22

Mikhaya has txug Ahaj swb

(2VKk. 18:2-27)

 1Alaa tebchaws hab Yixayee tebchaws tseg tsw ua rog tau peb xyoos. 2Tassws xyoo kws peb Yuta tug vaajntxwv Yehausafa moog tshaam Yixayee tug vaajntxwv. 3Yixayee tug vaajntxwv has rua nwg cov tub teg tub taw tas, “Mej puas paub tas lub moos Lamau Kile‑a yog peb le, es peb yuav nyob tuabywv tsw moog txeeb ntawm Alaa tug vaajntxwv txhais teg rov lug lov?” 4Ahaj has rua Yehausafa tas, “Koj yuav nrug kuv moog ua rog rua lub moos Lamau Kile‑a los tsw moog?” Mas Yehausafa has rua Yixayee tug vaajntxwv tas, “Koj zoo le caag kuv zoo le ntawd, kuv cov tuabneeg kuj yog koj le tuabneeg hab kuv cov neeg yog koj le neeg.”
  5Yehausafa has rua Yixayee tug vaajntxwv tas, “Thov nug saib Yawmsaub has le caag tsaiv.” 6Tes Yixayee tug vaajntxwv txawm hu cov xwbfwb cev Vaajtswv lug kwvlaam plaub puas leej tuaj ua ke mas has rua puab tas, “Tswm nyog kuv moog ua rog rua lub moos Lamau Kile‑a los tsw xob moog?” Mas puab teb tas, “Moog los maj, tsua qhov Yawmsaub yuav muab lub moos hov rua huv vaajntxwv txhais teg.” 7Tassws Yehausafa has tas, “Muaj dua lwm tug xwbfwb cev Vaajtswv lug kws peb nug tau hab los tsw muaj lawm?” 8Yixayee tug vaajntxwv has rua Yehausafa tas, “Tseed tshuav ib tug yawm kws peb yuav kuas ua nug rua Yawmsaub tau hab, yog Mikhaya kws yog Ilas tug tub. Tassws kuv ntxub nwg tsua qhov nwg tsw txeev cev lug zoo ntswg txug kuv hlo le, tsuas yog cev lug phem xwb.” Tes Yehausafa has rua vaajntxwv tas, “Tsw xob has le kod.” 9Yixayee tug vaajntxwv hu ib tug tub teg tub taw lug hab has tas, “Ca le coj Ilas tug tub Mikhaya tuaj sai sai.” 10Yixayee tug vaajntxwv hab Yehausafa saamswm nyob sau ob tug lub zwm txwv hab naav tej tsoog meej mom rua ntawm lub tshaav ntaus qoob kws nyob ntawm lub rooj loog Xamali hab cov xwbfwb cev Vaajtswv lug suavdawg saamswm cev lug ntawm ob tug xubndag. 11Mas Xentekhiya kws yog Khena‑ana tug tub txawm muab kaav hlau ua ib txwm kub rua nwg hab has tas, “Yawmsaub has le nuav tas, ‘Koj yuav swv txwm kub nuav nraus cov Alaa moog txug thaus puab puam tsuaj taag.’ ” 12Hab cov kws cev lug suavdawg kuj cev lug ib yaam nkaus le hov has tas, “Ca le moog rua lub moos Lamau Kile‑a, yuav kov yeej, tsua qhov Yawmsaub yuav muab lub moos hov rua huv vaajntxwv txhais teg.”
  13Mas tug tub teg tub taw kws moog hu Mikhaya txawm has rua Mikhaya tas, “Saib maj, cov xwbfwb cev lug suavdawg ua ib lub suab has yaam kws zoo rua vaajntxwv xwb. Koj ca le has zoo ib yaam le puab has hab has yaam kws zoo xwb.” 14Tassws Mikhaya has tas, “Yawmsaub muaj txujsa nyob pum, Yawmsaub has le caag rua kuv, kuv yuav tsum has le ntawd xwb.”
