8

Cov quaspuj kws nrug Yexu moog

 1Dhau ntawd Yexu txawm moog thoob plawg tej moos hab tej zej zog tshaaj tawm hab qha txuj xuv zoo has txug Vaajtswv lub tebchaws. Kaum ob tug thwjtim kuj nrug Yexu moog, 2hab muaj cov quaspuj qee leej kws Yexu ntab daab tawm hab khu mob zoo, yog Maivlag kws hu ua Mantala yog tug kws xyaa tug daab tub tawm huv nwg moog lawm, 3hab Yau‑ana kws yog Khuxa kws saib Helauj lub tsev tug quaspuj, hab Xuxana, hab muaj dua ntau tug quaspuj kws puab swv puab tej nyaj txag hov txhua chaw yug Yexu puab.

Tug kws tseb noob

(Mth. 13:1-9; Mk. 4:1-9)

 4Thaus cov tuabneeg tuaj txoos ua ke coob coob hab muaj tuabneeg tuaj ntau lub moos tuaj cuag Yexu, nwg txawm ua paaj lug has tas, 5“Muaj ib tug tawm moog tseb noob. Thaus nwg tseb cov noob ib txha poob rua sau txujkev mas raug muab tsuj hab naag noog lug khaws noj lawm. 6Muaj ib txha poob rua sau tej laag zeb. Thaus noob tuaj lawd txawm tuag tshaav tsua qhov tsw muaj dej yug. 7Muaj ib txha poob rua huv plawv tsob xuav paug, tes tsob xuav paug hlub tuaj ua ke laum lawm. 8Muaj ib txha poob rua huv thaaj aav zoo mas hlub hab txw txwv ib puas npaug.” Thaus Yexu has taag le nuav lawd nwg txawm qw nrov has tas, “Leejtwg muaj qhov ntsej nov ca le noog nawj!”

Txhais zaaj paaj lug tseb noob

(Mth. 13:10-23; Mk. 4:10-20)

 9Thaus cov thwjtim nug Yexu txug zaaj paaj lug hov lub ntsab yog le caag, 10Yexu has tas, “Tej kws muab npog ca lawd has txug Vaajtswv lub tebchaws, tub muab pub rua mej paub lawm, tassws ua paaj lug qha rua lwm tug
  “ ‘sub puab txhad saib taag saib thab
   los tsw pum
  puab noog taag noog thab
   los tsw nkaag sab.’⚓
  11“Zaaj paaj lug hov lub ntsab yog le nuav. Cov noob yog Vaajtswv txujlug. 12Cov kws poob rua sau txujkev yog cov kws tau nov mas daab Ntxwg Nyoog tuaj txeeb hlo tej lug hov huv puab lub sab moog sub puab txhad tsw ntseeg hab tsw txais txujkev dim. 13Cov kws poob rua sau tej laag zeb mas yog cov kws thaus tau nov tej lug hov puab zoo sab txais yuav, tassws puab cog caag tsw tub, puab txhad ntseeg ib ntus xwb. Thaus muaj kev swm sab puab txawm tso tseg lawm. 14Cov noob kws poob rua huv plawv tsob xuav paug yog cov kws tau nov lawm, tassws thaus puab ua neej nyob tej kev txhawj kev nyaj txag kev lomzem huv puab lub neej muab puab laum, puab tej txwv txhad tsw puv. 15Cov noob kws poob rua huv thaaj aav zoo yog cov kws tau nov tej lug hov hab muab khaws ca rua huv lub sab kws ncaaj hab zoo, hab puab muaj sab ntev txw txwv.

Muab thoob khwb lub teeb

(Mk. 4:21-25)

 16“Tsw muaj leejtwg taws teeb es muab thoob khwb ca lossws txawb rua huv qaab txaag, yeej yuav muab txawb rua sau lub chaw txawb teeb sub cov tuabneeg kws nkaag lug txhad le pum kev. 17Tsua qhov tsw muaj ib yaam twg kws muab zais ca lawm yuav tsw raug muab thws tshwm lug, hab tsw muaj ib yaam twg kws muab npog ca lawm yuav tsw raug muab nthuav tawm lug rua luas pum. 18Vem le nuav mej yuav tsum ua tuab zoo noog. Tsua qhov tug kws muaj lawd yuav muab tsaav ntxwv rua nwg, tassws tug kws tsw muaj, txawm yog tej kws nwg xaav tas nwg muaj los yuav muab rhu ntawm nwg moog.”

