12
Nathaa tshev Tavi
1Yawmsaub khaiv Nathaa moog cuag Tavi. Nathaa txawm moog txug Tavi hab has tas, “Muaj ob tug txwvneej nyob huv ib lub moos, ib tug nplua nuj ib tug pluag.
2Tug nplua nuj muaj tshws muaj yaaj muaj nyuj coob heev.
3Tug pluag tsw muaj daabtsw le tsuas muaj tuab tug xyuas yaaj kws nwg yuav lug xwb. Nwg tu hlub hab ca nrug nwg hab nwg cov mivnyuas nyob ua ke, noj ua ke koom haus ib lub khob dej, pw huv nwg lub xubndag, zoo yaam nkaus le ib tug mivntxhais rua nwg.
4Tug nplua nuj hov muaj ib tug qhua tuaj tshaam nwg. Nwg tsw kaam muab nwg tej yaaj tej tshws tej nyuj lug tua tam tug qhua kws tuaj tshaam ntawd, tes nwg txawm muab tug pluag hov tug mivnyuas yaaj lug tua rua tug qhua kws tuaj tshaam nwg noj.”
5Tes Tavi txawm npau tawg rua tug nplua nuj hov heev hab has rua Nathaa tas, “Yawmsaub muaj txujsa nyob pum, yuav tsum muab tug yawm kws ua le hov tua pov tseg.
6Hab nwg yuav thim tug mivnyuas yaaj rov qaab plaub npaug vem yog nwg ua le nuav nwg tsw muaj sab khuvleej le.”
7Nathaa has rua Tavi tas, “Koj yog tug yawm hov ntaag. Yawmsaub kws yog cov Yixayee tug Vaajtswv has le nuav tas, ‘Kuv tub tsaa koj ua vaajntxwv kaav cov Yixayee hab cawm koj dim huv Xa‑u txhais teg.
8Kuv tau muab Xa‑u kws yog koj tug tswv tsev tuabneeg rua koj hab muab nwg tej quaspuj rua huv koj lub xubndag, hab kuv muab cov Yixayee hab cov Yuta huvsw rua koj. Yog npaum le nuav tseed tsawg lawm kuv yuav tsaav ntxwv dua ib npaug hab.
9Ua caag koj yuav saib tsw taug Yawmsaub tej lug es ua tej kws nwg pum tas phem kawg? Koj xuas ntaaj tua Uliya kws yog tuabneeg Hithai hab yuav nwg tug quaspuj lug ua koj quaspuj. Koj xuas cov Aamoo raab ntaaj tua nwg ntaag.
10Vem le hov nwgnuav nav ntaaj yuav tsw nplaam huv koj caaj ceg hlo le vem yog koj saib tsw taug kuv hab yuav Uliya kws yog tuabneeg Hithai tug quaspuj lug ua koj quaspuj.’
11Yawmsaub has le nuav tas, ‘Saib nawj, kuv yuav ua kuas xwm txheej phem tshwm lug huv koj tsev tuabneeg tawm tsaam koj, hab kuv yuav muab koj tej quaspuj coj moog taab meeg koj hab muab pub rua koj kwvtij zej zog, mas tug hov yuav nrug koj tej quaspuj pw taab meeg nruab nub.
12Koj ua tej kev txhum hov zais quas nreeg tsw pub leejtwg pum, tassws kuv yuav ua tej nuav nruab nub quas lug taab meeg rua cov Yixayee suavdawg pum.’ ”
13Tavi txhad has rua Nathaa tas, “Kuv tau ua txhum muaj txem rua Yawmsaub lawm.” Mas Nathaa has rua Tavi tas, “Yawmsaub zaam koj lub txem lawm, koj yuav tsw tuag.
14Txawm le caag kuj xwj vem koj ua tej nuav saib tsw taug Yawmsaub heev kawg, mas tug mivnyuas kws yuav yug lug hov yuav tuag.”
15Nathaa txawm rov qaab moog tsev lawm. Mas Yawmsaub ua rua tug mivnyuas kws Uliya tug quaspuj yug rua Tavi hov mob heev.
16Tavi txawm taij thov Vaajtswv paab tug mivnyuas hov. Tavi yoo mov hab pw ib mos huv aav.
17Cov tub teg tub taw huv vaajntxwv tsev lug rua ntawm nwg yuav tsaa nwg sawv huv aav lug. Tassws nwg tsw kaam hab tsw nrug puab noj mov le.
