc zungv zeqc naanc huotv ninh.
¹⁸Hnangv ⟨So^ndom⟩ caux Go^mo^laa
caux nitv fatv nyei zingh zuqc baaic,
maiv maaih haaix dauh duqv yiem naaic.
Maiv maaih haaix dauh dingh zepv.”⚓
Ziouv hnangv naaiv gorngv.
¹⁹“Hnangv dauh sienh yiem Jor^ndaen Ndaaih hlen nyei lomc
daaih borngz wuonv nyei ba'gi yungh laanh,
yie oix liemh zeih bun ninh mbuo tiux leih nqoi naaiv norm deic-bung,⚓ biaux E^ndom.
Yie ginv haaix dauh yie ziouc paaiv wuov dauh gunv wuov norm guoqv.
Haaix dauh hnangv yie?
Haaix dauh haih heuc yie daaih?
Maaih haaix dauh goux ba'gi yungh nyei mienh
haih souv duqv jienv yie nyei nza'hmien?”
²⁰Weic naaiv, oix zuqc muangx Ziouv daav nyei za'eix weic mborqv E^ndom
caux ninh mborqv Temaan Zingh nyei mienh dingc nyei za'eix.
Ninh mbuo faix jiex nyei ba'gi yungh dorn zungv oix zuqc tor mingh.
Ninh mbuo nyei ba'gi yungh laanh
ndongc haaix zungv oix zuqc mietc.⚓
²¹E^ndom mbaang njiec nyei qiex mbui ndanc ndau dongz,
ninh mbuo heuc nyei qiex aengv mingh taux koiv-siqv.
²²Mangc maah! Maaih dauh hnangv domh jaangv
oix yang nqoi ndaatv ndaix daaih mborqv Mbo^saa^laa.
Wuov hnoi E^ndom mborqv jaax henv nyei baeng nyei hnyouv
hnangv m'sieqv dorn mun gu'nguaaz nor.”

Ziouv Dingc Ndaa^matv^gatc Nyei Zuiz

²³Gorngv taux Ndaa^matv^gatc.
“Haamatv caux Aanbatc zuqc baaic hmien
weic zuqc ninh mbuo muangx haiz ciouv nyei fienx.
Ninh mbuo mba'nziu yuqc mi'aqv,
ninh mbuo hnyouv paan-paan puoqv-puoqv nyei
hnangv koiv maiv haih sekv nor.⚓
²⁴Ndaa^matv^gatc mau mi'aqv.
Ninh guinh sin biaux, hnyouv huaang nzengc.
Ninh zuqc hnyouv mun, hnyouv nzauh,
hnangv m'sieqv dorn mun gu'nguaaz nor.
²⁵Maaih mengh dauh wuov norm zingh zuqc guangc mi'aqv,
dongh maaih njien-youh buangv nzengc nyei zingh.⚓
²⁶Weic naaiv ninh nyei mienh lunx mienh ziouc yiem domh zuangx zaamc zuqc daix daic.
Dongh wuov hnoi ninh nyei yietc zungv baeng zuqc mietc nzengc.”
Nernh Jiex nyei Ziouv hnangv naaiv gorngv.
²⁷“Yie oix yiem Ndaa^matv^gatc nyei zingh laatc diemv douz,
douz ziouc buov qui Mben Haa^ndatc weih wuonv nyei dorngx.”

