10

Tơlơi Pơlui Rơkơi Bơnai

(Mathiơ 19:1-12; Luk 16:18)

¹Giŏng anŭn, Yêsu đuaĭ hĭ mơ̆ng anŭn hăng nao pơ tring kwar Yudea laih anŭn găn nao pơ gah ngŏ̱ kơ krong Yurdan. Laih anŭn dơ̆ng, ƀing mơnuih lu rai pơ Ñu laih anŭn tui hăng tơlơi Ñu juăt ngă, Ñu pơtô pơblang kơ ƀing gơñu yơh.
²Ăt hơmâo mơ̆n đơđa ƀing Pharisai rai kiăng kơ lông lăng Yêsu laih anŭn ƀing gơñu tơña tui anai, “Djơ̆ tui hăng Tơlơi Juăt ta mơ̆ kơ sa čô mơnuih dưi lui hĭ bơnai ñu?”
³Yêsu laĭ glaĭ tui anai, “Hơget tơlơi Môseh hơmâo pơđar laih kơ ƀing gih lĕ?”
⁴Ƀing gơñu laĭ glaĭ tui anai, “Môseh brơi kơ rơkơi čih hră kơnăl kơ tơlơi pơlui laih anŭn brơi kơ bơnai ñu đuaĭ hĭ yơh.”⚓
⁵Yêsu laĭ glaĭ tui anai, “Môseh brơi ngă tui anŭn yuakơ pran jua gih khăng tơl Ñu čih kơ ƀing gih tơlơi juăt anŭn. ⁶Samơ̆ čơdơ̆ng mơ̆ng phŭn amăng tơlơi hrih pơjing Ơi Adai ‘hrih pơjing ƀing gơñu đah rơkơi hăng đah kơmơi.’⚓ ⁷‘Yuakơ tơhơnal tơlơi anŭn yơh, đah rơkơi či tơbiă đuaĭ hĭ mơ̆ng amĭ ama ñu kiăng kơ pơgop hăng bơnai ñu.⚓ ⁸Laih anŭn dua gơñu jing hĭ sa drơi jan yơh.’ Tui anŭn yơh, ƀing gơñu ƀu djơ̆ jing dua dơ̆ng tah, samơ̆ ƀing gơñu jing hĭ sa yơh. ⁹Hơnŭn yơh, anăm brơi mơnuih mơnam pơčơlah hĭ ôh hơget tơlơi Ơi Adai hơmâo pơgop laih hăng tơdruă.”
¹⁰Tơdang ƀing gơñu dŏ amăng sang dơ̆ng, ƀing ding kơna Yêsu tơña kơ Ñu kơ tơlơi anŭn dơ̆ng. ¹¹Yêsu laĭ glaĭ tui anai, “Hlơi pô lui hĭ bơnai ñu laih anŭn dŏ kơ bơnai pơkŏn, ñu anŭn jing mơnuih klĕ pyu pơkơdơ̆ng glaĭ hăng bơnai ñu hlâo yơh.⚓ ¹²Laih anŭn tơdah bơnai lui hĭ rơkơi ñu laih anŭn dŏ kơ rơkơi pơkŏn, ñu jing mơnuih klĕ pyu yơh.”

Yêsu Bơni Hiam Kơ Ƀing Čơđai

(Mathiơ 19:13-15; Luk 18:15-17)

