2

Cov Neeg uas Rov Qab Los Tej Npe

(Nehemis 7.4-73)

¹Coob leej ntau tus uas raug ntes mus tau rov qab hauv lub xeev Npanpiloos los rau hauv lub nroog Yeluxalees thiab hauv tebchaws Yudas; lawv nyias thiaj rov los nyob rau hauv nyias tej qub zej qub zog. Lawv tej tsevneeg puavleej raug ntes mus ua neeg poob tebchaws nyob rau tim tebchaws Npanpiloos txij li thaum uas Vajntxwv Nenpukajnexales tuaj ntes lawv mus rau txim lawm. ²Lawv cov thawjcoj yog Xelunpanpees, Yesuas, Nehemis, Xelayas, Leelayas, Maudekhais, Npilesas, Mixepales, Npinkavais, Lehumes thiab Npa-anas.
Ntawm no mus yog teev cov Yixalayees tej cuab kwvtij uas raug luag ntes coj mus thiab tau rov los:
^3-20Cuab Palauses muaj ob txhiab ib puas xya caum ob leeg,
Cuab Sefatiyas muaj peb puas xya caum ob leeg,
Cuab Alas muaj xya pua xya caum tsib leeg,
Cuab Pahas Mau-am (uas yog Yesuas thiab Yau-am cov xeebntxwv) muaj ob txhiab yim pua kaum ob leeg,
Cuab Elas muaj ib txhiab ob puas tsib caug plaub leeg,
Cuab Xatus muaj cuaj pua plaub caug tsib leeg,
Cuab Xakais muaj xya pua rau caum leej,
Cuab Npanis muaj rau pua plaub caug ob leeg,
Cuab Npenpais muaj rau pua nees nkaum peb leeg,
Cuab Ankas muaj ib txhiab ob puas nees nkaum ob leeg,
Cuab Adaunikas muaj rau pua rau caum leej,
Cuab Npivais muaj ob txhiab tsib caug rau leej,
Cuab Adines muaj plaub puas tsib caug plaub leeg,
Cuab Ateles (uas hu ua Hexekiyas) muaj cuaj caum yim leej,
Cuab Npexais muaj peb puas nees nkaum peb leeg,
Cuab Yaulas muaj ib puas kaum ob leeg,
Cuab Hasus muaj ob puas nees nkaum peb leeg,
Cuab Nkinpas muaj cuaj caum tsib leeg.
^21-35Cov neeg uas thaum ub lawv cov yawgkoob nyob hauv tej nroog nram no puavleej rov los huv tibsi thiab:
Nroog Npelehees muaj ib puas nees nkaum peb leeg,
Nroog Netufas muaj tsib caug rau leej,
Nroog Anathaus muaj ib puas nees nkaum yim leej,
Nroog Amaves muaj plaub caug ob leeg,
Nroog Kili-as Ye-alees, Khefilas thiab Npelaus muaj xya pua plaub caug peb leeg,
Nroog Lamas thiab Nkenpas muaj rau pua nees nkaum ib leeg,
Nroog Mekhamas muaj ib puas nees nkaum ob leeg,
Nroog Npethees thiab A-is muaj ob puas nees nkaum peb leeg,
Nroog Nenpaus muaj tsib caug ob leeg,
Nroog Mankanpis muaj ib puas tsib caug rau leej,
Dua lwm tus Elas muaj ib txhiab ob puas tsib caug plaub leeg,
Nroog Halees muaj peb puas nees nkaum leej,
Nroog Laudis, Hadis thiab Aunaus muaj xya puas nees nkaum tsib leeg,
Nroog Yelikaus muaj peb puas plaub caug tsib leeg,
