1
Daniyee raug coj mus rau Npanpiloo tebchaws
1Xyoo peb uas Yehauyakhi ua vajntxwv kav Yuda tebchaws, vajntxwv Nenpukhanexa hauv Npanpiloo tuaj vij ntaus lub nroog Yeluxalees.
2Mas tus Tswv⚓ muab Yuda tus vajntxwv Yehauyakhi thiab tej twj siv hauv Vajtswv lub tuam tsev qee yam cob rau hauv Nenpukhanexa txhais tes, ces nws txawm coj tej ntawd los rau hauv Sina⚓ tebchaws muab cia rau hauv nws tus dab lub txhab nyiaj.
3Vajntxwv txawm hais rau Apena uas yog nws tus thawj nraug sam kom coj cov Yixayee qee leej, yog tej noob vajntxwv thiab cov uas ua hlob los,
4yog cov hluas uas tsis muaj chaw thuam, zoo nraug ntxiag thiab muaj tswvyim, txawj paub thiab txawj nkag siab txhua yam uas muaj peevxwm ua tau haujlwm hauv vajntxwv lub tsev, mas nws yuav tsum qhia lawv paub cov Kheedia li ntawv thiab paub lus.
5Vajntxwv niaj hnub kom muab cov zaub mov zoo zoo uas vajntxwv noj thiab tej cawv txiv hmab uas nws haus rau lawv raws li uas teem tseg. Nws kom lawv kawm txuj ci tau peb xyoos, mas thaum puv sijhawm lawd lawv yuav tsum ua vajntxwv li haujlwm.
6Hauv lawv cov ntawd muaj Daniyee, Hananiya, Misa‑ee thiab Axaliya uas yog xeem Yuda.
7Tus thawj nraug sam tis dua npe tshiab rau lawv. Daniyee mas hu ua Npeethesaxa, Hananiya hu ua Salab, Misa‑ee hu ua Mesa, thiab Axaliya hu ua Anpenekau.
8Daniyee txiav txim siab tias nws yuav tsis cia vajntxwv tej zaub mov zoo thiab tej cawv txiv hmab uas vajntxwv haus ua rau nws lub cev qias puas tsuas. Vim li ntawd nws thiaj thov tus thawj nraug sam kom yeem tsis txhob cia Daniyee ua rau nws qias puas tsuas.
9Vajtswv kuj ua rau tus thawj nraug sam hlub thiab khuvleej Daniyee.
10Tus thawj nraug sam thiaj hais rau Daniyee tias, “Ntshai tsam vajntxwv uas yog kuv tus tswv uas tu tej zaub mov thiab cawv rau nej, pom tias nej lub cev tsis puv li cov hluas uas hnub nyoog nrog nej ib phaum. Ces nej kuj yuav ua rau vajntxwv muab kuv lub taubhau txiav pov tseg.”
11Mas Daniyee thiaj hais rau tus uas tus thawj nraug sam tsa los saib xyuas Daniyee, Hananiya, Misa‑ee thiab Axaliya tias,
12“Thov koj sim peb uas yog koj cov tub qhe kaum hnub. Cia li muab zaub thiab dej rau peb noj thiab haus xwb,
13es koj li tshuaj saib peb lub cev piv rau cov hluas uas noj vajntxwv tej zaub mov zoo ntawd, mas ua rau peb uas yog koj cov tub qhe raws li koj pom tias peb zoo li cas lawm”
14Tus uas saib xyuas lawv kuj yeem ua raws li lawv hais ntawd thiab sim lawv kaum hnub.
15Thaum puv kaum hnub lawd, thiaj pom tias lawv lub cev zoo dua thiab puv dua txhua tus hluas uas noj vajntxwv tej zaub mov zoo.
16Tus uas saib xyuas lawv thiaj rho tej zaub mov zoo thiab tej cawv uas tu rau lawv haus mus lawm, muab zaub rau lawv noj xwb.
17Plaub tug hluas ntawd, mas Vajtswv pub kev txawj ntse rau lawv thiab pub kom lawv txawj ntaub txawj ntawv thiab paub txhua yam tswvyim. Thiab Daniyee kuj nkag siab tej uas ua yog toog thiab ua npau suav txhua yam.
18Thaum tag sijhawm uas vajntxwv teem cia kom coj lawv tuaj cuag nws, tus thawj nraug sam thiaj coj lawv los rau ntawm Nenpukhanexa lub xubntiag.
19Vajntxwv thiaj li nrog lawv tham, mas tag nrho lawv sawvdaws tsis pom muaj ib tug uas zoo cuag li Daniyee, Hananiya, Misa‑ee thiab Axaliya. Lawv thiaj tau ua vajntxwv li haujlwm.
20Tsis hais txhua yam kev tswvyim thiab kev txawj ntse uas vajntxwv nug lawv mas nws pom tias lawv zoo dua tej txiv neeb txiv yaig thiab tej uas txawj ua khawv koob uas nyob hauv nws lub tebchaws kaum npaug.
