1Thaum chivkeeb Vajtswv tsim lub ntuj thiab lub ntiajteb. 2Lub ntiajteb tsis tau muaj dabtsi thiab nyob do dus, tsaus ntuj nti thoob plaws saum nplaim dej hiavtxwv, thiab Vajtswv tus ntsujplig yuj mus yuj los saum nplaim dej. 3Vajtswv hais tias, “Cia li muaj qhov pom kev,” ces txawm pom kev kaj nrig tuaj. 4Vajtswv txaus siab heev rau qhov pom kev ntawd. Ces Vajtswv thiaj muab qhov pom kev cais tawm ntawm qhov tsaus ntuj, 5Vajtswv tis npe rau qhov pom kev hu ua “Nruab hnub” thiab qhov tsaus ntuj hu ua “Hmo ntuj.” Muaj caij tsaus ntuj thiab muaj caij kaj ntug, yog hnub ib. 6-7Vajtswv hais tias, “Cia li muaj lub ntuj los quas dej thiab muab cais kom nyias nyob muaj nyias chaw,” yog li ntawd, Vajtswv thiaj tsim lub ntuj, thiab muab tej dej nyob hauv qab ntuj thiab tej dej saum nruab ntug cais nyias nyob nyias. Ces txawm muaj li Vajtswv hais. 8Vajtswv tis npe rau txheej saud hu ua “Ntuj.” Muaj caij tsaus ntuj thiab muaj caij kaj ntug, yog hnub ob. 9Vajtswv hais tias, “Tej dej uas nyob hauv qab ntuj cia li sib sau los nyob ib qhov chaw ua ke, kom av tawm tuaj,” ces txawm muaj li Vajtswv hais. 10Vajtswv tis npe rau cov av hu ua “Ntiajteb,” thiab cov dej uas los sib sau ua ke ntawd hu ua “Hiavtxwv.” Thiab Vajtswv pom tej uas nws tsim tau los ntawd nws txaus siab heev. 11Ces Vajtswv hais tais, “Lub ntiajteb cia li tuaj txhua yam nroj tsuag, qoobloo thiab tej xyoob ntoo, kom tawg paj txi txiv raws li nyias yam,” ces txawm muaj raws li Vajtswv hais. 12Yog li ntawd, lub ntiajteb thiaj muaj txhua yam xyoob ntoo nroj tsuag, thiab qoobloo uas txawj tawg paj txi txiv, Vajtswv pom tej uas nws tsim tau los ntawd, mas nws txaus siab heev. 13Muaj caij tsaus ntuj thiab muaj caij kaj ntug, yog hnub peb. 14Vajtswv hais tias, “Cia li muaj tej lub ci ci tshwm rau saum ntuj quas nruab hnub thiab hmo ntuj, thiab quas caij nyoog, hnub, hli thiab xyoo; 15tej ntawd yuav ci saum ntuj tuaj rau hauv ntiajteb no kom pom kev,” ces txawm muaj raws li Vajtswv hais. 16Yog li ntawd, Vajtswv thiaj tsim dua ob lub ci ci uas loj heev. Lub uas ci tshaj cia kav nruab hnub thiab lub ci tsis heev cia kav hmo ntuj; nws tsim tej hnubqub huv tibsi. 17Vajtswv muab tej lub ci ci ntawd teeb rau saum ntuj kom pom kev ci ntsa iab tuaj rau hauv ntiajteb, 18kom kav nruab hnub thiab hmo ntuj, thiab muab qhov kaj cais tawm ntawm qhov tsaus. Thiab Vajtswv pom tej uas nws tsim tau los ntawd, nws txaus siab heev. 19Muaj caij tsaus ntuj thiab muaj caij kaj ntug, yog hnub plaub. 20Vajtswv hais tias, “Cia li muaj txhua yam tsiaj muaj sia nyob hauv nruab deg, thiab cia li muaj noog ya kom puv saum nruab ntug.” 21Yog li ntawd, Vajtswv thiaj tsim tej tsiaj uas loj tshaj plaws nyob hauv hiavtxwv, thiab tsim txhua yam tsiaj nyob hauv nruab deg, thiab txhua yam noog huv tibsi. Thiab Vajtswv pom tej uas nws tsim ntawd, nws txaus siab heev. 22Vajtswv thiaj foom koob hmoov rau tej tsiaj ntawd thiab hais rau tej tsiaj uas nyob hauv nruab deg kom cia li huamvam mus puv hiavtxwv, thiab nws hais rau tej noog kom huamvam mus puv ntiajteb. 