29
Orn Aalon Caux Ninh Nyei Dorn Mbuo Zoux Sai Mienh
(Beiv mangc Lewi 8:1-36)
1“Meih oix zuqc hnangv naaiv nor zoux weic saax ⟨Aalon⟩ caux ninh nyei dorn mbuo cing-nzengc daaih zoux sai mienh fu-sux yie. Oix zuqc zorqv dauh ngongh gouv caan caux i dauh ba'gi yungh gouv, yietc zungv maiv maaih dorngx nqemh nyei.
2Oix zuqc zoux maiv an bingv nyei njuov, caux zorpc jienv ga'lanv youh maiv maaih bingv nyei njuov, caux nzaatv jienv ga'lanv youh nyei njuov-bieqc. Oix zuqc longc mbiauh witv mbuonv-muonc zoux naaiv deix njuov.
3Zorqv naaiv deix njuov dapv jienv ndaan. Dorh ngongh gouv caux i dauh ba'gi yungh gouv daaih fongc horc bun yie wuov zanc, liemh naaiv deix njuov dorh daaih fongc horc bun yie.
4Dorh Aalon caux ninh nyei dorn mbuo daaih taux Wuic Buangh Ndopv-Liuh nyei gaengh ndaangc longc wuom nzaaux ninh mbuo nyei sin.
5Zorqv Aalon nyei zoux sai lui bun ninh zuqv jienv. Zorqv gu'nyuoz wuov yiemc lui-ndaauv caux ⟨Aalon⟩ nyei lui bun ninh zuqv jienv, yaac zorqv efotv ganh⚓ tengx ninh zuqv jienv. Aengx zorqv buang la'kuotv nyei ga'naaiv buang jienv la'kuotv. Zorqv buoz-dauh longx nyei zaangc mienh ndatv daaih longx nyei sai jaaiv ndie, liemh efotv sai jienv.
6Zorqv m'nqorngv-beu beu jienv ninh nyei m'nqorngv. Aengx zorqv cing-nzengc wuov kuaaiv jiem-baaih nyatv jienv m'nqorngv-beu.
7Zorqv orn mienh nyei youh dox jienv ninh nyei m'nqorngv.
8Dorh Aalon nyei dorn mbuo daaih yaac tengx ninh mbuo zuqv jienv lui-ndaauv.
9Zorqv ndie mbiorngz jienv ninh mbuo nyei m'nqorngv. Bun Aalon caux ninh nyei dorn sai jienv sai jaaiv ndie. Ninh mbuo ziouc maaih leiz yietc liuz zoux sai mienh. Meih oix zuqc hnangv naaiv nor orn Aalon caux ninh nyei dorn mbuo zoux sai mienh.
10“Dorh ngongh gouv daaih Wuic Buangh nyei Ndopv-Liuh nza'hmien maengx. Aalon caux ninh nyei dorn mbuo oix zuqc dorh buoz maan jienv ngongh nyei m'nqorngv.
11Oix zuqc yiem Ziouv nyei nza'hmien, Wuic Buangh Ndopv-Liuh nyei gaengh ndaangc, daix naaiv dauh ngongh gouv.
12Longc meih nyei buoz-ndoqv coqv ngongh nyei nziaamv zaix jienv ziec-dorngh nyei jorng. Zengc wuov deix nziaamv dox jienv ziec-dorngh nyei gorn.
13Zorqv gu'nyuoz hnyouv nyei yietc zungv hmei, caux buang hlan nyei hmei-mbiorngz, i norm nyutc zeiv caux naetv nyutc zeiv nyei hmei, an ziec-dorngh buov.
14Mv baac ngongh nyei ndopv, orv, caux jaangh oix zuqc dorh cuotv ga'nyiec ziqc ndopv-liuh ciangv buov guangc. Naaiv se ziec weic fiqv zuiz nyei ngongh.
15“Aengx dorh dauh wuov deix ba'gi yungh gouv daaih bun Aalon caux ninh nyei dorn mbuo maan jienv ba'gi yungh nyei m'nqorngv.
16Oix zuqc daix naaiv dauh ba'gi yungh gouv daaih, dorh nziaamv mingh pietv ziec-dorngh biei bung.
17Oix zuqc hngaqv ba'gi yungh benx yietc nqanx yietc nqanx. Nzaaux nzengc gu'nyuoz hnyouv nyei ga'naaiv caux zuih ziouc dorh daaih caux m'nqorngv caux orv an jienv.
