133
Thooj xeeb hum huv txhad tau moov zoo
Zaaj nkauj hu nce moog.
1Qhov kws kwvtij nyob ua ke sws hum xeeb
mas kuj yog qhov zoo hab kaaj sab kawg le.
2Zoo ib yaam nkaus le cov roj muaj nqes
kws nyob sau Aloo taubhau
es ndwg lug ntub nwg tej fwj txwv
hab ndwg lug txug nwg cej daab tsho.
3Zoo ib yaam le tej lwg dej
sau lub roob Hawmoo
kws poob lug sau Xi‑oo tej roob,
vem yog Yawmsaub yuav foom koob moov
tawm hov ntawd moog,
yog pub txujsa ntev moog ib txhws.