12
1Tug kws nyam tej lug qhuab qha
kuj yog nyam kev txawj ntse,
tug kws ntxub tej lug qhuab ntuag
yog tug ruag.
2Yawmsaub txaus sab rua tug tuabneeg zoo,
tassws tug kws ntaus tswvyim phem
mas Yawmsaub yuav rau txem.
3Txujkev limham ua tsw tau
rua tuabneeg nyob ruaj nreeg,
tassws cov kws ncaaj nceeg
yuav cog caag tub dob tsw tau le.
4Quaspuj zoo mas yog
tug quasyawg lub mom kub,
tassws tug quaspuj rhuav plhu zoo yaam le
tug kaab mob kws ua rua nwg quasyawg
tej pob txhaa lwj.
5Tug tuabneeg ncaaj nceeg
tej kev xaav kuj ncaaj,
tassws tug tuabneeg limham tej lug taw qha
yog lug ntxeev ntxag.
6Tug tuabneeg limham tej lug nyaag ntshws
ua kuas lug ntshaav,
tassws tug kws ncaaj nceeg lub qhov ncauj
paab tuabneeg dim.
7Tug tuabneeg limham raug rhuav tshem
pluj taag lawm,
tassws tug tuabneeg ncaaj nceeg lub tsev
yuav nyob ruaj.
8Tuabneeg yuav raug luas qhuas
npaum le kws nwg muaj taab faab,
tassws tug tuabneeg sab nkhaus
yuav raug luas saib tsw taug.
9Tug kws luas saib tsw taug
los tseed muaj tub qhe,
kuj zoo dua tug kws tsaab ua luj
tassws tsw muaj noj.
10Tug tuabneeg ncaaj nceeg
yeej hlub nwg cov tsaj txhu,
tassws tug tuabneeg limham kev khuvleej
yog ua nyaum heev.
11Tug tuabneeg kws laij teb
yuav muaj mov noj ntau,
tassws tug kws ua tej num tsw muaj qaabhau
yeej yog tsw thoob tswb.
12Tug tuabneeg limham ntshaw
tej kws ua phem es tau lug,
tassws tug tuabneeg ncaaj nceeg
yuav cog caag ruaj khov.
13Tug tuabneeg phem rov maag tej lug txhum
kws nwg daim tawv ncauj has,
tassws tug tuabneeg ncaaj nceeg
tswv dim tej kev ceblaaj.
14Tej lug kws yug has
ua rua yug tau tej yaam zoo tsau npo,
hab tej num kws yug txhais teg ua
rov lug pauj rua yug.
15Tug tuabneeg ruag pum tas
nwg txujkev raug cai lawm,
tassws tug kws txawj ntse
noog tej lug taw qha.
16Yuav paub tug tuabneeg ruag
kev chim sab taamswm,
tassws tug tuabneeg ntse mas tsw quav ntsej
qhov kws luas saib tsw taug nwg.
17Tug kws has tseeb nwg ua timkhawv ncaaj,
tassws tug cuav timkhawv
mas has lug daag ntxag.
18Tug tuabneeg ncauj sai tej lug
mas zoo yaam nkaus le raab ntaaj chob,
tassws tug tuabneeg ntse tug nplaig
yog tshuaj khu zoo.
19Daim tawv ncauj kws has tseeb
yuav nyob ib txhws,
tug nplaig cis daag nyob ib ntsais muag xwb.
20Txujkev daag ntxag nyob huv cov tuabneeg
kws ntaus tswvyim ua phem lub sab,
tassws cov kws npaaj kuas
suavdawg nyob sws hum tau sab xyiv faab.
21Tsw muaj vej sub vej sw daabtsw
poob rua sau cov tuabneeg ncaaj nceeg,
tassws cov tuabneeg limham tsuas saws
tej kev ceblaaj pov khawv nkaus xwb.
22Yawmsaub ntxub daim tawv ncauj
cis daag kawg le,
tassws cov kws xyum ua ncaaj
ua rua nwg zoo sab.
23Tug kws paub taab
yeej muab nwg kev txawj ntse npog ca,
tassws tug kws ruag
tshaaj tawm nwg txujkev ruag.
24Txhais teg nquag yuav tau kaav,
tassws tug cis nkeeg
yuav raug muab quab yuam ua num.
25Kev ntxhuv sab ua rua tuabneeg poob sab,
tassws lu lug zoo ua rua nwg xyiv faab.
26Tug tuabneeg ncaaj nceeg tig
ntawm txujkev phem⚓
tassws cov tuabneeg limham txujkev
coj puab moog yuam kev.
27Tug cis nkeeg yuav cev teg
muab tsw tau lug noj,⚓
tassws tug tuabneeg nquag
yuav tau tej nyaj txag kws muaj nqes.
