22

Vajntxwv Yuav Nyab rau Nws Tus Tub

(Lukas 14.15-24)

¹Yexus hais dua ob peb zaj lus pivtxwv rau sawvdaws mloog hais tias, ²“Ntuj Ceebtsheej piv ib yam li ib tug vajntxwv yuav nyab rau nws tus tub thiab noj tshoob. ³Vajntxwv txawm txib nws cov tubtxib mus hu cov qhua uas nws twb caw lawm kom tuaj nrog nws noj tshoob, tiamsis tsis muaj leejtwg tuaj li. ⁴Nws thiaj txib dua ib pab tubtxib mus hais rau cov qhua uas nws twb caw lawm hais tias, ‘Kuv rooj tshoob, kuv twb npaj txhij lawm. Kuv tej sam nyuj thiab kuv tej menyuam nyuj rog rog, kuv twb tua thiab ua siav tas lawm, nej cia li tuaj noj!’ ⁵Tiamsis cov qhua ntawd tsis muaj leejtwg quavntsej li, nyias txawm mus ua nyias haujlwm tas lawm: Tus mus ua teb los muaj, tus mus ua luam los muaj, ⁶dua li tej tseem ntes cov tubtxib ntawd, muab lawv ntaus thiab muab tua povtseg. ⁷Vajntxwv chim heev; nws txawm txhij nws cov tubrog mus muab cov neeg tua neeg ntawd tua povtseg, thiab muab lawv lub nroog hlawv tas huv tibsi. ⁸Vajntxwv txawm hu nws cov tubtxib los thiab hais rau lawv hais tias, ‘Kuv rooj tshoob, kuv twb npaj txhij lawm, tiamsis cov neeg uas kuv caw ntawd, lawv tsis tsimnyog tuaj noj. ⁹Nej cia li mus rau tom tej kev loj, nej ntsib leejtwg los hu kom lawv cia li tuaj noj kuv rooj tshoob no.’ ¹⁰Ces cov tubtxib txawm tawm mus rau tom tej kev, tej neeg uas lawv ntsib, tsis hais tus zoo tus phem los lawv hu kom tuaj huv tibsi; sawvdaws tuaj nyob puv nkaus vajntxwv tsev.
¹¹“Thaum vajntxwv los saib cov qhua uas tuaj, nws pom ib tug txivneej uas hnav ris tsho tsis phim rooj tshoob. ¹²Vajntxwv nug hais tias, ‘Phoojywg, koj twb tsis hnav cev ris tsho ua tshoob, ua li cas koj ho tuaj hauv no?’ Tiamsis tus ntawd hais tsis taus ib los li. ¹³Vajntxwv txawm hais rau vajntxwv cov tubtxib hais tias, ‘Nej cia li muab tus ntawd pav tes pav taw, thiab muab nws pov rau sab nraud qhov uas tsaus ntuj nti. Nyob qhov ntawd nws yuav quaj qw tom hniav qawv.’ ”
¹⁴Yexus xaus lus hais tias, “Cov neeg uas tau hu lawm muaj coob, tiamsis cov uas xaiv tau muaj tsawg.”

Them Se Rau Xixas Puas Txhaum

(Malakaus 12.13-17; Lukas 20.20-26)

¹⁵Cov Falixais txawm tawm mus sablaj hais tias, lawv yuav nug li cas, Yexus thiaj hais txhaum. ¹⁶Lawv txib lawv cov thawj qee leej thiab Helauj cov qee leej tuaj cuag Yexus thiab nug hais tias, “Xibhwb, peb paub hais tias koj yog tus ncaj ncees, thiab qhia Vajtswv Txojlus tseeb rau neeg, koj tsis xaiv leejtwg ntsejmuag li, txawm yog lawv yuav nyiam thiab tsis nyiam los xij. ¹⁷Koj qhia rau peb saib, koj xav li cas? Yog peb them se rau Xixas puas txhaum peb txoj kevcai los tsis txhaum?”
¹⁸Yexus twb paub lawv lub siab xav phem lawm, nws thiaj hais rau lawv hais tias, “Cov niag neeg ntsejmuag ncaj siab nkhaus! Nej tuaj sim kuv ua dabtsi? ¹⁹Cia li muab lub nyiaj uas yuav coj mus them se ntawd los rau kuv saib!”
Lawv txawm muab lub nyiaj rau Yexus, ²⁰Yexus nug lawv hais tias, “Lub ntsejmuag thiab lub npe uas sau rau ntawm lub nyiaj no yog leejtwg lub?”
²¹Lawv teb hais tias, “Yog Xixas lub.”
Yexus hais rau lawv hais tias, “Yam uas yog Xixas li, cia li muab rau Xixas thiab yam uas yog Vajtswv li, cia li muab rau Vajtswv.”
²²Thaum lawv hnov li ntawd, lawv xav tsis thoob li; ces lawv txawm tso Yexus tseg thiab khiav lawm.

