37

Klei Hnŭk Ênang Phung Knang kơ Yêhôwa. Klei Rŭng Răng kơ Phung Ƀai

Klei mmuñ hđăp Y-Đawit.

¹Đăm rŭng răng ôh kyua phung ngă ƀai,
kăn tluh kơ phung ngă klei soh rei.
²Amâo sui ôh diñu srăng dliu msĕ si rơ̆k,
leh anăn krô msĕ si rơ̆k mtah.
³Knang bĕ kơ Yêhôwa leh anăn ngă klei jăk;
dôk bĕ hlăm čar leh anăn hdĭp hŏng klei sĭt suôr Ñu.
⁴Mơak bĕ hlăm Yêhôwa,
leh anăn ñu srăng brei kơ ih klei ai tiê ih čiăng.
⁵Jao êlan ih kơ Yêhôwa;
knang kơ ñu, leh anăn ñu srăng ngă klei anăn.
⁶Ñu srăng bi êdah klei kpă ênô ih msĕ si klei mngač,
leh anăn klei djŏ ih msĕ si yang hruê dơ̆ng.

⁷Dôk kriêp ti anăp Yêhôwa, leh anăn čang guôn kơ ñu;
đăm rŭng răng ôh kyua sa čô dưi hlăm klei ñu ngă,
kyua pô dưi ngă klei jhat ñu čiăng.
⁸Đăm ăl ôh, lui klei ngêñ!
Đăm rŭng răng ôh; klei anăn srăng atăt ih knŏng kơ klei jhat.
⁹Kyuadah arăng srăng bi rai hĕ phung ƀai;
ƀiădah phung čang guôn kơ Yêhôwa srăng dưn lăn ala.
¹⁰Adôk ƀiă amâo srăng lŏ ƀuh phung ƀai ôh;
wăt tơdah ih duah bi nik ti anôk diñu dôk leh,
diñu amâo lŏ dôk tinăn ôh.
¹¹ Ƀiădah phung luă gŭ srăng mă bha lăn čar,
leh anăn srăng dôk hơ̆k mơak kyua mâo mnơ̆ng êbeh dlai.

¹²Pô ƀai trông čhai čiăng ngă kơ pô kpă,
leh anăn ñu kriêt êgei čiăng ngă kơ gơ̆.
¹³Ƀiădah Yêhôwa tlao mưč kơ pô ƀai,
kyuadah ñu ƀuh hruê pô ƀai srăng rai.
¹⁴Phung ƀai suê̆ đao gưm leh anăn ƀêč hna diñu,
čiăng bi êbuh pô ƀun ƀin leh anăn pô kƀah mnơ̆ng,
čiăng bi mdjiê phung êbat hŏng klei kpă.
¹⁵Đao gưm diñu srăng tlŏ tiê boh diñu pô,
leh anăn hna diñu srăng joh hĕ.

¹⁶Ƀiă mnơ̆ng pô kpă mâo
jing jăk hĭn kơ mnơ̆ng êbeh dlai lu phung ƀai mâo.
¹⁷Kyuadah păl phung ƀai arăng srăng bi joh;
ƀiădah Yêhôwa krơ̆ng phung kpă.
¹⁸Yêhôwa thâo hruê phung kpă,
leh anăn ngăn dưn diñu srăng dôk nanao.
¹⁹Diñu amâo hêñ ôh êjai klei knap mñai,
hlăm hruê ư̆ êpa diñu mâo mnơ̆ng êbeh dlai.
²⁰Ƀiădah phung ƀai srăng rai tuč;
phung roh Yêhôwa jing msĕ si klei siam kdrăn rơ̆k:
diñu rai tuč, luč msĕ si săp pui.
²¹Pô ƀai čan leh anăn amâo bi wĭt ôh,
ƀiădah pô kpă thâo kmah leh anăn ñu brei čan.
²²Kyuadah phung Aê Diê hơêč hmưi leh srăng mă bha lăn čar,
ƀiădah phung ñu tăm pah arăng srăng bi rai hĕ.