18Ziangh dauh ba'gi yungh oix zuqc an jienv ziec-dorngh buov. Naaiv se buov ziec bun Ziouv nyei ga'naaiv, weih ndaang nyei qiex horpc Ziouv nyei hnyouv. Se longc douz buov ziec fongc horc nyei ga'naaiv.⚓
19“Aengx zorqv da'nyeic dauh ba'gi yungh gouv daaih bun Aalon caux ninh nyei dorn mbuo maan jienv ba'gi yungh nyei m'nqorngv.
20Daix naaiv dauh ba'gi yungh daaih, zorqv deix nziaamv nzaatv Aalon caux ninh nyei dorn mbuo nyei mbiaauc maengx m'normh biouv caux ninh mbuo nyei mbiaauc jieqv buoz-ndoqv-nyeiz caux mbiaauc jieqv zaux-ndoqv-nyeiz. Zengc njiec nyei nziaamv pietv ziec-dorngh biei bung.
21Aengx zorqv deix yiem ziec-dorngh nyei nziaamv caux deix orn mienh nyei youh fuqv Aalon caux Aalon nyei lui-houx. Aengx fuqv Aalon nyei dorn mbuo caux ninh mbuo nyei lui-houx. Hnangv naaiv zoux, Aalon caux ninh nyei dorn mbuo caux ninh mbuo nyei lui-houx ziouc cing-nzengc, fungx bun Ziouv mi'aqv.
22“Meih oix zuqc zorqv naaiv dauh ba'gi yungh gouv nyei hmei caux junc nyei dueiv, gu'nyuoz hnyouv nyei hmei caux buang hlan nyei orv-mbiorngz, i norm nyutc zeiv caux naetv nyutc zeiv nyei hmei caux mbiaauc bung zaux-zuih. (Naaiv dauh ba'gi yungh se weic orn mienh zoux sai mienh.)
23Aengx zorqv yiem Ziouv nyei nza'hmien maiv an bingv wuov ndaan njuov. Zorqv norm maiv zorpc ga'lanv youh nyei njuov, zorqv norm zorpc ga'lanv youh, aengx zorqv norm njuov-bieqc.
24Zorqv naaiv deix yietc zungv bun Aalon caux ninh nyei dorn mbuo yiem Ziouv nyei nza'hmien cunv ging fongc horc.
25Oix zuqc zipv yiem ninh mbuo nyei buoz naaiv deix ga'naaiv daaih an jienv ziec-dorngh caux buov ziec nyei ga'naaiv yietc njiec buov, weih ndaang nyei qiex horpc Ziouv nyei hnyouv. Se longc douz buov ziec fongc horc bun Ziouv nyei ga'naaiv.
26Aengx zorqv orn Aalon zoux sai naaiv dauh ba'gi yungh gouv nyei lorqc hiuang orv yiem Ziouv nyei nza'hmien cunv ging fongc horc, weic zoux cunv ging fongc horc nyei ga'naaiv. Naaiv deix orv ziouc benx meih mbuo nyei buonc aqv.
27“Orn mienh zoux sai mienh wuov dauh ba'gi yungh gouv nyei lorqc hiuang orv caux zuih cunv ging fongc horc liuz ziouc benx Aalon caux ninh nyei dorn mbuo nyei mi'aqv.
28Naaiv se I^saa^laa^en Mienh oix zuqc bun Aalon caux ninh nyei dorn mbuo yietc liuz duqv nyei buonc. Se I^saa^laa^en Mienh fongc horc ziec weic jiu tong fungx bun Ziouv duqv nyei buonc.
29“Aalon zoux sai mienh nyei zorng-zuqv oix zuqc bun ninh nyei dorn-jueiv fun-faqv nzipc jienv yietc doic jiex yietc doic. Haaix zanc ⟨dox youh⟩ orn ninh mbuo zoux sai mienh, ninh mbuo oix zuqc zuqv jienv.
30Nzipc jienv Aalon zoux sai mienh wuov dauh dorn bieqc Wuic Buangh nyei Ndopv-Liuh, Cing-Nzengc nyei Dorngx, fu-sux Ziouv, oix zuqc zuqv naaiv deix zoux sai nyei lui-houx buangv siec hnoi.
31“Orn mienh zoux sai mienh wuov dauh ba'gi yungh gouv nyei orv oix zuqc yiem norm cing-nzengc nyei dorngx zouv.
32Aalon caux ninh nyei dorn mbuo oix zuqc yiem Wuic Buangh Ndopv-Liuh nyei gaengh ndaangc nyanc naaiv dauh yungh nyei orv caux ndaan gu'nyuoz nyei njuov.