Douc Waac Gorngv Ke^ndaa Caux Haaso

²⁸Naaiv gorngv taux Mbaa^mbi^lon nyei hungh, Ne^mbu^katv^netv^saa, mborqv Ke^ndaa Fingx caux Haaso nyei guoqv.
Ziouv hnangv naaiv gorngv,
“Jiez daaih mingh mborqv Ke^ndaa,
mietc nzengc yiem dong bung nyei mienh.
²⁹Ninh mbuo nyei ndopv-liuh caux ba'gi yungh guanh, yungh guanh, oix zuqc zorqv,
liemh ninh mbuo nyei mbaeqc gaengh ndie caux ninh mbuo nyei yietc zungv jaa-dorngx.
Ninh mbuo nyei lorh torh zuqc zorqv mingh,
mienh ziouc heuc jienv mbuox ninh mbuo, ‘Bung-bung maaih gamh nziex nyei sic aqv loh!’+”
³⁰Ziouv gorngv, “Haaso Mienh aah!
Biaux aqv. Youh jienv mingh go, yiem ndo nyei dorngx,
weic zuqc Mbaa^mbi^lon nyei hungh, Ne^mbu^katv^netv^saa,
daav za'eix mborqv meih mbuo,
yaac jiez hnyouv hoic meih mbuo.”
³¹Ziouv gorngv, “Jiez daaih,
cuotv mingh mborqv yietc fingx kuh yiem nyei mienh,
se yiem duqv wuonv nyei mienh.
Ninh mbuo zungv maiv maaih zingh gaengh, maiv maaih gaengh sorn,
ninh mbuo ganh yiem hnangv.
³²Ninh mbuo nyei lorh torh oix zuqc benx luv daaih nyei ga'naaiv,
ninh mbuo nyei ngongh guanh zuqc caangv daaih.
Japv mba'biei baengh nyei huing gormx m'nqorngv nyei mienh,⚓⚓
yie oix bun nzaanx mingh biei bung nziaaux-kuotv,
yaac oix bun ninh mbuo zuqc yiem bung-bung daaih nyei zeqc naanc.”
Naaiv se Ziouv gorngv nyei waac.
³³“Haaso oix zuqc benx hieh juv yiem nyei dorngx,
yietc liuz zuqc baaic huaang,
maiv maaih mienh yiem,
yaac maiv maaih haaix dauh hitv naaic.”

Douc Waac Gorngv Elaam

³⁴Se^nde^ki^yaa jiez gorn zoux Yu^ndaa nyei hungh wuov zanc, Ye^le^mi duqv zipv Ziouv gorngv taux Elaam naaiv deix waac.
³⁵Nernh Jiex nyei Ziouv hnangv naaiv gorngv,
“Mangc maah! Yie oix wuotv nauv Elaam nyei juang-zinx,
dongh ninh mbuo bangc camv jiex tengx ninh mbuo duqv qaqv.
³⁶Yie oix bun biei bung nziaaux yiem biei bung lungh buonc daaih taux Elaam.
Yie oix bun ninh mbuo gan wuov deix yietc zungv nziaaux nzaanx mingh.
Wuov deix zuqc zunc cuotv Elaam nyei mienh maiv maaih yietc norm guoqv ninh mbuo maiv taux.”
³⁷Ziouv gorngv, “Yie oix bun Elaam Mienh yiem ninh mbuo nyei win-wangv
caux lorz ninh mbuo nyei maengc wuov deix nyei nza'hmien gamh nziex haic.
Yie oix bun ninh mbuo zuqc ciouv nyei zeqc naanc,
se yie ga'qiex baetv cuotv bun ninh mbuo.
Yie oix bun nzuqc ndaauv zunc ninh mbuo, taux yie mietc nzengc ninh mbuo.
³⁸Yie oix yiem Elaam liepc yie nyei weic,
mietc nzengc ninh mbuo nyei hungh diex caux jien.”
Ziouv hnangv naaiv gorngv.
³⁹“Mv baac taux setv mueiz nyei ziangh hoc
yie oix bun Elaam duqv longx hnangv loz wuov nor.”

49

有关亚扪的话

¹论亚扪人。
耶和华如此说：
以色列没有儿子吗？
没有后嗣吗？
米勒公⚓为何承受迦得为业呢？
属它的百姓为何住其中的城镇呢？
²看哪，日子将到，我必使人听见打仗的喊声，
攻击亚扪人所住的拉巴的喊声。
拉巴要成为废墟，
属它的乡镇⚓要被火焚烧。
这是耶和华说的。
先前承受以色列为业的，
此时以色列倒要承受他们为业。
这是耶和华说的。

³希实本哪，要哀号，
因为爱地已成荒地。
拉巴的乡镇哪，要呼喊，
以麻布束腰；
要哭号，在篱笆中往来奔跑；
因米勒公和它的祭司、
官长要一同被掳去。
⁴背道的民⚓哪，
你为何因有山谷，
因有水流的山谷夸耀呢？
为何倚靠自己的财宝，说：
“谁能来到我们这里呢？”
⁵万军之主耶和华说：
看哪，我要使惊吓从四围的邻邦临到你们；
你们必被赶出，
各人一直往前，
无人收容难民。
⁶但后来，我却要使被掳的亚扪人归回。这是耶和华说的。

