3

¹Yog le ntawd cov Yutai tswm txaj dua lwm tug le caag? Qhov kws ua kevcai txav muaj qaabhau daabtsw? ²Muaj qaabhau txhua yaam. Qhov ib, muab Vaajtswv tej lug cob rua cov Yutai tuav. ³Txawm yog muaj qee leej ua tsw ncaaj los qhov kws puab ua tsw ncaaj hov yuav rhuav Vaajtswv txujkev ncaaj lov? ⁴Tsw tau le. Txawm yog tuabneeg txhua tug daag kuj thov ca Vaajtswv ua tug tseeb, lawv le kws sau ca has tas,
“sub txhad pum tas koj ncaaj nceeg huv koj tej lug,
hab kov yeej rua thaus koj txav txem.”⚓
⁵Tassws yog peb tej kev phem ua rua Vaajtswv txujkev ncaaj nceeg tshwm lug, peb yuav has le caag? Peb yuav has tas qhov kws Vaajtswv npau tawg tshwm rua peb, yog nwg ua tsw ncaaj lov? (Kuv has lawv le tuabneeg has xwb.) ⁶Tsw yog le, tsua qhov yog has tas zoo le ntawd Vaajtswv yuav txav txem rua lub nplajteb tau le caag? ⁷Yog Vaajtswv txujkev tseeb tshwm lug vem yog qhov kws kuv daag kuj ua rua Vaajtswv tau koob meej ntau heev lawm, ua le caag kuv tseed yuav raug txav txem zoo le tug kws muaj txem? ⁸Hab ua caag peb tsw ua qhov phem sub qhov zoo txhad tshwm tuaj? Lawv le muaj qee leej xyaav peb has tas peb has le ntawd. Cov tuabneeg kws has le nuav raug txem kuj yog ua ncaaj lawm.

Tsw muaj tuabneeg ncaaj nceeg hlo le

⁹Yog le ntawd yuav has le caag? Peb cov Yutai zoo dua lov? Tsw yog hlo le, vem tas kuv tub qha tseeb tas tuabneeg txhua tug tsw has cov Yutai hab cov Kili puavleej nyob huv qaab txujkev txhum. ¹⁰Lawv le tub sau ca has tas,
“Tsw muaj ib tug ncaaj nceeg,
tsw muaj ib tug hlo le.
¹¹Tsw muaj ib tug nkaag sab,
tsw muaj ib tug nrhav Vaajtswv.
¹²Puab txhua tug yuam kev taag,
hab puab phem taag huvsw ib yaam nkaus,
tsw muaj ib tug ua zoo,
tsw muaj hlo le.”⚓
¹³“Puab lub roj paas yog lub qhov ntxaa
kws qheb quas lug,
puab swv puab tug nplaig daag ntxag.”⚓
“Taug naab nyob ntawm puab daim tawv ncauj.”⚓
¹⁴“Tej lug tsawm foom hab tej lug ab sab
puv nkaus huv puab lub qhov ncauj.”⚓
¹⁵“Puab txhais kwtaw dha moog
ua rua nqaj nduag ntshaav nrug,
¹⁶txujkev kws puab moog
muaj kev puam tsuaj hab kev txom nyem,
¹⁷hab puab tsw paub txujkev hum xeeb.”⚓
¹⁸“Puab tsw paub ntshai Vaajtswv hlo le.”⚓
¹⁹Peb paub tas Vaajtswv txuj kevcai has le caag, kuj yog has rua cov kws nyob huv txuj kevcai hov, sub txhua tug lub qhov ncauj txhad tsw muaj lug teb le hab taag nrho lub nplajteb yuav raug Vaajtswv txav txem. ²⁰Vem qhov kws xyum lawv le txuj kevcai, Vaajtswv tsw pum muaj ib tug twg yuav raug suav tas ncaaj nceeg, tsua qhov txuj kevcai hov qha kuas peb paub txug lub txem xwb.

