30

Ndaawitv Mborqv Hingh Aa^maa^lekv Mienh

¹Nqa'haav taux da'faam hnoi, Ndaawitv caux jienv ninh nyei mienh daaih taux Sikc^laakv Zingh, Aa^maa^lekv Mienh zungv daaih luv ⟨Negepc⟩ yaac luv Sikc^laakv mi'aqv. Ninh mbuo mborqv hingh Sikc^laakv, yaac longc douz buov qui nzengc. ²Ninh mbuo zorqv yiem wuov norm mungv nyei yietc zungv m'sieqv dorn, liemh fu'jueiv caux domh mienh, maiv daix haaix dauh, yaac zorqv ninh mbuo dorh jienv mingh nzengc.
³Wuov zanc Ndaawitv caux jienv ninh nyei mienh daaih taux Sikc^laakv Zingh, ziouc buatc wuov norm zingh zuqc douz buov nzengc. Ninh mbuo nyei auv caux dorn sieqv zuqc Aa^maa^lekv Mienh dorh mingh nzengc. ⁴Ndaawitv caux jienv ninh nyei baeqc fingx nyiemv qiex mbui haic. Ninh mbuo nyiemv gau liemh maiv maaih qaqv aqv. ⁵Ndaawitv nyei i dauh auv se Yitv^le^en Mienh, Aa^hi^no^am, caux Kaanmen Mienh, Naa^mbaan nyei auv-guaav, mbuox heuc Aa^mbi^gaa^yin, yaac zuqc zorqv dorh jienv mingh mi'aqv.⚓ ⁶Ndaawitv kuonx hnyouv camv haic, weic zuqc baeqc fingx gorngv oix longc la'bieiv zong daic ninh aqv. Yietc zungv baeqc fingx weic ganh nyei dorn sieqv nzauh kouv haic. Mv baac Ndaawitv kaux Ziouv, ninh nyei Tin-Hungh, duqv qaqv faaux daaih.
⁷Ndaawitv gorngv mbuox Aa^hi^me^lekv nyei dorn, Aa^mbi^yaa^taa sai mienh, “Tov meih dorh ⟨efotv⟩ daaih bun yie.”⚓ Aa^mbi^yaa^taa ziouc dorh daaih bun Ndaawitv. ⁸Ndaawitv naaic Ziouv, “Yie horpc zuqc mingh zunc naaiv guanh zaqc baeng nyei fai? Yie mbuo haih zunc duqv zaaic ninh mbuo nyei fai?”
Tin-Hungh dau ninh, “Gunv mingh zunc maah! Meih ndongc haaix zungv zunc duqv zaaic ninh mbuo yaac tengx duqv meih nyei mienh.”
⁹Ndaawitv ziouc caux jienv ninh nyei luoqc baeqv dauh mienh zunc jienv Aa^maa^lekv Mienh mingh. Ninh mbuo daaih taux Mbeso Ndoqv. Nqa'haav laai wuov deix baeng ziouc dingh jienv wuov. ¹⁰Mv baac Ndaawitv ganh caux feix baeqv dauh mienh zunc jienv Aa^maa^lekv Mienh mingh. Maaih nyic baeqv dauh mienh mau haic, jiex maiv duqv Mbeso Ndoqv, ziouc dingh jienv wuov.
¹¹Ninh mbuo buangh zuqc dauh I^yipv Mienh yiem wuov ndau-njang ziouc dorh ninh daaih buangh Ndaawitv. Ninh mbuo bun njuov ninh nyanc, bun wuom ninh hopv, ¹²bun kuaaiv ngongh nyorx biouv nyei njuov ninh nyanc caux i ndunh a'ngunc biouv-nqaai. Ninh nyanc liuz ziouc henv jiez daaih, weic zuqc ninh maiv duqv nyanc hnaangx, maiv duqv hopv wuom duqv buo hnoi buo muonz aqv.
¹³Ndaawitv naaic ninh, “Meih haaix dauh nyei mienh yaac yiem haaix ndau daaih?”
Ninh dau, “Yie I^yipv Mienh, zoux Aa^maa^lekv Mienh nyei nouh, dongh buo hnoi jiex daaih naaiv yie maiv longx. Yie nyei ziouv guangc jienv yie mingh mi'aqv. ¹⁴Yie mbuo daaih luv Ke^le^ti Mienh nyei Negepc, yaac luv Yu^ndaa Deic caux Kaalepv Deic nyei Negepc. Yie mbuo longc douz buov nzengc Sikc^laakv Zingh.”
¹⁵Ndaawitv naaic ninh, “Meih haih dorh yie mbuo njiec taux wuov guanh baeng nyei fai?”
Ninh dau, “Meih oix zuqc ziangv jienv Tin-Hungh laengz waac gorngv meih maiv daix yie yaac maiv zorqv yie jiu bun yie nyei ziouv, yie ziouc dorh meih mingh taux wuov guanh zaqc baeng.”
¹⁶Ninh dorh Ndaawitv mbuo njiec taux wuov, mangc maah! Buangh wuov deix mienh yiem buangv nzengc wuov buoqv ndau. Ninh mbuo nyanc yaac hopv yaac cangx heix, weic zuqc ninh mbuo luv Fi^li^saa^die Deic-Bung caux Yu^ndaa Deic-Bung nyei nyanc hopv camv haic. ¹⁷Yiem da'nyeic ndorm lungh mbiouz-mbiouz njang nyei ziangh hoc,⚓ Ndaawitv daix jienv Aa^maa^lekv Mienh mingh taux lungh maanz-hmuangx.⚓ Maiv maaih haaix dauh duqv cuotv singx maengc cuotv liuz feix baeqv dauh mienh lunx mienh geh jienv lorh torh biaux. ¹⁸Aa^maa^lekv Mienh luv mingh nyei yietc zungv ga'naaiv Ndaawitv zorqv nzuonx nzengc daaih, liemh ninh nyei i dauh auv. ¹⁹Ninh maiv caa yietc nyungc, maiv gunv ga'naaiv cou fai ga'naaiv muonc, dorn fai sieqv, dongh ninh mbuo caangv mingh nyei ga'naaiv fai luv dorh mingh nyei ga'naaiv, Ndaawitv zorqv nzuonx nzengc. ²⁰Ndaawitv aengx zorqv Aa^maa^lekv Mienh nyei yietc zungv ngongh guanh yungh guanh. Ninh nyei mienh ziouc zunc jienv yietc zungv saeng-kuv guanh nyei wuov ndaangc maengx yaac gorngv, “Naaiv se Ndaawitv caangv duqv daaih nyei buonc.”

