10
Tô-la
1Toâq vớt Abi-maléc cuchĩt, Tô-la con samiang Puah, châu Dô-dô, tỗp I-sacar ễn toâq rachuai tỗp I-sarel. Án ỡt tâng vil Samir tâng máh dũal cớp cóh cruang Ep-ra-im.
2Án cỡt sốt tỗp I-sarel bar chít la pái cumo; vớt ki án cuchĩt, cớp noau tứp án pỡ vil Samir.
Yai
3Vớt Tô-la cuchĩt, Yai tễ cruang Ki-liat ễn cỡt sốt cũai I-sarel bar chít la bar cumo.
4Án bữn con samiang pái chít náq dốq ỡt aséh dễn pái chít lám. Tỗp alới cỡt sốt tâng pái chít vil tâng cruang Ki-liat. Toau tangái nâi bữn cũai noâng dŏq máh vil ki la vil Yai.
5Toâq Yai cuchĩt, noau tứp án pỡ vil Camôn.
Yêp-thê
6Muoi trỗ ễn cũai I-sarel táq lôih chóq Yiang Sursĩ alới na cucốh sang máh yiang Ba-al cớp At-taret, cớp yiang tỗp Si-ri, Sadôn, Mô-ap, Amôn, cớp Phi-li-tin. Tỗp alới calỡih táh Yiang Sursĩ, cớp tỡ ễq sang noâng án.
7Yuaq ngkíq, Yiang Sursĩ cutâu mứt chóq cũai I-sarel. Chơ án yỗn tỗp Phi-li-tin cớp tỗp Amôn bữn chíl riap alới.
8Muoi chít tacual cumo cũai Amô-rit padâm cũai I-sarel ỡt tâng cutễq tỗp alới ndỡm, yáng angia mandang loŏh crỗng Yôr-dan tâng cruang Ki-liat.
9Cớp tỗp Amôn clong crỗng Yôr-dan pỡq chíl máh tỗp Yuda, Ben-yamin, cớp Ep-ra-im. Yuaq ngkíq, cũai I-sarel ma ramóh túh coat lứq.
10Chơ tỗp I-sarel arô sễq Yiang Sursĩ chuai; alới pai neq: “Nheq tữh tỗp hếq khoiq táq lôih chóq Ncháu chơ. Tỗp hếq khoiq nguai tễ Yiang Sursĩ, la Yiang hếq, chơ pỡq cucốh sang máh yiang Ba-al.”
11Yiang Sursĩ ta‑ỡi tỗp I-sarel neq: “Cứq khoiq chuai tỗp anhia yỗn vớt tễ talang atĩ máh tỗp neq: Ê-yip-tô, Amô-rit, Amôn, Phi-li-tin,
12Sadôn, A-maléc, cớp Ma-ôn, la cỗ anhia arô cứq yỗn toâq chuai bo alới padâm anhia.
13Ma tỗp anhia noâng nguai tễ cứq, cớp pỡq cucốh sang máh yiang canŏ́h. Ngkíq cứq tỡ ễq chuai noâng tỗp anhia.
14Toâq anhia ramóh túh coat, cóq anhia arô sễq tễ yiang anhia rưoh ki ễn; yỗn yiang ki toâq chuai tỗp anhia yỗn vớt tễ túh coat.”
15Ma cũai I-sarel rasễq níc tễ Yiang Sursĩ neq: “Nheq tữh hếq khoiq táq lôih chóq anhia chơ; sễq anhia táq chóq tỗp hếq puai pahỡm anhia sâng yoc. Ma sễq anhia chuai tỗp hếq bữn vớt tâng tangái nâi, la péq toâp!”
16Yuaq ngkíq, nheq tữh alới cachian táh máh yiang canŏ́h, tỡ ễq sang noâng. Chơ alới píh loah sang toam Yiang Sursĩ. Ngkíq Yiang Sursĩ sâng túh lứq tâng mứt, cỗ án hữm ŏ́c túh coat tỗp alới.
17Chơ tahan tỗp Amôn thrũan ễ loŏh chíl; alới pỡq ayứng dỗn pỡ cruang Ki-liat. Ma tỗp I-sarel rôm parnơi pỡ vil Mit-ba, cruang Ki-liat.
18Tâng ntốq ki máh cũai sốt tễ dũ tỗp I-sarel manoaq blớh manoaq neq: “Cũai aléq ayông tỗp hái mut chíl tỗp Amôn, cũai ki têq cỡt sốt dũ náq cũai tâng cruang Ki-liat nâi.”
10
陀拉
1亚比米勒以后，陀拉兴起，拯救以色列，他是朵多的孙子，普瓦的儿子，以萨迦人，住在以法莲山区的沙密。
2陀拉作以色列的士师二十三年。他死了，葬在沙密。
睚珥
3陀拉以后有基列人睚珥兴起，作以色列的士师二十二年。
4他有三十个儿子，骑着三十匹驴驹。他们有三十座城，叫作哈倭特．睚珥，直到如今，都在基列地。
5睚珥死了，葬在加们。
耶弗他
6以色列人又行耶和华眼中看为恶的事，去事奉诸巴力和亚斯她录，以及亚兰的神明、西顿的神明、摩押的神明、亚扪人的神明、非利士人的神明。他们离弃耶和华，不事奉他。
7耶和华的怒气向以色列发作，把他们交给非利士人和亚扪人的手中。
8从那年起，他们欺压迫害以色列人，在约旦河东，亚摩利人境内，基列一带所有的以色列人，长达十八年。
9亚扪人渡过约旦河去攻打犹大和便雅悯，以及以法莲家族。以色列的处境非常困苦。
10以色列人哀求耶和华说：“我们得罪了你，因为我们离弃了我们的上帝，去事奉诸巴力。”
11耶和华对以色列人说：“我岂没有救你们脱离埃及人、亚摩利人、亚扪人和非利士人吗？
12西顿人、亚玛力人和马云人⚓欺压你们，你们哀求我，我也拯救你们脱离他们的手。
13你们竟离弃我去事奉别神！所以我不再救你们了。
14你们去哀求你们所选择的神明；你们遭遇急难的时候，让它们救你们吧！”
15以色列人对耶和华说：“我们犯罪了，照你看为好的待我们，只求你今日拯救我们吧！”
16以色列人就除掉他们中间的外邦神明，事奉耶和华。耶和华因以色列所受的苦难而心里焦急。
17亚扪人被召来，在基列安营；以色列人也聚集，在米斯巴安营。
18基列百姓中的领袖彼此说：“谁领先出去攻打亚扪人，谁就作基列所有居民的领袖。”