44

Lub khob nyaj pluj

¹Yauxej has rua tug saib nwg lub tsev tas, “Ca le ntim mog hab qeb kuas puv cov tuabneeg nuav tej seev npaum le kws puab thauj taug, hab muab puab cov nyaj ntsaws rua huv puab txhua tug lub ncauj seev, ²hab muab kuv lub khob nyaj ntsaws rua huv tug kwv ntxawg lub seev ua ke nrug cov nyaj yuav tej mog hab qeb.” Nwg txawm ua lawv nraim le Yauxej has. ³Thaus kaaj ntug nwg txhad tso puab cov tuabneeg hov hab tej neeg luav rov moog tsev. ⁴Thaus puab tawm huv nroog moog tsw tau deb heev, Yauxej has rua tug kws saib tsev tas, “Ca le sawv tseeg moog lawv cov tuabneeg hov, thaus moog lawv cuag, ca le nug tas, ‘Ua caag mej yuav ua kev phem pauj kev zoo? Ua caag mej nyag kuv lub khob nyaj lug lawm? ⁵Lub khob hov yog kuv tug tswv lub khob haus hab swv twv txug tom hauv ntej. Mej ua le nuav mas yog ua txhum.’ ”
⁶Thaus nwg lawv cuag puab nwg has tej lug ntawd rua puab. ⁷Puab txawm teb tas, “Yawm hlub ua caag koj has le kod? Peb kws yog koj cov tub qhe peb yeej tsw tau ua le kod. ⁸Swm xaav saib maj, cov nyaj kws peb pum huv peb tej ncauj seev, peb tseed coj huv Khana‑aa tebchaws rov qaab tuaj rua koj. Peb yuav nyag tej nyaj tej kub huv koj tug tswv lub tsev tau le caag? ⁹Yog koj pum lub khob hov nyob huv peb cov kws yog koj tub qhe nuav leejtwg, koj kuj muab tug hov tua, hab peb tseed yuav moog ua koj kws yog peb tug tswv le qhev hab.” ¹⁰Nwg has tas, “Ca ua lawv le kws mej has. Yog kuv pum lub khob hov nyob ntawm leejtwg mas tug hov yuav tsum ua kuv le qhev, huas mej cov mas tsw txhum.”
¹¹Puab suavdawg maaj nroog nyag tsaws nyag tej seev rua huv peg teb, hab qheb tej ncauj seev. ¹²Tug kws saib tsev txhad tshawb saib tug tub hlub le moog txug ncua tug tub ntxawg le, mas pum lub khob nyob huv Npeeyamee lub seev. ¹³Puab txawm dua rhe puab tej tsho hab txhua tug tsaws tej nraa rua neeg luav thauj rov lug rua huv lub nroog.
¹⁴Thaus Yuta hab cov kwvtij lug txug Yauxej lub tsev, Yauxej tseed nyob huv tsev. Puab txhad khwb nkaus rua huv aav ntawm Yauxej xubndag. ¹⁵Yauxej txhad has rua puab tas, “Mej ua daabtsw le nuav? Mej tsw paub tas tuabneeg zoo le kuv nuav mas paub tau tej kws yuav muaj tshwm lug rua tom hauv ntej lov?” ¹⁶Yuta teb tas, “Peb yuav teb le caag rua kuv tug tswv? Peb yuav has le caag? Peb yuav has daws peb zaaj le caag? Vaajtswv muab peb kws yog koj cov tub qhe tej kev txhum nthuav lug lawm. Yawm hlub, peb txhua tug hab tug kws pum lub khob nyob huv nwg txhais teg yuav ua koj le qhev.” ¹⁷Tassws Yauxej has tas, “Kuv yeej los yuav tsw ua le hov. Tsuas yog tug kws pum lub khob nyob huv nwg txhais teg ua kuv le qhev xwb. Tassws dua le mej cov mas ca le rov qaab moog kuas txug mej txwv ua kaaj sab lug.”