Bun Nqoi Caangv Daaih Nyei Ga'naaiv

²¹Ndaawitv nzuonx taux mau kouv, maiv maaih qaqv gan Ndaawitv mingh ziouc liouh jienv yiem Mbeso Ndoqv wuov deix nyic baeqv dauh. Ninh mbuo ziouc cuotv daaih zipv Ndaawitv caux gan Ndaawitv mingh nyei mienh. Ndaawitv caux ninh nyei mienh taux fatv deix, ninh ziouc zorqv yieqv gorngv wuic buangh waac bun ninh mbuo. ²²Gan Ndaawitv mingh nyei mienh maaih deix orqv mienh caux mienh waaic mienh gorngv, “Naaiv deix mienh maiv gan mbuo mingh. Mbuo caangv daaih nyei ga'naaiv mbuo maiv bun ninh mbuo. Kungx bun gorqv-mienh dorh gorqv-mienh nyei auv-jueiv mingh aqv.”
²³Mv baac Ndaawitv gorngv, “Yie nyei gorx-youz aac, meih mbuo maiv dungx hnangv naaic nor zoux bun dongh Ziouv jiu bun mbuo caangv duqv daaih nyei ga'naaiv. Ninh beu jienv mbuo yaac zorqv dongh daaih luv mbuo wuov guanh zaqc baeng jiu bun yiem mbuo nyei buoz-ndiev. ²⁴Naaiv deix sic maaih haaix dauh haih muangx meih mbuo? Mingh mborqv jaax nyei mienh duqv caangv daaih nyei ga'naaiv mbu'ziex, zuov ga'naaiv nyei mienh yaac horpc duqv mbuoqc wuov. Duqv camv zoqc, ninh mbuo oix zuqc duqv fih mbuoqc nzengc.” ²⁵Yiem naaic daaih, Ndaawitv ziouc liepc naaiv diuc leiz-fingx benx I^saa^laa^en Mienh nyei leiz-latc taux ih jaax hnoi.
²⁶Ndaawitv nzuonx taux Sikc^laakv Zingh, ninh zorqv deix caangv duqv daaih nyei ga'naaiv fungx bun ninh nyei doic, se dongh Yu^ndaa Deic-Bung nyei mienh gox. Ninh gorngv, “Yie zorqv naaiv deix zingh nyeic fungx bun meih mbuo, se yiem Ziouv nyei win-wangv caangv duqv daaih nyei ga'naaiv.”
²⁷Ndaawitv fungx zingh nyeic bun yiem Mbetc^en Zingh nyei mienh, Negepc, Laamotv Zingh caux Yaatv^ti Mungv nyei mienh, ²⁸yiem Aa^lo^e Zingh, Sipc^motv, Etc^te^mo^aa nyei mienh, ²⁹yiem Laakaan Zingh nyei mienh caux yiem Ye^laa^me^en caux Kenai Mienh nyei zingh nyei mienh, ³⁰yiem Homaa Zingh, Mbo^laa^qaan Mungv caux Aataakv Mungv nyei mienh, ³¹caux yiem He^mbo^lon Zingh nyei mienh. Ninh fungx ga'naaiv bun norm-norm dorngx nyei mienh, dongh Ndaawitv caux ninh nyei mienh jiex mingh jiex daaih nyei dorngx.

