9

Cov uas rov tim Npanpiloo los

(Nhm. 11:3-19)

¹Ua li ntawd ib tsoom Yixayee sawvdaws sau npe cia raws li lawv caj ces li keeb kwm thiab cov npe no tau muab sau rau hauv Yixayee tej vajntxwv phau ntawv keeb kwm lawm. Mas Yuda raug kuav coj mus nyob rau hauv tebchaws Npanpiloo vim lawv lub siab tsis xib rau Vajtswv lawm.
²Thawj pab uas rov qab los nyob hauv lawv tej vaj tse uas yog lawv tug hauv lawv tej moos yog cov pov thawj, cov Levi thiab cov qhev ua haujlwm hauv lub tuam tsev. ³Muaj qee leej hauv xeem Yuda xeem Npeeyamee xeem Efa‑i thiab xeem Manaxe nyob hauv Yeluxalees, ⁴yog Uthai uas yog Amihu tus tub, Amihu yog Ooli tus tub, Ooli yog Ili tus tub, Ili yog Npani tus tub, Npani yog Yuda tus tub Peles li ib ceg xeeb ntxwv. ⁵Ntawm cum Silau yog Axaya uas yog tub hlob thiab nws cov tub. ⁶Ntawm Xelag caj ces yog Ye‑u‑ee thiab nws cov kwvtij, muaj rau pua cuaj caum leej. ⁷Ntawm xeem Npeeyamee yog Mesulas tus tub Xalu, Mesulas yog Haudaviya tus tub, Haudaviya yog Haxenu‑a tus tub, ⁸thiab Yelauhas tus tub Ineya, thiab Uxi tus tub Ela uas yog Mikhi tus xeeb ntxwv, thiab Sefathiya tus tub Mesulas, Sefathiya yog Le‑u‑ee tus tub, Le‑u‑ee yog Iniya tus tub, ⁹thiab lawv cov kwvtij raws li lawv caj ces li keeb kwm uas sau cia, muaj cuaj pua tsib caug rau leej. Cov no sawvdaws yog cov uas ua thawj hauv tej cum raws li lawv tej cum.
¹⁰Hauv cov pov thawj yog Yedaya, Yehauyali, Yakhi, ¹¹thiab Axaliya uas yog Hikhiya tus tub, Hikhiya yog Mesulas tus tub, Mesulas yog Xadau tus tub, Xadau yog Melayau tus tub, Melayau yog Ahithu tus tub uas yog tus thawj uas saib Vajtswv lub tuam tsev. ¹²Thiab Adaya uas yog Yelauhas tus tub, Yelauhas yog Pasaw tus tub, Pasaw yog Makhiya tus tub, thiab Ma‑axai uas yog Adi‑ee tus tub, Adi‑ee yog Yaxela tus tub, Yaxela yog Mesulas tus tub, Mesulas yog Mesilemi tus tub, Mesilemi yog Imaw tus tub, ¹³thiab lawv cov kwvtij uas ua thawj hauv lawv tej cum, huvsi muaj ib txhiab xya pua rau caum leej, yog cov uas txawj txawj ua haujlwm hauv Vajtswv lub tuam tsev.
¹⁴Hauv cov Levi muaj Semaya uas yog Hasus tus tub, Hasus yog Alikhas tus tub, Alikhas yog Hasanpiya tus tub, uas yog Melali caj ces. ¹⁵Thiab Npanpakha, Helev, Kalas thiab Mathaniya uas yog Mikha tus tub. Mikha yog Xikhi tus tub, Xikhi yog Axas tus tub. ¹⁶Thiab Aunpadiya uas yog Semaya tus tub. Semaya yog Kalas tus tub, Kalas yog Yeduthu tus tub, thiab Npelekhiya uas yog Axa tus tub. Axa yog Eekhana tus tub uas nyob hauv cov Nethaufa tej zos.
¹⁷Cov uas zov tej rooj loog yog Salu, Akhu, Thamoo, Ahimas thiab lawv cov kwvtij, Salu ua tus thawj. ¹⁸Los txog niaj hnub nimno lawv nyob ntawm lub Rooj Loog Vajntxwv sab hnub tuaj. Cov no yog cov Levi uas zov tej rooj loog. ¹⁹Salu yog Khaule tus tub, Khaule yog Enpiyaxas tus tub, Enpiyaxas yog Khaula tus tub, thiab nws cov kwvtij uas yog Khaula caj ces yog cov uas saib xyuas haujlwm thiab yog cov uas zov lub qhov rooj tuam tsev ib yam li lawv tej poj koob yawm txwv tau saib thiab zov Yawmsaub lub tsev ntaub lub qhov rooj. ²⁰Ele‑axa tus tub Fineha yog tus uas kav lawv yav thaum ub, Yawmsaub nrog nraim nws nyob. ²¹Meselemiya tus tub Xekhaliya yog tus uas zov lub qhov rooj tsev ntaub sib ntsib. ²²Cov uas raug xaiv ua cov uas zov tej rooj loog muaj ob puas kaum ob leeg. Lawv nce npe raws li lawv caj ces li keeb kwm thiab raws li tej zos uas lawv nyob. Davi thiab Xamuyee uas yog xibhwb hais pom tom hauv ntej tau tsa lawv ua tes haujlwm tseem ceeb no. ²³Yog li ntawd lawv thiab lawv cov tub ki ua cov uas saib thiab zov tej rooj loog ntawm Yawmsaub lub tuam tsev uas yog lub tsev ntaub. ²⁴Cov uas zov tej rooj loog nyob rau plaub fab, yog nyob sab hnub tuaj sab hnub poob sab ped thiab sab nrad. ²⁵Thiab tej lub sijhawm lawv cov kwvtij uas nyob hauv lawv tej zej zog yuav tsum tuaj nrog lawv nyob xya hnub pab ua haujlwm. ²⁶Plaub leeg uas ua thawj zov tej rooj loog uas yog cov Levi ntawd yog cov uas saib xyuas tej chav tsev thiab tej txhab nyiaj hauv Vajtswv lub tuam tsev. ²⁷Lawv muaj chaw so puag ncig Vajtswv lub tuam tsev, rau qhov lawv tej haujlwm yog zov thiab lawv yuav tsum qheb txhua tagkis.
²⁸Muaj qee leej yog cov uas saib thiab tu tej cuab yeej uas siv ua Vajtswv tes haujlwm, rau qhov lawv yuav tsum suav txhua zaus uas rho mus thiab coj rov los cia. ²⁹Thiab muaj qee leej raug tsa ua cov uas saib xyuas txhua yam uas nyob hauv thiab saib xyuas tej cuab yeej uas dawb huv huvsi thiab saib tej hmoov mog zoo zoo thiab tej cawv txiv hmab thiab tej roj thiab tej hmoov tshuaj tsw qab thiab tej txuj lom. ³⁰Thiab qee leej uas yog cov pov thawj li tub mas lawv tov tej txuj lom. ³¹Mathithiya uas yog ib tug Levi, yog Salu tus tub hlob, yog Khaula caj ces, nws li haujlwm yog saib xyuas cov uas ua tej ncuav pliab pliab. ³²Thiab lawv cov kwvtij qee leej uas yog Khauha caj ces ua cov uas saib tej ncuav uas xyeem txawb rau ntawm Yawmsaub xubntiag, thiab lawv yuav tsum npaj ua txhua hnub Xanpatau.⚓
³³No yog cov hu nkauj uas yog cov thawj hauv xeem Levi tej cum. Lawv nyob hauv tej chav hauv Vajtswv lub tuam tsev thiab tsis ua lwm yam haujlwm rau qhov lawv li haujlwm yog nyob tos nruab hnub hmo ntuj. ³⁴Cov no yog cov thawj hauv xeem Levi tej cum, raws li lawv caj ces li keeb kwm uas sau cia, lawv yog cov thawj coj uas nyob hauv Yeluxalees.