Kev ncaaj nceeg lug ntawm txujkev ntseeg

²¹Tassws nwgnuav txujkev ncaaj nceeg kws Vaajtswv pub tshwm lug tsw yog vem coj lawv le txuj kevcai, tassws txuj kevcai hab cov xwbfwb cev Vaajtswv lug tseed ua timkhawv rua txujkev ncaaj nceeg ntawd. ²²Txujkev ncaaj nceeg kws Vaajtswv pub vem yog ntseeg Yexu Kheto, yog pub rua txhua tug kws ntseeg, tsw suav tas ib leeg txawv ib leeg, ²³tsua qhov txhua tug puavleej muaj txem hab poob ntawm Vaajtswv tug fwjchim ci ntsaa ab lawm, ²⁴tassws Vaajtswv muaj txujkev hlub txhad pub dawb rua puab ua tau tug ncaaj nceeg vem qhov kws Yexu Kheto txhwv puab dim lub txem. ²⁵Vaajtswv tsaa Yexu ua tug kws muab Yexu cov ntshaav ntxuav txhua tug kws ntseeg lub txem.⚓ Tej nuav txhad ua kuas pum txujkev ncaaj nceeg kws Vaajtswv pub vem nwg ua sab ntev tsw rau txem rua tej kev txhum kws ua lug lawd, ²⁶sub txhad ua nwg txujkev ncaaj nceeg tshwm rua cov tuabneeg tam nuav hab qha tas nwg yog tug ncaaj nceeg hab suav tas tug kws ntseeg Yexu yog tug ncaaj nceeg.
²⁷Yog le nuav peb yuav khaav tau le caag? Khaav tsw tau hlo le. Yuav ua lawv le txuj kevcai twg? Yuav ua lawv txuj kevcai xyum zoo lov? Tsw tau le. Yuav tsum ua lawv le txujkev ntseeg xwb. ²⁸Peb paub tas tuabneeg raug suav tas ncaaj nceeg yog vem nwg ntseeg tsw yog qhov kws nwg xyum lawv le txuj kevcai. ²⁹Vaajtswv tsuas yog cov Yutai tug Vaajtswv xwb lov? Nwg tsw yog lwm haiv tuabneeg tug Vaajtswv hab lov? Nwg yeej yog lwm haiv tuabneeg tug Vaajtswv hab, ³⁰tsua qhov Vaajtswv yog tuab tug Vaajtswv hab nwg suav tas tug kws ua kevcai txav hab tug kws tsw tau ua puavleej ncaaj nceeg ib yaam nkaus vem qhov kws ntseeg. ³¹Yog le hov peb muab txujkev ntseeg nuav rhuav txuj kevcai lov? Tsw tau le. Peb yeej tuav rawv txuj kevcai.

3

¹Puas yog cov Yudais tsim txiaj dua lwm Haivneeg lossis qhov uas ua kevcai txiav muaj nqis dabtsi? ²Yeej muaj nqis rau txhua yam. Thawj qhov yog Vajtswv muab nws txojlus rau cov Yudais tuav. ³Tiamsis yog cov Yudais qee leej tsis ua raws li Vajtswv txojlus puas ua rau Vajtswv txojlus tsis muaj nqis lawm? ⁴Tsis yog li ntawd! Txawm yog txhua tus dag los Vajtswv tsis dag, raws li twb muaj lus sau tseg lawm hais tias,
“Thaum koj hais lus sawvdaws yeej
paub hais tias koj hais tseeb;
thaum luag taug koj zaj, sawvdaws
yeej paub hais tias koj tsis tau ua txhaum.”
⁵Peb ho yuav hais li cas, yog peb tej kev txhaum ua rau peb pom hais tias Vajtswv yog tus ncaj ncees. Peb yuav hais tias Vajtswv txiav txim tsis ncaj rau peb no los? (Kuv hais raws li neeg hais.) ⁶Tsis yog li ntawd! Yog hais tias Vajtswv ua tsis ncaj, nws yuav ua li cas muaj cuabkav txiav txim rau neeg ntiajteb?
⁷Yog hais tias kuv ua tsis ncaj rau sawvdaws pom Vajtswv tus uas ncaj ncees lub tshwjchim tseeb, ua li cas kuv tseem raug txim ib yam li tus neeg txhaum thiab? ⁸Ua li cas peb tsis hais tias, “Peb mus ua txhaum kom peb tau qhov zoo”? Muaj qee leej thuam peb hais tias peb hais li ntawd! Qhov uas lawv raug txim li ntawd yeej tsimnyog lawm.

Tsis Muaj Ib Tug Neeg Ncaj Ncees Li

(Phau Ntawv Nkauj 14.1-3; 53.1-4)