28Txujkev ncaaj nceeg yog txujkev tau txujsa,
tassws txujkev txhum coj moog txug qhov tuag.⚓
12
1Tus uas nyiam tej lus qhuab qhia
kuj yog nyiam kev txawj ntse,
tus uas ntxub tej lus qhuab ntuas
yog tus ruam.
2Yawmsaub txaus siab rau tus neeg zoo,
tiamsis tus uas ntaus tswvyim phem
mas Yawmsaub yuav rau txim.
3Txojkev limhiam ua tsis tau
rau neeg nyob ruaj nreeg,
tiamsis cov uas ncaj ncees
yuav cog cag tob dob tsis tau li.
4Pojniam zoo
mas yog tus txiv lub mom kub,
tiamsis tus pojniam rhuav plhu
zoo yam li tus kab mob
uas ua rau nws txiv tej pob txha lwj.
5Tus neeg ncaj ncees tej kev xav kuj ncaj,
tiamsis tus neeg limhiam tej lus taw qhia
yog lus ntxeev ntxias.
6Tus neeg limhiam tej lus nyas nrhw
ua kom los ntshav,
tiamsis tus uas ncaj ncees lub qhov ncauj
pab neeg dim.
7Tus neeg limhiam raug rhuav tshem
ploj tag lawm,
tiamsis tus neeg ncaj ncees lub tsev
yuav nyob ruaj.
8Neeg yuav raug luag qhuas
npaum li uas nws muaj tab fab,
tiamsis tus neeg siab nkhaus
yuav raug luag saib tsis taus.
9Tus uas luag saib tsis taus
los tseem muaj tub qhe,
kuj zoo dua tus uas tsab ua loj
tiamsis tsis muaj noj.
10Tus neeg ncaj ncees
yeej hlub nws cov tsiaj txhu,
tiamsis tus neeg limhiam kev khuvleej
yog ua nyaum heev.
11Tus neeg uas laij teb
yuav muaj mov noj ntau,
tiamsis tus uas ua tej haujlwm tsis muaj qabhau
yeej yog tsis thoob tsib.
12Tus neeg limhiam ntshaw
tej uas ua phem es tau los,
tiamsis tus neeg ncaj ncees
yuav cog cag ruaj khov.
13Tus neeg phem rov mag tej lus txhaum
uas nws daim tawv ncauj hais,
tiamsis tus neeg ncaj ncees
khiav dim tej kev ceeblaj.
14Tej lus uas yus hais
ua rau yus tau tej yam zoo tsau npo,
thiab tej haujlwm uas yus txhais tes ua
rov los pauj rau yus.
15Tus neeg ruam pom tias
nws txojkev raug cai lawm,
tiamsis tus uas txawj ntse
mloog tej lus taw qhia.
16Yuav paub tus neeg ruam
kev chim siab tamsid,
tiamsis tus neeg ntse mas tsis quav ntsej
qhov uas luag saib tsis taus nws.
17Tus uas hais tseeb nws ua timkhawv ncaj,
tiamsis tus cuav timkhawv
mas hais lus dag ntxias.
18Tus neeg ncauj sai tej lus
mas zoo yam nkaus li rab ntaj chob,
tiamsis tus neeg ntse tus nplaig
yog tshuaj kho zoo.
19Daim tawv ncauj uas hais tseeb
yuav nyob ib txhis,
tus nplaig txawj dag
nyob ib ntsais muag xwb.
20Txojkev dag ntxias nyob hauv cov neeg
uas ntaus tswvyim ua phem lub siab,
tiamsis cov uas npaj kom
sawvdaws nyob sib hum tau siab xyiv fab.
21Tsis muaj vij sub vij sw dabtsi
poob rau saum cov neeg ncaj ncees,
tiamsis cov neeg limhiam
tsuas saws tej kev ceeblaj pov khawv nkaus xwb.
22Yawmsaub ntxub
daim tawv ncauj txawj dag kawg li,
tiamsis cov uas xyaum ua ncaj
ua rau nws zoo siab.
23Tus uas paub tab
yeej muab nws kev txawj ntse npog cia,
tiamsis tus uas ruam
tshaj tawm nws txojkev ruam.
24Txhais tes nquag yuav tau kav,
tiamsis tus tub nkeeg yuav
raug muab quab yuam ua haujlwm.
25Kev ntxhov siab ua rau neeg poob siab,
tiamsis lo lus zoo ua rau nws xyiv fab.
26Tus neeg ncaj ncees tig ntawm txojkev phem,⚓
tiamsis cov neeg limhiam txojkev
coj lawv mus yuam kev.
27Tus tub nkeeg yuav cev tes
muab tsis tau los noj,⚓
tiamsis tus neeg nquag
yuav tau tej nyiaj txiag uas muaj nqes.
28Txojkev ncaj ncees yog txojkev tau txojsia,
tiamsis txojkev txhaum coj mus txog qhov tuag.⚓