Vajntxwv Xa‑u caj ces

(1VKk. 8:29-38)

³⁵Ye‑i‑ee uas yog Kinpe‑oo txiv nyob hauv lub moos Kinpe‑oo, nws pojniam hu ua Ma‑akha. ³⁶Nws tus tub hlob hu ua Adoo, thiab muaj Xuv, Khij, Npa‑as, Naw, Nada, ³⁷Kedau, Ahiyau, Xekhaliya thiab Milauj. ³⁸Milauj yog Sime‑am txiv. Cov no nyob npuas lawv cov kwvtij thiab nrog lawv nyob ua ke hauv Yeluxalees. ³⁹Naw yog Khij txiv, Khij yog Xa‑u txiv. Xa‑u yog Yaunathas, Makhisuva, Anpinada thiab Esanpa‑as txiv. ⁴⁰Yaunathas tus tub yog Melinpa‑as, Melinpa‑as yog Mikha txiv. ⁴¹Mikha cov tub yog Pithau, Mele, Thale‑a thiab Aha. ⁴²Aha yog Yala txiv, Yala yog Aleme thiab Amave thiab Xili txiv. Xili yog Mauxa txiv. ⁴³Mauxa yog Npine‑a txiv, Npine‑a tus tub yog Lefaya. Lefaya tus tub yog Ele‑axas, Ele‑axas tus tub yog Axee. ⁴⁴Axee muaj rau tus tub. No yog nws cov tub li npe, yog Axikhas, Npaukhelu, Yisama‑ee, Se‑aliya, Aunpadiya thiab Hanas. Cov no puavleej yog Axee cov tub.