  15Thaus nwg tuaj cuag vaajntxwv, vaajntxwv has rua nwg tas, “Mikhaya, tswm nyog peb yuav moog ua rog rua Lamau Kile‑a los tsw xob moog?” Mikhaya teb nwg tas, “Ca le moog los maj, yuav kov yeej. Yawmsaub yuav muab lub moos hov rua huv vaajntxwv txhais teg.” 16Vaajntxwv txawm has rua nwg tas, “Kuv tub kuas koj cog lug twv pes tsawg zag lawm tas koj yuav tsum tuav Yawmsaub lub npe has qhov tseeb xwb xwb le?” 17Mikhaya txhad has tas, “Kuv pum cov Yixayee suavdawg raug tswv ua saab ua sua sau tej roob yaam nkaus le paab yaaj kws tsw muaj tug tswv yug. Hab Yawmsaub has tas, ‘Cov tuabneeg nuav tsw muaj tug tswv, ca puab nyag rov moog zoo rua nyag vaaj nyag tsev.’ ” 18Cov Yixayee tug vaajntxwv txhad has rua Yehausafa tas, “Kuv tub has rua koj tas nwg yuav tsw cev lug zoo ntswg txug kuv nua nev, tsuas yog cev lug phem xwb, los tsw yog?”
  19Hab Mikhaya has tas, “Yog le nuav ca le tig ntsej noog Yawmsaub tej lug. Kuv pum Yawmsaub nyob sau nwg lub zwm txwv hab ib tsoom tuabneeg sau ntuj sawv ntawm nwg saab xws hab saab phem. 20Mas Yawmsaub has tas, ‘Leejtwg yuav ntxag Ahaj kuas nwg moog qaug tuag rua ntawm lub moos Lamau Kile‑a?’ Ib tug has le u, ib tug has le nuav. 21Muaj ib tug plig txawm txaav lug sawv ntsug ntawm Yawmsaub xubndag has tas, ‘Kuv yuav ntxag nwg.’ 22Yawmsaub has rua tug plig hov tas, ‘Koj yuav ua le caag?’ Nwg teb tas, ‘Kuv yuav moog hab kuv yuav ua ib tug plig daag rua huv nwg cov xwbfwb kws cev lug lub qhov ncauj.’ Yawmsaub has tas, ‘Koj yuav moog ntxag nwg, hab koj yuav ua tau kuas tav. Koj ca le moog ua.’ 23Vem le hov nwgnuav Yawmsaub txhad muab tug plig daag tso rua huv koj cov xwbfwb kws cev lug txhua tug lub qhov ncauj. Yawmsaub tub teem tej xwm txheej phem nuav lug raug koj lawm.”
  24Tes Khena‑ana tug tub Xentekhiya txawm txaav lug tuab tawg ncuav Mikhaya saab plhu hab has tas, “Yawmsaub tug Ntsuj Plig tawm ntawm kuv taug txujkev twg moog has rua koj?” 25Mas Mikhaya has tas, “Saib maj, koj yuav paub rua nub kws koj tswv moog nraim cev rua chaav tsev huv plawv.” 26Yixayee tug vaajntxwv has tas, “Ca le nteg kag Mikhaya, coj nwg rov moog cob rua Amoo kws ua tim xyoob kaav lub nroog hab cob rua Yau‑as kws yog vaajntxwv tug tub, 27hab has tas, ‘Vaajntxwv has le nuav tas, Muab tug yawm nuav kaw nkuaj hab tsuas yog muab ncuav hab dej rua nwg xwb moog txug thaus kuv rov lug txug zoo.’ ” 28Mikhaya has tas, “Yog koj tseed rov lug txug zoo, tes tsw yog Yawmsaub kuas kuv has tej lug nuav.” Hab nwg has tas, “Mej suavdawg ca le noog nawj!”