¹³Ƀing ană plei ba rai ƀing čơđai pơ Yêsu kiăng Ñu bơni hiam kơ ƀing čơđai anŭn, samơ̆ ƀing ding kơna Yêsu ƀuăh khă kơ ƀing ană plei anŭn. ¹⁴Tơdang Yêsu ƀuh kơ tơlơi anŭn, Ñu hil laih anŭn laĭ kơ ƀing ding kơna Ñu tui anai, “Brơi bĕ kơ ƀing čơđai rai pơ Kâo laih anŭn anăm khă ƀing gơñu ôh, yuakơ hlơi pô hơmâo kơnuih hrup hăng ƀing čơđai anai, ƀing gơñu tŭ tơlơi dưi jing amăng ƀing ană plei Dêh Čar Ơi Adai yơh. ¹⁵Kâo laĭ kơ ƀing gih sĭt biă mă, hlơi pô ƀu či tŭ mă ôh Dêh Čar Ơi Adai kar hăng sa čô čơđai anai, ñu anŭn ƀu či dưi mŭt pơ dêh čar anŭn ôh.”⚓ ¹⁶Giŏng anŭn, Yêsu kuar mă ƀing čơđai amăng tơngan Ñu, ăh tơngan Ñu ƀơi ƀing gơ̆ laih anŭn bơni hiam kơ ƀing gơ̆ yơh.

Sa Čô Tơdăm Pơdrŏng

(Mathiơ 19:16-30; Luk 18:18-30)

¹⁷Tơdang Yêsu čơdơ̆ng nao ƀơi jơlan, hơmâo sa čô mơnuih đuaĭ rai tŏ tơŭt ƀơi anăp Yêsu laih anŭn tơña tui anai, “Ơ Nai hiam klă ăh, hơget tơlơi bruă kâo khŏm ngă kiăng kơ dưi mă tŭ tơlơi hơdip hlŏng lar lĕ?”
¹⁸Yêsu laĭ glaĭ tui anai, “Yua hơget ih iâu kơ Kâo jing pô hiam klă lĕ? Kơnơ̆ng hơjăn Ơi Adai đôč yơh jing Pô hiam klă, ƀu hơmâo hlơi pô pơkŏn ôh. ¹⁹Ih thâo yơh hơdôm tơlơi juăt anai, ‘Anăm pơdjai mơnuih ôh. Anăm klĕ pyu ôh, anăm klĕ dŏp ôh, anăm ngă gơ̆ng jơlan ƀlŏr kơ arăng ôh, anăm pơlŏm ƀlŏr kơ arăng ôh laih anŭn pơpŭ bĕ kơ amĭ ama ih.’ ”⚓
²⁰Pô tơdăm anŭn pơhaih tui anai, “Ơ Nai ăh, abih bang tơlơi anŭn kâo hơmâo gưt tui laih čơdơ̆ng mơ̆ng kâo dŏ čơđai.”
²¹Yêsu lăng kơ ñu hăng tơlơi khăp laih anŭn laĭ tui anai, “Dŏ sa tơlơi ih kơƀah. Nao sĭ hĭ bĕ abih bang dram gơnam ih hơmâo laih anŭn pha brơi kơ mơnuih ƀun rin tui anŭn ih či hơmâo kŏng ngăn yom pơphan amăng adai adih yơh. Tơdơi kơ ih ngă laih tơlơi anŭn, brơi kơ ih rai đuaĭ tui Kâo bĕ.”
²²Tơdang hơmư̆ kơ tơlơi anŭn, ƀô̆ mơta pô tơdăm anŭn rơngot hơning biă mă, yuakơ ñu pơdrŏng săh biă mă.
²³Yêsu lăng jum dar laih anŭn laĭ kơ ƀing ding kơna Ñu tui anai, “Tơnap biă mă yơh kơ mơnuih pơdrŏng kiăng kơ dưi jing ană plei Dêh Čar Ơi Adai!”
²⁴Ƀing ding kơna hli̱ng hla̱ng biă mă tơdang hơmư̆ tơlơi Yêsu laĭ anŭn. Samơ̆ Yêsu laĭ dơ̆ng tui anai, “Ơ ƀing čơđai, tơnap biă mă yơh kiăng kơ dưi jing ană plei Dêh Čar Ơi Adai! ²⁵Sa drơi aseh samô ƀu dưi mŭt găn amăng jrum anet ôh, kar kaĭ mơ̆n, tơnap biă mă kơ sa čô mơnuih pơdrŏng jao ñu pô kiăng kơ dưi jing ană plei Dêh Čar Ơi Adai.”
²⁶Ƀing ding kơna hli̱ng hla̱ng hloh dơ̆ng laih anŭn pơlaĭ hăng tơdruă gơñu tui anai, “Tơdah ƀing pơdrŏng ƀu dưi klaih ôh, tui anŭn hlơi pô dưi klaih lĕ?”
²⁷Yêsu lăng pơ ƀing gơñu hăng laĭ glaĭ tui anai, “Mơnuih mơnam ƀu dưi pơklaih gơñu pô ôh, samơ̆ Ơi Adai yơh dưi pơklaih brơi kơ abih bang tơlơi.”
²⁸Pêtrôs laĭ kơ Yêsu tui anai, “Bơ kơ ƀing gơmơi jing ƀing ding kơna Ih, ƀing gơmơi hơmâo lui hĭ laih abih bang dram gơnam kiăng kơ đuaĭ tui Ih!”
²⁹Yêsu laĭ glaĭ tui anai, “Kâo laĭ kơ ƀing gih sĭt biă mă, ƀu hơmâo hlơi pô ôh, jing pô đuaĭ lui hĭ laih ayŏng adơi amai adơi ñu, amĭ ama ñu, ƀing ană bơnai ñu ƀôdah pưk sang đang hơma ñu yuakơ ñu đaŏ kơ Kâo laih anŭn yuakơ tơlơi pơthâo hiam, ³⁰ƀu či tŭ mă glaĭ ôh sa-rơtuh wơ̆t lu hloh amăng rơnŭk anai kar hăng sang dŏ, ƀing ayŏng adơi amai adơi, amĭ ama, ƀing ană bă laih anŭn khul đang hơma, khul tơlơi kơpĭ kơpe̱t laih anŭn amăng rơnŭk tơdơi, jing tơlơi hơdip hlŏng lar. ³¹Samơ̆ hơmâo lu mơnuih yom pơphan amăng rơnŭk anai či jing hĭ ƀing đôč đač amăng rơnŭk tơdơi, laih anŭn lu ƀing đôč đač či jing hĭ yom pơphan yơh.”⚓