Nug Txog Cov Neeg uas Tuag Sawv Rov Qab Los

(Malakaus 12.18-27; Lukas 20.27-40)

²³Tib hnub ntawd cov Xadukais qee leej tuaj cuag Yexus. Lawv yog cov uas tsis ntseeg hais tias, neeg yuav sawv hauv qhov tuag rov qab los. ²⁴Lawv nug Yexus hais tias, “Xibhwb, Mauxes hais tias yog tus txiv tuag thaum nws tus pojniam tsis tau muaj menyuam, nws tus kwv yuav tsum yuav tus niamtij, tus tijlaug thiaj muaj xeebntxwv. ²⁵Yav tas los hauv peb lub zos no muaj xya leej kwvtij. Tus tijlaug yuav pojniam, tiamsis tseem tsis tau muaj menyuam, nws txawm tuag lawm, tso tus pojniam rau tus kwv yuav. ²⁶Thaum tseem tsis tau muaj menyuam tus kwv txawm tuag lawm thiab. Tus kwv peb mus txog tus kwv xya, lawv puavleej ua ib yam nkaus li ntawd, thiab lawv tuag tas huv tibsi. ²⁷Thaum kawg los tus pojniam ntawd tuag lawm thiab. ²⁸Yog li ntawd, hnub uas cov neeg tuag sawv rov qab los, tus pojniam ntawd yuav yog tus twg tus pojniam? Rau qhov lawv puavleej tau yuav nws huv tibsi lawm.”
²⁹Yexus teb lawv hais tias, “Nej xav yuam kev lawm! Rau qhov nej tsis totaub Vajtswv Txojlus thiab tsis paub Vajtswv lub hwjchim. ³⁰Thaum cov neeg uas tuag lawm sawv rov qab los, lawv yuav zoo ib yam li cov timtswv uas nyob saum ntuj ceebtsheej, lawv tsis yuav pojniam tsis yuav txiv lawm. ³¹Nej tsis tau nyeem zaj uas Vajtswv tsa cov neeg tuag sawv rov qab los los? Vajtswv twb qhia rau nej lawm hais tias, ³²‘Kuv yog Anplahas tus Vajtswv, Ixaj tus Vajtswv thiab Yakhauj tus Vajtswv.’ Vajtswv tsis yog cov neeg tuag tus Vajtswv, tiamsis yog cov neeg ciaj tus Vajtswv.”
³³Thaum cov neeg coob coob hnov tej uas Yexus qhia ntawd, lawv xav tsis thoob li.

Nqe Kevcai uas Tseemceeb Dua Ntais

(Malakaus 12.28-34; Lukas 20.25-28)

³⁴Thaum cov Falixais hnov hais tias cov Xadukais tsis muaj lus teb tau Yexus li, lawv txawm tuaj ua ke sablaj, ³⁵muaj ib tug xibhwb qhia Vajtswv txoj Kevcai uas nyob hauv lawv pab ntawd, nws xaub Yexus hais tias, ³⁶“Xibhwb, Vajtswv txoj Kevcai nqe twg yog nqe uas tseemceeb dua ntais huv tibsi?”
³⁷Yexus teb hais tias, “ ‘Hlub tus Tswv uas yog nej tus Vajtswv kom kawg siab kawg ntsws, kawg plab kawg plawv thiab kawg nej lub dag lub zog.’ ³⁸Nqe no thiaj yog nqe uas tseemceeb dua ntais. ³⁹Thiab nqe ob uas tseemceeb hais li no hais tias: ‘Hlub koj tej kwvtij zejzog ib yam li koj hlub koj lub cev.’ ⁴⁰Mauxes txoj Kevcai thiab cov cev Vajtswv lus tej lus qhia puavleej nyob tagnrho hauv ob nqe no.”

Hais Txog Tus Mexiyas Yog Leejtwg Tus Tub

(Malakaus 12.35-37; Lukas 20.41-44)

⁴¹Thaum cov Falixais tabtom sablaj ua ke, Yexus nug lawv hais tias, ⁴²“Nej xav li cas txog tus Mexiyas? Nws yog leejtwg tus tub?”
Lawv teb hais tias, “Nws yog Daviv tus tub.”
⁴³Yexus rov nug lawv hais tias, “Yog li cas Vaj Ntsujplig tshoov Daviv siab, kom Daviv hu nws hais tias, ‘Tus Tswv’? Daviv hais tias,
⁴⁴‘Tus Tswv hais rau kuv tus Tswv hais tias,
koj cia li los zaum ntawm kuv sab xis
mus txog thaum kuv muab koj cov yeebncuab los rau koj tsuj.’
⁴⁵Daviv twb hu nws hais tias, ‘Tus Tswv,’ yuav ua li cas hais tau tias, tus Mexiyas yog Daviv tus tub?”
⁴⁶Tsis muaj leejtwg teb taus Yexus ib los li. Txij li hnub ntawd los, tsis muaj leejtwg kam nug Yexus li lawm.