18Tau xyaa nub tug mivnyuas hov txawm tuag lawm. Mas Tavi cov tub teg tub taw ntshai tsw kaav qha rua nwg paub tas tug mivnyuas tuag lawm, puab sws thaam has tas, “Thaus tug mivnyuas hov tseed caj sa nyob peb has rua Tavi, Tavi tub tsw noog. Mas peb yuav ua le caag has tau rua nwg tas tug mivnyuas tuag lawm? Tsaam tes nwg tsua ua le caag rua nwg tug kheej.”
19Tassws thaus Tavi pum cov tub teg tub taw sws ntxhw le ntawd, nwg nkaag sab tas tug mivnyuas tuag lawm. Tavi txhad has rua nwg cov tub teg tub taw tas, “Tug mivnyuas tuag lawm lov?” Puab teb tas, “Tuag lawm lauj.”
20Tes Tavi txawm sawv tseeg huv aav lug, daa dej pleev roj hloov rwg tsho hab moog rua huv Yawmsaub lub tsev pe hawm Yawmsaub. Nwg moog rua huv nwg lub tsev hab thaus nwg has kuas puab rau mov lug, puab kuj coj mov lug rau rua ntawm nwg xubndag rua nwg noj.
21Nwg cov tub teg tub taw txhad nug nwg tas, “Ua caag koj ua le nuav? Koj yoo mov hab quaj txug tug mivnyuas hov rua thaus nwg tseed muaj txujsa nyob. Tassws thaus tug mivnyuas tuag lawd koj ca le sawv tseeg lug noj mov.”
22Tavi has tas, “Thaus tug mivnyuas tseed caj sa nyob kuv yoo mov hab quaj, vem kuv xaav tas leejtwg yuav paub sov Yawmsaub yuav hlub kuv es pub tug mivnyuas hov muaj txujsa nyob.
23Tassws nwgnuav nwg tub tuag lawd es kuv yuav yoo mov ua daabtsw? Kuv yuav ua tau kuas tug mivnyuas caj rov lug lov? Kuv tsuas muaj kws yuav moog rua ntawm nwg, nwg yuav tsw rov lug rua ntawm kuv.”
24Tes Tavi txawm nplig nwg tug quaspuj Npasenpa lub sab, hab nrug nwg pw, tes nwg txawm yug tau ib tug tub, mas Tavi tis lub npe hu ua Xalaumoo. Yawmsaub hlub tug mivtub hov.
25Mas Yawmsaub has lug tuaj rua Nathaa kws ua xwbfwb cev Vaajtswv lug kuas tis tug mivtub hov npe hu ua Yentintiya⚓ vem yog Yawmsaub hlub.
Tavi txeeb lub nroog Lanpa
(1VKk. 20:1-3)
12
Nathas cem Davi
1Yawmsaub txib Nathas mus cuag Davi. Nathas txawm mus txog Davi thiab hais tias, “Muaj ob tug txivneej nyob hauv ib lub moos, ib tug nplua nuj ib tug pluag.
2Tus nplua nuj muaj tshis muaj yaj muaj nyuj coob heev.
3Tus pluag tsis muaj dabtsi li tsuas muaj tib tug xyuas yaj uas nws yuav los xwb. Nws tu hlob thiab cia nrog nws thiab nws cov menyuam nyob ua ke, noj ua ke koom haus ib lub khob dej, pw hauv nws lub xubntiag, zoo yam nkaus li ib tug mentxhais rau nws.
4Tus nplua nuj ntawd muaj ib tug qhua tuaj tsham nws. Nws tsis kam muab nws tej yaj tej tshis tej nyuj los tua tiam tus qhua uas tuaj tsham ntawd, ces nws txawm muab tus pluag ntawd tus menyuam yaj los tua rau tus qhua uas tuaj tsham nws noj.”
5Ces Davi txawm npau taws rau tus nplua nuj ntawd heev thiab hais rau Nathas tias, “Yawmsaub muaj txojsia nyob pom, yuav tsum muab tus yawg uas ua li ntawd tua pov tseg.
6Thiab nws yuav thim tus menyuam yaj rov qab plaub npaug vim yog nws ua li no nws tsis muaj siab khuvleej li.”
7Nathas hais rau Davi tias, “Koj yog tus yawg ntawd ntag. Yawmsaub uas yog cov Yixayee tus Vajtswv hais li no tias, ‘Kuv twb tsa koj ua vajntxwv kav cov Yixayee thiab cawm koj dim hauv Xa‑u txhais tes.
8Kuv tau muab Xa‑u uas yog koj tus tswv tsev neeg rau koj thiab muab nws tej pojniam rau hauv koj lub xubntiag, thiab kuv muab cov Yixayee thiab cov Yuda huvsi rau koj. Yog npaum li no tseem tsawg lawm kuv yuav tsav ntxiv dua ib npaug thiab.