Nroog Xema-as muaj peb txhiab rau pua peb caug leej.
^36-39Ntawm no mus yog tej cuab kwvtij ntawm cov povthawj uas raug luag ntes mus thiab tau rov los:
Cuab Yedayas (uas yog Yesuas cov xeebntxwv) muaj cuaj pua xya caum peb leeg,
Cuab Imeles muaj ib txhiab tsib caug ob leeg,
Cuab Pasus muaj ib txhiab ob puas plaub caug xya leej,
Cuab Halees muaj ib txhiab kaum xya leej.
^40-42Cov Levis uas raug luag ntes coj mus thiab tau rov los:
Yesuas thiab Kamiyees (uas yog Haudaviyas cov xeebntxwv) muaj xya caum plaub leeg,
Cov uas ntaus suab nkauj hauv lub Tuamtsev (uas yog Axafes cov xeebntxwv) muaj ib puas nees nkaum yim leej,
Cov uas zov lub Tuamtsev (uas yog Salumes, Ates, Tamoos, Akus, Hatitas thiab Sunpais cov xeebntxwv) muaj ib puas peb caug cuaj leeg.
^43-54Cuab kwvtij uas ua haujlwm hauv lub Tuamtsev uas raug luag ntes mus thiab tau rov qab los:
Xihas, Haxufas, Tanpauthas,
Kelaus, Xiahas, Padoos,
Lenpanas, Hankanpas, Akus,
Hankas, Samelais, Hanas,
Nkidees, Nkahas, Le-ayas,
Lexees, Nekaudas, Nkaxas,
Uxas, Paxe-as, Npexais,
Axanas, Me-unis, Nefusexis,
Npakenpus, Hakufas, Halihus,
Npaxalus, Mehidas, Halisas,
Npalekaus, Xixelas, Temas,
Nexiyas thiab Hatifas.
^55-57Tej cuab kwvtij uas yog Xalumoos cov tubtxib uas raug luag ntes mus thiab tau rov qab los:
Xautais, Haxaufeles, Peludas,
Yalas, Dankoos, Nkidees,
Sefatiyas, Hatis, Paukheles,
Haxenpais thiab Amis.
⁵⁸Xam tagnrho cov neeg uas ua haujlwm hauv lub Tuamtsev thiab Xalumoos cov tubtxib cov xeebntxwv uas raug luag ntes coj mus thiab tau rov qab los muaj peb puas cuaj caum ob leeg.
^59-60Cuab kwvtij uas yog Delayas, Taunpias thiab Nekaudas uas rov qab hauv lub nroog Teles Melas, Teles Hasas, Khelus, Adas thiab Imeles los muaj rau pua tsib caug ob leeg, tiamsis lawv tsis muaj ib yam ua puav pheej qhia tau hais tias lawv cajces yog haivneeg Yixalayees tiag.
^61-62Peb cuab kwvtij uas yog cov povthawj uas taug tsis tau lawv cov yawgkoob lawm yog Hanpayas, Hakauxes thiab Npaxilais. (Cajces cov povthawj Npaxilais yawgkoob tau mus yuav yawg Npaxilais uas nyob hauv cheebtsam Nkile-as tus ntxhais los ua nws pojniam, ces txawm tis npe hu raws li nws yawmtxiv lub xeem lawm xwb.) Txij li thaum uas taug tsis tau hais tias lawv cov yawgkoob yog leej twg lawm, thiaj tsis xaiv lawv los ua povthawj li lawm. ⁶³Cov Yudas tus tswvxeev hais rau lawv kom tsis txhob noj tej zaub mov uas muab fij rau Vajtswv mus txog thaum lawv muaj ib tug los ua povthawj uas siv tau lub Ulees thiab Thumees tso.