23Muaj caij tsaus ntuj thiab muaj caij kaj ntug, yog hnub tsib. 24Vajtswv hais tias, “Cia li muaj txhua yam tsiaj txhu: tsiaj nyeg, tsiaj qus, tsiaj loj, tsiaj me, nab, qav, kab thiab ntsaum raws li nyias yam,” ces txawm muaj raws li Vajtswv hais. 25Vajtswv tsim tej tsiaj nyeg, tsiaj qus, tsiaj loj, tsiaj me, nab, qav, kab thiab ntsaum raws li nyias yam, thiab Vajtswv pom tej uas nws tsim tau los ntawd, nws txaus siab heev. 26Vajtswv hais tias, “Nimno peb yuav tsim neeg kom muaj yam ntxwv zoo li peb; thiab lawv yuav muaj hwjchim kav tagnrho tej ntses hauv hiavtxwv, tej noog saum nruab ntug, tej tsiaj nyeg, tsiaj qus, tsiaj loj tsiaj me thiab kav thoob plaws lub ntiajteb no.” 27Yog li ntawd, Vajtswv thiaj tsim neeg, kom lawv muaj yam ntxwv zoo li Vajtswv ntag. Nws tsim muaj tus txivneej thiab tus pojniam, 28Vajtswv foom koob hmoov rau nkawd thiab hais tias, “Neb cia li muaj tub muaj ki kom coob, neb tej xeebntxwv yuav huamvam mus nyob thoob plaws txhua qhov chaw kom puv ntiajteb thiab lawv yuav kav tagnrho lub ntiajteb. Kuv tsa neb kav tej ntses hauv hiavtxwv, tej noog uas ya saum nruab ntug, thiab txhua tsav yam tsiaj uas nyob hauv ntiajteb no. 29Kuv tsim kom muaj txhua yam qoobloo thiab txhua yam txiv ntoo rau nej tau noj, 30tiamsis kuv tsim tej nroj tsuag xyoob ntoo, ua zaub rau tej noog thiab tej tsiaj uas muaj sia nyob hauv lub ntiajteb no tau noj.” Ces txawm muaj raws li Vajtswv hais. 31Vajtswv saib ib puas tsav yam uas nws tsim ntawd, thiab ua rau nws txaus siab heev. Muaj caij tsaus ntuj thiab muaj caij kaj ntug, yog hnub rau.
1
Tswm lub nplajteb hab tuabneeg
1Chiv keeb thau u Vaajtswv tswm lub ntuj hab lub nplajteb. 2Lub nplajteb tseed tsw tau muaj tug yaam ntxwv zoo le caag, hab nyob do cuas hab tsaus ntuj nti thoob plawg sau tej dej, hab Vaajtswv tug Ntsuj Plig yuj roog taag nrho sau tej dej ntawd. 3Mas Vaajtswv has tas, “Ca le muaj qhov kaaj,” tes txawm muaj qhov kaaj. 4Vaajtswv pum tas qhov kaaj ntawd zoo, txawm muab qhov kaaj cais tawm huv qhov tsaus ntuj. 5Vaajtswv hu qhov kaaj tas Nruab Nub, hab hu qhov tsaus ntuj tas, Mo Ntuj. Tes txawm muaj tsaus ntuj hab muaj kaaj ntug, yog thawj nub. 6Vaajtswv has tas, “Ca le muaj lub ntuj lug nyob nruab nraab tej dej hab ca lub ntuj cais dej cais naag nyag nyob nyag.” 7Vaajtswv txhad tswm lub ntuj hab muab tej dej kws nyob huv qaab lub ntuj cais ntawm tej dej kws nyob sau lub ntuj. Tes txawm muaj le ntawd. 8Vaajtswv txhad hu lub ntuj hov ua Ntuj. Tes txawm muaj tsaus ntuj hab muaj kaaj ntug, yog nub ob. 9Vaajtswv has tas, “Ca tej dej kws nyob huv qaab ntuj sau zog moog nyob rua ib qho, hab nruab nqhuab tshwm tuaj.” Tes txawm muaj le ntawd. 10Vaajtswv txhad hu nruab nqhuab tas Nplajteb, hab hu tej dej kws sau zog ua ke tas Havtxwv. Mas Vaajtswv pum tas zoo. 11Hab Vaajtswv has tas, “Ca lub nplajteb tuaj qoob loos nroj tsuag kws muaj noob hab tuaj xyoob ntoo kws muaj txwv hab muaj noob, nyag muaj lawv le nyag yaam rua sau lub nplajteb.” Tes txawm muaj le ntawd. 