Ahaj tuag

(2VKk. 18:28-34)

 29Yixayee tug vaajntxwv hab Yuta tug vaajntxwv Yehausafa txawm moog rua Lamau Kile‑a lawm. 30Yixayee tug vaajntxwv has rua Yehausafa tas, “Kuv yuav hloov tsoog tsho ua cuav moog ntaus rog, tassws koj mas koj naav koj cev tsoog tsho meej mom.” Yixayee tug vaajntxwv txawm hloov tsoog tsho ua cuav txeem moog ua rog. 31Cov Alaa tug vaajntxwv has rua peb caug ob tug thawj rog kws kaav nwg tej tsheb ua rog tas, “Tsw xob tua tej tub rog tsw has luj hab yau, tsuas yog tua cov Yixayee tug vaajntxwv xwb.” 32Thaus cov thawj rog kws kaav tej tsheb ua rog pum Yehausafa, puab has tas, “Yog Yixayee tug vaajntxwv tag tag le.” Puab txawm tig hlo moog tawm tsaam nwg. Mas Yehausafa qw nrov nrov. 33Thaus cov thawj rog kws kaav tej tsheb ua rog pum tas tsw yog Yixayee tug vaajntxwv, puab txhad tseg tsw lawv nwg lawm. 34Muaj ib tug yawm laam nqug neev nti kwv yees tua moog raug Yixayee tug vaajntxwv nkaag plawg lub tsho hlau ib kem ntawm hauv sab. Ahaj txhad has rua tug kws tsaav nwg lub tsheb ua rog tas, “Ca le tig rov qaab, coj kuv tawm huv tshaav rog moog, tsua qhov kuv raug mob lawm.” 35Nub ntawd kev sws ntaus sws tua luj heev, vaajntxwv txhad pheeb huv nwg lub tsheb ua rog tig saib ntsoov rua cov Alaa moog txug yuav tsaus ntuj nwg txawm tuag lawm. Cov ntshaav ntawm nwg qhov txhaab ndwg lug rua huv lub daab tsheb ua rog. 36Kwvlaam thaus nub poob qho muaj suab qw nrov thoob plawg huv paab tub rog has tas,“Txhua tug nyag rov moog rua nyag lub moos hab moog rua nyag teb nyag chaw.”
  37Vaajntxwv txhad tuag le nuav, mas puab coj nwg lug rua huv lub nroog Xamali, hab muab nwg log rua huv Xamali. 38Puab muab nwg lub tsheb ua rog ntxuav ntawm lub paag dej Xamali, mas dev lug yaim vaajntxwv cov ntshaav, yog lub chaw kws cov puj muag cev daa dej, lawv le Yawmsaub tej lug kws nwg has ca lawd. 39Lwm yaam num kws Ahaj ua hab txhua yaam kws nwg ua hab lub tsev kaug ntxhw kws nwg ua hab tej moos huvsw kws nwg khu dua tshab tub muab sau ca rua huv phoo ntawv kws has txug cov Yixayee tej vaajntxwv le keeb kwm. 40Ahaj txhad tuag moog nrug nwg tej laug nyob. Nwg tug tub Ahaxiya sawv nwg chaw ua vaajntxwv kaav.

Yehausafa ua vaajntxwv kaav Yuta

(2VKk. 20:31-21:1)

 41Xyoo plaub kws Ahaj ua vaajntxwv kaav Yixayee mas Axa tug tub Yehausafa chiv ua vaajntxwv kaav Yuta. 42Thaus Yehausafa chiv ua vaajntxwv nwg noob nyoog muaj peb caug tswb xyoos, nwg nyob huv Yeluxalee kaav tau neeg nkaum tswb xyoos. Nwg nam npe hu ua Axunpa kws yog Sihi tug ntxhais. 43Nwg ua lawv le nwg txwv Axa txujkev rua txhua qhov tsw tig moog rua saab twg le. Nwg ua tej kws Yawmsaub pum tas zoo. Tassws tej chaw sab teev daab tseed tsw tau muab rhuav pov tseg, cov pejxeem tseed xyeem tsaj hab hlawv moov xyaab rua sau tej chaw sab hov. 44Yehausafa kuj nrug cov Yixayee tug vaajntxwv sws raug zoo tsw ua rog.
  45Lwm yaam num kws Yehausafa ua hab nwg tug fwjchim hab nwg tej kev ua rog mas tub muab sau ca rua huv phoo ntawv kws has txug cov Yuta tej vaajntxwv le keeb kwm. 46Tej quasyawg muag cev ntawm tsev daab dhau nwg txwv lawm los tseed tshuav nyob nwg kuj muab ntxuav tawm huv lub tebchaws huvsw pov tseg.
  47Tsw muaj vaajntxwv kaav Entoo tebchaws lawm, muaj ib tug tim xyoob kaav. 48Yehausafa ua tau ib co nkoj txwg zoo le cov Thasi ua mas yuav moog thauj tej kub ntawm Aufi lug. Tassws cov nkoj hov moog tsw txug tsua qhov cov nkoj ca le tawg pam taag rua ntawm Exi‑oo Kenpaw lawm. 49Ahaj tug tub Ahaxiya has rua Yehausafa tas, “Thov ca kuv cov tub qhe nrug koj cov tub qhe tsaav nkoj moog.” Tassws Yehausafa tsw yeem. 50Tes Yehausafa txawm tuag moog nrug nwg tej laug nyob. Puab muab nwg log nrug nwg tej laug ua ke rua huv nwg yawm koob Tavi lub nroog. Mas nwg tug tub Yehaulaa sawv nwg chaw ua vaajntxwv kaav.