Yêsu Laĭ Lui Hlâo Tal Klâo Dơ̆ng Kơ Tơlơi Ñu Či Ruă Nuă Hăng Djai

(Mathiơ 20:17-19; Luk 18:31-34)

³²Ƀing gơñu ƀơi jơlan đĭ nao pơ plei Yerusalaim. Yêsu hlak ba jơlan kơ ƀing ding kơna, jing ƀing huĭ bra̱l biă mă. Ƀing mơnuih đuaĭ tui gah rŏng ăt huĭ bra̱l mơ̆n. Sa wơ̆t dơ̆ng Yêsu djă̱ ba ƀing pluh-dua čô ding kơna Ñu amăng anih ƀing gơñu dưi dŏ hơjăn laih anŭn pơhiăp hăng ƀing gơñu kơ tơlơi či truh kơ Ñu tui anai, ³³“Hơmư̆ pơñen bĕ, ƀing ta hlak đĭ nao pơ plei Yerusalaim laih anŭn arăng či pơblư̆ jao lui hĭ Kâo, jing Ană Mơnuih, kơ ƀing khua ngă yang hăng ƀing nai pơtô Tơlơi Juăt. Ƀing gơñu či klă̱ kơđi jao hĭ Kâo kiăng kơ pơdjai hĭ yơh laih anŭn jao lui hĭ Kâo kơ ƀing mơnuih Tuai. ³⁴Ƀing Tuai anŭn či djik djak kơhak kơčŭh kơ Kâo, taih čŏm hăng pơdjai hĭ Kâo. Klâo hrơi tơdơi kơ anŭn, Kâo či hơdip glaĭ yơh.”

