10

¹Israel jing sa phŭn boh kriăk ƀâo jăk siam,
ñu mboh lu pioh kơ ñu pô.
Tơdah boh ñu jing lu hĭn,
lu hĭn mơh ñu mdơ̆ng knưl ngă yang;
tui si klei čăt đĭ čar ñu,
ñu mprăp bi siam hĭn mơh kmeh rup yang ñu.
²Ai tiê diñu bi mbha leh;
ară anei diñu srăng gui klei diñu jing soh leh.
Yêhôwa srăng klư̆ hĕ knưl diñu,
leh anăn bi rai kmeh rup yang diñu.
³Kyuadah ară anei diñu srăng lač, “Drei amâo mâo mtao ôh,
kyuadah drei amâo huĭ mpŭ kơ Yêhôwa ôh.
Bi sa čô mtao,
ya klei ñu dưi đru drei?”
⁴Diñu blŭ klei amâo yuôm ôh,
hŏng klei kat asei hơăi mang diñu ngă klei bi mguôp.
Snăn mơh klei phat kđi srăng čăt
msĕ si rơ̆k jhat mâo êa kêč kam hlăm klông wăng kai.
⁵Phung dôk hlăm čar Samari srăng ktư̆ yơ̆ng
kyua rup êđai êmô Bet-Awen.
Phung ƀuôn sang srăng kơŭ kyăm kơ rup yang anăn,
leh anăn phung khua ngă yang ñu srăng čŏk hia kơ ñu,
kyuadah klei guh kơang ñu luč leh.
⁶Sĭt nik arăng srăng mdiăng ba rup anăn kơ čar Asiri,
čiăng jing mnơ̆ng myơr kơ mtao Jarep.
Arăng srăng bi hêñ Êphraim,
leh anăn Israel srăng hêñ kơ mnêč diñu pô.
⁷Čar Samari srăng rai tuč mbĭt hŏng mtao ñu,
msĕ si kbhoh ti dlông êlah êa.
⁸ Anôk dlông ti Bet-Awen
jing klei soh Israel, arăng srăng bi rai hĕ.
Êruê ana leh anăn êruê hruĕ srăng čăt ti dlông knưl diñu,
leh anăn diñu srăng lač kơ čư̆, “Guôm bĕ hmei?”
leh anăn kơ kbuôn, “Lĕ bĕ ti dlông hmei!”
⁹Dơ̆ng mơ̆ng klei truh ti Gibêa ih ngă soh leh, Ơ Israel;
tinăn ih ăt dôk dơ̆ng.
Amâo djŏ hĕ klei bi blah hmao phung ngă soh ti Gibêa?
¹⁰Hruê kâo čiăng kâo srăng bi kmhal diñu,
leh anăn phung găp djuê mnuih srăng bi kƀĭn kdơ̆ng hŏng diñu,
tơdah arăng kă diñu kyua klei soh diñu dua tal.
¹¹Êphraim jing sa drei êmô ana êra arăng mđăo leh
khăp juă mdiê;
leh anăn kâo srăng dưm knông ti dlông kkuê siam ñu;
kâo srăng gai Êphraim,
Yuđa srăng kai,
Yakôp srăng čaih lăn kơ ñu pô.
¹² Rah bĕ kơ diih pô klei kpă ênô,
wiă bĕ boh mơ̆ng klei jăk;
kai bĕ lăn diih lui êhŏng,
kyuadah truh leh mmông duah Yêhôwa,
tơl kơ ñu dưi hriê
leh anăn tuh êa hjan klei kpă ênô ti dlông diih.
¹³Diih rah leh klei wê,
diih wiă leh klei amâo djŏ,
diih ƀơ̆ng leh boh klei luar.
Kyuadah diih knang leh kơ klei ktang diih pô,
leh anăn kơ kahan lu diih.
¹⁴Klei hao hao kơ klei bi blah srăng ngă kơ phung ƀuôn sang diih,
leh anăn jih jang kđông mgang diih srăng rai,
msĕ si Y-Salman bi rai ƀuôn Bet-Arbel hlăm hruê bi blah;
arăng juă bi rai phung amĭ mbĭt hŏng phung anak diñu.
¹⁵Snăn arăng srăng ngă kơ diih, Ơ Bêthel,
kyua klei ƀai diih prŏng.
Ti aguah ưm,
arăng srăng bi mdjiê hĕ mtao Israel.

10

Israel’s Sin and Captivity

¹Israel ⚓empties his vine;
He brings forth fruit for himself.
According to the multitude of his fruit
⚓He has increased the altars;
According to the bounty of his land
They have embellished his sacred pillars.
²Their heart is ⚓divided;
Now they are held guilty.
He will break down their altars;
He will ruin their sacred pillars.
³For now they say,
“We have no king,
Because we did not fear the Lord.
And as for a king, what would he do for us?”
⁴They have spoken words,
Swearing falsely in making a covenant.
Thus judgment springs up ⚓like hemlock in the furrows of the field.
⁵The inhabitants of Samaria fear
Because of the ⚓calf of Beth Aven.
For its people mourn for it,
And its priests shriek for it—
Because its ⚓glory has departed from it.
⁶The idol also shall be carried to Assyria
As a present for King ⚓Jareb.
Ephraim shall receive shame,
And Israel shall be ashamed of his own counsel.
⁷As for Samaria, her king is cut off
Like a twig on the water.
⁸Also the ⚓high places of Aven, ⚓the sin of Israel,
Shall be destroyed.
The thorn and thistle shall grow on their altars;
⚓They shall say to the mountains, “Cover us!”
And to the hills, “Fall on us!”
⁹“O Israel, you have sinned from the days of ⚓Gibeah;
There they stood.
The ⚓battle in Gibeah against the children of iniquity
Did not overtake them.
¹⁰When it is My desire, I will chasten them.
⚓Peoples shall be gathered against them
When I bind them for their two transgressions.
¹¹Ephraim is⚓a trained heifer
That loves to thresh grain;
But I harnessed her fair neck,
I will make Ephraim pull a plow.
Judah shall plow;
Jacob shall break his clods.”
¹²Sow for yourselves righteousness;
Reap in mercy;
⚓Break up your fallow ground,
For it is time to seek the Lord,
Till He ⚓comes and rains righteousness on you.
¹³⚓You have plowed wickedness;
You have reaped iniquity.
You have eaten the fruit of lies,
Because you trusted in your own way,
In the multitude of your mighty men.
¹⁴Therefore tumult shall arise among your people,
And all your fortresses shall be plundered
As Shalman plundered Beth Arbel in the day of battle—
A mother dashed in pieces upon her children.
¹⁵Thus it shall be done to you, O Bethel,
Because of your great wickedness.
At dawn the king of Israel
Shall be cut off utterly.