40

Klei Mmuñ Bi Mni

Kơ khua phung mmuñ. Klei mmuñ hđăp Y-Đawit.

¹Kâo gĭr leh čang guôn kơ Yêhôwa;
leh anăn ñu mđing knga hmư̆ leh klei kâo kwưh akâo.
²Ñu ktŭng mă kâo leh mơ̆ng ƀăng êlam klei bi rai, mơ̆ng lŭ čhông,
leh anăn dưm jơ̆ng kâo ti dlông boh tâo;
ñu bi kjăp leh knhuang kâo.
³Ñu dưm leh sa klei mmuñ mrâo hlăm ƀăng êgei kâo,
sa klei mmuñ bi mni kơ Aê Diê drei.
Lu mnuih srăng ƀuh klei anăn leh anăn huĭ,
leh anăn diñu srăng knang kơ Yêhôwa.

⁴Jăk mơak yơh pô knang kơ Yêhôwa,
pô amâo tui phung mgao ôh,
kăn tui phung klah đuĕ duah yang soh rei.
⁵Ơ Yêhôwa Aê Diê kâo, ih bi lar bruă yuôm bhăn ih ngă leh,
leh anăn klei ih mĭn kơ hmei;
amâo mâo pô dưi bi msĕ hŏng ih ôh!
Tơdah kâo bi êdah leh anăn hưn klei anăn,
diñu lu đei tơl arăng amâo dưi yap ôh.

⁶ Ih amâo čiăng ôh kơ mnơ̆ng ngă yang leh anăn mnơ̆ng myơr;
ƀiădah ih pŏk leh knga kâo.
Ih amâo čiăng ôh
mnơ̆ng myơr čuh leh anăn mnơ̆ng ngă yang kơ klei soh.
⁷Snăn kâo lač, “Nĕ anei, kâo hriê;
hlăm hdruôm hră klĭt arăng čih leh djŏ kơ kâo;
⁸kâo mơak ngă klei ih čiăng, Ơ Aê Diê kâo;
klei bhiăn ih dôk hlăm ai tiê kâo.”

⁹Kâo hưn leh hlăm klei bi kƀĭn prŏng
klei mrâo mrang jăk kơ klei kpă ênô;
nĕ anei, kâo amâo kđhĭp ƀăng kƀông kâo ôh,
Ơ Yêhôwa, ih thâo leh klei anăn.
¹⁰Kâo amâo mdăp ôh klei kpă ênô ih hlăm ai tiê kâo,
kâo hưn leh klei sĭt suôr ih leh anăn klei ih bi mtlaih;
kâo amâo mdăp ôh klei khăp ih leh anăn klei sĭt suôr ih
mơ̆ng klei bi kƀĭn prŏng.

¹¹Ơ Yêhôwa, đăm hngah ôh kơ kâo klei pap ih;
brei klei khăp ih leh anăn klei sĭt suôr ih kiă kriê kâo nanao.
¹²Kyuadah lu klei jhat dôk jŭm kâo tơl kâo amâo dưi yap;
klei wê hmao kâo leh tơl kâo amâo dưi ƀuh ôh;
diñu jing êbeh hĭn kơ ƀŭk ti dlông boh kŏ kâo
leh anăn kâo êdu ai.

¹³Ơ Yêhôwa, brei ih mâo klei mơak bi mtlaih kâo!
Ơ Yêhôwa, ruăt dŏng kâo bĕ.
¹⁴Brei ih bi hêñ leh anăn bi lŭk lăk klei mĭn
jih jang phung duah bi mdjiê kâo;
brei ih bi kdŭn hĕ leh anăn bi hêñ
phung čiăng ngă jhat kơ kâo!
¹⁵Brei phung lač kơ kâo, “Ah! Hah!”
jing ngŏk hđô kyua klei diñu hêñ.
¹⁶Ƀiădah brei jih jang phung duah ih hơ̆k leh anăn mơak hlăm ih;
brei phung khăp kơ klei bi mtlaih ih lač nanao, “Yêhôwa jing prŏng!”
¹⁷Kâo jing ƀun ƀin leh anăn knap;
brei Khua Yang mĭn kơ kâo.
Ih jing pô đru kâo leh anăn pô bi êngiê kâo;
Ơ Aê Diê kâo, đăm lŏ bi krư̆i ôh.

40

For the director of music. Of David. A psalm.

¹I waited patiently for the Lord;
he turned to me and heard my cry.
²He lifted me out of the slimy pit,
out of the mud and mire;
he set my feet on a rock
and gave me a firm place to stand.
³He put a new song in my mouth,
a hymn of praise to our God.
Many will see and fear the Lord
and put their trust in him.

⁴Blessed is the one
who trusts in the Lord,
who does not look to the proud,
to those who turn aside to false gods.⚓
⁵Many, Lord my God,
are the wonders you have done,
the things you planned for us.
None can compare with you;
were I to speak and tell of your deeds,
they would be too many to declare.

⁶Sacrifice and offering you did not desire—
but my ears you have opened⚓ —
burnt offerings and sin offerings⚓ you did not require.
⁷Then I said, “Here I am, I have come—
it is written about me in the scroll.⚓
⁸I desire to do your will, my God;
your law is within my heart.”

⁹I proclaim your saving acts in the great assembly;
I do not seal my lips, Lord,
as you know.
¹⁰I do not hide your righteousness in my heart;
I speak of your faithfulness and your saving help.
I do not conceal your love and your faithfulness
from the great assembly.

¹¹Do not withhold your mercy from me, Lord;
may your love and faithfulness always protect me.
¹²For troubles without number surround me;
my sins have overtaken me, and I cannot see.
They are more than the hairs of my head,
and my heart fails within me.
¹³Be pleased to save me, Lord;
come quickly, Lord, to help me.

¹⁴May all who want to take my life
be put to shame and confusion;
may all who desire my ruin
be turned back in disgrace.
¹⁵May those who say to me, “Aha! Aha!”
be appalled at their own shame.
¹⁶But may all who seek you
rejoice and be glad in you;
may those who long for your saving help always say,
“The Lord is great!”

¹⁷But as for me, I am poor and needy;
may the Lord think of me.
You are my help and my deliverer;
you are my God, do not delay.