18
Yo^naa^taan Caux Ndaawitv Laengz Jiez Ngaengc Waac
1Ndaawitv caux Saulo gorngv liuz waac, Yo^naa^taan za'gengh hnamv haic Ndaawitv, zungv hnamv ndongc hnamv ninh ganh nyei maengc.
2Wuov hnoi Saulo liouh jienv Ndaawitv caux ninh yiem, maiv bun nzuonx ninh nyei die nyei biauv.
3Yo^naa^taan ziouc caux Ndaawitv ⟨laengz jiez ngaengc waac,⟩ weic zuqc ninh hnamv Ndaawitv ndongc hnamv ninh ganh nyei maengc.
4Yo^naa^taan ziouc jaiv ninh nyei lui-ndaauv caux mborqv jaax nyei lui, liemh ninh nyei nzuqc ndaauv caux juang-zinx caux houx-hlaang bun Ndaawitv.
5Maiv gunv Saulo paaiv Ndaawitv mingh zoux haaix nyungc, Ndaawitv yaac zoux duqv cuotv nyei. Saulo ziouc orn Ndaawitv zoux jun-baeng nyei bieiv. Hnangv naaiv zoux, zuangx baeqc fingx caux Saulo nyei jien yietc zungv a'hneiv nyei.
Saulo Mueic Jieqv Ndaawitv
6Ndaawitv daix liuz wuov dauh Fi^li^saa^die Mienh, caux jienv zuangx mienh nzuonx wuov zanc, maaih deix m'sieqv dorn yiem I^saa^laa^en nyei zuangx zingh cuotv daaih cangx heix baaux jienv nzung daaih zipv Saulo Hungh. Ninh mbuo njien-youh nyei baaux nzung mborqv lorh mborqv nzoz yaac patv daanh baah.
7Wuov deix m'sieqv dorn yietc binc cangx heix, yietc binc baaux nzung, dau jaax gorngv,
“Saulo daix mienh benx cin-cin,
Ndaawitv daix mienh benx waanc-waanc.”⚓
8Saulo za'gengh! qiex jiez haic. Naaiv deix waac maiv horpc ninh nyei hnyouv. Ninh gorngv, “Ninh mbuo ceng Ndaawitv daix mienh benx waanc-waanc, mv baac ninh mbuo gorngv yie daix mienh benx cin-cin hnangv. Cuotv liuz guoqv zaangc Ndaawitv aengx haih duqv haaix nyungc?”
9Yiem wuov hnoi daaih Saulo bungx m'zing mangc jienv Ndaawitv.
10Da'nyeic hnoi maaih dauh orqv nyei mienv yiem Tin-Hungh daaih morh Saulo. Saulo yiem ganh nyei biauv qaqv gorngv maiv nzang nyei waac. Ndaawitv hnangv yietc gau patv daanh baah bun Saulo muangx. Saulo nyei buoz nanv jienv cang.
11Saulo ziouc biu cang mingh. Ninh yiem hnyouv hnamv, “Yie oix nzopv Ndaawitv bangc njongc ding jienv.” Mv baac i nzunc Ndaawitv zungv simv ndutv mi'aqv.
12Saulo ziouc gamh nziex Ndaawitv, weic zuqc Ziouv caux Ndaawitv yiem mv baac leih nqoi Saulo mi'aqv.
13Hnangv naaic Saulo heuc suiv Ndaawitv mingh leih nqoi ninh, yaac orn ninh gunv yietc cin dauh baeng. Ndaawitv dorh baeng bieqc bieqc cuotv-cuotv nyei mborqv jaax.
14Maiv gunv Ndaawitv zoux haaix nyungc ninh yaac zoux duqv cuotv nyei, weic zuqc Ziouv caux ninh yiem.
15Saulo buatc Ndaawitv zoux duqv cuotv nyungc-nyungc ninh ziouc gamh nziex haic Ndaawitv.
16Mv baac I^saa^laa^en nyei zuangx mienh caux Yu^ndaa Mienh hnamv Ndaawitv, weic zuqc Ndaawitv zanc-zanc dorh ninh mbuo bieqc bieqc cuotv-cuotv.