有关以东的话

⁷论以东。
万军之耶和华如此说：
提幔不再有智慧了吗？
聪明人的谋略都用尽了吗？
他们的智慧尽归无有了吗？
⁸底但的居民哪，要转身逃跑，
住在深密处；
因为我惩罚以扫的时候，
必使灾殃临到他。
⁹摘葡萄的若来到你那里，
岂不留下几串吗？
贼若夜间来到，
岂不是只毁坏他们要毁坏的吗？
¹⁰我却使以扫赤裸，
暴露他的藏身处；
他不能隐藏自己。
他的后裔、弟兄、邻舍全都灭绝，
他也归于无有。
¹¹你撇下孤儿，我必保全他们的性命；
你的寡妇可以倚靠我。
¹²耶和华如此说：“看哪，既然原不该喝那杯的一定要喝，你能免去惩罚吗？必不能免，一定要喝！ ¹³我指着自己起誓，波斯拉必令人惊骇、受羞辱、被诅咒，并且全然荒废。它所有的城镇都要永远成为废墟。这是耶和华说的。”
¹⁴我从耶和华那里听见消息，
有使者被差往列国去，说：
“你们要聚集前来攻击以东，
要起来争战。”
¹⁵看哪，我使你在列国中为最小，
在世人中被藐视。
¹⁶住在山穴中盘据山顶的啊，
你被自己的声势与心中的狂傲所蒙蔽；
你虽如大鹰高高搭窝，
我却要从那里拉你下来。
这是耶和华说的。
¹⁷以东必令人惊骇；凡经过的人都惊骇，又因它一切的灾祸嗤笑。 ¹⁸耶和华说：它要像所多玛、蛾摩拉和邻近的城镇一样倾覆，必无人住在那里，也无人在其中寄居。 ¹⁹看哪，就像狮子从约旦河边的丛林上来，攻击坚固的居所，我要在转眼之间使以东人逃跑，离开这地。我拣选谁，就派谁治理这地。谁能像我呢？谁能召我出庭呢？⚓有哪一个牧人能在我面前站得住呢？ ²⁰你们要听耶和华攻击以东所定的计划和他攻击提幔居民所定的旨意。他们羊群当中微弱的定要被拖走，他们的草场定要变为荒凉。 ²¹因他们仆倒的声音，地就震动，哀号的声音传到红海⚓那里。 ²²看哪，仇敌必如大鹰飞起，展开翅膀攻击波斯拉。到那日，以东的勇士心中疼痛如临产的妇人。

有关大马士革的话

²³论大马士革。
哈马和亚珥拔蒙羞，
因为他们听见凶恶的消息就融化；
焦虑像海浪汹涌，不得平静。
²⁴大马士革发软，转身逃跑；
战兢将它捉住，
痛苦忧愁将它抓住，
如临产的妇人一样。
²⁵我所喜乐受称赞的城，
怎能被撇弃⚓呢？
²⁶它的壮丁必仆倒在街上，
当那日，战士全都静默无声。
这是万军之耶和华说的。
²⁷我必用火点燃大马士革的城墙，
烧灭便．哈达的宫殿。

有关基达和夏琐的话

²⁸论巴比伦王尼布甲尼撒所攻打的基达和夏琐诸国。
耶和华如此说：
迦勒底人哪，起来上基达去，
毁灭东方人。
²⁹人要夺去他们的帐棚和羊群，
人要带走他们的幔子、一切器皿，和骆驼，占为己有。
人向他们喊着说：
四围都有惊吓。
³⁰夏琐的居民哪，要逃奔远方，
住在深远之处；
因为巴比伦王尼布甲尼撒设计谋害你们，
起意攻击你们。
这是耶和华说的。

³¹迦勒底人哪，起来！
上到安逸无虑的国民那里去，
他们是无门无闩、单独居住的。
这是耶和华说的。
³²他们的骆驼必成为掠物，
他们众多的牲畜必成为掳物。
我要将剃鬓发的人分散四方⚓，
使灾殃从四围临到他们。
这是耶和华说的。
³³夏琐必成为野狗的住处，
永远荒废；
无人住在那里，
也无人在其中寄居。

有关以拦的话

³⁴犹大王西底家登基的时候，耶和华论以拦的话临到耶利米先知，说：
³⁵“万军之耶和华如此说：看哪，我必折断以拦人的弓，那是他们战斗的主力。 ³⁶我要使风从天的四方刮来，临到以拦，将他们分散四方。以拦被赶散的人没有一国不到的。 ³⁷我必使以拦人在仇敌和寻索其命的人面前惊惶；我也必使灾祸，就是我的烈怒临到他们，又必使刀剑追杀他们，直到将他们灭尽。这是耶和华说的。 ³⁸我要在以拦设立我的宝座，在那里除灭君王和官长。这是耶和华说的。
³⁹“到末后，我却要使被掳的以拦人归回。这是耶和华说的。”