5

Rplay Nau Kơp Sŏng Bơh Nau Chroh

¹Pôri, jêh kơp sŏng ma nau chroh he geh nau đăp mpăn đah Brah Ndu tâm Yêsu Krist Kôranh Brah he. ²Đah păng yơh yor nau chroh he dơi lăp tâm nau yô̆ aơ. Tâm nây he gŭ rjăp, jêh ri yor nau chroh he tâm rnê tâm nau kâp gân ma nau chrêk rmah Brah Ndu. ³Mâu di knŏng dŭm nĕ ôh, ƀiălah he tâm rnê nđâp tâm nau rêh ni lĕ, yorlah he gĭt jêh tă bơh nau rêh ni luh nau srôih, ⁴tă bơh nau srôih nây luh nau dơi dôl geh nau rlong uănh jêh ri tă bơh nau dơi nây luh nau kâp gân, ⁵jêh ri nau kâp gân mâu ƀư prêng ôh, yorlah nau Brah Ndu rŏng ăn mbêng nŭm jêh tâm nuih n'hâm he ma Brah Huêng Ueh Brah Ndu ăn jêh ma he.
⁶Yorlah dôl he hôm jêng rdja Brah Krist khĭt jêh ma phung tih tĭng nâm rnôk tâm nal jêh. ⁷Jêr geh bunuyh khĭt yor du huê bunuyh sŏng klăp lah geh lĕ bunuyh ŭch khĭt yor du huê bunuyh ueh. ⁸Ƀiălah Brah Ndu tâm mpơl nau păng rŏng ma he pô aơ, dôl he hôm jêng bunuyh tih, Brah Krist khĭt yor he. ⁹Rlau lơn ma nau nây aƀaơ, yor mham păng he geh nau kơp sŏng jêh, mra tâm rklaih lĕ bơh nau Brah Ndu nuih. ¹⁰Yorlah dôl he hôm ƀư rlăng đah Brah Ndu, nau khĭt Kon Păng tâm njĭr jêh he đah Păng rlau lơn ma nau nây, jêh tâm njĭr, he mra tâm rklaih yor nau rêh Păng.
¹¹Mâu di dŭm nây ôh, ƀiălah he tâm rnê tâm Brah Ndu ma amoh Kôranh Brah he, Yêsu Krist, yor Păng yơh aƀaơ aơ he geh nau tâm njĭr đah Brah Ndu.

Nau Tih Jêh Ri Nau Yô̆

¹²Pôri, yor du huê bunuyh nau tih lăp jêh tâm neh ntu, jêh ri yor nau tih geh nau khĭt, pô nây yơh nau khĭt tât ma lĕ rngôch bunuyh, yorlah lĕ rngôch bunuyh tih jêh.
¹³Yorlah lor ê geh nau vay, geh jêh nau tih tâm neh ntu, ƀiălah bu mâu kơp tih ôh tơlah mâu geh nau vay. ¹⁴Ƀiălah ntơm bơh Y-Ađam tât ta Y-Môis nau khĭt chiă uănh, nđâp ma phung mâu geh nau tih tâm ban ma Y-Ađam. Nơm nây jêng nau tâm ntĭt ma nơm mra văch. ¹⁵Ƀiălah nau ăn dơm dam mâu di tâm ban ma nau tih ôh. Yor nau tih du huê, âk bunuyh veh khĭt jêh. Rlau lơn ma nau nây lĕ nau Brah Ndu yô̆ jêh ri nau ăn tâm nau yô̆ luh tă bơh du huê, Yêsu Krist mra ăn ma âk bunuyh êng tâm ban lĕ! ¹⁶Jêh ri nau ăn aơ mâu di tâm ban ma nau tât yor du huê tih ôh. Yor du ntil nau tih nau phat dôih jêng nau tâm rmal, ƀiălah nau ăn dơm dam jêng nau kơp sŏng jêh bu geh âk nau tih. ¹⁷Tơlah yor nau tih du huê nau khĭt chiă uănh jêh yor du huê nây, rlau lơn ma nau nây lĕ phung sŏk dơn âk rmeh nau yô̆ jêh ri ăn tâm nau sŏng mra chiă uănh tâm nau rêh yor du huê, Yêsu Krist, tâm ban lĕ.
¹⁸Pô nây, yor knŏng du ntil nau tih nau tâm rmal tât jêh ma lĕ rngôch bunuyh, tâm ban lĕ yor du ntil kan sŏng nau kơp sŏng ăn nau rêh tât jêh ma lĕ rngôch bunuyh. ¹⁹Yorlah, du huê mâu tông bâr âk bunuyh êng jêng tih tâm ban lĕ, yor du huê tông bâr, âk bunuyh êng mra jêng sŏng.
²⁰Jêh ri nau vay lăp jêh, gay ma nau tih jêng âk lơn; ƀiălah tă ntŭk nau tih geh âk jêh, nau yô̆ geh âk rmeh lơn, ²¹gay ma nâm bu nau tih chiă uănh jêh ma nau khĭt, tâm ban pô nây lĕ, nau yô̆ chiă uănh ma nau sŏng gay ăn nau rêh n'ho ro tâm Yêsu Krist, Kôranh Brah he.