Amĭ Yakơ Hăng Yôhan Rơkâo Tơlơi Yom Pơphan Kơ Dua Čô Ană Ñu

(Mathiơ 20:20-28)

³⁵Giŏng anŭn, Yakơ hăng Yôhan, jing ană Zebedai, nao pơ Yêsu hăng laĭ tui anai, “Ơ Nai ăh, ƀing gơmơi kiăng kơ Ih ngă brơi kơ ƀing gơmơi hơget tơlơi ƀing gơmơi rơkâo.”
³⁶Yêsu tơña tui anai, “Hơget tơlơi ƀing gih kiăng kơ Kâo ngă brơi lĕ?”
³⁷Ƀing gơñu laĭ glaĭ tui anai, “Rơkâo kơ Ih brơi bĕ kơ sa čô amăng ƀing gơmơi dŏ be̱r ƀơi gah hơnuă Ih laih anŭn sa čô dŏ be̱r ƀơi gah ieo Ih amăng tơlơi ang yang Ih.”
³⁸Yêsu laĭ kơ ƀing gơñu tui anai, “Ƀing gih ƀu thâo hluh ôh tơlơi ƀing gih rơkâo. Ƀing gih dưi găn tơlơi ruă nuă kar hăng Kâo či găn anai ƀôdah tŭ baptem kar hăng hơdră baptem Kâo tŭ anai mơ̆?”⚓
³⁹Ƀing gơñu laĭ glaĭ tui anai, “Ơ, ƀing gơmơi dưi.” Yêsu laĭ glaĭ tui anai, “Ƀing gih ăt či găn tơlơi ruă nuă kar hăng Kâo mơ̆n laih anŭn tŭ baptem kar hăng hơdră Kâo tŭ mơ̆n, ⁴⁰samơ̆ Kâo pô ƀu hơmâo ôh tơlơi dưi kiăng kơ ruah hlơi pô či dŏ ƀơi gah hơnuă laih anŭn ƀơi gah ieo Kâo. Hơdôm anih dŏ anŭn Ơi Adai hơmâo prap pre brơi hlâo laih kơ ƀing hlơi pô Ñu ruah.”
⁴¹Tơdang ƀing pluh čô ding kơna pơkŏn hơmư̆ tơlơi anŭn, ƀing gơñu hil kơ Yakơ hăng Yôhan yơh. ⁴²Yêsu iâu rai ƀing gơñu hrŏm hơbĭt hăng laĭ tui anai, “Ƀing gih thâo laih mơ̆n, ƀing mơnuih arăng yap jing ƀing khua djă̱ akŏ ƀing ană plei Tuai hơmâo tơlơi dưi hlo̱m ƀo̱m yơh laih anŭn ƀing khua moa gơñu kơtư̆ juă ƀing ană plei gơñu.⚓ ⁴³Bơ kơ ƀing gih, ƀu djơ̆ hrup hăng anŭn ôh. Kơđai glaĭ kơ tơlơi anŭn, tơdah sa čô amăng ƀing gih kiăng kơ jing pô yom pơphan, brơi bĕ pô anŭn jing hĭ ding kơna kơ ƀing gih,⚓ ⁴⁴laih anŭn hlơi pô kiăng kơ jing pô yom pơphan hloh, brơi kơ ñu anŭn jing bĕ hlŭn kơ abih bang ƀing gih. ⁴⁵Yuakơ Kâo, jing Ană Mơnuih, rai ƀu djơ̆ kiăng kơ arăng mă bruă brơi kơ Kâo ôh, samơ̆ Kâo mă bruă kơ arăng laih anŭn pơsăn tơlơi hơdip Kâo pô kiăng song mă lu mơnuih.”

Yêsu Pơsuaih Pô Bum Mơta Anăn Bartimê

(Mathiơ 20:29-34; Luk 18:35-43)