2

Cov uas poob tebchaws rov los tej npe

(Nhm. 7:6-73)

¹Ntawm no mus yog cov pejxeem hauv Yuda tebchaws uas vajntxwv Nenpukhanexa uas nyob hauv Npanpiloo tau ntes coj mus poob tebchaws rau Npanpiloo es tau rov qab los. Lawv rov qab los rau hauv Yeluxalees thiab Yuda, nyias rov los nyob rau nyias lub moos. ²Lawv nrog Xelunpanpee, Yesua, Nehemi, Xelaya, Le‑elaya, Maudekhai, Npisas, Mipa, Npivai, Lehoo thiab Npa‑anas los ua ke.
Cov pejxeem Yixayee muaj npaum li no. ³Palau caj ces muaj 2,172 leeg. ⁴Sefathiya caj ces muaj 372 leeg. ⁵Asla caj ces muaj 775 leeg. ⁶Paha Mau‑a caj ces uas yog Yesua thiab Yau‑a caj ces muaj 2,812 leeg. ⁷Elas caj ces muaj 1,254 leeg. ⁸Xathu caj ces muaj 945 leeg. ⁹Xakhai caj ces muaj 760 leej. ¹⁰Npani caj ces muaj 642 leeg. ¹¹Npenpai caj ces muaj 623 leeg. ¹²Axaka caj ces muaj 1,222 leeg. ¹³Adaunikhas caj ces muaj 666 leej. ¹⁴Npivai caj ces muaj 2,056 leej. ¹⁵Adee caj ces muaj 454 leeg. ¹⁶Athaw caj ces uas yog Hexekhiya cum muaj 98 leej. ¹⁷Npexai caj ces muaj 323 leeg. ¹⁸Yaula caj ces muaj 112 leeg. ¹⁹Hasu caj ces muaj 223 leeg. ²⁰Kinpa caj ces muaj 95 leeg. ²¹Cov neeg Npelehee muaj 123 leeg. ²²Cov neeg Nethaufa muaj 56 leej. ²³Cov neeg Anathau muaj 128 leej. ²⁴Cov neeg Amave muaj 42 leeg. ²⁵Cov neeg Khiliya‑ali,⚓ cov neeg Khefila thiab cov neeg Npe‑awlau muaj 743 leeg. ²⁶Cov neeg Lama thiab cov neeg Kenpa muaj 621 leeg. ²⁷Cov neeg Mima muaj 122 leeg. ²⁸Cov neeg Npe‑ee thiab cov neeg Ai muaj 223 leeg. ²⁹Cov neeg Nenpau muaj 52 leeg. ³⁰Cov neeg Manpi muaj 156 leej. ³¹Muaj dua ib lub moos Elas cov neeg muaj 1,254 leeg. ³²Cov neeg Halee muaj 320 leej. ³³Cov neeg Lau, cov neeg Hadi thiab cov neeg Aunau muaj 725 leeg. ³⁴Cov neeg Yelikhau muaj 345 leeg. ³⁵Cov neeg Xena‑a muaj 3,630 leej.
³⁶Cov pov thawj muaj li no. Yedaya caj ces uas yog Yesua cum muaj 973 leeg. ³⁷Imaw caj ces muaj 1,052 leeg. ³⁸Pasaw caj ces muaj 1,247 leej. ³⁹Halee caj ces muaj 1,017 leej.
⁴⁰Cov Levi muaj li no. Yesua thiab Khami‑ee caj ces uas yog Haudaviya ob tug tub cum muaj 74 leeg. ⁴¹Cov hu nkauj muaj li no. Axas caj ces muaj 128 leej. ⁴²Cov uas zov tej rooj loog caj ces yog li no. Salu caj ces, Athaw caj ces, Thamoo caj ces, Akhu caj ces, Hathitha caj ces thiab Saunpai caj ces huvsi muaj 139 leej.