²³Yêhôwa atăt gai knhuang sa čô mnuih,
leh anăn ñu bi kjăp pô êbat hlăm êlan bi mơak kơ ñu.
²⁴Wăt tơdah digơ̆ êbuh, digơ̆⁺ amâo srăng rai ôh,
kyuadah Yêhôwa krơ̆ng digơ̆⁺ hŏng kngan ñu.
²⁵Kâo jing leh hlăk ai, ară anei kâo mduôn leh;
ƀiădah kâo amâo tuôm ƀuh ôh arăng lui hĕ pô kpă,
amâodah ƀuh phung anak ñu hiu dan akâo mnơ̆ng ƀơ̆ng huă.
²⁶Ñu thâo brei pap leh anăn brei arăng čan nanao,
leh anăn phung anak ñu jing akŏ klei jăk jĭn.

²⁷Lui klei jhat leh anăn ngă klei jăk;
snăn ih srăng dôk hlăm lăn čar hlŏng lar.
²⁸Kyuadah Yêhôwa khăp kơ klei kpă;
ñu amâo srăng lui ôh phung doh jăk ñu.
Ñu kiă kriê phung kpă nanao,
ƀiădah phung anak pô ƀai arăng srăng bi rai hĕ.
²⁹Phung kpă srăng dưn čar,
leh anăn diñu srăng dôk tinăn nanao.
³⁰Ƀăng êgei pô kpă ênô blŭ klei thâo mĭn,
leh anăn êlah ñu hưn klei kpă.
³¹Klei bhiăn Aê Diê ñu dôk hlăm ai tiê ñu;
jơ̆ng ñu amâo ksak ôh.

³²Pô ƀai kăp ngă kơ pô kpă ênô,
leh anăn duah bi mdjiê gơ̆.
³³Yêhôwa amâo srăng lui gơ̆ hlăm kngan pô ƀai ôh,
amâodah lui arăng bi kmhal gơ̆ ti hruê phat kđi.
³⁴Čang guôn bĕ kơ Yêhôwa, tui êlan ñu,
leh anăn ñu srăng brei ih dưi dưn lăn čar;
ih srăng ƀuh tơdah arăng bi rai phung ƀai.

³⁵Kâo ƀuh leh pô ƀai ngă hŏng klei ktang,
ñu jing dlông msĕ si sa ƀĕ ana kyâo sêdar.
³⁶Ƀiădah kâo lŏ găn, leh anăn nĕ anei, ñu amâo lŏ dôk tinăn ôh;
wăt tơdah kâo duah ñu leh, kâo amâo dưi ƀuh ñu ôh.
³⁷Ksiêm bĕ kơ mnuih jăk leh anăn dlăng kơ mnuih kpă,
kyuadah anak čô sa čô mnuih êđăp ênang srăng dôk nanao.
³⁸Ƀiădah phung gao klei bhiăn srăng rai jih;
arăng srăng bi rai anak čô pô ƀai.
³⁹Klei bi mtlaih phung kpă kbiă hriê mơ̆ng Yêhôwa;
ñu jing anôk đuĕ dăp kơ digơ̆ êjai mâo klei knap mñai.
⁴⁰Yêhôwa đru digơ̆ leh anăn bi mtlaih digơ̆;
ñu dŏng digơ̆ mơ̆ng phung ƀai leh anăn bi êngiê digơ̆,
kyuadah digơ̆ đuĕ dăp hlăm ñu.

