18

Cov tebchaws kws Tavi kov yeej

(2Xmy. 8:1-14)

 1Dhau hov Tavi ntaus yeej cov Filixatee hab tswjfwm puab. Tavi txeeb tau lub moos Ka hab tej zej zog ib ncig lub moos hov ntawm cov Filixatee txhais teg.
  2Nwg ntaus yeej cov Mau‑a mas cov Mau‑a kuj zwm rua Tavi hab coj hov txhua chaw tuaj them se rua nwg.
  3Tavi kuj ntaus yeej Hantantexaw kws ua vaajntxwv huv lub moos Xaunpa ncaaj moog txug lub moos Hama, yog lub swjhawm kws Hantantexaw moog tsaa cov tub rog zuv ntawm tug nam dej Yufeti. 4Tavi txeeb tau cov tsheb ua rog ntawm Hantantexaw ib txheeb lub hab cov tub rog caij neeg xyaa txheeb leej hab cov tub rog moog kwtaw ob vaam leej, hab Tavi txav cov neeg kws hai tsheb ua rog leeg rawg huvsw, tseg kuas txaus hai ib puas lub tsheb ua rog xwb. 5Thaus cov tuabneeg Alaa kws nyob huv lub nroog Ntamaxaka tuaj paab Xaunpa tug vaajntxwv Hantantexaw, mas Tavi tua cov Alaa ob vaam ob txheeb leej. 6Tavi tsaa ib co tub rog zuv kaav cov Alaa huv lub nroog Ntamaxaka. Cov Alaa zwm rua Tavi hab coj hov txhua chaw tuaj them se rua nwg. Yawmsaub pub Tavi kov yeej rua txhua qhov kws nwg moog. 7Hab Tavi txeeb tau daim phaj kub kws thaiv hauv sab kws Hantantexaw cov tub teg tub taw coj, hab coj moog rua lub nroog Yeluxalee. 8Hab Tavi txeeb tau tooj lab ntau ntau le ntawm lub moos Thiha hab lub moos Khu kws yog Hantantexaw tej moos. Mas Xalaumoo muab cov tooj lab hov ua lub rhawv dej tooj lab hab cov ncej hab tej pestwj swv kws yog tooj lab.
  9Thaus vaajntxwv Tho‑u huv lub moos Hama nov tas Tavi tau ntaus yeej lub moos Xaunpa tug vaajntxwv Hantantexaw cov tub rog huvsw lawm, 10Tho‑u txawm khaiv nwg tug tub Hantaulaa moog cuag vaajntxwv Tavi moog has ib lu lug tshaav ntuj zoo sab rua nwg tsua qhov kws Tavi tau ua rog hab kov yeej Hantantexaw lawm, tsua qhov Hantantexaw pheej ua rog rua Tho‑u. Mas Tho‑u xaa ntau yaam kws xuas nyaj xuas kub xuas tooj lab ua tuaj pub rua Tavi. 11Vaajntxwv Tavi muab txhua yaam nuav xyeem pub rua Yawmsaub, hab muab tej nyaj kub kws nwg muab tau ntawm txhua haiv tuabneeg kws nwg kov yeej xyeem pub rua Yawmsaub, yog tej kws nwg txeeb tau ntawm cov Entoo, cov Mau‑a, cov Aamoo, cov Filixatee hab cov Amalej.
  12Xeluya⚓ tug tub Anpisai moog tua cov Entoo tuag ib vaam yim txheeb leej huv lub Haav Ntsev. 13Hab nwg tso tub rog zuv kaav tebchaws Entoo. Cov tuabneeg Entoo suavdawg txhad zwm rua Tavi. Yawmsaub pub Tavi kov yeej rua txhua qhov kws nwg moog.

Cov kws ua Tavi le num

(2Xmy. 8:15-18)

 14Mas Tavi kaav taag nrho cov Yixayee huvsw. Tavi ua ncaaj ua nceeg hab ua zoo rua nwg cov pejxeem suavdawg. 15Xeluya tug tub Yau‑a ua thawj kaav tub rog. Ahilu tug tub Yehausafa ua tug kws sau ntawv keeb kwm. 16Ahithu tug tub Xantau hab Anpiyatha tug tub Ahimelej⚓ ua pov thawj. Sasas ua tug tub sau ntawv. 17Yehauyanta tug tub Npenaya kaav cov Khelethi hab cov Pelethi.⚓ Hab Tavi cov tub ua cov num tswv luj kws ua vaajntxwv tej num.