Yuta thov kuas tso Npeeyamee

¹⁸Yuta txhad nkaag moog cuag Yauxej has tas, “Yawm hlub 'e, kuv kws yog koj tug tub qhe thov has ib lus rua koj. Thov koj tsw xob chim rua kuv kws yog koj tug tub qhe, tsua qhov koj zoo taam le Falau ntaag. ¹⁹Koj nug peb kws yog koj le tub qhe tas, ‘Mej tseed muaj txwv hab muaj kwv hab lov?’ ²⁰Peb txhad teb kuv tug tswv tas, ‘Peb muaj txwv, nwg laug laug le lawm hab muaj ib tug kwv yau kws yug rua thaus txwv laug lawm. Tug kwv yau hov tug tijlaug kuj tuag lawm, cov kws nrug nwg koom nam tshuav nwg ib leeg xwb. Txwv hlub tug ntawd heev.’ ²¹Koj txawm has rua peb kws yog koj le tub qhe tas, ‘Coj tug kwv hov tuaj rua kuv saib ntawm nuav.’ ²²Peb txhad has rua yawm hlub tas, ‘Tug tub hluas nuav yuav ncaim tsw tau leej txwv hlo le. Yog nwg ncaim txwv moog lawm mas txwv yuav tuag xwb.’ ²³Koj txawm has rua peb kws yog koj le tub qhe tas, ‘Yog mej tug kwv ntxawg tsw nrug mej tuaj mas mej yuav tsw pum kuv lub ntsej muag dua le lawm.’ ²⁴Thaus peb rov moog txug kuv txwv kws yog koj tug tub qhe lawm, peb kuj pav koj tej lug rua nwg noog. ²⁵Mas thaus peb txwv has tas, ‘Mej rov moog yuav mivntswv mov rua peb noj,’ ²⁶peb txhad has tas, ‘Peb moog tsw tau. Yog tug kwv ntxawg nrug peb moog, peb le moog, tsua qhov peb yuav tsw pum tug yawm hlub hov lub ntsej muag hlo le yuav yog tug kwv ntxawg nrug peb moog xwb.’ ²⁷Kuv txwv kws yog koj tug tub qhe txhad has rua peb tas, ‘Mej paub tas kuv tug quaspuj yug tau ob tug tub rua kuv. ²⁸Ib tug ncaim kuv lawm mas kuv xaav tas tsaj nyaum muab nwg dua noj taag lawm, kuv tsw pum nwg lug txug naj nub nwgnuav le. ²⁹Yog mej tseed coj tug nuav ncaim kuv moog es yog nwg raug xwm txheej le caag lawm, mej yuav ua rua kuv tug dawb hau nuav moog ua lwj sab kawg le rua huv tub tuag teb.’ ³⁰Vem le nuav yog kuv rov qaab moog txug kuv txwv kws yog koj tug tub qhe es tug tub hluas nuav tsw nrug peb moog, mas thaus kuv txwv kws nwg txujsa cog nkaus rua tug tub hluas nuav ³¹pum tas tug tub hluas nuav tsw nrug peb rov moog tsev, txwv yuav tuag. Peb kws yog koj le tub qhe yuav ua rua peb txwv tug dawb hau kws yog koj tug tub qhe moog rua huv tub tuag teb ua lwj sab kawg le xwb. ³²Kuv kws yog koj tug tub qhe qhwv hlo tug kwv nuav rua txwv has tas, ‘Yog kuv tsw coj nwg rov lug rua koj, kuv yuav rws txujkev txhum nuav rua ntawm koj xubndag moog ib txhws le.’ ³³Vem le nuav thov ca kuv kws yog koj tug tub qhe nyob tug tub hluas chaw ua koj le qhev es thov tso tug kwv nrug cov tijlaug moog. ³⁴Yog tug tub hluas tsw nrug kuv ua ke, kuv yuav ua le caag rov moog cuag tau kuv txwv? Ntshai tsaam yuav pum xwm txheej phem lug raug kuv txwv.”