33Dorh daaih fiqv zuiz nyei ga'naaiv caux orn zoux sai mienh fungx bun Ziouv nyei ga'naaiv kungx sai mienh nyanc duqv hnangv. Ga'nyiec nyei mienh nyanc maiv duqv weic zuqc naaiv deix ga'naaiv se cing-nzengc nyei.
34Orn mienh zoux sai wuov deix orv caux njuov, wuov muonz nyanc maiv nzengc nor, lungh ndorm oix zuqc buov guangc aqv. Maiv dungx nyanc, weic zuqc naaiv deix ga'naaiv se cing-nzengc.
35“Meih oix zuqc ziux yie paaiv meih nyei yietc zungv waac orn Aalon caux ninh nyei dorn zoux sai mienh. Oix zuqc longc siec hnoi orn ninh mbuo.
36Hnoi-hnoi oix zuqc longc dauh ngongh gouv fongc horc ziec weic fiqv zuiz, yaac weic saax ziec-dorngh cing-nzengc. Oix zuqc longc ga'lanv youh dox ziec-dorngh weic bun ziec-dorngh cing-nzengc.
37Oix zuqc linh jienv siec hnoi, hnoi-hnoi saax ziec-dorngh cing-nzengc. Ziec dorngh ziouc cing-nzengc haic. Haaix nyungc kuatv zuqc ziec-dorngh nor, wuov nyungc ziouc cing-nzengc mi'aqv.
Hnoi-Hnoi Fongc Horc Ziec Nyei Ga'naaiv
(Beiv mangc Saauv Mienh 28:1-8)
38“Naaiv se meih hnoi-hnoi oix zuqc dorh daaih fongc horc an ziec-dorngh ziec nyei ga'naaiv. Se i dauh doix hnyangx nyei ba'gi yungh dorn, yaac maiv dungx nqaeqv yietc hnoi.
39Lungh ndorm ziec dauh, nziemx-yaangh nyei ziangh hoc ziec dauh.
40Lungh ndorm ziec wuov dauh oix zuqc longc i morqv⚓ mbuonv-muonc zorpc jienv yietc gorngc ga'lanv youh. Aengx fongc horc yietc gorngc⚓ a'ngunc diuv weic ciev ziec.
41Nziemx-yaangh ziec wuov dauh ba'gi yungh dorn yaac fih hnangv nyei. Zorqv fongc horc nyei laangh ziqc caux ciev ziec nyei ga'naaiv yietc njiec buov. Naaiv se longc douz buov ziec fongc horc bun Ziouv nyei ga'naaiv, weih ndaang nyei qiex horpc Ziouv nyei hnyouv.
42“Doic jiex doic oix zuqc yiem Ziouv nyei nza'hmien, Wuic Buangh Ndopv-Liuh nyei gaengh ndaangc, zanc-zanc longc naaiv deix ga'naaiv buov ziec. Yie yaac oix yiem wuov buangh meih, caux meih gorngv waac.
43Yie yaac oix yiem wuov norm dorngx buangh I^saa^laa^en Mienh. Yie nyei njang-laangc ziouc bun naaiv norm dorngx cing-nzengc.
44“Yie oix saax Wuic Buangh nyei Ndopv-Liuh caux ziec-dorngh cing-nzengc, yaac saax Aalon caux ninh nyei dorn mbuo cing-nzengc, weic bun ninh mbuo zoux sai mienh fu-sux yie.
45Yie oix yiem I^saa^laa^en Mienh mbu'ndongx zoux ninh mbuo nyei Tin-Hungh.
46Ninh mbuo zungv oix hiuv duqv yie se Ziouv, ninh mbuo nyei Tin-Hungh, dongh dorh ninh mbuo cuotv I^yipv Deic-Bung weic yiem ninh mbuo mbu'ndongx. Yie se Ziouv, ninh mbuo nyei Tin-Hungh.
