1Thaum uas kuv tseem raug kaw nyob hauv chav uas cov tub fajxwm zov, tus TSWV rov hais rau kuv dua. 2Tus TSWV uas tsim lub ntiajteb, rhawv lub ntiajteb thiab muab txawb nyob muaj chaw, nws lub npe hu ua tus TSWV, yog tus uas hais rau kuv hais tias, 3“Koj cia li thov kuv, kuv yuav teb koj; kuv yuav qhia tej txujci tseemceeb uas koj tsis tau paub rau koj. 4Kuv yog tus TSWV uas yog cov Yixalayees tus Vajtswv hais tias luag yuav tuaj vij lub nroog Yeluxalees, muab tej tsev uas nyob hauv lub nroog thiab cov Yudas tus vajntxwv lub loog rhuav kom puastsuaj tas. 5Cov Yudas ibtxhia yuav sawv tawmtsam cov Npanpiloos, tiamsis vim kuv txojkev chim thiab npautaws, kuv yuav muab lawv tua kom tuag pawglug rau txhua qhov. Kuv tso lub nroog no tseg, vim cov neeg uas nyob hauv ua phem ua qias. 6Tiamsis kuv yuav kho lub nroog thiab nws cov neeg kom noj qab nyob zoo. Kuv yuav pub kom lawv nyob tso siab lug tsis ntshai dabtsi. 7Kuv yuav pub kom cov Yudas thiab cov Yixalayees muaj kev vammeej, thiab kuv yuav txhim kho lawv lub neej ib yam li yav thaum ub. 8Txawm yog lawv ntxeev siab thiab ua txhaum tawmtsam kuv, los kuv yuav zam lawv lub txim thiab ntxuav lawv tej kev txhaum. 9Yeluxalees yuav ua qhov chaw rau kuv zoo siab, tau koob meej thiab tau ntsejmuag; txhua haivneeg thoob ntiajteb yuav ntshai ibce tshee hnyo thaum lawv hnov tej txujci tseemceeb uas kuv ua rau cov neeg uas nyob hauv Yeluxalees thiab tej kev vammeej uas kuv pub rau lub nroog ntawd.” 10Tus TSWV hais tias, “Tej neeg sib tham hais tias qhov chaw no zoo ib yam li lub tiaj suabpuam uas tsis muaj neeg lossis tsiaj nyob. Yeej yog li lawv hais tiag; cov Yudas tej nroog yuav tsis muaj neeg lossis tsiaj nyob thiab tej kev hauv lub nroog Yeluxalees yuav tsis muaj neeg taug li. Tiamsis nej yuav hnov hais tias qhov chaw ntawd 11rov muaj suab zoo siab thiab suab noj tshoob haus kos. Nej yuav hnov suab hu nkauj zoo siab thiab coj khoom ua tsaug tuaj fij rau kuv hauv lub Tuamtsev; lawv yuav hais tias, ‘Cia li ua tus TSWV uas muaj hwjchim loj kawg nkaus tsaug, rau qhov nws yog tus muaj siab dawb siab zoo thiab nws txojkev hlub nyob mus ibtxhis.’ Kuv yuav ua kom lub tebchaws no rov vammeej ib yam li thaum ub. Kuv yog tus TSWV uas hais li ntawd.” 12Tus TSWV uas muaj hwjchim loj kawg nkaus hais tias, “Lub tebchaws no zoo ib yam li lub tiaj suabpuam, tsis muaj neeg lossis tsiaj nyob, tiamsis yuav rov ua tshav zaub rau cov tub yug yaj coj lawv tej yaj mus noj zaub. 13Cov tub yug yaj yuav txheeb lawv tej yaj nyob hauv tej nroog, saum tej laj roob, ntawm tej taw roob, hauv tebchaws Yudas sab qabteb, hauv xeem Npeenyamees cheebtsam av, hauv tej zos uas nyob ibncig lub nroog Yeluxalees thiab hauv cov Yudas tej nroog. Kuv yog tus TSWV uas hais li ntawd.” 14Tus TSWV hais tias, “Twb yuav txog lub sijhawm uas kuv ua kom txhua yam tiav raws li kuv tej lus cog tseg rau cov Yudas thiab cov Yixalayees. 15Thaum txog lub sijhawm ntawd, kuv yuav xaiv Daviv ib tug xeebntxwv uas ncaj ncees los ua vajntxwv. Tus vajntxwv ntawd yuav kav lub tebchaws ncaj ncees. 