33

Y-Êlihu Ƀuah Y-Yôp

¹“Ară anei hin, hmư̆ bĕ klei kâo blŭ, Ơ Y-Yôp;
leh anăn mđing knga kơ jih klei kâo lač.
²Nĕ anei, kâo ha ƀăng êgei;
êlah hlăm ƀăng êgei kâo dơ̆ng blŭ.
³Klei kâo blŭ hưn kơ ai tiê kâo kpă ênô,
leh anăn ya klei ƀăng kƀông kâo thâo, kâo blŭ hŏng klei sĭt.
⁴Mngăt Myang Aê Diê hrih kâo leh,
leh anăn êwa mơ̆ng Pô Mâo Jih Klei Myang brei klei hdĭp kơ kâo.
⁵Lŏ wĭt lač bĕ tơdah ih dưi;
blŭ bĕ bi djŏ pruê̆ ti anăp kâo, kăp mgang bĕ ih pô.
⁶Nĕ anei, ti anăp Aê Diê kâo jing msĕ si ih;
kâo msĕ mơh Aê Diê mjing hŏng klŏ lŭ.
⁷Nĕ anei, đăm ih krưp huĭ kơ kâo ôh;
kơhưm kâo amâo srăng bi ktrŏ ih ôh.

⁸Sĭt nik ih blŭ leh brei kâo hmư̆,
leh anăn kâo hmư̆ leh asăp ih blŭ.
⁹Ih lač, ‘Kâo jing doh, amâo mâo klei soh ôh;
Kâo jing êngeh, amâo mâo klei wê ôh hlăm kâo.
¹⁰Ƀiădah, Aê Diê duah klei hŏng kâo,
ñu yap kâo msĕ si roh ñu.
¹¹ Ñu bi hnuh jơ̆ng kâo,
leh anăn kăp dlăng jih êlan kâo nao.’

¹²Nĕ hlăm klei anăn, ih amâo jing djŏ ôh.
Kâo srăng lŏ wĭt lač kơ ih.
Aê Diê jing pô prŏng hĭn kơ mnuih.
¹³Si ngă ih bi tăng hŏng ñu,
leh anăn lač, ‘Ñu amâo srăng lŏ wĭt lač ôh sa mta kơ klei kâo blŭ’?
¹⁴Kyuadah Aê Diê blŭ lu bliư̆ lu êlan,
wăt tơdah mnuih amâo thâo săng ôh klei anăn dưn.
¹⁵ Hlăm klei êpei, hlăm klei bi ƀuh êjai mlam,
êjai mnuih pĭt snăk,
êjai diñu dôk đih pĭt ti jhưng diñu,
¹⁶hlăk anăn ñu pŏk knga phung mnuih,
leh anăn bi huĭ digơ̆ hŏng klei ñu brei răng,
¹⁷čiăng kơ ñu dưi bi weh đuĕ mnuih mơ̆ng klei digơ̆ čiăng ngă,
leh anăn bi luč hĕ klei mgao mơ̆ng mnuih;
¹⁸ñu mgang mngăt digơ̆ kơ Ƀăng Êlam,
klei hdĭp digơ̆ kơ klei rai tuč kyua đao gưm.

¹⁹Msĕ mơh Aê Diê mkra mnuih hŏng klei ruă duam,
leh anăn hŏng klei ruă klang nanao;
²⁰snăn digơ̆ bi êmut kơ mnơ̆ng ƀơ̆ng huă,
leh anăn amâo čiăng ƀơ̆ng ôh mnơ̆ng jăk.
²¹Asei mlei digơ̆ êwang tơl arăng amâo lŏ ƀuh kđeh digơ̆ ôh,
leh anăn knŏng klang kleh bi êdah.
²²Mngăt digơ̆ giăm truh kơ Ƀăng Êlam,
leh anăn klei hdĭp digơ̆ giăm kơ phung bi truh klei djiê.
²³Tơdah mâo sa čô dĭng buăl jăk dôk mbĭt hŏng gơ̆,
sa čô pô ti krah, sa čô hlăm sa êbâo,
čiăng hưn kơ mnuih ya jing djŏ kơ gơ̆;
²⁴leh anăn ñu pap kơ gơ̆ leh anăn lač,
‘Bi mtlaih bĕ gơ̆, đăm brei gơ̆ trŭn nao kơ Ƀăng Êlam ôh,
kâo mâo leh mnơ̆ng bi tui;
²⁵brei asei mlei gơ̆ lŏ jing mda;
brei gơ̆ lŏ wĭt jing msĕ si ênuk gơ̆ hlăk ai.’
²⁶Hlăk anăn mnuih wah lač kơ Aê Diê, leh anăn Aê Diê tŭ gơ̆,
gơ̆ mŭt ti anăp Aê Diê hŏng klei hơ̆k.
Aê Diê brei gơ̆ yăl dliê kơ mnuih klei gơ̆ mâo leh klei bi mtlaih,
²⁷leh anăn pô anăn mmuñ ti anăp arăng leh anăn lač,
‘Kâo ngă soh leh, leh anăn bi msoh kơ klei kpă,
leh anăn arăng amâo bi wĭt kơ kâo tui si klei năng ôh.
²⁸Aê Diê bi tui leh mngăt kâo amâo brei trŭn nao kơ Ƀăng Êlam ôh,
leh anăn klei hdĭp kâo srăng ƀuh klei mngač’.
²⁹Nĕ anei, Aê Diê ngă jih klei anăn,
lu bliư̆ hŏng sa čô mnuih,
³⁰čiăng ktŭng mă mngăt ñu mơ̆ng Ƀăng Êlam,
čiăng kơ ñu dưi ƀuh klei mngač kơ klei hdĭp.
³¹Mđing knga, Ơ Y-Yôp, dôk hmư̆ bĕ kâo;
dôk ñăt leh anăn kâo srăng blŭ.
³²Tơdah ih mâo klei čiăng lač, lŏ wĭt lač bĕ kơ kâo;
blŭ bĕ, kyuadah kâo čiăng bi êdah ih kpă.
³³Tơdah amâo djŏ snăn ôh, dôk hmư̆ bĕ kâo;
dôk ñăt bĕ, leh anăn kâo srăng mtô kơ ih klei knhâo.”