9Ua cas koj yuav saib tsis taus Yawmsaub tej lus es ua tej uas nws pom tias phem kawg? Koj xuas ntaj tua Uliya uas yog neeg Hithai thiab yuav nws tus pojniam los ua koj pojniam. Koj xuas cov Asmoo rab ntaj tua nws ntag.
10Vim li ntawd nimno hniav ntaj yuav tsis plam hauv koj caj ces kiag li vim yog koj saib tsis taus kuv thiab yuav Uliya uas yog neeg Hithai tus pojniam los ua koj pojniam.’
11Yawmsaub hais li no tias, ‘Saib nawj, kuv yuav ua kom xwm txheej phem tshwm los hauv koj tsev neeg tawm tsam koj, thiab kuv yuav muab koj tej pojniam coj mus tab meeg koj thiab muab pub rau koj kwvtij zej zog, mas tus ntawd yuav nrog koj tej pojniam pw tab meeg nruab hnub.
12Koj ua tej kev txhaum ntawd zais ntshis tsis pub leejtwg pom, tiamsis kuv yuav ua tej no nruab hnub lug tab meeg rau cov Yixayee sawvdaws pom.’ ”
13Davi thiaj hais rau Nathas tias, “Kuv tau ua txhaum muaj txim rau Yawmsaub lawm.” Mas Nathas hais rau Davi tias, “Yawmsaub zam koj lub txim lawm, koj yuav tsis tuag.
14Txawm li cas kuj xij vim koj ua tej no saib tsis taus Yawmsaub heev kawg, mas tus menyuam uas yuav yug los ntawd yuav tuag.”
15Nathas txawm rov qab mus tsev lawm. Mas Yawmsaub ua rau tus menyuam uas Uliya tus pojniam yug rau Davi ntawd mob heev.
16Davi txawm taij thov Vajtswv pab tus menyuam ntawd. Davi yoo mov thiab pw ib hmos hauv av.
17Cov tub teg tub taws hauv vajntxwv tsev los rau ntawm nws yuav tsa nws sawv hauv av los. Tiamsis nws tsis kam thiab tsis nrog lawv noj mov li.
18Tau xya hnub tus menyuam ntawd txawm tuag lawm. Mas Davi cov tub teg tub taws ntshai tsis kav qhia rau nws paub tias tus menyuam tuag lawm, lawv sib tham hais tias, “Thaum tus menyuam ntawd tseem ciaj sia nyob peb hais rau Davi, Davi twb tsis mloog. Mas peb yuav ua li cas hais tau rau nws tias tus menyuam tuag lawm? Tsam ces nws ho ua li cas rau nws tus kheej.”
19Tiamsis thaum Davi pom cov tub teg tub taws sib ntxhi li ntawd, nws nkag siab tias tus menyuam tuag lawm. Davi thiaj hais rau nws cov tub teg tub taws tias, “Tus menyuam tuag lawm lov?” Lawv teb tias, “Tuag lawm lauj.”
20Ces Davi txawm sawv tsees hauv av los, da dej pleev roj hloov ris tsho thiab mus rau hauv Yawmsaub lub tsev pe hawm Yawmsaub. Nws mus rau hauv nws lub tsev thiab thaum nws hais kom lawv rau mov los, lawv kuj coj mov los rau rau ntawm nws xubntiag rau nws noj.
21Nws cov tub teg tub taws thiaj nug nws tias, “Ua cas koj ua li no? Koj yoo mov thiab quaj txog tus menyuam ntawd rau thaum nws tseem muaj txojsia nyob. Tiamsis thaum tus menyuam tuag lawd koj cia li sawv tsees los noj mov.”
22Davi hais tias, “Thaum tus menyuam tseem ciaj sia nyob kuv yoo mov thiab quaj, vim kuv xav tias leejtwg yuav paub xyov Yawmsaub yuav hlub kuv es pub tus menyuam ntawd muaj txojsia nyob.
23Tiamsis nimno nws twb tuag lawd es kuv yuav yoo mov ua dabtsi? Kuv yuav ua tau kom tus menyuam ciaj rov los lov? Kuv tsuas muaj uas yuav mus rau ntawm nws, nws yuav tsis rov los rau ntawm kuv.”
24Ces Davi txawm nplij nws tus pojniam Npasenpa lub siab, thiab nrog nws pw, ces nws txawm yug tau ib tug tub, mas Davi tis lub npe hu ua Xalaumoo. Yawmsaub hlub tus metub ntawd.
25Mas Yawmsaub hais lus tuaj rau Nathas uas ua xibhwb cev Vajtswv lus kom tis tus metub ntawd npe hu ua Yedidiya⚓ vim yog Yawmsaub hlub.
Davi txeeb lub nroog Lanpa
(1VKk. 20:1-3)