⁴³Cov tub teg tub taws uas ua haujlwm hauv lub tuam tsev muaj li no. Xiha caj ces, Haxufa caj ces, Thanpa‑au caj ces, ⁴⁴Khelau caj ces, Xi‑aha caj ces, Phadoo caj ces, ⁴⁵Lenpana caj ces, Hakanpa caj ces, Akhu caj ces, ⁴⁶Hakas caj ces, Salai caj ces, Hanas caj ces, ⁴⁷Kidee caj ces, Kaha caj ces, Le‑aya caj ces, ⁴⁸Lexi caj ces, Nekhauda caj ces, Kaxas caj ces, ⁴⁹Uxa caj ces, Paxe‑a caj ces, Npexai caj ces, ⁵⁰Axana caj ces, Me‑uni caj ces, Nefixi caj ces, ⁵¹Npanpu caj ces, Hakhufa caj ces, Hahu caj ces, ⁵²Npaluj caj ces, Mehinta caj ces, Hasa caj ces, ⁵³Npakau caj ces, Xixela caj ces, Thema caj ces, ⁵⁴Nexiya caj ces thiab Hathifa caj ces.
⁵⁵Xalaumoo cov tub teg tub taws caj ces muaj li no, yog Xauthai caj ces, Haxaufele caj ces, Peluda caj ces, ⁵⁶Ya‑ala caj ces, Dakhoo caj ces, Kidee caj ces, ⁵⁷Sefathiya caj ces, Hathi caj ces, Paukhele Haxanpa‑i caj ces, Ami caj ces.
⁵⁸Cov tub teg tub taws uas ua haujlwm ntawm lub tuam tsev huvsi thiab Xalaumoo cov tub teg tub taws li caj ces huvsi muaj 392 leeg.
⁵⁹Cov no mus yog cov uas nyob ntawm Theemela, Theehasa, Khelu, Adas thiab Imaw tuaj tiamsis lawv paub tsis tseeb tias lawv caj ces thiab lawv keeb kwm yog neeg Yixayee los tsis yog. ⁶⁰Yog Delaya caj ces, Thaunpia caj ces thiab Nekhauda caj ces muaj 652 leeg. ⁶¹Thiab cov pov thawj li caj ces muaj li no, yog Hanpaya caj ces, Hakhau caj ces thiab Npaxilai caj ces. (Npaxilai tus pojniam yog Npaxilai uas yog neeg Kile‑a tus ntxhais, nws thiaj tau lub npe hu li ntawd.) ⁶²Cov neeg no nrhiav lawv lub npe hauv tej ntawv uas nce npe raws li keeb kwm tiamsis nrhiav tsis tau. Lawv thiaj raug suav ua cov neeg qias tsis huv thiab raug txiav tawm ua tsis tau pov thawj. ⁶³Tus tswv xeev hais kom lawv tsis txhob noj tej zaub mov uas dawb huv kawg nkaus mus txog thaum muaj ib tug pov thawj saib Uli thiab Thumi⚓ tso.
⁶⁴Ib tsoom pejxeem huvsi muaj 42,360 leej, ⁶⁵cov tub qhe nkauj qhev uas lawv tsis suav muaj 7,337 leej, thiab lawv muaj cov tub ntxhais uas hu nkauj 200 leej. ⁶⁶Lawv muaj nees 736 tus, muaj luj txwv 245 tus, ⁶⁷muaj ntxhuav 435 tus, thiab nees luav 6,720 tus.
⁶⁸Thaum lawv los txog ntawm Yawmsaub lub tuam tsev uas nyob hauv Yeluxalees, cov thawj hauv tej cum muaj qee leej lawv zoo siab pub xyeem rau hauv Vajtswv lub tuam tsev es siv ua lub tuam tsev rau hauv qhov qub chaw. ⁶⁹Lawv xyeem raws li lawv muaj rau hauv lub txhab nyiaj, yog 61,000 dali kub,⚓ 5,000 mina nyiaj,⚓ thiab 100 cev tsoos pov thawj.
⁷⁰Cov pov thawj, cov Levi thiab cov pejxeem ib txhia [nyob hauv Yeluxalees thiab ib ncig sab nraud]⚓ thiab cov hu nkauj, cov zov tej rooj loog thiab cov tub teg tub taws uas ua haujlwm rau lub tuam tsev nyob hauv lawv tej moos, thiab cov Yixayee sawvdaws nyob hauv lawv tej moos.