26

¹Msĕ si pliêr hlăm yan bhang amâodah hjan hlăm yan puôt,
msĕ snăn klei mpŭ amâo năng ôh kơ sa čô mluk.
²Msĕ si čĭm hrai leh anăn čĭm iăt phiơr đuĕ,
msĕ snăn mơh klei tăm pah amâo mâo klei amâo srăng truh ôh.
³Giê êwĭng pioh kơ aseh, msei khơp pioh kơ aseh dliê,
leh anăn giê hnuăt pioh kơ rŏng phung mluk!
⁴Đăm lŏ wĭt lač kơ mnuih mluk tui si klei mluk ñu ôh,
huĭdah ih pô jing hĕ msĕ si ñu.
⁵Lŏ wĭt lač bĕ kơ mnuih mluk tui si klei mluk ñu,
huĭdah ñu yap ñu pô jing thâo mĭn.
⁶Hlei pô knang kơ mnuih mluk ba klei hưn kơ arăng
jing msĕ si khăt jơ̆ng ñu pô leh anăn mnăm klei bi rai.
⁷Klei blŭ bi hriêng hlăm ƀăng êgei phung mluk
jing msĕ si jơ̆ng đŏng dlơt awăt amâo thâo êbat ôh.
⁸Hlei pô mpŭ kơ sa čô mluk
jing msĕ si sa čô kă asăr boh tâo ti klei ksu bhĭr.
⁹Klei blŭ bi hriêng hlăm ƀăng êgei phung mluk
jing msĕ si êruê tlŏ kngan sa čô mnuih kpiê ruă.
¹⁰Hlei pô mưn mnuih mluk leh anăn phung hiu găn gao
jing msĕ si sa čô mnah hna bi êka jih jang mnuih.
¹¹Sa čô mnuih mluk lŏ ngă klei mluk
jing msĕ si sa drei asâo lŏ wĭt ƀơ̆ng mnơ̆ng ñu ô̆ leh.
¹²Tơdah ih ƀuh sa čô mnuih yap ñu pô jing mnuih thâo mĭn,
mnuih mluk jing yuôm hĭn kơ ñu.
¹³Mnuih alah lač, “Mâo sa drei êmông gu ti êlan,
mâo sa drei êmông gu hiu hlăm êlan dơ̆ng!”
¹⁴Msĕ si ƀăng bhă dar ti kliăng bi đuôm ñu,
snăn mơh mnuih alah ngă ti jhưng pĭt ñu.
¹⁵Mnuih alah đrŭt kngan ñu hlăm jam,
leh anăn alah đei lŏ ba gơ̆ kơ ƀăng êgei.
¹⁶Mnuih alah yap ñu pô thâo mĭn hĭn
kơ kjuh čô mnuih dưi lŏ wĭt lač hŏng klei găl.
¹⁷Pô hiu găn gao ngêñ hĕ kơ klei bi msao amâo djŏ hŏng ñu ôh
jing msĕ si mnuih ktŭng mă asâo ti knga.
¹⁸Msĕ si sa čô khŏ bhĭr kluč pui, ƀrăm, leh anăn klei djiê,
¹⁹msĕ snăn yơh mnuih mplư pô riêng gah ñu,
leh anăn lač, “Knŏng kâo hlăp!”
²⁰Kyuadah kƀah djuh pui djiê ram,
leh anăn tơdah amâo mâo mnuih yăl dliê djưč klei bi mneh msao ram.
²¹Msĕ si anghar pui ƀơ̆ng hdăng leh anăn pui ƀơ̆ng djuh,
msĕ snăn mơh mnuih kreh bi msao mčhur klei bi tăng.
²²Klei pô yăl dliê djưč blŭ jing msĕ si mnơ̆ng ƀơ̆ng huă jăk,
ñu kma truh ti prôč êhŭng.
²³Msĕ si čeh lăn siam êbhơr ti tač,
msĕ snăn mơh klei blŭ siam mơ̆ng ai tiê jhat.
²⁴Hlei pô bi êmut mgưt blŭ klei siam,
ƀiăđah mdăp klei mplư hlăm ai tiê ñu.
²⁵Tơdah ñu blŭ hŏng klei mmih, đăm đăo kơ ñu ôh,
kyuadah mâo kjuh mta klei arăng bi êmut kheh hlăm ai tiê ñu.
²⁶Wăt tơdah ñu mdăp klei bi êmut hŏng klei mplư,
klei jhat ƀai ñu srăng êdah hlăm phung bi kƀĭn.
²⁷Hlei pô klei ƀăng srăng lĕ hlăm ƀăng anăn,
leh anăn boh tâo srăng lŏ wĭt djŏ kơ pô bi klŭng gơ̆.
²⁸Êlah luar bi êmut kơ phung ñu dlao wač,
leh anăn ƀăng êgei blŭ klei myâo mă ngă klei bi rai.

26

¹愚昧人得尊榮不相宜，
正如夏天落雪，收割時下雨。
²詛咒不會無故臨到⚓，
正如麻雀掠過，燕子翻飛。
³鞭子是為打馬，轡頭是為勒驢，
刑杖正是為打愚昧人的背。
⁴不要照愚昧人的愚昧話回答他，
免得你與他一樣。
⁵要照愚昧人的愚昧話回答他，
免得他自以為有智慧。
⁶藉愚昧人的手寄信的，
就像砍斷雙腳，喝下殘暴。
⁷箴言在愚昧人的口中，
正如瘸子的腳懸空無用。
⁸將尊榮給愚昧人的，
就像石頭綁在彈弓上。
⁹箴言在愚昧人的口中，
好像荊棘刺入醉漢的手。
¹⁰雇愚昧人的，與雇過路人的，
就像弓箭手射傷任何人。
¹¹愚昧人重複做愚昧之事，
就如狗轉過來吃自己所吐的。
¹²你看見自以為有智慧的人嗎？
愚昧人比他更有指望。
¹³懶惰人說：「道路有猛獅，
街上有壯獅。」
¹⁴懶惰人在床上，
就像門在軸心上轉動一樣。
¹⁵懶惰人把手埋入盤裏，
就是送進口中也覺得累。
¹⁶懶惰人眼看自己
比七個善於應對的人更有智慧。
¹⁷過路時捲入與己無關的紛爭，
好像人揪住狗耳一般。
^18-19人欺騙鄰舍，卻說
「我只是開玩笑而已」，
他就像瘋狂的人拋擲致死的火把和利箭。
²⁰火缺了柴就必熄滅；
無人造謠，紛爭就止息。
²¹好爭吵的人煽動爭端，
就如餘火加炭，火上加柴一樣。
²²造謠者的話如同美食，
深入人的肚腹。
²³火熱的⚓嘴唇，邪惡的心，
好像銀渣包在瓦器上。
²⁴仇敵用嘴唇掩飾，
心裏卻藏着詭詐；
²⁵他用甜言蜜語，你不能相信他，
因為他心中有七樣可憎惡的事。
²⁶他雖用詭詐掩飾怨恨，
他的邪惡必在集會中顯露。
²⁷挖陷坑的，自己必陷在其中；
滾石頭的，石頭反滾在他身上。
²⁸虛謊的舌憎恨他所壓傷的人；
諂媚的口敗壞人的事。