16Kuv yuav cawm cov Yudas thiab cov neeg hauv lub nroog Yeluxalees kom dim thiab nyob kaj siab lug. Luag yuav hu lub nroog hais tias, ‘Tus TSWV uas yog Peb Txojkev Cawm Dim.’ 17Tus TSWV hais tias Daviv yuav muaj xeebntxwv los ua vajntxwv kav cov Yixalayees tsis tu ncua, 18thiab xeem Levis yuav tau ua povthawj ua kuv tes haujlwm uas yog muab tsiaj, qoobloo thiab tej khoom theej txhoj hlawv fij tsis tu ncua rau kuv.” 19Tus TSWV hais rau kuv hais tias, 20“Kuv coglus rau nruab hnub thiab hmo ntuj, kom nyias muaj raws li nyias lub caij; lo lus cog tseg ntawd tsis muaj leejtwg rhuav tau li. 21Kuv tau coglus tseg rau kuv tus tubtxib Daviv ib yam li ntawd hais tias, nws cajces yuav tau ua vajntxwv tsis tu ncua, thiab cov povthawj uas yog xeem Levis los yuav tau ua kuv tes haujlwm mus li; tej lus cog tseg no los tsis pub leejtwg rhuav tau li. 22Kuv yuav pub kom kuv tus tubtxib Daviv cov xeebntxwv thiab cov povthawj uas yog xeem Levis huamvam coob ib yam li tej hnubqub saum nruab ntug thiab tej suabzeb ntawm ntug hiavtxwv uas tsis muaj leejtwg suav txheeb.” 23Tus TSWV hais rau kuv hais tias, 24“Koj puas hnov tej neeg hais tias kuv twb muab ob tsevneeg uas yog cov Yudas thiab cov Yixalayees uas kuv xaiv ntawd tso tseg lawm? Vim li ntawd luag thiaj saib tsis taus kuv haivneeg thiab tsis suav hais tias lawv yog ib haivneeg li. 25Tiamsis kuv uas yog tus TSWV, kuv twb coglus rau nruab hnub thiab hmo ntuj thiab ua kom muaj kevcai tswj lub ntiajteb thiab lub ntuj. 26Yeej yuav muaj tseeb raws li kuv tej lus cog tseg no; yog li ntawd, kuv yuav tsis hloov tej lus uas kuv cog tseg rau Yakhauj cov xeebntxwv thiab kuv tus tubtxib Daviv. Kuv yuav xaiv Daviv cov xeebntxwv ib tug los ua thawjcoj kav Anplahas, Ixaj thiab Yakhauj cov xeebntxwv. Kuv yuav hlub kuv haivneeg thiab pub kom lawv rov vammeej dua.”
33
Yeluxalee rov zoo le qub
1Yawmsaub has lug zag ob tuaj rua Yelemi yog thaus kws Yelemi tseed raug kaw rua huv cov tub rog kws zuv vaajntxwv lub loog, has tas. 2“Yawmsaub kws tswm nplajteb, Yawmsaub kws rhawv lub nplajteb kuas nyob ruaj, nwg npe yog Yawmsaub ntaag, nwg has le nuav tas, 3‘Ca le thov kuv, mas kuv yuav teb koj hab yuav qha tej yaam luj kws zais ca lawm rua koj, yog tej kws koj tsw tau paub dua le.’ 4Tsua qhov Yawmsaub kws yog Yixayee tug Vaajtswv tau has le nuav txug tej tsev huv lub nroog nuav hab Yuta tej vaajntxwv tej tsev kws mej muab rhuav taag txhad ua tau lub chaw tiv thaiv tej chaw sab kws tib vej lub nroog hab tiv thaiv nav ntaaj. 5‘Cov Kheentia yuav tuaj ua rog⚓ hab ua rua tej vaaj tse hov puv nkaus tuabneeg tuag, yog cov kws kuv chim hab npau tawg es muab tua, tsua qhov kuv tub fee plhu ntawm lub nroog nuav vem yog txhua yaam limham kws puab ua. 6Saib maj, kuv yuav ua rua lub nroog nuav noj qaab nyob zoo hab khu kuas zoo, hab kuv yuav khu kuas puab zoo hab kuv yuav ua kev vaam meej nplua mag hab kev nyob tso sab plhuav tshwm lug rua puab. 7Kuv yuav pub kuas Yuta hab Yixayee rov vaam meej le qub, hab muab puab tswm dua tshab yaam nkaus le yaav thau u. 8Kuv yuav muab puab lub txem kws ua txhum rua kuv ntxuav huvsw moog, hab kuv yuav zaam puab lub txem kws puab ua txhum hab faav xeeb rua kuv. 9Hab lub nroog nuav lub koob meej yuav ua rua kuv zoo sab xyiv faab hab ua rua luas qhuas kuv hab tau ntsej muag taab meeg ib tsoom tebchaws suavdawg huv nplajteb kws tau nov txug tej kev zoo huvsw kws kuv tau ua rua puab lawm. Puab yuav ntshai tshee quas nyo vem yog tej kev zoo hab tej kev vaam meej huvsw kws kuv pub rua lub nroog nuav.’ 10“Yawmsaub has le