19
Siex Maengc Nyei Zingh
(Beiv mangc Saauv Mienh 35:9-28; Yo^su^waa 20:1-9)
1Ziouv, meih mbuo nyei Tin-Hungh, zorqv ninh oix jiu bun meih mbuo wuov norm deic-bung wuov deix guoqv nyei mienh pai guangc wuov zanc, meih mbuo yaac duqv zunc ninh mbuo cuotv, bieqc mingh yiem jienv ninh mbuo nyei zingh caux ninh mbuo nyei biauv,
2oix zuqc yiem Ziouv, meih mbuo nyei Tin-Hungh, jiu bun meih mbuo nzipc wuov norm deic-bung ganh ca'lengc ginv cuotv buo norm zingh.⚓
3Oix zuqc koi jauv mingh taux wuov deix zingh, yaac zorqv Ziouv, meih mbuo nyei Tin-Hungh, jiu bun meih mbuo nzipc nyei deic-bung bun zoux buo gouv weic bun caqv-bouc daix mienh nyei mienh haih biaux mingh wuov deix zingh yiem.
4Yiem naaiv mingh gorngv mienh daix mienh biaux mingh yiem siex maengc zingh weic njoux maengc nyei jauv-louc, se mienh caqv-bouc daix zuqc mienh daic, maiv zeiz laanh hanc laanh daix.
5Hnangv mienh caux dauh juangc laangz nyei doic bieqc lomc goix ndiangx. Ninh fengx bouv goix ndiangx wuov zanc, bouv ndutv mingh mborqv zuqc ninh nyei doic daic. Ninh ziouc biaux mingh yietc norm naaiv deix zingh njoux ninh nyei maengc.
6Maiv zei aeqv, oix jaauv mienh maengc win wuov dauh qiex jiez! haic, zunc ninh. Se gorngv jauv ba'laqc go, zunc duqv zaaic yaac daix ninh maiv gunv maiv horpc zuqc daic, weic zuqc ninh maiv zeiz hanc ninh nyei doic cingx daix.
7Weic naaiv yie hatc meih mbuo oix zuqc ganh ca'lengc ginv cuotv buo norm zingh.
8Se gorngv Ziouv, meih mbuo nyei Tin-Hungh, capv meih mbuo nyei gapv-jaaix cuotv ziux ninh houv bun meih mbuo nyei ong-taaix, yaac zorqv ninh laengz bun ninh mbuo nyei deic-bung yietc zungv jiu bun meih mbuo,
9yaac da'faanh meih mbuo ei jienv yie ih hnoi hatc meih mbuo nyei yietc zungv leiz, se hnamv Ziouv, meih mbuo nyei Tin-Hungh, zanc-zanc yangh ninh nyei jauv, meih mbuo oix zuqc aengx ganh ca'lengc tipv buo norm zingh.
10Oix zuqc tipv naaiv deix zingh weic bun maiv zoux dorngc nyei mienh yiem Ziouv, meih mbuo nyei Tin-Hungh, jiu bun meih mbuo nzipc nyei deic-bung maiv zuqc daix daic. Meih mbuo ganh yaac maiv zuqc weic naaiv deix sic zuqc ndaam-dorng.
11Mv baac se gorngv maaih dauh mienh nzorng caux ninh juangc laangz mienh ziouc bingx jienv zuov mborqv daic ninh, wuov dauh ziouc biaux mingh taux yietc norm wuov deix siex maengc zingh,
12ninh ganh nyei buonv-zingh nyei ⟨mienh gox⟩ oix zuqc paaiv mienh mingh zorqv ninh nzuonx daaih jiu bun jaauv mienh maengc win wuov dauh daix ninh daic.
13Meih mbuo maiv dungx korv-lienh ninh. Yiem I^saa^laa^en Mienh mbu'ndongx oix zuqc bun maiv maaih daix maiv zoux dorngc nyei mienh nyei sic, weic bun meih mbuo duqv longx.