Ahaxiya ua vaajntxwv kaav Yixayee

 51Xyoo kaum xyaa kws Yehausafa kaav Yuta mas Ahaj tug tub Ahaxiya chiv ua vaajntxwv kaav Yixayee huv Xamali, nwg kaav Yixayee tau ob xyoos. 52Nwg ua tej kws Yawmsaub pum tas phem hab nwg taug nraim nwg txwv hab nwg nam hab nwg yawm Yelaunpau‑aa kws yog Nenpa tug tub tug neev taw ua txhum hab coj cov Yixayee ua txhum. 53Ahaxiya ua koom rua daab Npa‑aa hab pe hawm tug daab hov, ua rua Yawmsaub kws yog cov Yixayee tug Vaajtswv chim kawg ib yaam le nwg txwv ua hab.

22

Tus Cev Vajtswv Lus Mikayas Ceebtoom Rau Ahaj

(2 Xwmtxheej Vajntxwv 18.2-27)

 1Cov Yixalayees thiab cov Xilias tseg tsis ua rog, lawv nyob muaj kev thajyeeb lug tau ob xyoos, 2tiamsis xyoo peb cov Yudas tus Vajntxwv Yehausafas tuaj xyuas cov Yixalayees tus Vajntxwv Ahaj.
  3Ahaj nug nws cov nomtswv hais tias, “Vim li cas peb yuav nyob dawb xwb tsis npaj mus txeeb kom tau lub nroog Lamaus hauv cheebtsam Nkile-as ntawm cov Xilias tus vajntxwv los? Lub nroog ntawd yog peb li los sav!” 4Thiab Ahaj nug Yehausafas hais tias, “Koj puas kam nrog kuv mus tua lub nroog Lamaus?”
 Yehausafas teb hais tias, “Thaum twg koj mus, ces kuv yeej nrog koj mus xwb, kuv cov tubrog mus taw thiab cov tubrog caij nees los yeej zoo siab mus huv tibsi. 5Tiamsis peb yuav tsum xub nug tus TSWV tso.”
  6Yog li ntawd, Ahaj thiaj hu cov cevlus kwvyees li plaub puas leej tuaj thiab nug lawv hais tias, “Puas tsimnyog kuv mus tua lub nroog Lamaus los tsis tsimnyog mus?”
 Lawv teb hais tias, “Koj cia li mus tua lub nroog ntawd, tus TSWV yuav pub kom koj tua yeej xwb.”
  7Tiamsis Yehausafas nug hais tias, “Puas tshuav dua lwm tus cev Vajtswv lus uas tseem yuav pab tau peb mus nug tus TSWV thiab?”
  8Ahaj teb hais tias, “Tseem tshuav dua ib tug, nws yog Imelas tus tub Mikayas. Tiamsis kuv ntxub nws heev, vim nws yeej ibtxwm tsis cev tej lus zoo rau kuv ib zaug li; tsuas yog pheej cev tej zaj lus phem rau kuv xwb.”
 Yehausafas teb hais tias, “Koj tseg tsis txhob hais li ko.”
  9Ces Ahaj thiaj hu nws ib tug nomtswv los thiab hais rau nws hais tias, “Koj mus coj Mikayas tuaj tamsim no.”
  10Ob tug vajntxwv ntawd yeej hnav rawv tej ris tsho vajntxwv zaum saum nkawd ob lub zwmtxwv uas nyob ntawm lub tshav nplej sab nraum lub roojvag Xamalis, cov cevlus txhua tus puavleej tuaj nyob cev Vajtswv lus ntawm nkawd xubntiag. 11Cov cevlus ntawd muaj ib tug hu ua Xedekiyas, nws yog Khena-anas tus tub. Nws muab hlau los ua tau ibtxwm kub thiab nws hais rau Ahaj hais tias, “Tus TSWV hais tias, ‘Koj yuav siv txwm kub no mus tawmtsam cov Xilias thiab tua yeej lawv tagnrho huv tibsi.’ ” 12Cov cevlus txhua tus puavleej hais ib yam nkaus, lawv hais tias, “Koj cia li mus tua lub nroog Lamaus, koj yuav mus tua yeej xwb. Tus TSWV yuav pab kom koj yeej.”
  13Thaum lub sijhawm ntawd, tus nom uas mus tos Mikayas tuaj ntawd hais rau Mikayas hais tias, “Tagnrho cov cevlus puavleej hais tias, vajntxwv yuav mus tua yeej, yog li ntawd, koj yuav tsum hais tej lus zoo ib yam li lawv hais thiab.”