Yexu nam hab nwg cov kwv

(Mth. 12:46-50; Mk. 3:31-35)

 19Thaus ntawd Yexu nam hab nwg cov kwv txawm tuaj cuag Yexu tassws tuaj tsw tau ti vem tuabneeg coob heev. 20Muaj tuabneeg has rua Yexu tas, “Koj nam hab koj cov kwv sawv saab nrau xaav ntswb koj.” 21Yexu has rua puab tas, “Kuv nam hab kuv cov kwv yog cov kws noog Vaajtswv tej lug hab ua lawv nraim le.”

Yexu txwv cua daaj cua dub

(Mth. 8:23-27; Mk. 4:35-41)

 22Muaj ib nub Yexu nrug nwg cov thwjtim nce rua huv lub nkoj hab has rua puab tas, “Peb ca le hlaa havtxwv moog rua saab tim u.” Puab txawm sawv kev moog. 23Thaus puab saamswm caij nkoj moog Yexu pw tsaug zug lawm. Tes cua daaj cua dub txawm ntsawj dej havtxwv mas dej tub yuav puv lub nkoj, ua rua puab raug ceblaaj. 24Cov thwjtim txhad moog tsaa Yexu has tas, “Tug Tswv tug Tswv, peb saamswm yuav puam tsuaj.” Yexu txawm tswm dheev lug txwv cua hab tej nthwv dej kws ndaas, cua hab dej txawm tu nrho txhua yaam txhad le tug yeeg lawm. 25Yexu has rua puab tas, “Mej txujkev ntseeg dua twg lawm?” Puab kuj ntshai hab phemfwj, sws has tas, “Tug nuav yog leejtwg es has rua cua hab dej mas cua hab dej kuj noog nwg lug?”

Yexu khu tug raug daab

(Mth. 8:28-34; Mk. 5:1-20)

 26Yexu puab txawm caij nkoj moog txug lub moos Kelaxa le kaav xyuam, kws ncaaj ntawm Kalilai saab tim u. 27Thaus Yexu nce sau ntug nqhuab, muaj ib tug yawm raug daab huv lub moos hov txawm ntswb Yexu. Nwg tsw naav rwg tsho hab tsw nyob huv tsev ntev lug lawm, nwg nyob tom toj ntxaa xwb. 28Thaus nwg pum dheev Yexu nwg txawm qw nrov hab khwb nkaus ntawm Yexu has nrov nrov tas, “Au Yexu kws yog Vaajtswv kws Luj Dua Ndais tug tub, koj tuaj thaab kuv ua daabtsw? Kuv thov koj tsw xob tswm txom kuv.” 29Tub yog vem Yexu tau has kuas tug daab qas tawm huv tug yawm hov moog. (Daab pheej ntswj nwg ntau zag. Luas zuv nwg zoo hab tub muab loj cuj hab saw hlau khi nwg lawm los nwg nqug saw hlau tu nrho hab raug daab muab lawv rua tom tebchaws moj saab qhua.) 30Mas Yexu nug daab tas, “Koj npe hu le caag?” Nwg teb tas, “Kuv npe hu ua Coob,” tsua qhov muaj daab coob coob nkaag rua huv nwg. 31Tej daab hov txawm taij thov Yexu tsw xob ntab puab moog rua huv lub nam qhov tub tub. 32Muaj ib paab npua coob saamswm nrhav noj ntawm ntaav toj. Cov daab hov txawm thov Yexu ca puab txeem rua huv cov npua hov. Yexu txawm tso ncauj. 33Cov daab txawm tawm huv tug yawm hov moog nkaag rua huv paab npua, mas paab npua txhad dha plaag toj ntxhaab rua huv havtxwv txhaam dej tuag taag.
  34Thaus cov tuabneeg yug npua pum tej xwm txheej nuav puab txawm dha moog pav tej hov rua huv lub moos hab tej zej zog. 35Mas tuabneeg txawm tawm tuaj saib tej xwm txheej kws tshwm lug hov. Thaus puab tuaj txug ntawm Yexu, puab pum tug kws daab tub tawm moog lawd naav rwg tsho hab meej pem zoo, nyob tsawg ntawm Yexu kwtaw, puab txhad ntshai kawg. 36Cov tuabneeg kws tau pum, kuj pav rua puab noog txug tug kws raug daab hov zoo hlo le caag. 37Cov tuabneeg kws nyob lub moos Kelaxa le kaav xyuam suavdawg txawm thov Yexu tawm ntawm puab moog, vem puab ntshai heev. Yexu txawm nce nkoj rov moog. 38Tug kws daab tawm huv nwg lawd kuj thov ca nwg nrug Yexu nyob ua ke. Tassws Yexu kuas nwg rov moog hab has tas, 39“Ca le moog tsev hab pav tas Vaajtswv tau ua le caag rua koj lawd rua puab noog.” Tes tug hov txawm rov qaab moog hab pav txhua yaam kws Yexu tau ua rua nwg thoob plawg lub moos hov paub.