9

Cov kws rov tim Npanpiloo lug

(Nhm. 11:3-19)

¹Ua le hov ib tsoom Yixayee suavdawg sau npe ca lawv le puab caaj ceg le keeb kwm hab cov npe nuav tau muab sau rua huv Yixayee tej vaajntxwv phoo ntawv keeb kwm lawm. Mas Yuta raug kuav coj moog nyob rua huv tebchaws Npanpiloo vem puab lub sab tsw xwb rua Vaajtswv lawm.
²Thawj paab kws rov qaab lug nyob huv puab tej vaaj tse kws yog puab tug huv puab tej moos yog cov pov thawj, cov Levi hab cov qhev ua num huv lub tuam tsev. ³Muaj qee leej huv xeem Yuta xeem Npeeyamee xeem Efa‑i hab xeem Manaxe nyob huv Yeluxalee, ⁴yog Uthai kws yog Amihu tug tub, Amihu yog Ooli tug tub, Ooli yog Ili tug tub, Ili yog Npani tug tub, Npani yog Yuta tug tub Peles le ib ceg xeeb ntxwv. ⁵Ntawm cum Silau yog Axaya kws yog tub hlub hab nwg cov tub. ⁶Ntawm Xelag caaj ceg yog Ye‑u‑ee hab nwg cov kwvtij, muaj rau pua cuaj caug leej. ⁷Ntawm xeem Npeeyamee yog Mesulaa tug tub Xalu, Mesulaa yog Hauntaviya tug tub, Hauntaviya yog Haxenu‑a tug tub, ⁸hab Yelauhaa tug tub Ineya, hab Uxi tug tub Ela kws yog Mikhi tug xeeb ntxwv, hab Sefathiya tug tub Mesulaa, Sefathiya yog Le‑u‑ee tug tub, Le‑u‑ee yog Iniya tug tub, ⁹hab puab cov kwvtij lawv le puab caaj ceg le keeb kwm kws sau ca, muaj cuaj pua tswb caug rau leej. Cov nuav suavdawg yog cov kws ua thawj huv cov quas cum lawv le puab tej cum.
¹⁰Huv cov pov thawj yog Yentaya, Yehauyali, Yakhi, ¹¹hab Axaliya kws yog Hikhiya tug tub, Hikhiya yog Mesulaa tug tub, Mesulaa yog Xantau tug tub, Xantau yog Melayau tug tub, Melayau yog Ahithu tug tub kws yog tug thawj kws saib Vaajtswv lub tuam tsev. ¹²Hab Antaya kws yog Yelauhaa tug tub, Yelauhaa yog Pasaw tug tub, Pasaw yog Makhiya tug tub, hab Ma‑axai kws yog Anti‑ee tug tub, Anti‑ee yog Yaxela tug tub, Yaxela yog Mesulaa tug tub, Mesulaa yog Mesilemi tug tub, Mesilemi yog Imaw tug tub, ¹³hab puab cov kwvtij kws ua thawj huv puab cov quas cum, huvsw muaj ib txheeb xyaa pua rau caum leej, yog cov kws txawj txawj ua num huv Vaajtswv lub tuam tsev.
¹⁴Huv cov Levi muaj Semaya kws yog Hasus tug tub, Hasus yog Alikhaa tug tub, Alikhaa yog Hasanpiya tug tub, kws yog Melali caaj ceg. ¹⁵Hab Npanpakha, Helev, Kalaa hab Mathaniya kws yog Mikha tug tub. Mikha yog Xikhi tug tub, Xikhi yog Axas tug tub. ¹⁶Hab Aunpantiya kws yog Semaya tug tub. Semaya yog Kalaa tug tub, Kalaa yog Yentuthu tug tub, hab Npelekhiya kws yog Axa tug tub. Axa yog Eekhana tug tub kws nyob huv cov Nethaufa tej zog.
¹⁷Cov kws zuv tej rooj loog yog Salu, Akhu, Thaamoo, Ahimaa hab puab cov kwvtij, Salu ua tug thawj. ¹⁸Lug txug naj nub nwgnuav puab nyob ntawm lub Rooj Loog Vaajntxwv saab nub tuaj. Cov nuav yog cov Levi kws zuv tej rooj loog. ¹⁹Salu yog Khaule tug tub, Khaule yog Enpiyaxas tug tub, Enpiyaxas yog Khaula tug tub, hab nwg cov kwvtij kws yog Khaula caaj ceg yog cov kws saib daag num hab yog cov kws zuv lub qhov rooj tuam tsev ib yaam le puab tej laug tau saib hab zuv Yawmsaub lub tsev ntaub lub qhov rooj. ²⁰Ele‑axa tug tub Fineha yog tug kws kaav puab yaav thau u, Yawmsaub nrug nraim nwg nyob. ²¹Meselemiya tug tub Xekhaliya yog tug kws zuv lub qhov rooj tsev ntaub sws ntswb. ²²Cov kws raug xaiv ua cov kws zuv tej rooj loog muaj ob puas kaum ob leeg. Puab nce npe lawv le puab caaj ceg le keeb kwm hab lawv le tej zog kws puab nyob. Tavi hab Xamuyee kws yog xwbfwb has pum tom hauv ntej tau tsaa puab ua teg num tseem ceeb nuav. ²³Yog le hov puab hab puab cov tub ki ua cov kws saib hab zuv tej rooj loog ntawm Yawmsaub lub tuam tsev kws yog lub tsev ntaub.
²⁴Cov kws zuv tej rooj loog nyob rua plaub faab, yog nyob saab nub tuaj saab nub poob saab peg hab saab nraag. ²⁵Hab tej lub swjhawm puab cov kwvtij kws nyob huv puab tej zej zog yuav tsum tuaj nrug puab nyob xyaa nub paab ua num. ²⁶Plaub leeg kws ua thawj zuv tej rooj loog kws yog cov Levi hov yog cov kws saib tej chaav tsev hab tej txhaab nyaj huv Vaajtswv lub tuam tsev. ²⁷Puab muaj chaw su puag ncig Vaajtswv lub tuam tsev, tsua qhov puab tej num yog zuv hab puab yuav tsum qheb txhua taagkig.
²⁸Muaj qee leej yog cov kws saib hab tu tej cuab yeej kws swv ua Vaajtswv teg num, tsua qhov puab yuav tsum suav txhua zag kws rhu moog hab coj rov lug ca. ²⁹Hab muaj qee leej raug tsaa ua cov kws saib txhua yaam kws nyob huv hab saib tej cuab yeej kws dawb huv huvsw hab saib tej moov mog zoo zoo hab tej cawv txwv maab hab tej roj hab tej moov tshuaj tsw qaab hab tej txum lom. ³⁰Hab qee leej kws yog cov pov thawj le tub mas puab tov tej txum lom. ³¹Mathithiya kws yog ib tug Levi, yog Salu tug tub hlub, yog Khaula caaj ceg, nwg le num yog saib cov kws ua tej ncuav plab plab. ³²Hab puab cov kwvtij qee leej kws yog Khauha caaj ceg ua cov kws saib tej ncuav kws xyeem txawb rua ntawm Yawmsaub xubndag, hab puab yuav tsum npaaj ua txhua nub Xanpatau.⚓
³³Nuav yog cov hu nkauj kws yog cov thawj huv xeem Levi cov quas cum. Puab nyob huv tej chaav huv Vaajtswv lub tuam tsev hab tsw ua lwm yaam num tsua qhov puab le num yog nyob tog nruab nub mo ntuj. ³⁴Cov nuav yog cov thawj huv xeem Levi cov quas cum, lawv le puab caaj ceg le keeb kwm kws sau ca, puab yog cov thawj coj kws nyob huv Yeluxalee.

