1Kuv tus muam npaws, kuv tus nkauj nyab,
kuv los rau hauv kuv lub vaj lawm nav.
Kuv sau zog kuv tej roj tsw qab
thiab tej txuj lom,
kuv noj kuv li tsev ntab thiab zib ntab,
kuv haus kuv li cawv txiv hmab
thiab kuv li kua mis.
Yeluxalees tej ntxhais hais
ob tug uas sib nyiam 'e,
neb cia li haus kom pov khawv nkaus.
Zaj Nkauj Plaub
Tus hluas nkauj hais
tiamsis lub siab ras dhuj dheev.
Kuv hnov tus uas kuv ntxim siab
khob hu hais tias,
“Leej muam npaws, tus uas kuv nyiam,
kuv tus nquab taug,
kuv tus uas zoo nkauj tshaj plaws,
qheb qhov rooj rau kuv,
rau qhov kuv lub taubhau ntub lwg ntsuav,
thiab kuv tej plaubhau
ntub nag tshauv tsaus ntuj nti.”
3Kuv twb hle tsho lawm,
ua li cas tseem yuav kom kuv
rov muab los hnav?
Kuv twb ntxuav kotaw lawm,
ua li cas yuav kom kuv
rov muab ua khub dua thiab?
4Tus uas kuv ntxim siab
cev nws txhais tes ntawm qhov rooj los,
kuv lub siab qaug lias rau nws.
5Kuv sawv tsees mus qheb qhov rooj
rau tus uas ntxim kuv siab,
kuv txhais tes lo roj tsw qab nrog tawv,
kuv cov ntiv tes kuj nrog roj tsw qab
rau thaum kuv tuav tus las rooj.
6Kuv qheb qhov rooj
rau tus uas ntxim kuv siab,
tiamsis tus uas ntxim kuv siab
tig kiag rov qab lawm.
Thaum nws hais lus rau kuv xwb,⚓
kuv yeej poob siab lawm.
Kuv nrhiav nws tiamsis nrhiav tsis pom,
kuv hu nws los nws tsis teb li.
7Cov uas faj xwm ntsib kuv rau thaum
lawv tabtom taug kev hauv lub nroog.
Lawv txawm ntaus kuv,
muab kuv ntaus mob thiab to,
lawv txeeb kuv daim ntaub kauv lawm,
yog lawv cov uas zov ntsa loog.
8Yeluxalees tej ntxhais 'e,
thov nej cog lus cia tias
yog nej ntsib kuv tus uas ntxim siab
nej yuav hais rau nws tias
kuv nyiam nws mob kuv siab kawg.
Yeluxalees tej ntxhais hais
ib tsoom hluas nkauj huvsi 'e,
tus uas ntxim koj siab
zoo dua li luag lwm tus lov?
Tus uas ntxim koj siab
zoo dua li luag lwm tus npaum li cas
es koj yuav kom peb cog lus li ntawd?
10Tus uas kuv ntxim siab
zoo nraug plhu tshiab liab ploog,
ib vam leej nws yog tus zoo tshaj plaws.
11Nws cov plaubhau yog tseem kub,
nws cov plaubhau caws vos,
thiab dub yam li uab lag.
12Nws qhov muag zoo tam tus nquab taug
uas nyob ntawm ntug hav dej da kua mis,
zoo yam nkaus li qe zeb hlaws
khawm rau hauv lub tais.⚓
13Nws ob lub plhu zoo yam nkaus li
thaj uas cog txuj lom tsw qab
ntxiag thoob plaws.
Nws daim tawv ncauj zoo yam nkaus li
tej paj lilij uas roj tsw qab nrog ntsuj ntsuav.
14Nws txhais npab ntug ntoob,
yog npab kub uas muaj
tej qe zeb hlaws muaj nqes ntsia lo rau.
Nws lub cev zoo yam li kaus ntxhw uas muab
qe zeb phaithu tsamxem teem rau.
15Nws txhais ceg yog ncej zeb dawb
uas txawb saum lub taw kub.
Nws lub cev ntaj ntsug
zoo yam nkaus li Lenpanoo,
zoo nraug li tej ntoo ciab.
16Tej lus uas nws hais qab zib kawg,
nws lub zeej txhiaj
ntxim nyiam kawg nkaus li.
Yeluxalees tej ntxhais 'e,
no yog tus uas kuv ntxim siab
thiab yog kuv tus phoojywg.