Tug ntxhais kws tuag hab tug puj kov Yexu qaab tsho

(Mth. 9:18-26; Mk. 5:21-43)

 40Thaus Yexu rov lug lawm muaj tuabneeg coob zoo sab tog nwg vem puab suavdawg tog ntsoov nwg. 41Muaj ib tug npe hu ua Yaila, yog tug thawj kws saib lub tsev sablaaj txawm tuaj khwb nkaus ntawm Yexu kwtaw, thov kuas Yexu moog tom nwg tsev, 42tsua qhov nwg muaj tuab tug ntxhais noob nyoog kwvlaam kaum ob xyoos, mob heev tub yuav tuag. Thaus Yexu moog, muaj tuabneeg coob coob nrug nwg moog sws txwv quas qev.
  43Muaj ib tug quaspuj kws muaj mob nchuav cev tau kaum ob xyoos lawm, tsw muaj leejtwg khu tau nwg tug mob zoo,⚓ 44nwg txawm lug lawv Yexu qaab kov Yexu qaab tsho. Taamswm ntawd nwg ntshaav txawm tu nrho lawm. 45Yexu has tas, “Leejtwg kov kuv?” Thaus txhua tug tsw leeg Petu txawm has rua Yexu tas, “Xwbfwb, tuabneeg coob vej nkaus koj sws txwv quas qev koj.” 46Tassws Yexu has tas, “Muaj ib tug kov kuv tsua qhov kuv paub tas fwjchim tawm huv kuv lawm.” 47Thaus tug puj hov pum tas tswv nraim tsw tau nwg lug tshee quas nyo lug khwb nkaus rua ntawm Yexu xubndag qha taab meeg suavdawg tas nwg kov Yexu vem yog le caag, hab nwg tug mob tub zoo taamswm lawm. 48Yexu has rua nwg tas, “Mivntxhais 'e, koj txujkev ntseeg ua rua koj zoo lawm. Ca le moog ua sab tug quas yeeg.”
  49Thaus Yexu tseed has tej lug hov, muaj ib tug tuaj ntawm tug thawj kws saib tsev sablaaj lub tsev tuaj has tas, “Koj tug ntxhais tub tuag lawm. Tsw xob txob xeeb xwbfwb dua le lawm.” 50Thaus Yexu nov le ntawd nwg txawm teb tug hov tas, “Tsw xob ntshai, ca le ntseeg xwb. Tug mivntxhais yeej yuav zoo.” 51Thaus Yexu tuaj txug lub tsev lawm nwg tsw kheev leejtwg nrug nwg nkaag moog tsuas yog Petu, Yauhaa hab Yakaunpau hab leej nam leej txwv moog xwb. 52Suavdawg quaj hab quaj nyav tug mivntxhais hov, tassws Yexu has tas, “Tsw xob quaj. Nwg tsw tuag, nwg tsaug zug xwb.” 53Puab txawm thuaj luag Yexu tsua qhov puab paub tas tug mivntxhais tub tuag lawm tag. 54Tassws Yexu ntsab nkaus tug mivntxhais hov txhais teg hab has rua nwg tas, “Mivntxhais 'e, ca le sawv tseeg.” 55Mas tug ntsuj plig txawm rov lug rua nwg, nwg txhad sawv tseeg taamswm ntawd. Yexu has kuas muab mov rua tug mivntxhais noj. 56Leej nam leej txwv kuj phemfwj heev. Yexu txwv kuas tsw xob qha leejtwg paub txug zaaj nuav.

