5

¹Kyuadah grăp čô khua ngă yang prŏng mâo klei Aê Diê ruah leh mơ̆ng phung mnuih mâo bruă bi ala kơ mnuih ti anăp Aê Diê, čiăng myơr mnơ̆ng brei leh anăn mnơ̆ng ngă yang kyua klei soh. ²Ñu thâo pap kơ phung mluk leh anăn kơ phung klah đuĕ, kyuadah ñu pô bŏ hŏng klei awăt msĕ mơh. ³ Kyua klei awăt anăn brei ñu myơr mnơ̆ng ngă yang kyua klei soh ñu pô msĕ si kyua klei soh phung ƀuôn sang. ⁴ Amâo mâo pô ruah kơ ñu pô bruă mpŭ anăn, knŏng tơdah Aê Diê iêu ñu leh, msĕ si Y-Arôn.
⁵ Msĕ snăn mơh Krist amâo bi mđĭ Ñu pô ôh čiăng jing khua ngă yang prŏng, ƀiădah Pô mdưm Ñu leh lač kơ Ñu snei,
“Ih jing Anak kâo,
kâo kkiêng kơ ih hruê anei”
⁶ Ñu lač msĕ mơh hlăm anôk mkăn,
“Ih jing sa čô khua ngă yang hlŏng lar
tui si êpul Y-Mêlkisađek.”
⁷ Êjai Ñu dôk hdĭp hlăm asei mlei, Yêsu wah lač leh anăn kwưh hŏng klei ur ktang leh anăn hŏng êa ală kơ Pô dưi bi mtlaih Ñu mơ̆ng klei djiê; leh anăn Aê Diê hmư̆ Ñu leh kyua Ñu huĭ mpŭ kơ Aê Diê. ⁸Wăt tơdah Ñu jing Anak Aê Diê, Ñu hriăm klei gưt asăp hŏng klei knap mñai Ñu tŭ leh, ⁹leh anăn tơdah leh Ñu jing jăk klă, Ñu jing akŏ kơ klei bi mtlaih hlŏng lar kơ jih jang hlei pô gưt asăp kơ Ñu. ¹⁰Aê Diê hưn leh kơ Ñu jing khua ngă yang prŏng tui si êpul Y-Mêlkisadek.

Klei Brei Răng Huĭdah Lui Wir

¹¹Kơ klei anăn hmei mâo lu klei čiăng lač, ƀiădah dleh mblang kyuadah diih jing phung êmưt thâo săng. ¹² Kyuadah diih đăo leh mơ̆ng sui tui si djŏ diih jing pô mtô, ƀiădah ăt diih čiăng arăng lŏ mtô kơ diih klei ênưih hlăm klei Aê Diê blŭ. Diih čiăng kơ êa ksâo, amâo djŏ kơ mnơ̆ng ƀơ̆ng huă khăng ôh. ¹³Kyuadah hlei pô ăt mnăm êa ksâo amâo thâo yua klei blŭ kơ klei kpă ênô, kyuadah ñu ăt jing hđeh. ¹⁴Ƀiădah mnơ̆ng ƀơ̆ng huă khăng pioh kơ phung khue leh, kơ phung hriăm leh anăn yua leh klei mĭn diñu dưi thâo săng klei jăk hŏng klei jhat.

5

¹凡從人間挑選的大祭司都是奉派替人辦理屬上帝的事，要為罪獻上禮物和祭物⚓。 ²他能體諒無知和迷失的人，因為他自己也是被軟弱所困， ³因此他理當為百姓和自己的罪獻祭。 ⁴沒有人可擅自取得大祭司的尊榮，惟有蒙上帝所選召的才可以，像亞倫一樣。
⁵同樣，基督也沒有自取作大祭司的榮耀，而是在乎向他說話的那一位，他說：
「你是我的兒子，
我今日生了你。」
⁶就如又有一處說：
「你是照着麥基洗德的體系
永遠為祭司。」
⁷基督在他肉身的日子，曾大聲哀哭，流淚禱告，懇求那能救他免死的上帝，就因他的虔誠蒙了應允。 ⁸他雖然為兒子，還是因所受的苦難學了順從。 ⁹既然他得以完全，就為凡順從他的人成了永遠得救的根源， ¹⁰並蒙上帝照着麥基洗德的體系宣稱他為大祭司。

警戒叛道的人

¹¹論到這事，我們有好些話要說，可是很難解釋，因為你們聽不進去。 ¹²按時間說，你們早該作教師了，誰知還需要有人再將上帝聖言基礎的要道教導你們；你們成了那需要吃奶、不能吃乾糧的人。 ¹³凡只能吃奶的，就不熟練仁義的道理，因為他是嬰孩。 ¹⁴惟獨長大成人的才能吃乾糧，他們的心竅因練習而靈活，能分辨善惡了。