110
Tug kws Yawmsaub xaiv ua vaajntxwv
Zaaj nkauj kws Tavi sau.
1Yawmsaub has rua kuv tug tswv tas,
“Ca le nyob tsawg ntawm kuv saab xws,
moog txug thaus kuv muab
koj cov yeeb ncuab ua koj lub rooj tag taw.”
2Yawmsaub yuav ua rua koj tug cwj
kws muaj fwjchim kaav huv Xi‑oo
moog daav quas zug.
Ca le ua vaajntxwv
kaav koj cov tshawj chim.
3Koj cov tuabneeg
yuav yeem pub puab tug kheej
rua nub kws koj coj koj cov tub rog moog
rua sau tej roob kws dawb huv.
Koj cov tub hluas yuav lug cuag koj,
ib yaam le dej lwg tawm
huv kaaj ntug lub plaab lug.⚓
4Yawmsaub tub cog lug tawv lawm,
nwg yuav tsw hloov dua sab le.
“Koj ua pov thawj moog ib txhws
ib yaam le Mekhixente.”
5Tug Tswv nyob ntawm koj saab teg xws,
nwg yuav tsoo tej vaajntxwv tawg taag
rua nub kws nwg npau tawg.
6Nwg yuav txav txem rua ib tsoom tebchaws
ua kuas muaj cev tuag puv taag,
nwg yuav tsoo cov kws ua thawj
thoob nplajteb pam taag.
7Vaajntxwv yuav haus tug dej
kws ndwg lawv ntug kev,
yog le hov nwg yuav tsaa
nwg lub taubhau sawv sab.