  14Tiamsis Mikayas teb hais tias, “Tus TSWV yog tus muaj sia nyob, kuv thov coglus hais tias kuv yuav hais raws li tej lus uas nws qhia rau kuv hais xwb.”
  15Thaum Mikayas mus nyob tabmeeg Vajntxwv Ahaj lawm, vajntxwv nug nws hais tias, “Mikayas, puas tsimnyog Vajntxwv Yehausafas thiab kuv mus tua lub nroog Lamaus los tsis tsimnyog mus?”
 Mikayas teb hais tias, “Neb cia li mus tua los mas! Neb yeej yuav tua yeej xwb. Tus TSWV yuav pab kom neb yeej.”
  16Tiamsis Ahaj teb hais tias, “Kuv twb yeej hais rau koj ntau zaus lawm hais tias thaum twg koj tuav tus TSWV lub npe qhia ib zaj dabtsi rau kuv, koj yuav tsum qhia kom tseeb xwb no ne, kuv tseem yuav hais pestsawg zaus rau koj thiab?”
  17Mikayas teb hais tias, “Kuv twb pom cov tubrog Yixalayees tawg khiav ri sua saum tej ncov roob ib yam li pab yaj uas tsis muaj tus tswv yug lawm. Thiab tus TSWV hais tias, ‘Cov neeg no tsis muaj tus thawjcoj lawm, cia li tso lawv rov mus tsev ywj siab los mas.’ ”
 18Ahaj hais rau Yehausafas hais tias, “Kuv twb qhia rau koj lawm hais tias nws yeej tsis cev ib zaj lus zoo rau kuv li puas yog? Nws yeej ibtxwm cev tej lus phem rau kuv nkaus xwb!”
  19Mikayas hais ntxiv hais tias, “Koj cia li mloog tus TSWV lus! Kuv pom tus TSWV zaum saum nws lub zwmtxwv uas nyob saum ntuj, thiab nws cov timtswv sawv ntawm nws ob sab. 20Tus TSWV nug hais tias, ‘Leejtwg thiaj yuav ntxias tau Ahaj kom nws mus raug tua tuag rau hauv lub nroog Lamaus?’ Muaj ib cov timtswv hais ib yam, thiab muaj dua lwm cov hais dua lwm yam lawm, 21ces muaj ib tug ntsujplig txav zog los rau ntawm tus TSWV xubntiag thiab hais rau tus TSWV hais tias, ‘Kuv yog tus uas yuav mus ntxias Ahaj ntag.’ 22Tus TSWV nug hais tias, ‘Koj yuav ntxias li cas tau?’ Tus ntsujplig ntawd teb hais tias, ‘Kuv yuav mus tshoov Ahaj cov cevlus siab kom lawv qhia tej lus dag rau nws.’ Tus TSWV thiaj hais rau nws hais tias, ‘Koj cia li mus ntxias nws. Nws yeej yuav ntseeg koj zaj xwb.’ ”
  23Mikayas txawm xaus lus hais tias, “Yeej muaj li no tiag. Tus TSWV ua kom koj cov cevlus tuaj dag koj. Tiamsis Mikayas yog tus qhia tseeb hais tias, koj yuav raug kev puastsuaj xwb thiaj tas!”
  24Ces tus cevlus Xedekiyas txawm sawv tsees mus xuas tawg ncuav rau Mikayas sab plhu thiab nug hais tias, “Thaum twg tus TSWV tus ntsujplig twb tso kuv tseg thiab mus hais rau koj li ko lawm?”
  25Mikayas teb hais tias, “Koj yeej paub thaum koj khiav mus nkaum hauv ib chav tsev.”
  26Vajntxwv Ahaj hais rau nws cov nomtswv ib tug hais tias, “Cia li ntes Mikayas coj mus rau tus tswv nroog Amoos thiab vajntxwv tus tub Yau-ases. 27Hais kom nkawd coj nws mus kaw rau hauv tsev lojcuj, muab mov qhuav thiab dej rau nws noj nws haus mus txog thaum kuv rov qab los kaj siab lug tsis muaj dabtsi mam li tso nws.”
  28Mikayas thiaj twv hais tias, “Yog koj tseem tau rov qab los kaj siab lug, ces tej lus uas kuv hais rau koj ntawd yeej tsis yog tus TSWV hais rau kuv li!” Thiab nws hais ntxiv tias, “Thov nej txhua tus nrog hnov tej lus uas kuv hais no!”

