23
1Thaum Davi muaj hnub nyoog ntau thiab laus heev lawm nws tsa nws tus tub Xalaumoo ua vajntxwv kav Yixayee.
Cov Levi tej haujlwm
2Davi hu Yixayee cov thawj sawvdaws thiab cov pov thawj thiab cov Levi tuaj txoos ua ke.
3Cov Levi uas hnub nyoog muaj peb caug xyoo rov saud mas suav tau muaj peb vam yim txhiab leej.
4Davi hais tias, “Cov Levi no mas ob vam plaub txhiab leej yuav saib xyuas tej haujlwm hauv Yawmsaub lub tuam tsev thiab rau txhiab leej yuav ua cov nom tswv thiab cov tu plaub,
5thiab plaub txhiab leej yuav ua cov zov tej rooj loog, thiab plaub txhiab leej yuav hu nkauj qhuas Yawmsaub thiab siv tej cuab yeej phim nkauj uas kuv twb npaj tau cia qhuas Yawmsaub.”
6Mas Davi muab lawv faib ua peb pab raws li Levi peb tug tub, yog Kawsoo, Khauha thiab Melali.
7Kwsoo li tub yog Ladas thiab Sime‑i.
8Ladas muaj peb leeg tub yog Yehi‑ee uas ua tus thawj, thiab Xetha thiab Yau‑ee.
9Sime‑i muaj peb leeg tub yog Selaumau, Haxi‑ee thiab Halas. No yog cov ua thawj hauv cum Ladas tej yim.
10Sime‑i cov tub yog Yahas, Xina,⚓ Ye‑u thiab Npeliya. Cov no yog Sime‑i plaub leeg tub.
11Yahas ua tus thawj, Xixas ua tus ob. Tiamsis Ye‑u thiab Npeliya tsis muaj tub coob, yog li ntawd thiaj suav lawv ua tib yim.
12Khauha muaj plaub leeg tub, yog Alav, Ixaha, Heploo thiab Uxi‑ee.
13Alav cov tub yog Aloo thiab Mauxe. Aloo raug tsa ua tus uas muab tej qhov txhia chaw dawb huv kawg nkaus cais pub rau Yawmsaub, nws thiab nws cov tub yuav hlawv cov hmoov tshuaj tsw qab rau ntawm Yawmsaub xubntiag thiab ua koom tu nws thiab tuav nws lub npe foom koob hmoov mus ib txhis tsis kawg.
14Mauxe uas yog Vajtswv li neeg cov tub muab suav rau hauv xeem Levi.
15Mauxe ob tug tub yog Kawsoo thiab Eliyexaw.
16Kawsoo li tub yog Senpu‑ee uas ua tus thawj.
17Eliyexaw tus tub yog Lehanpiya uas ua tus thawj. Eliyexaw tsis muaj tub li lawm, tiamsis Lehanpiya muaj tub coob coob li.
18Ixaha tus tub yog Selaumi uas ua tus thawj.
19Heploo cov tub yog Yeliya uas ua tus thawj, Amaliya ua tus ob, Yahaxi‑ee ua tus peb thiab Yekhame‑as ua tus plaub.
20Uxi‑ee li tub yog Mikha uas ua tus thawj thiab Isiya ua tus ob.
21Melali cov tub yog Mali thiab Musi. Mali cov tub yog Ele‑axa thiab Khij.
22Ele‑axa tuag lawm tsis muaj tub tiamsis muaj ntxhais xwb. Khij cov tub yuav cov ntxhais ntawd uas yog lawv li muam.
23Musi muaj peb leeg tub yog Mali, Edaw thiab Yelemau.
24Cov no yog Levi li tub raws li lawv tej cum, thiab yog cov thawj hauv tej yim raws li lawv tau nce npe cia, yog cov uas tau txheeb npe thiab hnub nyoog muaj nees nkaum xyoo rov saud es yuav ua haujlwm hauv Yawmsaub lub tuam tsev.