30

David Destroys the Amalekites

¹David and his men reached Ziklag on the third day. Now the Amalekites had raided the Negev and Ziklag. They had attacked Ziklag and burned it, ²and had taken captive the women and everyone else in it, both young and old. They killed none of them, but carried them off as they went on their way.
³When David and his men reached Ziklag, they found it destroyed by fire and their wives and sons and daughters taken captive. ⁴So David and his men wept aloud until they had no strength left to weep. ⁵David’s two wives had been captured—Ahinoam of Jezreel and Abigail, the widow of Nabal of Carmel. ⁶David was greatly distressed because the men were talking of stoning him; each one was bitter in spirit because of his sons and daughters. But David found strength in the Lord his God.
⁷Then David said to Abiathar the priest, the son of Ahimelek, “Bring me the ephod.” Abiathar brought it to him, ⁸and David inquired of the Lord, “Shall I pursue this raiding party? Will I overtake them?”
“Pursue them,” he answered. “You will certainly overtake them and succeed in the rescue.”
⁹David and the six hundred men with him came to the Besor Valley, where some stayed behind. ¹⁰Two hundred of them were too exhausted to cross the valley, but David and the other four hundred continued the pursuit.
¹¹They found an Egyptian in a field and brought him to David. They gave him water to drink and food to eat— ¹²part of a cake of pressed figs and two cakes of raisins. He ate and was revived, for he had not eaten any food or drunk any water for three days and three nights.
¹³David asked him, “Who do you belong to? Where do you come from?”
He said, “I am an Egyptian, the slave of an Amalekite. My master abandoned me when I became ill three days ago. ¹⁴We raided the Negev of the Kerethites, some territory belonging to Judah and the Negev of Caleb. And we burned Ziklag.”
¹⁵David asked him, “Can you lead me down to this raiding party?”
He answered, “Swear to me before God that you will not kill me or hand me over to my master, and I will take you down to them.”
¹⁶He led David down, and there they were, scattered over the countryside, eating, drinking and reveling because of the great amount of plunder they had taken from the land of the Philistines and from Judah. ¹⁷David fought them from dusk until the evening of the next day, and none of them got away, except four hundred young men who rode off on camels and fled. ¹⁸David recovered everything the Amalekites had taken, including his two wives. ¹⁹Nothing was missing: young or old, boy or girl, plunder or anything else they had taken. David brought everything back. ²⁰He took all the flocks and herds, and his men drove them ahead of the other livestock, saying, “This is David’s plunder.”
²¹Then David came to the two hundred men who had been too exhausted to follow him and who were left behind at the Besor Valley. They came out to meet David and the men with him. As David and his men approached, he asked them how they were. ²²But all the evil men and troublemakers among David’s followers said, “Because they did not go out with us, we will not share with them the plunder we recovered. However, each man may take his wife and children and go.”
²³David replied, “No, my brothers, you must not do that with what the Lord has given us. He has protected us and delivered into our hands the raiding party that came against us. ²⁴Who will listen to what you say? The share of the man who stayed with the supplies is to be the same as that of him who went down to the battle. All will share alike.” ²⁵David made this a statute and ordinance for Israel from that day to this.
²⁶When David reached Ziklag, he sent some of the plunder to the elders of Judah, who were his friends, saying, “Here is a gift for you from the plunder of the Lord’s enemies.”
²⁷David sent it to those who were in Bethel, Ramoth Negev and Jattir; ²⁸to those in Aroer, Siphmoth, Eshtemoa ²⁹and Rakal; to those in the towns of the Jerahmeelites and the Kenites; ³⁰to those in Hormah, Bor Ashan, Athak ³¹and Hebron; and to those in all the other places where he and his men had roamed.