17Saulo gorngv mbuox Ndaawitv, “Naaiv se yie nyei sieqv-hlo, mbuox heuc Melaapv. Yie oix bun meih longc zoux auv. Meih kungx oix zuqc weic yie zoux daamv hlo, tengx Ziouv mborqv jaax.” Weic zuqc Saulo yiem hnyouv hnamv, “Yie maiv longc yie nyei buoz hoic ninh. Yie bun Fi^li^saa^die Mienh hoic ninh hnangv.”
18Ndaawitv dau Saulo, “Yiem I^saa^laa^en Guoqv yie dongh haaix dauh? Yie nyei cien-ceqv fai yie nyei die nyei douh zong yaac dongh haaix dauh? Yie fungc haih puix duqv zoux hungh diex nyei sieqv-laangh?”
19Nqa'haav taux ziangh hoc bungx Saulo nyei sieqv, Melaapv, jiu bun Ndaawitv, mv baac Saulo bungx bun Aatc^li^en Mienh, Me^hox^laa, longc zoux auv mi'aqv.
20Saulo nyei ganh dauh sieqv, Mikaan, hnamv Ndaawitv. Maaih mienh mingh mbuox Saulo. Saulo yaac horpc hnyouv nyei.
21Saulo yiem hnyouv hnamv, “Yie bungx yie nyei sieqv bun ninh weic bun yie nyei sieqv hnangv hlaang hlopv jienv ninh, Fi^li^saa^die Mienh nyei buoz ziouc haih hoic ninh aqv.” Hnangv naaic, Saulo ziouc gorngv da'nyeic nzunc mbuox Ndaawitv, “Meih oix zuqc zoux yie nyei sieqv-laangh.”
22Saulo gorngv mbuox ninh nyei bou, “Oix zuqc bingx jienv gorngv mbuox Ndaawitv, ‘Hungh diex a'hneiv haic meih. Hungh diex nyei yietc zungv bou yaac hnamv meih. Hnangv naaic, meih gunv zoux hungh diex nyei sieqv-laangh aqv’+”
23Saulo nyei bou ziouc zorqv naaiv deix waac gorngv bun Ndaawitv muangx, mv baac Ndaawitv gorngv “Meih mbuo laaic zoux hungh diex nyei sieqv-laangh se faix-fiuv nyei sic fai? Yie benx mienh jomc mienh, maiv maaih haaix nyungc mengh hoc nyei mienh.”
24Saulo nyei bou mbuox Saulo, “Ndaawitv hnangv naaiv gorngv.”
25Saulo gorngv mbuox ninh mbuo, “Meih mbuo gunv hnangv naaiv gorngv mbuox Ndaawitv, ‘Hungh diex maiv longc haaix nyungc leiz-ging. Kungx oix longc Fi^li^saa^die Mienh nyei yietc baeqv norm jaix-zueiv ndopv weic jaauv siouh bun hungh diex nyei win-wangv.’+” Saulo daav za'eix bun Fi^li^saa^die Mienh nyei buoz daix Ndaawitv.
26Wuov deix bou ziouc gorngv naaiv deix waac bun Ndaawitv muangx. Ndaawitv ziouc buangv hnyouv zoux hungh diex nyei sieqv-laangh. Dingc ziangx nyei ziangh hoc maiv gaengh taux,
27Ndaawitv caux gan ninh nyei mienh mingh daix nyic baeqv dauh Fi^li^saa^die Mienh. Ndaawitv ziouc dorh wuov deix mienh nyei yietc zungv jaix-zueiv ndopv daaih zorqv buangv soux mouc bun hungh diex weic bun ninh duqv zoux hungh diex nyei sieqv-laangh. Saulo ziouc zorqv ninh nyei sieqv Mikaan, bungx bun Ndaawitv longc zoux auv.
28Saulo mangc yaac hiuv duqv Ziouv caux Ndaawitv yiem. Saulo nyei sieqv Mikaan yaac hnamv Ndaawitv.
29Saulo ziouc gauh fatv gamh nziex Ndaawitv. Hnangv naaic Saulo zanc-zanc zoux Ndaawitv nyei win-wangv.