25Rau qhov Davi hais tias, “Yawmsaub uas yog cov Yixayee tus Vajtswv tau pub kom nws haiv neeg nyob tso siab lug, thiab nws nyob hauv Yeluxalees mus ib txhis.
26Mas cov Levi tsis txog kwv lub tsev ntaub thiab tej twj uas siv ua num rau hauv li lawm.”
27Raws li Davi tau hais thaum kawg cov Levi uas hnub nyoog nees nkaum xyoo rov saud raug txheeb npe xwb.
28Tej haujlwm uas lawv yuav tsum ua yog pab Aloo cov tub ua tej haujlwm hauv Yawmsaub lub tuam tsev, thiab saib tej tshav puam thiab tej chav tsev, thiab tu tej twj siv dawb huv kom txhob qias tsis huv, thiab txhua yam haujlwm uas ua rau Vajtswv lub tuam tsev.
29Thiab lawv yuav pab npaj cov ncuav uas xyeem txawb rau ntawm Yawmsaub xubntiag, thiab cov hmoov mog uas ua kevcai xyeem qoob loo, thiab tej daim ncuav tsis xyaw keeb nyias nyias, thiab tej daim ncuav ci, thiab cov roj ntse qhov txhia chaw xyeem, thiab txhua yam uas siv ntsuas thiab luj.
30Txhua txhia tagkis mas lawv yuav sawv ua tsaug thiab qhuas Yawmsaub, thiab thaum yuav tsaus ntuj kuj ua ib yam nkaus li,
31thiab ua rau lub sijhawm uas ua kevcai hlawv huvsi xyeem rau Yawmsaub rau hnub Xanpatau⚓ thiab hnub hli xiab thiab hnub uas ua kevcai pam noj pam haus raws li txhua lub sijhawm uas teem cia, mas lawv yuav ua rau ntawm Yawmsaub xubntiag mus ib txhis li.
32Ua li ntawd mas lawv yuav saib thiab tu lub tsev ntaub sib ntsib thiab lub chaw pe Yawmsaub thiab pab Aloo cov tub uas yog lawv li kwvtij ua tej haujlwm hauv Yawmsaub lub tuam tsev.
23
1Thaus Tavi muaj noob nyoog ntau hab laug heev lawm nwg tsaa nwg tug tub Xalaumoo ua vaajntxwv kaav Yixayee.
Cov Levi tej num
2Tavi hu Yixayee cov thawj suavdawg hab cov pov thawj hab cov Levi tuaj txoos ua ke.
3Cov Levi kws noob nyoog muaj peb caug xyoo rov sau mas suav tau muaj peb vaam yim txheeb leej.
4Tavi has tas, “Cov Levi nuav mas ob vaam plaub txheeb leej yuav saib tej daag num huv Yawmsaub lub tuam tsev hab rau txheeb leej yuav ua cov num tswv hab cov tu plaub,
5hab plaub txheeb leej yuav ua cov zuv tej rooj loog, hab plaub txheeb leej yuav hu nkauj qhuas Yawmsaub hab swv tej cuab yeej phim nkauj kws kuv tub npaaj tau ca qhuas Yawmsaub.”
6Mas Tavi muab puab faib ua peb paab lawv le Levi peb tug tub, yog Kawsoo, Khauha hab Melali.
7Kwsoo le tub yog Lantaa hab Sime‑i.
8Lantaa muaj peb leeg tub yog Yehi‑ee kws ua tug thawj, hab Xethaa hab Yau‑ee.
9Sime‑i muaj peb leeg tub yog Selaumau, Haxi‑ee hab Halaa. Nuav yog cov ua thawj huv cum Lantaa tej quas yim.
10Sime‑i cov tub yog Yahas, Xina,⚓ Ye‑u hab Npeliya. Cov nuav yog Sime‑i plaub leeg tub.
11Yahas ua tug thawj, Xixas ua tug ob. Tassws Ye‑u hab Npeliya tsw muaj tub coob, yog le ntawd txhad suav puab ua tuab yim.
12Khauha muaj plaub leeg tub, yog Alaav, Ixaha, Heploo hab Uxi‑ee.