12Lub nplajteb txawm tuaj tej qoob loos nroj tsuag kws muaj noob nyag muaj lawv le nyag yaam, hab tuaj tej ntoo kws txw txwv hab muaj noob nyag muaj lawv le nyag yaam. Mas Vaajtswv pum tas zoo. 13Tes txawm muaj tsaus ntuj hab muaj kaaj ntug, yog nub peb. 14Vaajtswv has tas, “Ca le muaj tej lub ci ci rua sau nruab ntug cais nruab nub hab mo ntuj, hab ca tej lub ci ci hov qha kuas paub quas caij quas nyoog quas nub quas hli quas naj quas xyoo. 15Hab ca tej lub hov ci rua sau nruab ntug pum kev rua huv nplajteb.” Tes txawm muaj le ntawd. 16Vaajtswv tswm ob lub ci ci kws luj, lub luj kaav nruab nub, lub yau kaav mo ntuj. Hab nwg kuj tswm tej nub qub. 17Vaajtswv txawb tej kws ci nuav rua sau nruab ntug pum kev rua lub nplajteb, 18hab kaav nruab nub hab mo ntuj, hab cais qhov kaaj tawm huv qhov tsaus ntuj. Mas Vaajtswv pum tas zoo. 19Tes txawm muaj tsaus ntuj hab muaj kaaj ntug, yog nub plaub. 20Vaajtswv has tas, “Ca nruab deg tshwm tej tsaj caj sa coob kawg, hab ca naag noog yaa sau lub nplajteb rua sau nruab ntug.” 21Vaajtswv txhad tswm tej tsaj luj luj huv havtxwv, hab tswm txhua yaam tsaj caj sa coob coob kws yaa laim quas txag huv nruab deg, nyag muaj lawv le nyag yaam, hab tswm txhua yaam naag noog muaj tis nyag muaj lawv le nyag yaam. Mas Vaajtswv pum tas zoo. 22Hab Vaajtswv foom moov zoo rua tej tsaj ntawd has tas, “Ca le muaj mivnyuas hab fuam vaam coob puv nkaus nruab havtxwv, hab ca naag noog fuam vaam coob rua sau lub nplajteb.” 23Tes txawm muaj tsaus ntuj hab muaj kaaj ntug, yog nub tswb. 24Vaajtswv has tas, “Ca lub nplajteb tshwm tej tsaj caj sa nyag muaj lawv le nyag yaam, yog tej tsaj nyeg tej tsaj nkaag huv aav hab tej tsaj qus nyag muaj lawv le nyag yaam.” Tes txawm muaj le ntawd. 25Vaajtswv txhad tswm tej tsaj qus rua huv nplajteb nyag muaj lawv le nyag yaam hab tswm tej tsaj nyeg nyag muaj lawv le nyag yaam, hab tswm txhua yaam tsaj nkaag huv aav nyag muaj lawv le nyag yaam. Mas Vaajtswv pum tas zoo. 26Hab Vaajtswv has tas, “Ca peb tswm tuabneeg lawv le peb tug yaam ntxwv hab zoo le peb. Ca puab muaj fwjchim tswjfwm tej ntseg huv havtxwv hab tej naag noog sau nruab ntug hab tej tsaj txhu hab lub nplajteb huvsw hab txhua yaam tsaj kws nkaag huv lub nplajteb.” 27Vaajtswv txhad tswm tuabneeg lawv le nwg tug yaam ntxwv, lawv le Vaajtswv tug yaam ntxwv hov nwg tswm tuabneeg, nwg tswm tuabneeg kuas muaj txwvneej hab quaspuj. 28Vaajtswv foom koob moov rua puab, hab has rua puab tas, “Ca le muaj tub ki fuam vaam coob puv nkaus nplajteb, hab kaav lub nplajteb rua huv mej xwb teg, hab muaj fwjchim tswjfwm tej ntseg huv havtxwv hab tej naag noog sau nruab ntug hab txhua yaam tsaj caj sa kws nkaag huv lub nplajteb.” 29Hab Vaajtswv has tas, “Kuv pub txhua yaam qoob loos kws muaj noob kws nyob thoob plawg huv lub nplajteb hab txhua yaam ntoo kws txw txwv muaj noob rua mej. Mej yuav muab tej nuav lug ua zaub mov noj. 30Hab txhua yaam tsaj huv nplajteb hab txhua yaam naag noog sau nruab ntug hab txhua yaam kws nkaag huv nplajteb, yog txhua yaam caj sa kws ua paa nyob, kuv pub tej zaub mog ntsuab ntsuab huvsw rua puab noj.” Tes txawm muaj le ntawd. 31Vaajtswv saib txhua yaam kws nwg tau tswm hov mas pum tas zoo heev. Tes txawm muaj tsaus ntuj hab muaj kaaj ntug, yog nub rau.