8

Cov pojniam uas nrog Yexus mus

 1Dhau ntawd Yexus txawm mus thoob plaws tej moos thiab tej zej zog tshaj tawm thiab qhia txoj xov zoo hais txog Vajtswv lub tebchaws. Kaum ob tug thwjtim kuj nrog Yexus mus, 2thiab muaj cov pojniam qee leej uas Yexus ntiab dab tawm thiab kho mob zoo, yog Maivliag uas hu ua Madala yog tus uas xya tus dab twb tawm hauv nws mus lawm, 3thiab Yau‑ana uas yog Khuxa uas saib xyuas Helauj lub tsev tus pojniam, thiab Xuxana, thiab muaj dua ntau tus pojniam uas lawv siv lawv tej nyiaj txiag qhov txhia chaw yug Yexus lawv.

Tus uas tseb noob

(Mth. 13:1-9; Mk. 4:1-9)

 4Thaum cov neeg tuaj txoos ua ke coob coob thiab muaj neeg tuaj ntau lub moos tuaj cuag Yexus, nws txawm ua paj lug hais tias, 5“Muaj ib tug tawm mus tseb noob. Thaum nws tseb cov noob ib txhia poob rau saum txojkev mas raug muab tsuj thiab nas noog los khaws noj lawm. 6Muaj ib txhia poob rau saum tej lag zeb. Thaum noob tuaj lawd txawm tuag tshav rau qhov tsis muaj dej yug. 7Muaj ib txhia poob rau hauv plawv tsob pos, ces tsob pos hlob tuaj ua ke laum lawm. 8Muaj ib txhia poob rau hauv thaj av zoo mas hlob thiab txi txiv ib puas npaug.” Thaum Yexus hais tag li no lawd nws txawm qw nrov hais tias, “Leejtwg muaj qhov ntsej hnov cia li mloog nawj!”

Txhais zaj paj lug tseb noob

(Mth. 13:10-23; Mk. 4:10-20)

 9Thaum cov thwjtim nug Yexus txog zaj paj lug ntawd lub ntsiab yog li cas, 10Yexus hais tias, “Tej uas muab npog cia lawd hais txog Vajtswv lub tebchaws, twb muab pub rau nej paub lawm, tiamsis ua paj lug qhia rau lwm tus
  “ ‘kom lawv thiaj saib tag saib thiab
   los tsis pom
  lawv mloog tag mloog thiab
   los tsis nkag siab.’⚓
  11“Zaj paj lug ntawd lub ntsiab yog li no. Cov noob yog Vajtswv txojlus. 12Cov uas poob rau saum txojkev yog cov uas tau hnov mas dab Ntxwg Nyoog tuaj txeeb kiag tej lus ntawd hauv lawv lub siab mus kom lawv thiaj tsis ntseeg thiab tsis txais txojkev dim. 13Cov uas poob rau saum tej lag zeb mas yog cov uas thaum tau hnov tej lus ntawd lawv zoo siab txais yuav, tiamsis lawv cog cag tsis tob, lawv thiaj ntseeg ib ntus xwb. Thaum muaj kev sim siab lawv txawm tso tseg lawm. 14Cov noob uas poob rau hauv plawv tsob pos yog cov uas tau hnov lawm, tiamsis thaum lawv ua neej nyob tej kev txhawj kev nyiaj txiag kev lomzem hauv lawv lub neej muab lawv laum, lawv tej txiv thiaj tsis puv. 15Cov noob uas poob rau hauv thaj av zoo yog cov uas tau hnov tej lus ntawd thiab muab khaws cia rau hauv lub siab uas ncaj thiab zoo, thiab lawv muaj siab ntev txi txiv.

Muab thoob khwb lub teeb

(Mk. 4:21-25)

 16“Tsis muaj leejtwg taws teeb es muab thoob khwb cia lossis txawb rau hauv qab txag, yeej yuav muab txawb rau saum lub chaw txawb teeb kom cov neeg uas nkag los thiaj li pom kev. 17Rau qhov tsis muaj ib yam twg uas muab zais cia lawm yuav tsis raug muab thws tshwm los, thiab tsis muaj ib yam twg uas muab npog cia lawm yuav tsis raug muab nthuav tawm los rau luag pom. 18Vim li no nej yuav tsum ua tib zoo mloog. Rau qhov tus uas muaj lawd yuav muab tsav ntxiv rau nws, tiamsis tus uas tsis muaj, txawm yog tej uas nws xav tias nws muaj los yuav muab rho ntawm nws mus.”

