29

Yeeb ncuab ntaus Yeluxalee

¹Au Ali‑ee,⚓ Ali‑ee 'e, lub nroog kws Tavi tsaa tsev ntaub nyob,
ca le tsaav lub xyoo ntxwv rua lub xyoo,
ca le ua kevcai lawv swjhawm kws teem ca.
²Txawm le caag los kuv yuav ua kuas Ali‑ee raug kev txom nyem nyuaj sab,
hab yuav muaj kev ntsaaj quas lawg hab quaj ntsuag,
hab lub nroog yuav ua rua kuv zoo le lub thaaj kws hlawv xyeem.⚓
³Kuv yuav ua yeej vej puag ncig koj,
hab kuv yuav ua tej chaw tsom faaj vej ntaus koj,
hab tsub aav nce moog tawm tsaam koj.
⁴Koj yuav has huv qhov chaw kws tub kawg huv nplajteb tuaj,
koj tej lug yuav tawm huv tej moov aav huv qhov chaw qeg tuaj,
koj lub suab yuav tawm huv aav tuaj yaam le daab lub suab,
koj tej lug yuav has lug ntxhw huv tej moov aav tuaj.
⁵Koj cov tshawj chim coob coob
yuav zoo le tej moov aav mog,
hab cov kws ua nruj ua tswv yuav zoo le
tej npluag qoob kws yaa pluj taag.
Ib plag ntshws, tuab ntsais muag xwb,
⁶Yawmsaub kws muaj fwjchim luj kawg nkaus yuav lug saib koj,
ua xub nthe hab ntuj qeg hab muaj suab nrov heev,
muaj khaub zeeg cua hab cua daaj cua dub ntsawj,
hab muaj nplaim tawg hlawv du lug.
⁷Mas ib tsoom tebchaws coob coob kws tawm tsaam Ali‑ee,
yog txhua tug kws ntaus nwg hab nwg tej chaw ruaj khov,
hab ua rua nwg raug kev txom nyem nyuaj sab,
puab yuav zoo yaam nkaus le zaaj npau suav
kws ua yug quas toog mo ntuj.
⁸Ib yaam le tug kws tshaib plaab ua npau suav
tas nwg saamswm noj los tswm lug tseed tshaib,
hab ib yaam le tug kws nqhes dej ua npau suav
tas nwg saamswm haus
los tswm lug kuj qaug zug hab tseed nqhes,
mas ib tsoom tebchaws coob coob kws tuaj ntaus lub roob Xi‑oo
yuav zoo ib yaam le ntawd.

Tej lug ntuag

⁹Ca le ua tuabneeg feeb tsw meej hab ua tuabneeg ruag,
ca le rov ua rua mej dig muag tsw pum kev,
ca le qaug tassws tsw yog qaug cawv txwv maab,
ca le qaug paaj qaug poog tassws tsw yog qaug cawv ntxws.
¹⁰Vem Yawmsaub ua rua mej tsaug zug heev,
hab kaw mej lub qhov muag
kws yog cov xwbfwb cev nwg lug,
hab kauv mej lub taubhau
kws yog cov xwbfwb has pum tom hauv ntej.
¹¹Tej yug quas toog nuav huvsw zoo yaam le tej lug kws nyob huv thooj ntawv kws ntaus hom thawj kaw ca lawd rua mej. Thaus luas muab rua ib tug kws txawj nyeem hab has tas, “Nyeem nuav saib,” los tug hov yuav has tas, “Kuv nyeem tsw tau, vem yog ntaus hom thawj kaw lawm.” ¹²Thaus luas muab rua ib tug kws tsw txawj nyeem hab has tas, “Nyeem nuav saib,” nwg kuj has tas, “Kuv tsw txawj nyeem ntawv.”

¹³Tug Tswv has tas,
“Cov tuabneeg nuav laam tuaj ze kuv ntawm lub ncauj,
hab fwm kuv ntawm daim tawv ncauj
tassws puab lub sab nyob deb kuv,
hab puab tsuas yog fwm kuv
lawv le tuabneeg tej kevcai kws cim tau.
¹⁴Vem le nuav kuv yuav ua txujci phemfwj
rua haiv tuabneeg nuav dua,
yog yaam kws phemfwj kawg hab xaav tsw thoob.
Tej tuabneeg kws muaj tswvyim tug tswvyim yuav puam tsuaj moog,
hab tej tuabneeg txawj ntse txujkev txawj ntse yuav pluj taag.”
¹⁵Cov kws muab tej num kws nwg npaaj tseg zais tsw qha Yawmsaub,
yuav raug txom nyem lauj!
Puab ua num huv qhov tsaus ntuj hab puab has tas,
“Leejtwg yuav pum peb? Leejtwg yuav paub?”
¹⁶Mej ntxeev ib puas tsaav yaam.
Yuav suav tas tug Kws puab laujkaub aav
tsuas zoo le aav nplaum xwb lov?
Hab yaam kws tswm tau lug yuav has rua tug kws tswm tas,
“Nwg tsw tau tswm kuv,” nua lov?
Hab yaam kws muab puab tau lug yuav has rua tug kws puab tas,
“Nwg tsw txawj daabtsw le,” nua lov?