nuav tas, ‘Huv lub chaw kws mej has tas “Lamswm taag tsw muaj tuabneeg hab tsaj txhu nyob le,” hab huv Yuta tej moos hab huv Yeluxalee tej kev kws nyob do cuas tsw muaj tuabneeg lossws tsaj txhu lawm, qhov chaw ntawd yuav rov nov 11lub suab luag hab lub suab zoo sab, hab nov nraug vauv nkauj nyaab lub suab, hab nov tej suab nkauj kws thaus puab coj hov txhua chaw tuaj xyeem ua tsaug rua huv Yawmsaub lub tuam tsev puab hu has tas, “ ‘Ca le ua tsaug Yawmsaub kws muaj fwjchim luj kawg nkaus, tsua qhov Yawmsaub zoo kawg nkaus, nwg txujkev hlub ruaj khov nyob moog ib txhws. Kuv yuav pub kuas lub tebchaws rov vaam meej le qub.’ Yawmsaub has le nuav ntaag. 12“Yawmsaub kws muaj fwjchim luj kawg nkaus has le nuav tas, ‘Huv lub chaw nuav kws lamswm taag tsw muaj tuabneeg lossws tsaj txhu nyob hab huv txhua lub moos yuav rov qaab muaj lub chaw rua cov yug yaaj coj puab paab yaaj moog su. 13Huv tej moos peg toj sab hab huv tej moos ntawm tej pov roob Sefela, hab tej moos huv Neke, hab huv Npeeyamee tebchaws hab ib ncig Yeluxalee hab huv Yuta tej moos yuav rov muaj tej paab yaaj rua cov yug yaaj suav.’ Yawmsaub has le nuav ntaag. 14“Yawmsaub has tas, ‘Saib maj, lub caij lub nyoog saamswm lug yuav txug mas kuv yuav ua kuas tav lawv le kuv tej lug cog tseg rua Yixayee caaj ceg hab Yuta caaj ceg. 15“ ‘Nub ntawd hab lub swjhawm ntawd kuv yuav ua kuas ib tug ceg kws ncaaj nceeg yug tshwm huv Tavi lug. Nwg yuav txav txem ncaaj hab ua ncaaj nceeg rua huv lub tebchaws. 16Lub swjhawm ntawd Yuta yuav tau kev dim hab Yeluxalee yuav nyob tso sab plhuav. Yuav hu lub nroog ntawd npe has tas Yawmsaub yog peb txujkev ncaaj nceeg.’ 17Tsua qhov Yawmsaub has le nuav tas, ‘Tavi yuav tsw tu ncua tug kws nyob sau cov Yixayee lub zwm txwv, 18hab xeem Levi yuav tsw tu ncua tug pov thawj kws sawv ntawm kuv xubndag ua kevcai hlawv xyeem hab ua kevcai xyeem qoob loos hab ua kevcai tua tsaj xyeem moog ib txhws.’ ” 19Yawmsaub has lug tuaj rua Yelemi tas, 20“Yawmsaub has le nuav tas, ‘Yog mej muab kuv tej lug cog tseg kws has kuas muaj nruab nub hab muaj mo ntuj rhuav tau, ua tau rua nruab nub hab mo ntuj tsw muaj lawv le lub caij lub nyoog, 21tes mej le rhuav tau tej lug kws kuv cog tseg rua kuv tug qhev Tavi, hab ua tau rua nwg tsw muaj tub sawv kaav sau nwg lub zwm txwv, hab rhuav tau tej lug kws kuv cog tseg rua cov pov thawj huv xeem Levi kws ua koom rua kuv. 22Tej nub qub sau ntuj suav tsw txheeb hab tej xuab zeb ntawm havtxwv suav tsw taag le caag, tes kuv yuav pub rua kuv tug qhev Tavi caaj ceg hab cov pov thawj huv xeem Levi kws ua koom rua kuv fuam vaam coob ib yaam le ntawd.’ ” 23Yawmsaub has lug tuaj rua Yelemi tas, 24“Koj tsw tau tshuaj pum tas cov tuabneeg nuav has le caag lov? Puab has tas, ‘Yawmsaub muab ob xeem kws nwg xaiv lug tso tseg lawm.’ Vem le nuav puab saib tsw taug kuv haiv tuabneeg, mas puab txhad tsw suav has tas kuv haiv tuabneeg yog ib lub tebchaws lawm. 25Yawmsaub has le nuav tas, ‘Yog kuv tsw tau cog lug ruaj rua nruab nub hab mo ntuj hab tsw tau rhawv kevcai ruaj rua lub ntuj hab lub nplajteb, 26tes kuv yuav tso Yakhauj hab kuv tug qhev Tavi caaj ceg pov tseg hab tsw xaiv ib tug huv nwg caaj ceg lug kaav Aplahaa, Yiha hab Yakhauj caaj ceg le. Kuv yeej yuav pub puab rov vaam meej le qub, hab kuv yuav khuvleej puab.’ ”