Ahaj Tuag

(2 Xwmtxheej Vajntxwv 18.28-34)

 29Ces cov Yixalayees tus Vajntxwv Ahaj thiab cov Yudas tus Vajntxwv Yehausafas txawm txhij tubrog mus tua lub nroog Lamaus hauv cheebtsam Nkile-as. 30Ahaj hais rau Yehausafas hais tias, “Thaum peb mus rau hauv tshavrog, kuv yuav hnav dua lwm cev ris tsho lawm, tiamsis koj hnav koj cev ris tsho vajntxwv los tau.” Yog li ntawd, cov Yixalayees tus vajntxwv thiaj hnav dua lwm cev ris tsho mus rau hauv tshavrog, tsis pub kom leejtwg paub nws li.
  31Cov Xilias tus Vajntxwv thiaj hais rau nws peb caug ob tug thawj tubrog tsav tsheb nees kom tsis txhob tua ib tug twg li, tua cov Yixalayees tus vajntxwv tib leeg nkaus xwb. 32Yog li ntawd, thaum lawv pom Vajntxwv Yehausafas, lawv thiaj xav hais tias nws yog cov Yixalayees tus vajntxwv, ces lawv thiaj mus caum nws tua. Tiamsis thaum nws qw, 33lawv thiaj paub hais tias nws tsis yog cov Yixalayees tus vajntxwv, lawv thiaj tso tseg tsis caum nws tua ntxiv lawm. 34Tiamsis muaj ib tug tubrog Xilias, lam rub nws rab hneevnti tua mus ua ciav xibxub cia li ya mus raug kiag Vajntxwv Ahaj lub tsho hlau kis nruab nrab tshab plaws rau hauv nws lub cev lawm. Nws txawm quaj qw rau nws tus tsav tsheb nees hais tias, “Kuv raug mob lawm lauj! Cia li lem tsheb nees rov qab thiab coj kuv tawm hauv tshavrog no mus!”
  35Thaum ntawd muaj kev sib tua hnyav heev, Vajntxwv Ahaj tseem txheem taus sawv hauv nws lub tsheb nees ntsia cov Xilias nrog lawv sib tua. Nws cov ntshav tawm los meem mias rau hauv nws lub tsheb nees, ces thaum hnub qaij nws txawm tu siav nrho tuag lawm. 36Thaum hnub yuav luag poob qho txawm muaj ib lub suab los hais rau cov tubrog Yixalayees hais tias, “Nej txhua tus cia li rov qab mus rau hauv nej lub tebchaws thiab nej lub nroog!”
  37Vajntxwv Ahaj raug luag tua tuag, thiab lawv coj nws lub cev rov los pam thiab muab nws faus rau hauv lub nroog Xamalis. 38Lawv txawm coj nws lub tsheb nees mus ntxuav rau ntawm lub pasdej hauv lub nroog Xamalis, dev tuaj yaim nws tej ntshav thiab cov niamntiav tuaj da dej qhov ntawd, raws li tus TSWV tau hais tseg lawm tias yuav muaj li ntawd.
  39Dua li lwm yam uas Vajntxwv Ahaj ua tas los, nws lub loog uas nws muab kaus ntxhw xov thiab tej nroog uas nws tsim tseg, puavleej muab sau cia rau hauv Phau Ntawv Keebkwm uas teev cov Yixalayees cov Vajntxwv lub neej lawm. 40Thaum nws tuag lawm, nws tus tub Ahaxiyas thiaj ua vajntxwv hloov nws chaw.