⁴⁶Giŏng anŭn, ƀing gơñu truh pơ plei Yerêhô. Tơdang Yêsu hăng ƀing ding kơna Ñu, hrŏm hăng ƀing mơnuih lu, găn amăng plei anŭn, hơmâo sa čô mơnuih bum mơta anăn ñu Bartimê, kiăng laĭ ană Timê, hlak dŏ be̱r ƀơi akiăng jơlan rơkâo da̱n. ⁴⁷Tơdang ñu hơmư̆ kơ tơlơi anŭn jing Yêsu Pô Nazaret, ñu čơdơ̆ng ur kraih tui anai, “Ơ Yêsu, Ană Tơčô pơtao Dawid hơi, pap mơñai kơ kâo đa!”
⁴⁸Hơmâo lu mơnuih ƀuăh khă hĭ pô bum anŭn kiăng kơ ñu dŏ rơiăt, samơ̆ ñu ur iâu kraih hloh dơ̆ng tui anai, “Ơ Ană Tơčô pơtao Dawid hơi, rơkâo kơ Ih pap mơñai brơi kơ kâo đa!”
⁴⁹Yêsu dơ̆ng glaĭ laih anŭn laĭ tui anai, “Iâu ñu rai ñu bĕ.”
Tui anŭn, ƀing gơñu iâu rai pô bum mơta anŭn hăng laĭ tui anai, “Mơak bĕ! Tơgŭ bĕ! Ñu hlak iâu ih.” ⁵⁰Pô bum mơta lui hĭ ao phyung ñu, ñu tơgŭ ječ ameč nao pơ Yêsu yơh.
⁵¹Yêsu tơña kơ ñu tui anai, “Hơget tơlơi ih kiăng kơ Kâo ngă brơi kơ ih lĕ?”
Pô bum mơta anŭn laĭ glaĭ, “Ơ Rabbi ăh, kâo kiăng kơ Ih brơi kơ kâo dưi ƀuh rơđah.”
⁵²Yêsu laĭ kơ ñu tui anai, “Nao bĕ, ih suaih laih yuakơ ih đaŏ kơnang kơ Kâo.” Ƀơi mông anŭn mơtam, ñu ƀuh rơđah laih anŭn đuaĭ tui Yêsu kơtuai jơlan yơh.

10

Chức vụ của Đức Chúa Jêsus tại Giu-đê và Giê-ru-sa-lem

(10:1 – 13:37)

Vấn đề ly dị

(Ma-thi-ơ 19:1-12; Lu-ca 16:18)

¹Từ đó Đức Chúa Jêsus đi vào miền Giu-đê và miền bên kia sông Giô-đanh. Đoàn dân đông lại tụ họp quanh Ngài, và như thường lệ, Ngài dạy dỗ họ. ²Có mấy người Pha-ri-si đến hỏi để thử Ngài: “Đàn ông có được phép ly dị vợ không?” ³Ngài hỏi: “Môi-se đã truyền dạy các ngươi điều gì?” ⁴Họ thưa: “Môi-se cho phép người đàn ông viết giấy ly hôn rồi ly dị vợ.”⚓ ⁵Đức Chúa Jêsus phán: “Chính vì sự cứng lòng của các ngươi mà Môi-se mới viết ra luật nầy. ⁶Nhưng từ buổi sáng thế, ‘Đức Chúa Trời chỉ tạo dựng một nam và một nữ.’⚓ ⁷‘Vì lý do đó mà người nam phải lìa cha mẹ mình và kết hợp với vợ, ⁸và hai người trở nên một thịt.’ ⚓ Như thế, vợ chồng sẽ không còn là hai nữa, mà chỉ là một. ⁹Vậy, loài người không được phân rẽ những người mà Đức Chúa Trời đã phối hợp.”
¹⁰Khi ở trong nhà, các môn đồ lại hỏi Ngài về vấn đề nầy; ¹¹Ngài phán: “Người nào ly dị vợ để cưới người khác là phạm tội ngoại tình đối với vợ.⚓ ¹²Còn nếu người đàn bà ly dị chồng để kết hôn với người khác thì cũng phạm tội ngoại tình.”