Vaajntxwv Xa‑u caaj ceg

(1VKk. 8:29-38)

³⁵Ye‑i‑ee kws yog Kinpe‑oo txwv nyob huv lub moos Kinpe‑oo, nwg quaspuj hu ua Ma‑akha. ³⁶Nwg tug tub hlub hu ua Antoo, hab muaj Xuv, Khij, Npa‑aa, Naw, Nanta, ³⁷Kentau, Ahiyau, Xekhaliya hab Milauj. ³⁸Milauj yog Sime‑aa txwv. Cov nuav nyob npuas puab cov kwvtij hab nrug puab nyob ua ke huv Yeluxalee. ³⁹Naw yog Khij txwv, Khij yog Xa‑u txwv. Xa‑u yog Yaunathaa, Makhisuva, Anpinanta hab Esanpa‑aa txwv. ⁴⁰Yaunathaa tug tub yog Melinpa‑aa, Melinpa‑aa yog Mikha txwv. ⁴¹Mikha cov tub yog Pithau, Mele, Thale‑a hab Aha. ⁴²Aha yog Yala txwv, Yala yog Aleme hab Amave hab Xili txwv. Xili yog Mauxa txwv. ⁴³Mauxa yog Npine‑a txwv, Npine‑a tug tub yog Lefaya. Lefaya tug tub yog Ele‑axas, Ele‑axas tug tub yog Axee. ⁴⁴Axee muaj rau tug tub. Nuav yog nwg cov tub le npe, yog Axikhaa, Npaukhelu, Yisama‑ee, Se‑aliya, Aunpantiya hab Hanaa. Cov nuav puavleej yog Axee cov tub.