Maiv Dungx Suiv Gapv-Jaaix Nyei Dongc
14Meih mbuo yiem Ziouv, meih mbuo nyei Tin-Hungh jiu bun meih mbuo nyei deic-bung, maiv dungx suiv juangc laangz mienh nyei ndau-deic gapv-nqenx zoux jangx-hoc nyei la'bieiv-dongc. Naaiv se zinh baan mienh dingc daaih nyei gapv-jaaix.⚓
Zoux Zorng-Zengx Nyei Mienh
15Maiv gunv mienh baamz haaix nyungc zuiz fai zoux dorngc haaix nyungc sic, nduqc dauh mienh zoux zorng-zengx se maiv gaux dingc ninh nyei zuiz. Oix zuqc maaih i fai buo dauh zoux zorng-zengx cingx dingc.⚓
16Se gorngv maaih dauh mienh zoux jaav zorng-zengx oix hoic mienh,⚓
17naaiv deix i dauh maaih sic nyei mienh oix zuqc mingh yiem Ziouv nyei nza'hmien, dorng jienv dongh wuov zanc zoux sai mienh nyei gong nyei sai mienh caux siemv zuiz jien.
18Siemv zuiz jien ziouc longx-longx nyei zaah muonc ninh mbuo nyei sic. Se gorngv zaah cuotv zorng-zengx mienh gorngv-baeqc, zoux jaav zorng-zengx hoic ninh nyei gorx-youz,
19oix zuqc zoux bun ninh hnangv ninh jiez hnyouv zoux bun ninh nyei gorx-youz nor. Oix zuqc bun naaiv deix orqv sic yiem meih mbuo mbu'ndongx zutc nzengc.⚓
20Zuangx mienh haiz naaiv deix sic ziouc gamh nziex haic. Yiem meih mbuo mbu'ndongx yietc liuz maiv maaih mienh gaamv zoux naaiv nyungc orqv sic.
21Maiv dungx korv-lienh naaiv nyungc mienh. Oix zuqc maengc jaauv maengc, m'zing jaauv m'zing, nyaah jaauv nyaah, buoz jaauv buoz, zaux jaauv zaux.⚓
19
逃城的設立
（民35．9－28；書20．1－9）
1「耶和華－你的上帝將列國剪除，他們的地耶和華－你上帝已賜給你，你又趕出他們，並且住在他們的城鎮和房屋，
2那時，你要在耶和華－你上帝所賜你為業的地上，為自己指定三座城。
3你要預備道路，將耶和華－你上帝使你承受為業的地分為三區，使任何一個殺人的可以逃到那裏去。
4「殺人的逃到那裏得以存活的案例是這樣：凡素無仇恨，無意中殺了鄰舍的，
5就如人與鄰舍同入林中伐木，手拿斧子一砍，本想砍下樹木，斧頭卻脫了把，飛落在鄰舍身上，以致那人死去，這人就可以逃到那些城中的一座，得以存活，
6免得報血仇的心中發火，去追趕那殺了人的，因為路途遙遠就能追上他，把他殺死。其實他是不該死的，因為他與被殺者素無仇恨。
7所以我吩咐你說，要為自己指定三座城。
8耶和華－你的上帝若照他向你列祖所起的誓擴張你的疆土，將所應許賜你列祖的全地給你，
9你若謹守遵行我今日所吩咐的這一切誡命，愛耶和華－你的上帝，天天遵行他的道，就要在這三座城之外，再添三座城，
10免得無辜人的血流在耶和華－你上帝所賜你為業的地中間，血就歸到你身上了。
11「若有人恨他的鄰舍，埋伏等着，起來擊殺他，把他殺死，然後逃到這些城中的一座，
12他本城的長老就要派人去，從那裏把他帶出來，交在報血仇者的手中，把他處死。
13你的眼不可顧惜他，要從以色列中除掉流無辜血的罪，使你得福。」
地界
14「在耶和華－你上帝所賜你承受為業，所分得的地上，不可挪移你鄰舍的地界，因為這是前人所定的。」
證人的條例
15「人無論犯甚麼罪，作甚麼惡，不可單憑一個人的見證，總要憑兩個證人的口或三個證人的口才可定案。
16若有人懷惡意，起來作證，控告他人犯法，
17這兩個爭訟的人就要站在耶和華面前，和當時的祭司與審判官面前，
18審判官要細心調查。看哪，證人作的是偽證，要用偽證陷害弟兄，
19你們就要對付他如同他想要對付的弟兄一樣。這樣，你就把惡從你中間除掉。
20其他的人聽見就害怕，不敢在你中間再行這樣的惡事了。
21你的眼不可顧惜，要以命償命，以眼還眼，以牙還牙，以手還手，以腳還腳。」