Đức Chúa Jêsus ban phước cho con trẻ

(Ma-thi-ơ 19:13-15; Lu-ca 18:15-17)

¹³Người ta đem con trẻ đến với Đức Chúa Jêsus để được Ngài đặt tay⚓ trên chúng, nhưng các môn đồ trách họ. ¹⁴Thấy vậy, Ngài giận và bảo các môn đồ: “Hãy để con trẻ đến cùng Ta, đừng ngăn cấm chúng, vì vương quốc Đức Chúa Trời thuộc về những ai giống như các con trẻ ấy. ¹⁵Thật, Ta bảo các con, ai không tiếp nhận vương quốc Đức Chúa Trời như một đứa trẻ thì sẽ không vào đó được.”⚓ ¹⁶Rồi Ngài ẵm những đứa trẻ ấy, đặt tay trên chúng và ban phước cho.

Người thanh niên giàu có

(Ma-thi-ơ 19:16-30; Lu-ca 18:18-30)

¹⁷Khi Đức Chúa Jêsus vừa khởi hành, có một người chạy đến, quỳ trước mặt Ngài và hỏi: “Thưa Thầy nhân lành, tôi phải làm gì để được hưởng sự sống đời đời?” ¹⁸Đức Chúa Jêsus đáp: “Tại sao ngươi gọi Ta là nhân lành? Không ai là nhân lành cả, ngoài một mình Đức Chúa Trời. ¹⁹Hẳn ngươi biết các điều răn: ‘Đừng giết người; đừng phạm tội ngoại tình; đừng trộm cắp; đừng làm chứng dối; đừng lừa đảo; hãy hiếu kính cha mẹ ngươi.’”⚓ ²⁰Người ấy nói: “Thưa Thầy, tôi đã tuân giữ mọi điều đó từ thuở niên thiếu.” ²¹Đức Chúa Jêsus trìu mến nhìn anh và nói: “Ngươi còn thiếu một điều. Hãy đi, bán những gì mình có và phân phát cho người nghèo thì ngươi sẽ có kho báu ở trên trời; rồi hãy đến theo Ta.” ²²Nghe vậy, anh sa sầm nét mặt, rồi buồn bã bỏ đi, vì anh ta có quá nhiều của cải.
²³Đức Chúa Jêsus đưa mắt nhìn quanh rồi phán với các môn đồ: “Người giàu vào vương quốc Đức Chúa Trời thật khó biết bao!” ²⁴Các môn đồ ngạc nhiên về những lời nầy. Nhưng Đức Chúa Jêsus lại phán: “Hỡi các con, những ai nương cậy vào sự giàu có⚓ để được vào vương quốc Đức Chúa Trời thật vô cùng khó khăn! ²⁵Lạc đà chui qua lỗ kim còn dễ hơn người giàu vào vương quốc Đức Chúa Trời.” ²⁶Các môn đồ vô cùng ngạc nhiên, nói với nhau: “Vậy thì ai có thể được cứu?” ²⁷Đức Chúa Jêsus nhìn họ và phán: “Loài người không thể làm được việc nầy, nhưng với Đức Chúa Trời thì khác; vì Đức Chúa Trời làm được mọi sự.”
²⁸Phi-e-rơ liền nói: “Thưa Thầy, chúng con đã từ bỏ tất cả mà theo Thầy.” ²⁹Đức Chúa Jêsus đáp: “Thật, Ta bảo các con, không một ai vì Ta và Tin Lành từ bỏ nhà cửa, anh em, chị em, cha mẹ, con cái, đất ruộng, ³⁰mà bây giờ, ngay trong đời nầy, lại không nhận gấp trăm lần hơn về nhà cửa, anh em, chị em, mẹ, con cái, đất ruộng, cùng với sự bắt bớ, và sự sống đời đời trong đời sau. ³¹Nhưng có nhiều người đầu sẽ trở nên cuối, và người cuối sẽ trở nên đầu.”⚓

Đức Chúa Jêsus báo trước lần thứ ba về sự chết và sống lại của Ngài

(Ma-thi-ơ 20:17-19; Lu-ca 18:31-34)

³²Đức Chúa Jêsus và các môn đồ đang trên đường lên thành Giê-ru-sa-lem, Ngài đi trước họ. Các môn đồ kinh ngạc, còn những người đi theo thì sợ hãi. Ngài lại đem mười hai sứ đồ riêng ra và nói cho họ những gì sẽ phải xảy đến cho mình. ³³Ngài nói: “Nầy, chúng ta lên thành Giê-ru-sa-lem, Con Người sẽ bị nộp cho các thầy tế lễ cả và các thầy thông giáo. Họ sẽ kết án tử hình Người, rồi giao cho dân ngoại. ³⁴Người ta sẽ chế nhạo Người, khạc nhổ trên Người, đánh đòn và giết chết Người; nhưng sau ba ngày, Người sẽ sống lại.”