Cov Yudas Tus Vajntxwv Yehausafas

(2 Xwmtxheej Vajntxwv 20.31–21.1)

 41Thaum Ahaj ua vajntxwv kav lub tebchaws Yixalayees tau plaub xyoos lawm, Axas tus tub Yehausafas mam li ua vajntxwv kav lub tebchaws Yudas, 42thaum nws hnubnyoog muaj peb caug tsib xyoos, thiab nws nyob hauv lub nroog Yeluxalees kav tau nees nkaum tsib xyoos. Nws niam hu ua Axunpas thiab yog Silehis tus ntxhais. 43Yehausafas ua zoo ib yam li nws txiv Axas, nws coj ncaj coj ncees tabmeeg tus TSWV; tiamsis nws tsis muab tej chaw teev dab rhuav povtseg li thiab, cov pejxeem tseem pheej mus fij khoom thiab mus hlawv hmoov tshuaj tsw qab rau saum tej chaw ntawd tsis tseg li. 44Yehausafas nrog cov Yixalayees tus vajntxwv ua phoojywg zoo kawg li.
  45Dua li lwm yam uas Yehausafas ua tas los, nws lub peevxwm, tej txujci thiab nws tej kev ntaus rog, puavleej muab sau cia rau hauv Phau Ntawv Keebkwm uas teev cov Yudas cov Vajntxwv lub neej lawm. 46Yehausafas muab cov txivntiav uas tu tej thaj pe dab uas seem nyob thaum nws txiv Axas tiam ntiab tawm mus huv tibsi lawm.
  47Thaum ntawd lub tebchaws Edoos tsis muaj vajntxwv kav, cov Yudas tus vajntxwv thiaj tsa ib tug sawvcev cov pejxeem los ua tus saib lawv xwb.
  48Yehausafas txua tau ib co nkoj rau hauv hiavtxwv, siv mus thauj kub tim tebchaws Aufiles; tiamsis cov nkoj ntawd tawg tas rau hauv Exi-oonkenpes lawm, mas lawv yeej tsis tau tsav cov nkoj ntawd li. 49Cov Yixalayees tus Vajntxwv Ahaxiyas tso nws cov neeg tuaj nrog Yehausafas cov neeg nquam nkoj, tiamsis Yehausafas tsis kam lees yuav cov neeg ntawd.
  50Yehausafas tuag thiab luag coj nws mus faus rau ntawm cov vajntxwv lub toj ntxas hauv Vajntxwv Daviv lub nroog, thiab nws tus tub Yehaulas ua vajntxwv hloov nws chaw.

Cov Yixalayees Tus Vajntxwv Ahaxiyas

 51Thaum Vajntxwv Yehausafas ua vajntxwv kav lub tebchaws Yudas tau kaum xya xyoo lawm, Ahaj tus tub Ahaxiyas mam li ua vajntxwv kav lub tebchaws Yixalayees, thiab nws nyob hauv lub nroog Xamalis kav tau ob xyoos. 52Nws ua txhaum rau tus TSWV ib yam li nws txiv Ahaj thiab nws niam Yexenpees, thiab nws coj raws li Vajntxwv Yelaunpau-as tus yam ntxwv, nws yog tus uas coj cov Yixalayees mus ua txhaum ntag. 53Ahaxiyas pe Npa-as ib yam li nws txiv tau pe los lawm. Nws ua rau tus TSWV uas yog cov Yixalayees tus Vajtswv chim kawg nkaus li.