33

Ê-li-hu cho rằng phước hay họa đều do Đức Chúa Trời

¹Nhưng bây giờ, xin anh Gióp lắng nghe lập luận của tôi.
Hãy chú ý những gì tôi nói.
²Kìa, tôi đã lên tiếng,
Lưỡi trong miệng tôi đã nói.
³Lời tôi nói lên sự liêm chính của lòng mình;
Môi tôi thốt lên sự hiểu biết một cách trung thực.
⁴Thần Đức Chúa Trời đã sáng tạo tôi,
Hơi thở của Đấng Toàn Năng ban cho tôi sự sống.
⁵Nếu có thể, xin anh trả lời tôi;
Hãy chuẩn bị lý lẽ, giữ vững lập trường để đối đáp với tôi!
⁶Trước mặt Đức Chúa Trời tôi với anh có khác gì nhau;
Tôi cũng được nắn nên từ đất sét.
⁷Tôi không có gì đáng sợ khiến anh phải kinh khiếp,
Cũng chẳng có áp lực nào đè nặng lên anh.

⁸“Thật anh đã nói vào tai tôi,
Tôi đã nghe chính lời anh nói rằng:
⁹‘Tôi trong sạch, không làm gì sai phạm;
Tôi vô tội, không chất chứa gian ác trong lòng.
¹⁰Nhưng Đức Chúa Trời tìm dịp hại tôi,
Xem tôi như kẻ thù của Ngài;
¹¹Ngài cùm chân tôi lại,⚓
Và canh chừng đường lối tôi.’

¹²Tôi xin thưa rằng, trong vấn đề nầy anh đã sai rồi,
Vì Đức Chúa Trời vĩ đại hơn loài người.
¹³Tại sao anh tranh luận với Ngài?
Ngài đâu có cần giải thích mọi việc Ngài làm.
¹⁴Vì Đức Chúa Trời phán dạy cách nầy hay cách khác,
Nhưng con người không để ý đến.
¹⁵Có thể trong chiêm bao, trong dị tượng ban đêm,⚓
Lúc người ta ngủ mê,
Khi đang say giấc trên giường mình;
¹⁶Bấy giờ, Ngài mở tai cho loài người,
Niêm phong những lời giáo huấn,
¹⁷Để kéo loài người khỏi điều họ toan làm,
Và giữ họ khỏi thói kiêu căng;
¹⁸Để cứu linh hồn họ khỏi vực thẳm,
Và mạng sống họ khỏi gươm đao.
¹⁹Loài người bị sửa phạt, đau đớn trên giường mình,
Xương cốt run rẩy triền miên.
²⁰Họ ghê tởm thức ăn,
Ngao ngán cả cao lương mỹ vị.
²¹Thân thể tiều tụy nhìn chẳng ra người,
Ốm o gầy mòn chỉ còn da bọc lấy xương.
²²Linh hồn bị kéo đến bên vực thẳm,
Mạng sống bị đẩy đến bên tử thần.
²³Nếu bên họ có một thiên sứ,
Chỉ cần một trong hàng nghìn thiên sứ,
Làm trung gian để dạy bảo con người biết điều ngay thẳng,
²⁴Thương xót người ấy và cầu khẩn:
‘Xin gìn giữ người khỏi sa xuống vực thẳm;
Tôi đã tìm ra giá chuộc rồi;
²⁵Da thịt người ấy sẽ mịn màng như thời niên thiếu;
Sức mạnh phục hồi như thuở thanh xuân.’
²⁶Người cầu nguyện với Đức Chúa Trời và được Ngài đoái thương,
Khiến người mừng vui khi trông thấy mặt Ngài,
Và Ngài phục hồi người vì sự công chính của người.
²⁷Người đó sẽ hát trước mặt loài người rằng:
‘Tôi đã phạm tội và bẻ cong điều chính trực,
Nhưng tôi không bị xử như tôi đáng phải chịu.
²⁸Đức Chúa Trời đã giải cứu linh hồn tôi khỏi sa xuống vực thẳm,
Và đời sống tôi sẽ thấy ánh sáng.’

²⁹Thật Đức Chúa Trời đã làm mọi việc ấy
Cho loài người đến hai ba lần,
³⁰Đem linh hồn họ ra khỏi vực thẳm,
Để họ thấy ánh sáng của sự sống.

³¹Xin anh Gióp chú ý nghe tôi;
Hãy yên lặng thì tôi sẽ nói.
³²Nếu anh có điều gì muốn đối đáp với tôi;
Cứ nói đi, vì tôi muốn minh chứng anh là công chính.
³³Nếu không, xin lắng nghe tôi;
Hãy yên lặng thì tôi sẽ dạy cho anh điều khôn ngoan.”