⁹Peb cov uas yog neeg Yudais, peb zoo dua lwm Haivneeg los? Tsis yog li ntawd! Kuv twb qhia rau nej lawm hais tias txojkev txhaum yeej kav tagnrho cov neeg Yudais thiab lwm Haivneeg huv tibsi. ¹⁰Raws li Vajtswv Txojlus hais tias:
“Yeej tsis muaj ib tug neeg ncaj ncees hlo li,
¹¹tsis muaj ib tug totaub lossis nrhiav Vajtswv li.
¹²Txhua tus puavleej tso Vajtswv tseg;
lawv txhua tus ua txhaum huv tibsi;
tsis muaj leej twg ua zoo li, txawm
yog ib tug los twb tsis muaj.
¹³Lawv lub qa zoo ib yam li lub qhov ntxa uas qhib lug cia;
lawv tus nplaig hais tej lus dag ntxias;
lawv tej lus muaj taug ib yam li taug nab.
¹⁴Lawv lub qhovncauj foom phem
thiab hais tej lus iab lus daw xwb.
¹⁵Lawv khiav ceev nrooj mus ua phem thiab tua neeg;
¹⁶txhua qhov uas lawv mus, lawv ua
rau luag raug kev txomnyem thiab puastsuaj.
¹⁷Lawv tsis paub nrog leej twg sib raug zoo,
¹⁸lossis lawv tsis paub ntshai Vajtswv li.”
¹⁹Nimno peb paub hais tias txhua nqe uas Vajtswv txoj Kevcai qhia yeej qhia kom neeg hwm txoj Kevcai, txhua tus thiaj tsis muaj lus hais, thiab Vajtswv yuav txiav txim rau txhua tus neeg hauv ntiajteb no. ²⁰Rau qhov txhua tus uas ua raws li txoj Kevcai yeej tsis muaj ib tug ncaj ncees tabmeeg Vajtswv li; txoj kevcai ntawd tsuas qhia kom neeg paub neeg txojkev txhaum xwb.

Tus Ncaj Ncees Yog Tus Ntseeg

²¹Tiamsis qhov uas nimno Vajtswv suav hais tias neeg ncaj ncees tabmeeg Vajtswv tsis yog vim neeg coj raws li txoj kevcai. Qhov tseeb, Mauxes txoj Kevcai thiab cov cev Vajtswv lus los puavleej ua tim khawv hais txog zaj no. ²²Vajtswv suav hais tias txhua tus uas los ntseeg Yexus Khetos thiaj yog neeg ncaj ncees xwb. Rau qhov Vajtswv suav hais tias txhua tus uas ntseeg Yexus Khetos zoo ib yam nkaus; ²³rau qhov txhua tus puavleej ua txhaum thiab tu ncua Vajtswv lub tshwjchim lawm. ²⁴Vajtswv txojkev hlub uas nws muab pub dawb rau neeg yog nws txib Yexus Khetos los tuag txhiv neeg kom dim txim, Vajtswv thiaj suav hais tias neeg ncaj ncees tabmeeg Vajtswv. ²⁵Vajtswv txib Yexus Khetos los tuag theej neeg lub txhoj thiab nws cov ntshav ntxuav neeg tej kev txhaum, Vajtswv thiaj zam tau neeg lub txhim, vim neeg ntseeg Yexus Khetos. Vajtswv ua li ntawd qhia hais tias Vajtswv yog tus ncaj ncees. Yav tas los Vajtswv ua siab ntev thiab tsis rau txim rau cov neeg uas ua txhaum. ²⁶Qhov uas Vajtswv ua li no qhia hais tias Vajtswv yog tus ncaj ncees, Vajtswv tsis suav neeg lub txim, thiab Vajtswv pab kom txhua tus uas ntseeg Yexus Khetos ua tau neeg ncaj ncees.
²⁷Yog li ntawd, peb yuav ua li cas khav tau? Yeej tsis muaj ib yam dabtsi uas peb khav tau. Tsis hais txoj kevcai twg lossis tes haujlwm twg li, tiamsis yog qhov uas ntseeg Yexus Khetos xwb. ²⁸Yog li ntawd, peb paub hais tias tus uas Vajtswv suav hais tias ncaj ncees yog tus uas ntseeg, tsis yog tus uas coj raws li txoj kevcai qhia. ²⁹Vajtswv tsuas yog cov Yudais tus Vajtswv xwb los? Nws tsis yog lwm Haivneeg tus Vajtswv los? Vajtswv yeej yog lwm Haivneeg tus Vajtswv thiab. ³⁰Tsuas muaj tib tug Vajtswv xwb, Vajtswv suav hais tias txhua tus uas ntseeg Yexus Khetos, tsis hais cov Yudais lossis lwm Haivneeg yog cov uas ncaj ncees. ³¹Yog Vajtswv ua li ntawd, peb yuav suav hais tias Vajtswv txoj kevcai tsis tseemceeb no los? Tsis yog li ntawd! Peb cov uas ntseeg Yexus Khetos, peb hajyam suav hais tias Vajtswv txoj kevcai tog txoj uas tseemceeb.