18

Cov tebchaws uas Davi kov yeej

(2Xmy. 8:1-14)

 1Dhau ntawd Davi ntaus yeej cov Filixatee thiab tswjhwm lawv. Davi txeeb tau lub moos Ka thiab tej zej zog ib ncig lub moos ntawm cov Filixatee txhais tes.
  2Nws ntaus yeej cov Mau‑a mas cov Mau‑a kuj zwm rau Davi thiab coj qhov txhia chaw tuaj them se rau nws.
  3Davi kuj ntaus yeej Hadadexaw uas ua vajntxwv hauv lub moos Xaunpa ncaj mus txog lub moos Hama, yog lub sijhawm uas Hadadexaw mus tsa cov tub rog zov ntawm tus niag dej Yufeti. 4Davi txeeb tau cov tsheb ua rog ntawm Hadadexaw ib txhiab lub thiab cov tub rog caij nees xya txhiab leej thiab cov tub rog mus kotaw ob vam leej, thiab Davi txiav cov nees uas hai tsheb ua rog leeg raws huvsi, tseg kom txaus hai ib puas lub tsheb ua rog xwb. 5Thaum cov neeg Alas uas nyob hauv lub nroog Damaxaka tuaj pab Xaunpa tus vajntxwv Hadadexaw, mas Davi tua cov Alas ob vam ob txhiab leej. 6Davi tsa ib co tub rog zov kav cov Alas hauv lub nroog Damaxaka. Cov Alas zwm rau Davi thiab coj qhov txhia chaw tuaj them se rau nws. Yawmsaub pub Davi kov yeej rau txhua qhov uas nws mus. 7Thiab Davi txeeb tau daim phiaj kub uas thaiv hauv siab uas Hadadexaw cov tub teg tub taws coj, thiab coj mus rau lub nroog Yeluxalees. 8Thiab Davi txeeb tau tooj liab ntau ntau li ntawm lub moos Thiha thiab lub moos Khu uas yog Hadadexaw tej moos. Mas Xalaumoo muab cov tooj liab ntawd ua lub rhawv dej tooj liab thiab cov ncej thiab tej twj siv uas yog tooj liab.
  9Thaum vajntxwv Tho‑u hauv lub moos Hama hnov tias Davi tau ntaus yeej lub moos Xaunpa tus vajntxwv Hadadexaw cov tub rog huvsi lawm, 10Tho‑u txawm txib nws tus tub Hadaulas mus cuag vajntxwv Davi mus hais ib lo lus tshav ntuj zoo siab rau nws rau qhov uas Davi tau ua rog thiab kov yeej Hadadexaw lawm, rau qhov Hadadexaw pheej ua rog rau Tho‑u. Mas Tho‑u xa ntau yam uas xuas nyiaj xuas kub xuas tooj liab ua tuaj pub rau Davi. 11Vajntxwv Davi muab txhua yam no xyeem pub rau Yawmsaub, thiab muab tej nyiaj kub uas nws muab tau ntawm txhua haiv neeg uas nws kov yeej xyeem pub rau Yawmsaub, yog tej uas nws txeeb tau ntawm cov Edoo, cov Mau‑a, cov Asmoo, cov Filixatee thiab cov Amalej.
  12Xeluya⚓ tus tub Anpisai mus tua cov Edoo tuag ib vam yim txhiab leej hauv lub hav Ntsev. 13Thiab nws tso tub rog zov kav tebchaws Edoo. Cov neeg Edoo sawvdaws thiaj zwm rau Davi. Yawmsaub pub Davi kov yeej rau txhua qhov uas nws mus.

Cov uas ua Davi li haujlwm

(2Xmy. 8:15-18)

 14Mas Davi kav tag nrho cov Yixayee huvsi. Davi ua ncaj ua ncees thiab ua zoo rau nws cov pejxeem sawvdaws. 15Xeluya tus tub Yau‑a ua thawj kav tub rog. Ahilu tus tub Yehausafa ua tus uas sau ntawv keeb kwm. 16Ahithu tus tub Xadau thiab Anpiyatha tus tub Ahimelej⚓ ua pov thawj. Sasas ua tus tub sau ntawv. 17Yehauyada tus tub Npenaya kav cov Khelethi thiab cov Pelethi.⚓ Thiab Davi cov tub ua cov nom tswv loj uas ua vajntxwv tej haujlwm.