44

Lub khob nyiaj ploj

¹Yauxej hais rau tus saib nws lub tsev tias, “Cia li ntim mog thiab qeb kom puv cov neeg no tej seev npaum li uas lawv thauj taus, thiab muab lawv cov nyiaj ntsaws rau hauv lawv txhua tus lub ncauj seev, ²thiab muab kuv lub khob nyiaj ntsaws rau hauv tus kwv ntxawg lub seev ua ke nrog cov nyiaj yuav tej mog thiab qeb.” Nws txawm ua raws nraim li Yauxej hais. ³Thaum kaj ntug nws thiaj tso lawv cov neeg ntawd thiab tej nees luav rov mus tsev. ⁴Thaum lawv tawm hauv nroog mus tsis tau deb heev, Yauxej hais rau tus uas saib xyuas tsev tias, “Cia li sawv tsees mus caum cov neeg ntawd, thaum mus caum cuag, cia li nug tias, ‘Ua cas nej yuav ua kev phem pauj kev zoo? Ua cas nej nyiag kuv lub khob nyiaj los lawm? ⁵Lub khob ntawd yog kuv tus tswv lub khob haus thiab siv twv txog tom hauv ntej. Nej ua li no mas yog ua txhaum.’ ”
⁶Thaum nws caum cuag lawv nws hais tej lus ntawd rau lawv. ⁷Lawv txawm teb tias, “Yawg hlob ua cas koj hais li kod? Peb uas yog koj cov tub qhe peb yeej tsis tau ua li kod. ⁸Sim xav saib maj, cov nyiaj uas peb pom hauv peb tej ncauj seev, peb tseem coj hauv Khana‑as tebchaws rov qab tuaj rau koj. Peb yuav nyiag tej nyiaj tej kub hauv koj tus tswv lub tsev tau li cas? ⁹Yog koj pom lub khob ntawd nyob hauv peb cov uas yog koj tub qhe no leejtwg, koj kuj muab tus ntawd tua, thiab peb tseem yuav mus ua koj uas yog peb tus tswv li qhev thiab.” ¹⁰Nws hais tias, “Cia ua raws li uas nej hais. Yog kuv pom lub khob ntawd nyob ntawm leejtwg mas tus ntawd yuav tsum ua kuv li qhev, hos nej cov mas tsis txhaum.” ¹¹Lawv sawvdaws maj nroos nyias tsaws nyias tej seev rau hauv pem teb, thiab qheb tej ncauj seev. ¹²Tus uas saib tsev thiaj tshawb saib tus tub hlob li mus txog ntua tus tub ntxawg li, mas pom lub khob nyob hauv Npeeyamee lub seev. ¹³Lawv txawm dua rhe lawv tej tsho thiab txhua tus tsaws tej nra rau nees luav thauj rov los rau hauv lub nroog.
¹⁴Thaum Yuda thiab cov kwvtij los txog Yauxej lub tsev, Yauxej tseem nyob hauv tsev. Lawv thiaj khwb nkaus rau hauv av ntawm Yauxej xubntiag. ¹⁵Yauxej thiaj hais rau lawv tias, “Nej ua dabtsi li no? Nej tsis paub tias neeg zoo li kuv no mas paub tau tej uas yuav muaj tshwm los rau tom hauv ntej lov?” ¹⁶Yuda teb tias, “Peb yuav teb li cas rau kuv tus tswv? Peb yuav hais li cas? Peb yuav hais daws peb zaj li cas? Vajtswv muab peb uas yog koj cov tub qhe tej kev txhaum nthuav los lawm. Yawg hlob, peb txhua tus thiab tus uas pom lub khob nyob hauv nws txhais tes yuav ua koj li qhev.” ¹⁷Tiamsis Yauxej hais tias, “Kuv yeej los yuav tsis ua li ntawd. Tsuas yog tus uas pom lub khob nyob hauv nws txhais tes ua kuv li qhev xwb. Tiamsis dua li nej cov mas cia li rov qab mus kom txog nej txiv yam kaj siab lug.”