21Daniyee kuj tau nyob li ntawd mus txog thawj xyoo uas Xailab ua vajntxwv.
1
Taniyee raug coj moog rua Npanpiloo tebchaws
1Xyoo peb kws Yehauyakhi ua vaajntxwv kaav Yuta tebchaws, vaajntxwv Nenpukhanexa huv Npanpiloo tuaj vej ntaus lub nroog Yeluxalee.
2Mas tug Tswv⚓ muab Yuta tug vaajntxwv Yehauyakhi hab tej pestwj huv Vaajtswv lub tuam tsev qee yaam cob rua huv Nenpukhanexa txhais teg, tes nwg txawm coj tej hov lug rua huv Sina⚓ tebchaws muab ca rua huv nwg tug daab lub txhaab nyaj.
3Vaajntxwv txawm has rua Apena kws yog nwg tug thawj nraug saam kuas coj cov Yixayee qee leej, yog tej noob vaajntxwv hab cov kws ua hlub lug,
4yog cov hluas kws tsw muaj chaw thuaj, zoo nraug ntxag hab muaj tswvyim, txawj paub hab txawj nkaag sab txhua yaam kws muaj peevxwm ua tau num huv vaajntxwv lub tsev, mas nwg yuav tsum qha puab paub cov Kheentia le ntawv hab paub lug.
5Vaajntxwv naj nub kuas muab cov zaub mov zoo zoo kws vaajntxwv noj hab tej cawv txwv maab kws nwg haus rua puab lawv le kws teem tseg. Nwg kuas puab kawm txuj ci tau peb xyoos, mas thaus puv swjhawm lawd puab yuav tsum ua vaajntxwv le num.
6Huv puab cov hov muaj Taniyee, Hananiya, Misa‑ee hab Axaliya kws yog xeem Yuta.
7Tug thawj nraug saam tis dua npe tshab rua puab. Taniyee mas hu ua Npeethesaxa, Hananiya hu ua Salab, Misa‑ee hu ua Mesa, hab Axaliya hu ua Anpenekau.
8Taniyee txav sab tas nwg yuav tsw ca vaajntxwv tej zaub mov zoo hab tej cawv txwv maab kws vaajntxwv haus ua rua nwg lub cev qas puag tsuas. Vem le hov nwg txhad thov tug thawj nraug saam kuas yeem tsw xob ca Taniyee ua rua nwg qas puag tsuas.
9Vaajtswv kuj ua rua tug thawj nraug saam hlub hab taab ncuab Taniyee.
10Tug thawj nraug saam txhad has rua Taniyee tas, “Ntshai tsaam vaajntxwv kws yog kuv tug tswv kws tu tej zaub mov hab cawv rua mej, pum tas mej lub cev tsw puv le cov hluas kws noob nyoog nrug mej ib phaum. Tes mej kuj yuav ua rua vaajntxwv muab kuv lub taubhau txav pov tseg.”
11Mas Taniyee txhad has rua tug kws tug thawj nraug saam tsaa lug saib Taniyee, Hananiya, Misa‑ee hab Axaliya tas,
12“Thov koj swm peb kws yog koj cov tub qhe kaum nub. Ca le muab zaub hab dej rua peb noj hab haus xwb,
13es koj le tshuaj saib peb lub cev pev rua cov hluas kws noj vaajntxwv tej zaub mov zoo hov, mas ua rua peb kws yog koj cov tub qhe lawv le koj pum tas peb zoo le caag lawm”
14Tug kws saib puab kuj yeem ua lawv le puab has hov hab swm puab kaum nub.
15Thaus puv kaum nub lawd, txhad pum tas puab lub cev zoo dua hab puv dua txhua tug hluas kws noj vaajntxwv tej zaub mov zoo.
16Tug kws saib puab txhad rhu tej zaub mov zoo hab tej cawv kws tu rua puab haus moog lawm, muab zaub rua puab noj xwb.
17Plaub tug hluas hov, mas Vaajtswv pub kev txawj ntse rua puab hab pub kuas puab txawj ntaub txawj ntawv hab paub txhua yaam tswvyim. Hab Taniyee kuj nkaag sab tej kws ua yug quas toog hab ua npau suav txhua yaam.
18Thaus taag swjhawm kws vaajntxwv teem ca kuas coj puab tuaj cuag nwg, tug thawj nraug saam txhad coj puab lug rua ntawm Nenpukhanexa lub xubndag.
19Vaajntxwv txhad le nrug puab thaam, mas taag nrho puab suavdawg tsw pum muaj ib tug kws zoo cuag le Taniyee, Hananiya, Misa‑ee hab Axaliya. Puab txhad tau ua vaajntxwv le num.
20Tsw has txhua yaam kev tswvyim hab kev txawj ntse kws vaajntxwv nug puab mas nwg pum tas puab zoo dua tej txwv neeb txwv yaig hab tej kws txawj ua khawv koob kws nyob huv nwg lub tebchaws kaum npaug.
21Taniyee kuj tau nyob le hov moog txug thawj xyoo kws Xailab ua vaajntxwv.