6

Ntuag kuas xyum tsheej

¹Kuv tub 'e, yog koj ua tug laav kwvtij zej zog
hab tau cog lug tseg rua lwm tug lawm,
²yog koj maag khi vem yog tim
koj daim tawv ncauj,
hab yog koj maag hlua vem tim
koj lub ncauj tej lug,
³kuv tug tub 'e, koj yuav tsum ua le nuav
txhad paab tau koj dim,
tsua qhov koj poob rua huv kwvtij zej zog
txhais teg lawm.
Ca le maaj nroog moog thov nwg.
⁴Tsw xob ua ntsej muag laag dig,
tsw xob qe muag nti.
⁵Koj ca le tswv kuas dim ib yaam le
tug kauv seb tswv dim tug kws tua nqaj,
hab ib yaam le tug noog nti dim
huv tug kws cuab txhais teg.

⁶Nam tuabneeg cis nkeeg 'e,
koj ca le moog saib ntsaum,
ca le ua tuab zoo saib ntsaum nyob tau le caag,
koj txhad le txawj ntse.
⁷Ntsaum tub tsw muaj thawj coj,
tsw muaj num tswv, tsw muaj tug kaav,
⁸los lub caij ntuj qhua ntsaum tseed
txawj npaaj zaub mov ca,
hab lub caij sau qoob ntsaum txawj sau lug ca.
⁹Tuabneeg cis nkeeg 'e,
koj yuav pw ntev le caag?
Thaus twg koj le sawv huv nruab daab ndub lug?
¹⁰Tsaug ib nyuas tswg zug,
ib nyuas qe muag, khawm teg su ib plag,
¹¹mas txujkev pluag yuav lug txug koj
yaam nkaus le tub saab tuaj lws,
hab kev txom nyem yuav lug
yaam nkaus le tug coj ntaaj coj rag tuaj lws.

¹²Tug tuabneeg tsw tswm txaj,
yog tuabneeg limham, daag taug zej taug zog,
¹³nwg zwg ncauj ntxw muag,
nwg ua teg ua taw ntxag, nwg taw teg nki,
¹⁴nwg lub sab nkhaus xaav tswvyim ua phem,
nwg pheej tshaum kuas muaj kev tsw sws hum.
¹⁵Vem le nuav vej sub vej sw
yuav lug raug nwg sai sai,
ib plag ntshws xwb
yuav raug kev puag ntsoog khu tsw tau.

¹⁶Muaj rau yaam kws Yawmsaub ntxub,
yog muaj xyaa yaam⚓
kws nwg ntxub kawg le, yog le nuav
¹⁷qhov muag qauj luj leg, nplaig daag,
hab txhais teg kws tua tug tuabneeg tsw txhum,
¹⁸lub sab kws ntaus tswvyim ua limham,
txhais kwtaw kws maaj nroog moog ua phem,
¹⁹tug cuav timkhawv kws ua paa xwb
los puavleej yog daag,
hab tug kws tshaum ua rua kwvtij tsw sws hum.

Ntuag kev nkauj kev nraug

²⁰Kuv tub 'e, ca le tuav rawv
koj txwv tej lug nkaw
hab tsw xob muab koj nam
tej lug qha pov tseg.
²¹Muab tej lug hov khi rua koj lub sab
moog ib txhws,
muab khi rua ntawm koj cej daab.
²²Thaus koj moog kev tej lug hov yuav coj koj,
thaus koj pw tej lug hov yuav tsom kwm koj,
hab thaus koj sawv tej lug hov yuav qha koj.
²³Tsua qhov tej lug nkaw hov yog lub teeb ci
hab tej lug qha hov yog qhov kaaj,
hab tej lug qhuab ntuag
yog qha koj paub ua neej,
²⁴sub txhad tiv thaiv koj ntawm tug quaspuj phem
hab tiv thaiv ntawm tug puj cov zej cov zog
ncauj qaab zwb nplaig qaab ntse.
²⁵Koj tsw xob qaug sab rua qhov kws nwg zoo nkauj,
tsw xob ca nwg txav muag ntxag tau koj.
²⁶Ib lub ncuav xwb ndav tau tug puj muag cev,
tassws qhov kws moog nrug
luas tug quaspuj pw mas yuav txuv koj txujsa.
²⁷Ib tug txwvneej yuav puag nplaim tawg
rua ntawm nwg hauv sab
es nwg lub tsho tsw kub nyab tau hab lov?
²⁸Lossws ib tug txwvneej yuav tsuj
sau cov ncaig tawg kws kub heev
es nwg txhais kwtaw tsw kub nyab tau hab lov?
²⁹Tug kws moog nrug luas quaspuj pw
kuj zoo ib yaam le ntawd.
Tsw muaj ib tug twg kws kov luas tug quaspuj
es yuav tsw raug txem.
³⁰Yog tub saab nyag lug noj vem nwg tshaib heev
mas tsw muaj leejtwg thuaj nwg.
³¹Yog nteg tau mas nwg yuav them xyaa npaug,
nwg yuav muab tej hov txhua chaw
huv nwg tsev huvsw them.
³²Tug kws ntxag luas quaspuj
yeej yog tsw thoob tswb,
tug kws ua le ntawd kuj yog nwg
rov rhuav nwg ua kuas puam tsuaj.
³³Nwg yuav raug luas nplawm
hab poob ntsej muag,
ntxuav tsw tau nwg qhov txaaj muag pluj le.
³⁴Qhov kws khib xeeb ua rua tuabneeg
npau tawg kawg nkaus,
mas nub kws nwg pauj taub
nwg tsw tswj nwg tug zug le.
³⁵Nwg yuav tsw kaam yuav
ib qho nyaj saam fwm le,
txawm yog yeem muab ntau
los nwg yeej tsw yib.