Yuda thov kom tso Npeeyamee

¹⁸Yuda thiaj nkag mus cuag Yauxej hais tias, “Yawg hlob 'e, kuv uas yog koj tus tub qhe thov hais ib lus rau koj. Thov koj tsis txhob chim rau kuv uas yog koj tus tub qhe, rau qhov koj zoo tam li Falau ntag. ¹⁹Koj nug peb uas yog koj li tub qhe tias, ‘Nej tseem muaj txiv thiab muaj kwv thiab lov?’ ²⁰Peb thiaj teb kuv tus tswv tias, ‘Peb muaj txiv, nws laus laus li lawm thiab muaj ib tug kwv yau uas yug rau thaum txiv laus lawm. Tus kwv yau ntawd tus tijlaug kuj tuag lawm, cov uas nrog nws koom niam tshuav nws ib leeg xwb. Txiv hlub tus ntawd heev.’ ²¹Koj txawm hais rau peb uas yog koj li tub qhe tias, ‘Coj tus kwv ntawd tuaj rau kuv saib ntawm no.’ ²²Peb thiaj hais rau yawg hlob tias, ‘Tus tub hluas no yuav ncaim tsis tau leej txiv kiag li. Yog nws ncaim txiv mus lawm mas txiv yuav tuag xwb.’ ²³Koj txawm hais rau peb uas yog koj li tub qhe tias, ‘Yog nej tus kwv ntxawg tsis nrog nej tuaj mas nej yuav tsis pom kuv lub ntsej muag dua li lawm.’ ²⁴Thaum peb rov mus txog kuv txiv uas yog koj tus tub qhe lawm, peb kuj piav koj tej lus rau nws mloog. ²⁵Mas thaum peb txiv hais tias, ‘Nej rov mus yuav mentsis mov rau peb noj,’ ²⁶peb thiaj hais tias, ‘Peb mus tsis tau. Yog tus kwv ntxawg nrog peb mus, peb li mus, rau qhov peb yuav tsis pom tus yawg hlob ntawd lub ntsej muag kiag li yuav yog tus kwv ntxawg nrog peb mus xwb.’ ²⁷Kuv txiv uas yog koj tus tub qhe thiaj hais rau peb tias, ‘Nej paub tias kuv tus pojniam yug tau ob tug tub rau kuv. ²⁸Ib tug ncaim kuv lawm mas kuv xav tias tsiaj nyaum muab nws dua noj tag lawm, kuv tsis pom nws los txog niaj hnub nimno li. ²⁹Yog nej tseem coj tus no ncaim kuv mus es yog nws raug xwm txheej li cas lawm, nej yuav ua rau kuv tus dawb hau no mus ua lwj siab kawg li rau hauv tub tuag teb.’ ³⁰Vim li no yog kuv rov qab mus txog kuv txiv uas yog koj tus tub qhe es tus tub hluas no tsis nrog peb mus, mas thaum kuv txiv uas nws txojsia cog nkaus rau tus tub hluas no ³¹pom tias tus tub hluas no tsis nrog peb rov mus tsev, txiv yuav tuag. Peb uas yog koj li tub qhe yuav ua rau peb txiv tus dawb hau uas yog koj tus tub qhe mus rau hauv tub tuag teb ua lwj siab kawg li xwb. ³²Kuv uas yog koj tus tub qhe qhwv kiag tus kwv no rau txiv hais tias, ‘Yog kuv tsis coj nws rov los rau koj, kuv yuav ris txojkev txhaum no rau ntawm koj xubntiag mus ib txhis li.’ ³³Vim li no thov cia kuv uas yog koj tus tub qhe nyob tug tub hluas chaw ua koj li qhev es thov tso tus kwv nrog cov tijlaug mus. ³⁴Yog tus tub hluas tsis nrog kuv ua ke, kuv yuav ua li cas rov mus cuag tau kuv txiv? Ntshai tsam yuav pom xwm txheej phem los raug kuv txiv.”