Muaj vaam rua yaav tom hauv ntej

¹⁷Tsw yog tshuav tsw ntev lov
kws Lenpanoo yuav caj ua teb ntsu qoob,
hab tej teb ntsu qoob yuav caj ua haav zoov?
¹⁸Nub ntawd cov tuabneeg laag ntseg
yuav nov tej lug huv thooj ntawv,
hab cov tuabneeg dig muag
yuav pum kev huv qhov tsaus ntuj
hab qhov tsaus dub quas ncab.
¹⁹Cov kws tsw muab hlub
yuav rov zoo sab xyiv faab rua huv Yawmsaub,
cov tuabneeg kws pluag yuav zoo sab
rua huv tug Dawb Huv huv cov Yixayee.
²⁰Cov kws ua nruj ua tswv yuav pluj moog,
cov tuabneeg thuaj luag yuav tsw muaj lawm,
hab txhua tug kws nrhav quas ntshws ua phem
yuav raug muab txav pov tseg,
²¹yog cov kws has lug qhau luas cai,
hab ua maab ua hlua cuab tug kws tu plaub ntawm rooj loog,⚓
hab has tsw tseeb qhau tug kws tsw txhum cai.

²²Vem le nuav, Yawmsaub kws txhwv Aplahaa has le nuav txug Yakhauj caaj ceg tas,
“Yakhauj yuav tsw poob ntsej muag dua le lawm,
hab puab lub plhu yuav tsw ntshaus dua le lawm.
²³Thaus puab pum puab tej tub ki
kws kuv txhais teg ua huv plawv puab,
puab yuav xaam pum tas kuv lub npe dawb huv.
Puab yuav fwm Yakhauj tug Tswv kws Dawb Huv,
hab paub ntshai Yixayee tug Vaajtswv.
²⁴Cov kws lub sab yuam kev yuav txawj nkaag sab,
hab cov kws ywg tuj tawg yuav yeem txais kev qhuab qha.”

29

Lub Nroog Yeluxalees Raug Puastsuaj

¹Yeluxalees uas yog Vajtswv lub thaj thiab lub nroog uas Daviv tsuam yeej yuav raug puastsuaj lauj! Cia li ua kevcai thiab ua rooj noj rooj haus ib xyoo dhau ib xyoo raws li lub caij nyoog uas teem tseg, ²Vajtswv mam tso kev puastsuaj los raug lub nroog uas hu ua “Vajtswv lub thaj.” Thaum ntawd yuav muaj kev quaj nyiav, thiab tagnrho lub nroog yuav zoo ib yam li lub thaj uas muaj ntshav nplooj nkaus saud. ³Vajtswv yuav tsuam yeej thiab ua chaw tsomfaj ibncig lub nroog thiab yuav tawmtsam koj. Kuv yuav tsuam yeej tawmtsam koj ib yam li Daviv. ⁴Ces koj yuav hais lus puag hauv lub qhov uas tob heev tuaj; koj yuav hais lus puag hauv qab tivtxwv tuaj; koj lub suab yuav hais hauv qhov av tuaj ib yam li pojntxoog lub suab, thiab koj yuav hais lus ntxhi hauv av tuaj.
⁵Yeluxalees, koj cov yeebncuab uas coob ua npoj ntws tuaj tua koj yuav raug ntsawj ya ib yam li hmoov av, thiab lawv cov tubrog uas txaus ntshai yuav raug ntsawj ya ib yam li tej npluag nplej. Tib npliag ntshis xwb, ⁶tus TSWV uas muaj hwjchim loj kawg nkaus yuav los cawm nej, nws yuav ua xob nroo, ua av qeeg, ua cua daj cua dub thiab ua tej nplaim taws uas hlawv kom kub dulug los pab nej. ⁷Txhua haivneeg uas tuaj tua lub nroog uas yog Vajtswv lub thaj, lawv tej cuabyeej ua rog thiab txhua yam puavleej yuav yaj thiab ploj huv tibsi ib yam li ua npau suav hmo ntuj, ⁸thiab zoo li tus neeg tshaib plab uas ua npau suav noj mov, tiamsis thaum tsim los tseem tshaib plab li qub lossis zoo li tus neeg nqhis dej uas nws ua npau suav haus dej, tiamsis thaum tsim los tseem nqhis dej thiab qa qhuav qhawv. Txhua haivneeg uas tuaj tua lub nroog Yeluxalees yuav zoo ib yam li ntawd ntag.