29
祭司的聖職禮
（利8．1－36）
1「這是你使他們分別為聖，作事奉我的祭司時要做的事：取一頭公牛犢，兩隻無殘疾的公綿羊，
2無酵餅、用油調和的無酵餅，和抹油的無酵薄餅；這些餅都要用細麥麵做成。
3這些餅要裝在一個籃子裏，用籃子帶來，又把公牛和兩隻公綿羊牽來。
4要帶亞倫和他兒子到會幕的門口，用水洗他們。
5要拿服裝，給亞倫穿上內袍和以弗得的外袍，以及以弗得，又帶上胸袋，束上以弗得精緻的帶子。
6要把禮冠戴在他頭上，將聖冕加在禮冠上，
7把膏油倒在他頭上膏他。
8要帶他的兒子來，給他們穿上內袍。
9要給亞倫和他的兒子束上腰帶，裹上頭巾，他們就憑永遠的定例得祭司的職分。又要授聖職給亞倫和他的兒子。
10「你要把公牛牽到會幕前，亞倫和他的兒子要按手在公牛的頭上。
11你要在耶和華面前，在會幕的門口宰這公牛。
12要取些公牛的血，用指頭抹在祭壇的四個翹角上，把其餘的血全倒在壇的底座上。
13要把所有包着內臟的脂肪、肝上的網油、兩個腎和腎上的脂肪，都燒在壇上。
14只是公牛的肉、皮、糞都要在營外用火焚燒；這牛是贖罪祭。
15「你要牽一隻公綿羊來，亞倫和他兒子要按手在這羊的頭上。
16你要宰這羊，把血灑在祭壇的周圍。
17再把羊切成肉塊，洗淨內臟和腿，連肉塊和頭放在一處。
18要把全羊燒在壇上。這是獻給耶和華的燔祭，是獻給耶和華馨香的火祭。」
19「你要把第二隻公綿羊牽來，亞倫和他兒子要按手在這羊的頭上。
20你要宰這羊，取些血抹在亞倫的右耳垂和他兒子的右耳垂上，又抹在他們右手的大拇指和右腳的大腳趾上，然後把其餘的血灑在壇的周圍。
21你要取些膏油和壇上的血，彈在亞倫和他的衣服上，以及他兒子和他們的衣服上；亞倫和他的衣服，他兒子和他們的衣服都成為聖了。
22「你要取這羊的脂肪，肥尾巴、包着內臟的脂肪、肝上的網油、兩個腎、腎上的脂肪和右腿，這是聖職禮所獻的公綿羊；
23再從耶和華面前那裝無酵餅的籃子中取一個餅、一個油餅和一個薄餅，
24把它們都放在亞倫的手和他兒子的手上，在耶和華面前搖一搖，作為搖祭。
25然後，你要從他們手中接過來，放在燔祭上，一起燒在壇上，作為耶和華面前馨香之氣；這是獻給耶和華的火祭。
26「你要取亞倫聖職禮所獻公綿羊的胸，在耶和華面前搖一搖，作為搖祭；這份就是你的。
27那搖祭的胸和舉祭的腿，就是聖職禮獻公綿羊時所搖的、所舉的，你要使它們分別為聖，是歸給亞倫和他兒子的。
28這是亞倫和他子孫憑永遠的定例從以色列人中所應得的；因為這是舉祭，是從以色列人的平安祭中取出，作為獻給耶和華的舉祭。
29「亞倫的聖衣要傳給他的子孫，使他們在受膏和承接聖職的時候穿上。
30他的子孫接續他當祭司的，每逢進入會幕在聖所供職的時候，要穿這聖衣七天。
31「你要拿聖職禮所獻的公綿羊，在聖處煮牠的肉。
32亞倫和他兒子要在會幕的門口吃這羊的肉和籃子裏的餅。
33他們要吃那些用來贖罪之物，好承接聖職，使他們分別為聖。外人不可吃，因為這是聖物。
34那聖職禮所獻的肉或餅，若有剩餘留到早晨，就要把剩下的用火燒了，不可再吃，因為這是聖物。
35「你要這樣照我一切所吩咐的，向亞倫和他兒子行授聖職禮七天。
36為了贖罪，每天要獻一頭公牛為贖罪祭。你要為祭壇贖罪，使壇潔淨，並要用膏抹壇，使壇成為聖。
37要為壇贖罪七天，使壇成為聖，壇就成為至聖。凡觸摸壇的都成為聖。」
每天當獻的祭
（民28．1－8）
38「這是你要獻在壇上的：每天不可間斷地獻兩隻一歲的羔羊；
39早晨獻第一隻羔羊，黃昏獻第二隻羔羊。
40獻第一隻羔羊時，要同時獻上十分之一伊法細麵，調和四分之一欣搗成的油，再獻四分之一欣酒作澆酒祭。
41黃昏你獻第二隻羔羊，要照早晨的素祭和同獻的澆酒祭獻上，作為獻給耶和華馨香的火祭。
42這要在耶和華面前，在會幕的門口，作為你們世世代代經常獻的燔祭。我要在那裏與你們⚓相會，和你說話。
43我要在那裏與以色列人相會，會幕就要因我的榮耀成為聖。
44我要使會幕和祭壇分別為聖，也要使亞倫和他的兒子分別為聖，作事奉我的祭司。
45我要住在以色列人中，作他們的上帝。
46他們必知道我是耶和華－他們的上帝，是將他們從埃及地領出來的，為要住在他們中間。我是耶和華－他們的上帝。」