37

Thơ Đa-vít

¹Đừng bực tức vì kẻ bất lương,
Đừng ghen tị kẻ làm điều phi pháp,
²Vì họ sẽ như cỏ héo hắt,
Tàn tạ như cỏ xanh bị cắt.
³Hãy tin cậy Chúa và làm điều thiện,
An cư lạc nghiệp,⚓ bồi dưỡng tâm thân
⁴Hãy vui thỏa trong Chúa Hằng Hữu,
Ngài sẽ cho con điều ước mơ.
⁵Hãy giao phó mọi việc cho Chúa,
Hết lòng tin cậy Ngài,
Ngài sẽ giúp đỡ con,
⁶Ngài sẽ làm sáng tỏ lý cớ của con,
Lòng ngay thẳng sẽ rực rỡ dưới ánh dương.
⁷Hãy yên lặng trước Chúa Hằng Hữu
Và bền lòng chờ đợi Ngài;
Đừng bực bội vì kẻ ác thành công,
Khi họ thực hiện mưu sâu kế độc.
⁸Hãy kìm hãm cơn nóng nảy, giận cuồng,
Sự nóng giận chỉ xui con làm ác.
⁹Vì kẻ ác rồi sẽ bị diệt vong,
Còn ai chờ Chúa được nhiều ruộng nương.
¹⁰Chẳng bao lâu, kẻ ác sẽ không còn,
Dù muốn tìm, cũng chẳng bao giờ thấy.
¹¹Nhưng người khiêm nhu sẽ thừa hưởng đất đai,
Và vui cảnh thái bình.
¹²Kẻ ác giận dữ nghiến răng,
Âm mưu hại người công chính,
¹³Nhưng Thượng Đế cười vang,
Vì Ngài biết ngày đoán phạt họ đã gần.
¹⁴Kẻ ác tuốt kiếm, giương cung
Để hại người nghèo thiếu, khốn cùng,
Và giết người ngay lành;
¹⁵Nhưng gươm sẽ đâm ngược vào tim họ,
Và cung tên họ cũng gãy tan.
¹⁶Chút đỉnh tài vật của người công chính,
Còn quý hơn của cải dư dật của nhiều kẻ ác.
¹⁷Vì tay kẻ ác sẽ gãy nát,
Nhưng Chúa nâng đỡ người hiền lương.
¹⁸Chúa biết số ngày người thiện lành,
Ngài cho họ cơ nghiệp vĩnh cửu.
¹⁹Họ không tuyệt vọng lúc khó khăn,⚓
Giữa nạn đói kém vẫn no đủ.
²⁰Nhưng kẻ ác sẽ hư vong,
Các kẻ thù Chúa Hằng Hữu sẽ biến mất,
Như cỏ hoa ngoài dồng,
Tiêu tan như mây khói.
²¹Kẻ ác mượn rồi không trả,
Nhưng người công chính rộng lòng cho không.
²²Ai được Chúa ban phúc,
Sẽ thừa hưởng đất đai;
Còn Ngài nguyền rủa ai,
Họ hẳn bị tiêu diệt.
²³Chúa Hằng Hữu xếp đặt bước đi của
người công chính,⚓
Ngài ưa thích đường lối người.
²⁴Dù vấp ngã, người không nằm dài,
Vì có Chúa Hằng Hữu nắm tay.
²⁵Từ lúc thiếu niên cho đến tuổi già,
Tôi chưa thấy Chúa bỏ rơi người công chính,
Hoặc để con cháu họ đi ăn mày.
²⁶Họ luôn luôn rộng rãi cho vay,
Dòng dõi họ hưởng phúc đầy tràn.
²⁷Người bỏ điều ác, làm điều lành
Sẽ có nhà ở trường tồn.
²⁸Vì Chúa Hằng Hữu yêu điều ngay thẳng,
Không bỏ rơi người thánh của Ngài,
Nhưng bảo vệ họ luôn luôn;
Còn dòng dõi kẻ ác bị diệt vong.
²⁹Người công chính sẽ thừa hưởng đất đai,
Và sống tại đó mãi mãi.
³⁰Người công chính nói lời khôn ngoan,
Miệng lưỡi luôn thật thà đoan chính,
³¹Người gìn giữ luật pháp Chúa trong lòng,
Nên bước đi vững vàng.
³²Những kẻ ác rình rập đợi chờ,
Tìm phương giết người công chính,
³³Nhưng Chúa không phó người cho họ,
Cũng không kết tội khi người bị xét xử.
³⁴Hãy chờ đợi Chúa Hằng Hữu,
Và vâng giữ đường lối Ngài,
Ngài sẽ nâng đỡ đề cao,
Cho con thừa hưởng đất đai,
Con sẽ thấy kẻ ác bị hủy diệt.
³⁵Ta đã chứng kiến kẻ độc ác, bạo tàn
Bành trướng như cây bách Li-ban.⚓
³⁶Nhưng nó qua đi, không còn nữa,
Ta tìm kiếm, nhưng chẳng thấy.
³⁷Con hãy nhìn người thiện hảo, ngay lành,
Cuộc đời họ kết thúc trong bình an.
³⁸Còn kẻ ác⚓ cùng nhau bị diệt,
Họ đâu còn con cháu, tương lai.
³⁹Chúa Hằng Hữu cứu người công chính,
Ngài là nơi ẩn trú lúc gian nan.
⁴⁰Chúa Hằng Hữu đưa tay cứu giúp,
Vì họ tin cậy, nương náu nơi Ngài,
Ngài giải cứu họ khỏi phường ác gian.