13Alaav cov tub yog Aloo hab Mauxe. Aloo raug tsaa ua tug kws muab tej hov txhua chaw dawb huv kawg nkaus cais pub rua Yawmsaub, nwg hab nwg cov tub yuav hlawv cov moov tshuaj tsw qaab rua ntawm Yawmsaub xubndag hab ua koom rua nwg hab tuav nwg lub npe foom koob moov moog ib txhws tsw kawg.
14Mauxe kws yog Vaajtswv le tuabneeg cov tub muab suav rua huv xeem Levi.
15Mauxe ob tug tub yog Kawsoo hab Eliyexaw.
16Kawsoo le tub yog Senpu‑ee kws ua tug thawj.
17Eliyexaw tug tub yog Lehanpiya kws ua tug thawj. Eliyexaw tsw muaj tub le lawm, tassws Lehanpiya muaj tub coob coob le.
18Ixaha tug tub yog Selaumi kws ua tug thawj.
19Heploo cov tub yog Yeliya kws ua tug thawj, Amaliya ua tug ob, Yahaxi‑ee ua tug peb hab Yekhame‑aa ua tug plaub.
20Uxi‑ee le tub yog Mikha kws ua tug thawj hab Isiya ua tug ob.
21Melali cov tub yog Mali hab Musi. Mali cov tub yog Ele‑axa hab Khij.
22Ele‑axa tuag lawm tsw muaj tub kuas muaj ntxhais xwb. Khij cov tub yuav cov ntxhais hov kws yog puab le muam.
23Musi muaj peb leeg tub yog Mali, Entaw hab Yelemau.
24Cov nuav yog Levi le tub lawv le puab cov quas cum, hab yog cov thawj huv tej quas yim lawv le puab tau nce npe ca, yog cov kws tau txheeb npe hab noob nyoog muaj neeg nkaum xyoo rov sau es yuav ua num huv Yawmsaub lub tuam tsev.
25Tsua qhov Tavi has tas, “Yawmsaub kws yog cov Yixayee tug Vaajtswv tau pub kuas nwg haiv tuabneeg nyob tso sab quas lug, hab nwg nyob huv Yeluxalee moog ib txhws.
26Mas cov Levi tsw txug kwv lub tsev ntaub hab tej pestwj kws swv ua koom rua huv le lawm.”
27Lawv le Tavi tau has thaus kawg cov Levi kws noob nyoog neeg nkaum xyoo rov sau raug txheeb npe xwb.
28Tej num kws puab yuav tsum ua yog paab Aloo cov tub ua tej daag num huv Yawmsaub lub tuam tsev, hab saib tej tshaav puam hab tej chaav tsev, hab tu tej pestwj dawb huv kuas xob qas tsw huv, hab txhua yaam num kws ua rua Vaajtswv lub tuam tsev.
29Hab puab yuav paab npaaj cov ncuav kws xyeem txawb rua ntawm Yawmsaub xubndag, hab cov moov mog kws ua kevcai xyeem qoob loos, hab tej daim ncuav tsw xyaw keeb nyag nyag, hab tej daim ncuav ci, hab cov roj ntse hov txhua chaw xyeem, hab txhua yaam kws swv ntsuag hab kiv.
30Txhua txhua taagkig mas puab yuav sawv ua tsaug hab qhuas Yawmsaub, hab thaus yuav tsaus ntuj kuj ua ib yaam nkaus le,
31hab ua rua lub swjhawm kws ua kevcai hlawv huvsw xyeem rua Yawmsaub rua nub Xanpatau⚓ hab nub hli xab hab nub kws ua kevcai paam noj paam haus lawv le txhua lub swjhawm kws teem ca, mas puab yuav ua rua ntawm Yawmsaub xubndag moog ib txhws le.
32Ua le hov mas puab yuav saib hab tu lub tsev ntaub sws ntswb hab lub chaw pe Yawmsaub hab paab Aloo cov tub kws yog puab le kwvtij ua tej daag num huv Yawmsaub lub tuam tsev.