5

Kết quả của sự xưng công bình bởi đức tin

¹ Vậy chúng ta đã được xưng công bình bởi đức tin, thì được hòa thuận với Đức Chúa Trời, bởi Đức Chúa Jêsus Christ chúng ta, ² là Đấng đã làm cho chúng ta cậy đức tin vào trong ơn nầy là ơn chúng ta hiện đương đứng vững; và chúng ta khoe mình trong sự trông cậy về vinh hiển Đức Chúa Trời. ³ Nào những thế thôi, nhưng chúng ta cũng khoe mình trong hoạn nạn nữa, vì biết rằng hoạn nạn sanh sự nhịn nhục, ⁴ sự nhịn nhục sanh sự rèn tập, sự rèn tập sanh sự trông cậy. ⁵ Vả, sự trông cậy không làm cho hổ thẹn, vì sự yêu thương của Đức Chúa Trời rải khắp trong lòng chúng ta bởi Đức Thánh Linh đã được ban cho chúng ta.
⁶ Thật vậy, khi chúng ta còn yếu đuối, Đấng Christ đã theo kỳ hẹn chịu chết vì kẻ có tội.⚓ ⁷ Vả, họa mới có kẻ chịu chết vì người nghĩa; dễ thường cũng có kẻ bằng lòng chết vì người lành. ⁸ Nhưng Đức Chúa Trời tỏ lòng yêu thương Ngài đối với chúng ta, khi chúng ta còn là người có tội, thì Đấng Christ vì chúng ta chịu chết. ⁹ Huống chi nay chúng ta đã nhờ huyết Ngài được xưng công bình, thì sẽ nhờ Ngài được cứu khỏi cơn thạnh nộ là dường nào! ¹⁰ Vì nếu khi chúng ta còn là thù nghịch cùng Đức Chúa Trời, mà đã được hòa thuận với Ngài bởi sự chết của Con Ngài, thì huống chi nay đã hòa thuận rồi, chúng ta sẽ nhờ sự sống của Con ấy mà được cứu là dường nào!
¹¹ Nào những thế thôi, chúng ta lại còn khoe mình trong Đức Chúa Trời bởi Đức Chúa Jêsus Christ chúng ta, nhờ Ngài mà chúng ta hiện nay đã được sự hòa thuận.

Tội lỗi và ân điển: A-đam với Đức Chúa Jêsus Christ

¹² Cho nên, như bởi một người mà tội lỗi vào trong thế gian, lại bởi tội lỗi mà có sự chết, thì sự chết đã trải qua trên hết thảy mọi người như vậy, vì mọi người đều phạm tội…⚓
¹³ Vì, trước khi chưa có luật pháp, tội lỗi đã có trong thế gian, song chưa có luật pháp, thì cũng không kể là tội lỗi. ¹⁴ Nhưng từ A-đam cho đến Môi-se, sự chết đã cai trị cả đến những kẻ chẳng phạm tội giống như tội của A-đam, là người làm hình bóng của Đấng phải đến. ¹⁵ Song tội lỗi chẳng phải như sự ban cho của ân điển. Vì nếu bởi tội lỗi của chỉ một người mà mọi kẻ khác đều phải chết, thì huống chi ơn của Đức Chúa Trời và sự ban cho trong ơn Ngài tỏ ra bởi một người là Đức Chúa Jêsus Christ, chan chứa cho hết thảy mọi người khác là dường nào! ¹⁶ Lại sự ban cho nầy chẳng phải như việc xảy đến bởi một người phạm tội đâu: Sự phán xét bởi chỉ một tội mà làm nên đoán phạt; nhưng sự ban cho của ân điển thì sau nhiều tội rồi, dẫn đến sự xưng công bình. ¹⁷ Vả, nếu bởi tội một người mà sự chết đã cai trị bởi một người ấy, thì huống chi những kẻ nhận ân điển và sự ban cho của sự công bình cách dư dật, họ sẽ nhờ một mình Đức Chúa Jêsus Christ mà cai trị trong sự sống là dường nào!
¹⁸ Vậy, như bởi chỉ một tội mà sự đoán phạt rải khắp hết thảy mọi người thể nào, thì bởi chỉ một việc công bình mà sự xưng công bình, là sự ban sự sống, cũng rải khắp cho mọi người thể ấy. ¹⁹ Vì, như bởi sự không vâng phục của một người mà mọi người khác đều thành ra kẻ có tội, thì cũng một lẽ ấy, bởi sự vâng phục của một người mà mọi người khác sẽ đều thành ra công bình.
²⁰ Vả, luật pháp đã xen vào, hầu cho tội lỗi gia thêm; nhưng nơi nào tội lỗi đã gia thêm, thì ân điển lại càng dư dật hơn nữa, ²¹ hầu cho tội lỗi đã cai trị làm nên sự chết thể nào, thì ân điển cũng cai trị bởi sự công bình thể ấy, đặng ban cho sự sống đời đời bởi Đức Chúa Jêsus Christ, là Chúa chúng ta.