Lời thỉnh cầu của Gia-cơ và Giăng

(Ma-thi-ơ 20:20-28)

³⁵Hai con trai của Xê-bê-đê là Gia-cơ và Giăng đến gần Đức Chúa Jêsus và nói: “Thưa Thầy, chúng con mong Thầy thực hiện điều chúng con cầu xin.” ³⁶Ngài hỏi: “Các con muốn Ta làm gì cho các con?” ³⁷Họ thưa: “Khi Thầy được vinh hiển, xin cho hai chúng con một người được ngồi bên phải, một người bên trái của Thầy.” ³⁸Nhưng Đức Chúa Jêsus nói: “Các con không biết điều mình xin. Các con có thể uống được chén Ta uống, và chịu được báp-têm Ta chịu không?”⚓ ³⁹Họ thưa: “Dạ được!” Đức Chúa Jêsus phán: “Các con sẽ uống chén Ta uống, và sẽ chịu báp-têm Ta chịu. ⁴⁰Nhưng việc ngồi bên phải hay bên trái Ta thì Ta không cho được, vị trí ấy dành cho những người đã được định sẵn.”⚓
⁴¹Nghe vậy, mười sứ đồ kia giận Gia-cơ và Giăng. ⁴²Đức Chúa Jêsus gọi họ đến và nói: “Các con biết rằng những người được tôn làm nhà cầm quyền dân ngoại thì thống trị dân; các quan chức cao cấp thì dùng quyền lực mà cai trị.⚓ ⁴³Nhưng giữa các con thì không phải vậy. Trái lại, ai muốn làm lớn trong các con thì phải làm đầy tớ,⚓ ⁴⁴còn ai muốn đứng đầu trong các con thì phải làm nô lệ cho mọi người. ⁴⁵Vì Con Người đã đến không phải để được phục vụ nhưng để phục vụ, và hiến dâng mạng sống mình làm giá chuộc cho nhiều người.”

Đức Chúa Jêsus chữa lành người mù ở Giê-ri-cô

(Ma-thi-ơ 20:29-34; Lu-ca 18:35-43)

⁴⁶Đức Chúa Jêsus và các môn đồ đến Giê-ri-cô. Khi Ngài cùng các môn đồ và đoàn dân đông rời khỏi thành, có một người mù tên là Ba-ti-mê, con trai của Ti-mê, ngồi ăn xin bên đường. ⁴⁷Nghe nói đây là Đức Chúa Jêsus, người Na-xa-rét, anh kêu lớn: “Lạy Đức Chúa Jêsus, Con vua Đa-vít, xin đoái thương con!” ⁴⁸Nhiều người rầy anh, bảo phải im lặng, nhưng anh càng kêu lớn hơn: “Lạy Con vua Đa-vít, xin đoái thương con!” ⁴⁹Đức Chúa Jêsus dừng lại và bảo: “Hãy gọi người ấy đến đây.” Họ gọi người mù và bảo: “Hãy vững lòng, đứng dậy, Ngài gọi anh đó.” ⁵⁰Người mù vứt bỏ áo choàng, đứng phắt dậy và đến với Đức Chúa Jêsus. ⁵¹Đức Chúa Jêsus hỏi: “Con muốn Ta làm gì cho con?” Anh thưa: “Lạy Thầy, xin cho con được sáng mắt.” ⁵²Ngài phán: “Hãy đi, đức tin con đã chữa lành con.” Lập tức người mù được sáng mắt lại và đi theo Ngài.