30Fi^li^saa^die Mienh nyei baeng-bieiv zanc-zanc cuotv daaih mborqv jaax. Maiv gunv ninh mbuo cuotv daaih mbu'ziex nzunc, Ndaawitv mborqv hingh gauh camv Saulo nyei zuangx baeng-bieiv. Ndaawitv ziouc duqv mengh dauh hlo haic.
18
大衛與約拿單
1大衛對掃羅說完了話，約拿單的心與大衛的心深相契合。約拿單愛大衛，如同愛自己的性命。
2那日掃羅留住大衛，不讓他回父家。
3約拿單愛大衛如同愛自己的性命，就與他立約。
4約拿單從身上脫下外袍，給了大衛，又把戰衣、刀、弓、腰帶都給了他。
5掃羅無論差遣大衛往何處去，他都做事精明。掃羅立他作軍隊的指揮官，眾百姓和掃羅的臣僕都看為美。
掃羅妒忌大衛
6大衛打死了那非利士人，同眾人回來的時候，婦女們從以色列各城裏出來，歡歡喜喜，打鼓奏樂，唱歌跳舞，迎接掃羅王。
7眾婦女歡樂唱和，說：
「掃羅殺死千千，
大衛殺死萬萬。」
8掃羅非常憤怒，不喜歡這話。他說：「將萬萬歸給大衛，千千歸給我，只剩下王國沒有給他！」
9從這日起，掃羅就敵視大衛。
10次日，從上帝來的邪靈緊抓住掃羅，他就在家中胡言亂語。大衛照常彈琴，掃羅手裏拿着槍。
11掃羅把槍一擲，心裏說：「我要將大衛刺透，釘在牆上。」大衛閃避了他兩次。
12掃羅懼怕大衛，因為耶和華離開自己，與大衛同在。
13所以掃羅叫大衛離開自己，立他為千夫長，他就領兵出入。
14大衛所做的每一件事都精明，耶和華也與他同在。
15掃羅見大衛做事精明，就更怕他。
16但以色列和猶大眾人都愛大衛，因為他領他們出入。
大衛娶掃羅的女兒
17掃羅對大衛說：「看哪，我將大女兒米拉嫁給你，只要你作我的勇士，為耶和華爭戰。」掃羅心裏說：「我不好親手害他，要藉非利士人的手害他。」
18大衛對掃羅說：「我是誰，我是甚麼出身，我父家在以色列中算甚麼，豈敢作王的女婿呢？」
19掃羅的女兒米拉到了當嫁給大衛的時候，掃羅卻將她嫁給了米何拉人亞得列。
20掃羅的女兒米甲愛大衛。有人告訴掃羅，這件事在掃羅眼中看為合宜。
21掃羅心裏說：「我把這女兒嫁給大衛，作他的圈套，好藉非利士人的手害他。」所以掃羅第二次對大衛說：「你今日可以作我的女婿。」
22掃羅吩咐臣僕：「你們暗中對大衛說：『看哪，王喜歡你，王的臣僕也都愛戴你，現在你就作王的女婿吧。』」
23掃羅的臣僕照這話說給大衛聽。大衛說：「你們把作王的女婿看為小事嗎？我是貧窮卑微的人。」
24掃羅的臣僕回奏說，大衛說了這樣的話。
25掃羅說：「你們要對大衛這樣說：『王不要甚麼聘禮，只要一百非利士人的包皮，好在王的仇敵身上報仇。』」掃羅的意圖是要大衛落在非利士人的手中。
26掃羅的臣僕把這話告訴大衛，大衛就歡喜作王的女婿。日期還沒有到，
27大衛和跟隨他的人起來前往，殺了二百⚓非利士人，將包皮足數交給王，為要作王的女婿。於是掃羅將女兒米甲嫁給大衛。
28掃羅見耶和華與大衛同在，女兒米甲又愛大衛，
29就更怕大衛，常常與大衛為敵。
30每逢非利士的軍官出來打仗，大衛做事比掃羅任何臣僕更精明，因此他的名極受尊重。