Tej Lus Ceebtoom uas Tsis Xav Txog

⁹Cia li ua neeg ruam los mas! Cia li ua neeg digmuag los mas! Cia li ua neeg vwm loj vwm leg, tiamsis tsis yog vwm cawv, cia li ntog pujpoog, tiamsis tsis yog qaug cawv txiv hmab! ¹⁰Tus TSWV ua kom nej ncaws dabntub thiab tsaug zog looj hlias. Twb tsimnyog cov cev Vajtswv lus ua sawvdaws lub qhovmuag pom kev, tiamsis Vajtswv muab lawv tej qhovmuag npog lawm. ¹¹Lub ntsiab lus uas txhua tus cev Vajtswv lus ua yogtoog pom yuav muab zais tsis pub nej paub zoo ib yam li thooj ntawv uas ntaus homthawj rau lawm. Yog nej coj mus rau ib tug uas paub nyeem thiab thov kom nws nyeem rau nej mloog, nws yuav teb hais tias, “Kuv tsis nyeem rau qhov ntaus homthawj rau lawm.” ¹²Yog nej muab thooj ntawv ntawd rau tus uas tsis paub nyeem thiab thov nws nyeem rau nej mloog, nws yuav teb hais tias, “Kuv tsis paub nyeem.”
¹³Tus TSWV hais tias, “Cov neeg no lub ncauj qhuas kuv, tiamsis lawv lub siab tsis npuab kuv, tej lus uas lawv qhuas kuv tsis muaj qabhau li. Qhov uas lawv pehawm kuv tsuas yog ua raws li kevcai thiab neeg qhia xwb. ¹⁴Vim li ntawd, kuv yuav rov ua tej txujci uas txawv heev rau cov neeg no pom dua kom lawv xav tsis thoob li; cov neeg ntse lub tswvyim yuav ruam tas, thiab kev txawj ntse ntawm cov neeg txawj ntse yuav ploj tas.”

Cia Siab Rau Yav Tom Ntej

¹⁵Lawv cov uas muab tej tswvyim zais tsis pub tus TSWV paub yuav raug puastsuaj lauj! Lawv ua tej yam nraim nkoos hauv qhov tsaus ntuj nti thiab xav hais tias tsis muaj leejtwg pom thiab paub hais tias lawv ua dabtsi. ¹⁶Lawv pom qhov zoo yog qhov phem! Tus puab laujkaub av thiab cov av, yam twg tseemceeb dua? Yam uas tus neeg ntawd puab puas muaj cuabkav hais rau tus puab hais tias, “Koj twb tsis tau puab kuv los sav”? Lossis yam uas nws puab ntawd puas hais rau tus puab hais tias, “Koj twb tsis muaj kev txawj ntse li.”?
¹⁷Puas yog tshuav tsis ntev lawm, lub havzoov Lenpanoos yuav dhau mus ua teb, thiab tej teb yuav rov ua havzoov?
¹⁸Thaum ntawd cov neeg uas lagntseg yuav hnov luag nyeem ntawv, thiab cov neeg digmuag uas ua lub neej tsaus ntuj nti yuav pom kev. ¹⁹Cov neeg pluag thiab cov neeg txo hwjchim yuav tau txojkev kaj siab los ntawm tus TSWV uas yog cov Yixalayees tus Vajtswv uas dawbhuv. ²⁰Tus uas tsimtxom luag lwm tus thiab pheej thuam Vajtswv yuav ploj mus. Txhua tus neeg uas pheej nyiam ua kev txhaum yuav raug kev puastsuaj. ²¹Cov neeg uas saib tsis taus lwm tus, cov neeg uas txheem tej plaub ntug tua neeg, thiab cov neeg uas ua timkhawv tsis tseeb ntxo cov neeg ncaj ncees kom raug txiav txim, Vajtswv yuav muab ua kom puastsuaj tas.
²²Vim li ntawd, tus TSWV uas yog cov Yixalayees tus Vajtswv uas cawm Anplahas dim txojkev ntxhov siab hais tias, “Kuv haivneeg, nej yuav tsis txajmuag, thiab nej lub ntsejmuag yuav tsis ntshaus ntxiv li lawm. ²³Thaum nej pom tej tubki uas kuv yuav pub rau nej, ces nej yuav paub hais tias kuv yog cov Yixalayees tus Vajtswv uas dawbhuv. Nej yuav tsum hwm kuv thiab paub ntshai kuv. ²⁴Cov neeg ruam yuav totaub, thiab cov uas yws tujtaws yuav nyiam kawm Vajtswv txoj kevcai.”