Yexus niam thiab nws cov kwv

(Mth. 12:46-50; Mk. 3:31-35)

 19Thaum ntawd Yexus niam thiab nws cov kwv txawm tuaj cuag Yexus tiamsis tuaj tsis tau ti vim neeg coob heev. 20Muaj neeg hais rau Yexus tias, “Koj niam thiab koj cov kwv sawv sab nraud xav ntsib koj.” 21Yexus hais rau lawv tias, “Kuv niam thiab kuv cov kwv yog cov uas mloog Vajtswv tej lus thiab ua raws nraim li.”

Yexus txwv cua daj cua dub

(Mth. 8:23-27; Mk. 4:35-41)

 22Muaj ib hnub Yexus nrog nws cov thwjtim nce rau hauv lub nkoj thiab hais rau lawv tias, “Peb cia li hla hiavtxwv mus rau sab tim ub.” Lawv txawm sawv kev mus. 23Thaum lawv tabtom caij nkoj mus Yexus pw tsaug zog lawm. Ces cua daj cua dub txawm ntsawj dej hiavtxwv mas dej twb yuav puv lub nkoj, ua rau lawv raug ceeblaj. 24Cov thwjtim thiaj mus tsa Yexus hais tias, “Tus Tswv tus Tswv, peb tabtom yuav puam tsuaj.” Yexus txawm tsim dheev los txwv cua thiab tej nthwv dej uas ntas, cua thiab dej txawm tu nrho txhua yam thiaj li tus yees lawm. 25Yexus hais rau lawv tias, “Nej txojkev ntseeg dua twg lawm?” Lawv kuj ntshai thiab phimhwj, sib hais tias, “Tus no yog leejtwg es hais rau cua thiab dej mas cua thiab dej kuj mloog nws lus?”

Yexus kho tus raug dab

(Mth. 8:28-34; Mk. 5:1-20)

 26Yexus lawv txawm caij nkoj mus txog lub moos Kelaxa li kav xyuam, uas ncaj ntawm Kalilais sab tim ub. 27Thaum Yexus nce saum ntug nqhuab, muaj ib tug yawg raug dab hauv lub moos ntawd txawm ntsib Yexus. Nws tsis hnav ris tsho thiab tsis nyob hauv tsev ntev los lawm, nws nyob tom toj ntxas xwb. 28Thaum nws pom dheev Yexus nws txawm qw nrov thiab khwb nkaus ntawm Yexus hais nrov nrov tias, “Au Yexus uas yog Vajtswv uas Loj Dua Ntais tus tub, koj tuaj thab kuv ua dabtsi? Kuv thov koj tsis txhob tsim txom kuv.” 29Twb yog vim Yexus tau hais kom tus dab qias tawm hauv tus yawg ntawd mus. (Dab pheej ntswj nws ntau zaus. Luag zov nws zoo thiab twb muab loj cuj thiab saw hlau khi nws lawm los nws rub saw hlau tu nrho thiab raug dab muab raws rau tom tebchaws moj sab qhua.) 30Mas Yexus nug dab tias, “Koj npe hu li cas?” Nws teb tias, “Kuv npe hu ua Coob,” rau qhov muaj dab coob coob nkag rau hauv nws. 31Tej dab ntawd txawm taij thov Yexus tsis txhob ntiab lawv mus rau hauv lub niag qhov tob tob. 32Muaj ib pab npua coob tabtom nrhiav noj ntawm ntav toj. Cov dab ntawd txawm thov Yexus cia lawv txeem rau hauv cov npua ntawd. Yexus txawm tso ncauj. 33Cov dab txawm tawm hauv tus yawg ntawd mus nkag rau hauv pab npua, mas pab npua thiaj dhia plas toj ntxhab rau hauv hiavtxwv txham dej tuag tag.
  34Thaum cov neeg yug npua pom tej xwm txheej no lawv txawm dhia mus piav tej ntawd rau hauv lub moos thiab tej zej zog. 35Mas neeg txawm tawm tuaj saib tej xwm txheej uas tshwm los ntawd. Thaum lawv tuaj txog ntawm Yexus, lawv pom tus uas dab twb tawm mus lawd hnav ris tsho thiab meej pem zoo, zaum ntawm Yexus kotaw, lawv thiaj ntshai kawg. 36Cov neeg uas tau pom, kuj piav rau lawv mloog txog tus uas raug dab ntawd zoo kiag li cas. 37Cov neeg uas nyob lub moos Kelaxa li kav xyuam sawvdaws txawm thov Yexus tawm ntawm lawv mus, vim lawv ntshai heev. Yexus txawm nce nkoj rov mus. 38Tus uas dab tawm hauv nws lawd kuj thov cia nws nrog Yexus nyob ua ke. Tiamsis Yexus kom nws rov mus thiab hais tias, 39“Cia li mus tsev thiab piav tias Vajtswv tau ua li cas rau koj lawd rau lawv mloog.” Ces tus ntawd txawm rov qab mus thiab piav txhua yam uas Yexus tau ua rau nws thoob plaws lub moos ntawd paub.