22

喜宴的比喻

（路14．15－24）

¹耶穌又用比喻對他們說： ²「天國好比一個王為他兒子擺設娶親的宴席。 ³他打發僕人去，請那些被邀的人來赴宴，他們卻不肯來。 ⁴王又打發別的僕人，說：『你們去告訴那被邀的人，我的宴席已經預備好了，牛和肥畜已經宰了，各樣都齊備，請你們來赴宴。』 ⁵那些人不理就走了，一個到自己田裏去，一個做買賣去。 ⁶其餘的抓住僕人，凌辱他們，把他們殺了。 ⁷王就大怒，發兵除滅那些兇手，燒燬他們的城。 ⁸於是王對僕人說：『喜宴已經齊備，只是所邀的人不配。 ⁹所以你們要往岔路口上去，凡遇見的，都邀來赴宴。』 ¹⁰那些僕人就出去，到大路上，凡遇見的，不論善惡都招聚了來，宴席上就坐滿了客人。 ¹¹王進來見賓客，看到那裏有一個沒有穿禮服的， ¹²就對他說：『朋友，你到這裏來怎麼不穿禮服呢？』那人無言可答。 ¹³於是王對侍從說：『捆起他的手腳，把他扔在外邊的黑暗裏；在那裏他要哀哭切齒了。』 ¹⁴因為被召的人多，選上的人少。」

納稅給凱撒的問題

（可12．13－17；路20．19－26）

¹⁵於是，法利賽人出去商議，怎樣找話柄來陷害耶穌， ¹⁶就打發他們的門徒同希律黨人去見耶穌，說：「老師，我們知道你是誠實的，並且誠誠實實傳上帝的道，無論誰你都一視同仁，因為你不看人的面子。 ¹⁷請告訴我們，你的意見如何？納稅給凱撒合不合法？」 ¹⁸耶穌看出他們的惡意，就說：「假冒為善的人哪，為甚麼試探我？ ¹⁹拿一個納稅的錢給我看！」他們就拿一個銀幣來給他。 ²⁰耶穌問他們：「這像和這名號是誰的？」 ²¹他們說：「是凱撒的。」於是耶穌說：「這樣，凱撒的歸凱撒；上帝的歸上帝。」 ²²他們聽了十分驚訝，就離開他走了。

復活的問題

（可12．18－27；路20．27－40）

²³那天，撒都該人來見耶穌。他們說沒有復活這回事，於是問耶穌： ²⁴「老師，摩西說：『某人若死了，沒有孩子，他弟弟該娶他的妻子，為哥哥生子立後。』 ²⁵從前，在我們這裏有兄弟七人，第一個娶了妻，死了，沒有孩子，撇下妻子給弟弟。 ²⁶第二、第三，直到第七個，都是如此。 ²⁷後來，那婦人也死了。 ²⁸那麼，在復活的時候，她是七個人中哪一個的妻子呢？因為他們都娶過她。」 ²⁹耶穌回答他們說：「你們錯了，因為不明白聖經，也不知道上帝的大能。 ³⁰在復活的時候，人也不娶也不嫁，而是像天上的天使一樣。 ³¹論到死人復活，上帝向你們所說的話，你們沒有念過嗎？ ³²他說：『我是亞伯拉罕的上帝，以撒的上帝，雅各的上帝。』上帝不是死人的上帝，而是活人的上帝。」 ³³眾人聽見這話，對他的教導非常驚訝。

最大的誡命

（可12．28－34；路10．25－28）

³⁴法利賽人聽見耶穌堵住了撒都該人的口，他們就聚集在一起。 ³⁵其中有一個人是律法師⚓，要試探耶穌，就問他： ³⁶「老師，律法上的誡命哪一條是最大的呢？」 ³⁷耶穌對他說：「你要盡心、盡性、盡意愛主－你的上帝。 ³⁸這是最大的，且是第一條誡命。 ³⁹第二條也如此，就是要愛鄰⚓如己。 ⁴⁰這兩條誡命是一切律法和先知書的總綱。」

基督與大衛的關係

（可12．35－37；路20．41－44）

⁴¹法利賽人聚集的時候，耶穌問他們： ⁴²「論到基督，你們的意見如何？他是誰的後裔呢？」他們說：「是大衛的。」 ⁴³耶穌說：「這樣，大衛被聖靈感動，怎麼還稱他為主，說：
⁴⁴『主對我主說：
你坐在我的右邊，
等我把你的仇敵放在你腳下？』
⁴⁵大衛既稱他為主，他怎麼又是大衛的後裔呢？」 ⁴⁶沒有一個人能回答一句話，從那日以後沒有人敢再問他甚麼。