1Kuv tug muam npawg, kuv tug nkauj nyaab,
kuv lug rua huv kuv lub vaaj lawm nav.
Kuv sau zog kuv tej roj tsw qaab
hab tej txum lom,
kuv noj kuv le tsev ntaab hab zwb ntaab,
kuv haus kuv le cawv txwv maab
hab kuv le kua mig.
Yeluxalee tej ntxhais has
ob tug kws sws nyam 'e,
meb ca le haus kuas pov khawv nkaus.
Zaaj Nkauj Plaub
Tug hluas nkauj has
tassws lub sab raag dhuj dheev.
Kuv nov tug kws kuv ntxwm sab
khob hu has tas,
“Leej muam npawg, tug kws kuv nyam,
kuv tug nquab taug,
kuv tug kws zoo nkauj tshaaj plawg,
qheb qhov rooj rua kuv,
tsua qhov kuv lub taubhau ntub lwg ntsuav,
hab kuv tej plaubhau
ntub naag tshauv tsaus ntuj nti.”
3Kuv tub hle tsho lawm,
ua le caag tseed yuav kuas kuv
rov muab lug naav?
Kuv tub ntxuav kwtaw lawm,
ua le caag yuav kuas kuv
rov muab ua khub dua hab?
4Tug kws kuv ntxwm sab
cev nwg txhais teg ntawm qhov rooj lug,
kuv lub sab qaug lag rua nwg.
5Kuv sawv tseeg moog qheb qhov rooj
rua tug kws ntxwm kuv sab,
kuv txhais teg lu roj tsw qaab nrug tawv,
kuv cov ntiv teg kuj nrug roj tsw qaab
rua thaus kuv tuav tug laag rooj.
6Kuv qheb qhov rooj
rua tug kws ntxwm kuv sab,
tassws tug kws ntxwm kuv sab
tig hlo rov qaab lawm.
Thaus nwg has lug rua kuv xwb⚓
kuv yeej poob sab lawm.
Kuv nrhav nwg tassws nrhav tsw pum,
kuv hu nwg kuas nwg tsw teb le.
7Cov kws faaj xwm ntswb kuv rua thaus puab
saamswm taug kev huv lub nroog.
Puab txawm ntaus kuv,
muab kuv ntaus mob hab to,
puab txeeb kuv daim ntaub kauv lawm,
yog puab cov kws zuv ntsaa loog.
8Yeluxalee tej ntxhais 'e, thov mej cog lug ca
tas yog mej ntswb kuv tug kws ntxwm sab
mej yuav has rua nwg tas
kuv nyam nwg mob kuv sab kawg.
Yeluxalee tej ntxhais has
ib tsoom hluas nkauj huvsw 'e,
tug kws ntxwm koj sab
zoo dua le luas lwm tug lov?
Tug kws ntxwm koj sab
zoo dua le luas lwm tug npaum le caag
es koj yuav kuas peb cog lug le ntawd?
10Tug kws kuv ntxwm sab zoo nraug
plhu tshab lab ploog,
ib vaam leej nwg yog tug zoo tshaaj plawg.
11Nwg cov plaubhau yog tseem kub,
nwg cov plaubhau caws vog,
hab dub yaam le uab voj.
12Nwg qhov muag zoo taam tug nquab taug
kws nyob ntawm ntug haav dej daa kua mig,
zoo yaam nkaus le qai zeb hlaws
khawm rua huv lub taig.⚓
13Nwg ob lub plhu zoo yaam nkaus le
thaaj kws cog txum lom tsw qaab
ntxag thoob plhawv.
Nwg daim tawv ncauj zoo yaam nkaus le
tej paaj lilij
kws roj tsw qaab nrug ntsuav.
14Nwg txhais npaab ntug quas ntoob,
yog npaab kub kws muaj tej qai zeb hlaws
muaj nqes ntsa lu rua.
Nwg lub cev zoo yaam le kaug ntxhw
kws muab qai zeb phaithu yimlaaj teem rua.
15Nws txhais ceg yog ncej zeb dawb
kws txawb sau lub taw kub.
Nwg lub cev ntaaj ntsug
zoo yaam nkaus le Lenpanoo,
zoo nraug le tej ntoo cab.
16Tej lug kws nwg has qaab zwb kawg,
nwg lub zeej txhaj ntxwm nyam
kawg nkaus le.
Yeluxalee tej ntxhais 'e,
nuav yog tug kws kuv ntxwm sab
hab yog kuv tug phoojywg.