Tus ntxhais uas tuag thiab tus pojniam kov Yexus qab tsho

(Mth. 9:18-26; Mk. 5:21-43)

 40Thaum Yexus rov los lawm muaj neeg coob zoo siab tos nws vim lawv sawvdaws tos ntsoov nws. 41Muaj ib tug npe hu ua Yaila, yog tus thawj uas saib xyuas lub tsev sablaj txawm tuaj khwb nkaus ntawm Yexus kotaw, thov kom Yexus mus tom nws tsev, 42rau qhov nws muaj tib tug ntxhais hnub nyoog kwvlam kaum ob xyoos, mob heev twb yuav tuag. Thaum Yexus mus, muaj neeg coob coob nrog nws mus sib txiv qev.
  43Muaj ib tug pojniam uas muaj mob nchuav cev tau kaum ob xyoos lawm, tsis muaj leejtwg kho tau nws tus mob zoo,⚓ 44nws txawm los raws Yexus qab kov Yexus qab tsho. Tamsim ntawd nws ntshav txawm tu nrho lawm. 45Yexus hais tias, “Leejtwg kov kuv?” Thaum txhua tus tsis lees Petus txawm hais rau Yexus tias, “Xibhwb, neeg coob vij nkaus koj sib txiv qev koj.” 46Tiamsis Yexus hais tias, “Muaj ib tug kov kuv rau qhov kuv paub tias hwjchim tawm hauv kuv lawm.” 47Thaum tus pojniam ntawd pom tias tsiv nraim tsis tau nws los tshee hnyo los khwb nkaus rau ntawm Yexus xubntiag qhia tab meeg sawvdaws tias nws kov Yexus vim yog li cas, thiab nws tus mob twb zoo tamsid lawm. 48Yexus hais rau nws tias, “Mentxhais 'e, koj txojkev ntseeg ua rau koj zoo lawm. Cia li mus ua siab tus yees.”
  49Thaum Yexus tseem hais tej lus ntawd, muaj ib tug tuaj ntawm tus thawj uas saib xyuas tsev sablaj lub tsev tuaj hais tias, “Koj tus ntxhais twb tuag lawm. Tsis txhob tab kaum xibhwb dua li lawm.” 50Thaum Yexus hnov li ntawd nws txawm teb tus ntawd tias, “Tsis txhob ntshai, cia li ntseeg xwb. Tus mentxhais yeej yuav zoo.” 51Thaum Yexus tuaj txog lub tsev lawm nws tsis kheev leejtwg nrog nws nkag mus tsuas yog Petus, Yauhas thiab Yakaunpau thiab leej niam leej txiv mus xwb. 52Sawvdaws quaj thiab quaj nyiav tus mentxhais ntawd, tiamsis Yexus hais tias, “Tsis txhob quaj. Nws tsis tuag, nws tsaug zog xwb.” 53Lawv txawm thuam luag Yexus rau qhov lawv paub tias tus mentxhais twb tuag lawm tiag. 54Tiamsis Yexus ntsiab nkaus tus mentxhais ntawd txhais tes thiab hais rau nws tias, “Mentxhais 'e, cia li sawv tsees.” 55Mas tus ntsuj plig txawm rov los rau nws, nws thiaj sawv tsees tamsim ntawd. Yexus hais kom muab mov rau tus mentxhais noj. 56Leej niam leej txiv kuj phimhwj heev. Yexus txwv kom tsis txhob qhia leejtwg paub txog zaj no.