6

Ntuas kom xyaum tsheej

¹Kuv tub 'e, yog koj ua tus qhwv kwvtij zej zog
thiab tau cog lus tseg rau lwm tus lawm,
²yog koj mag khi vim yog
tim koj daim tawv ncauj,
thiab yog koj mag hlua
vim tim koj lub ncauj tej lus,
³kuv tus tub 'e, koj yuav tsum ua li no
thiaj pab tau koj dim,
rau qhov koj poob rau hauv
kwvtij zej zog txhais tes lawm.
Cia li maj nroos mus thov nws.
⁴Tsis txhob ua ntsej muag lag dig,
tsis txhob qe muag nti.
⁵Koj cia li khiav kom dim ib yam li
tus kauv seb khiav dim tus uas tua nqaij,
thiab ib yam li tus noog nti dim
hauv tus uas cuab txhais tes.

⁶Niag neeg tub nkeeg 'e,
koj cia li mus saib ntsaum
cia li ua tib zoo saib ntsaum nyob tau li cas,
koj thiaj li txawj ntse.
⁷Ntsaum twb tsis muaj thawj coj,
tsis muaj nom tswv, tsis muaj tus kav,
⁸los lub caij ntuj qhua ntsaum tseem
txawj npaj zaub mov cia,
thiab lub caij sau qoob
ntsaum txawj sau los cia.
⁹Neeg tub nkeeg 'e, koj yuav pw ntev li cas?
Thaum twg koj li sawv hauv nruab dab ntub los?
¹⁰Tsaug ib nyuag tsig zog,
ib nyuag qe muag, khawm tes so ib pliag,
¹¹mas txojkev pluag yuav los txog koj
yam nkaus li tub sab tuaj lws,
thiab kev txom nyem yuav los
yam nkaus li tus coj ntaj coj riam tuaj lws.

¹²Tus neeg tsis tsim txiaj,
yog neeg limhiam, dag taug zej taug zos,
¹³nws zij ncaug ntxi muag,
nws ua tes ua taw ntxias, nws taw tes nki,
¹⁴nws lub siab nkhaus xav tswvyim ua phem,
nws pheej tshum kom muaj kev tsis sib hum.
¹⁵Vim li no vij sub vij sw
yuav los raug nws sai sai,
ib pliag ntshis xwb
yuav raug kev puas ntsoog kho tsis tau.

¹⁶Muaj rau yam uas Yawmsaub ntxub,
yog muaj xya yam⚓
uas nws ntxub kawg li, yog li no
¹⁷qhov muag qauj luj les, nplaig dag,
thiab txhais tes uas tua tus neeg tsis txhaum,
¹⁸lub siab uas ntaus tswvyim ua limhiam,
txhais kotaw uas maj nroos mus ua phem,
¹⁹tus cuav timkhawv uas ua pa xwb
los puavleej yog dag,
thiab tus uas tshum ua rau kwvtij tsis sib hum.

Ntuas kev nkauj kev nraug

²⁰Kuv tub 'e, cia li tuav rawv
koj txiv tej lus nkaw
thiab tsis txhob muab
koj niam tej lus qhia pov tseg.
²¹Muab tej lus ntawd khi
rau koj lub siab mus ib txhis,
muab khi rau ntawm koj caj dab.
²²Thaum koj mus kev tej lus ntawd yuav coj koj,
thaum koj pw tej lus ntawd yuav tsom kwm koj,
thiab thaum koj sawv tej lus ntawd yuav qhia koj.
²³Rau qhov tej lus nkaw ntawd yog lub teeb ci
thiab tej lus qhia ntawd yog qhov kaj,
thiab tej lus qhuab ntuas
yog qhia koj paub ua neej,
²⁴xwv thiaj tiv thaiv koj ntawm tus pojniam phem
thiab tiv thaiv ntawm tus pojniam
taug zej taug zos ncauj qab zib nplaig qab ntse.
²⁵Koj tsis txhob qaug siab
rau qhov uas nws zoo nkauj,
tsis txhob cia nws txiav muag ntxias tau koj.
²⁶Ib lub ncuav xwb ntiav tau tus poj muag cev,
tiamsis qhov uas mus nrog luag tus pojniam pw
mas yuav txov koj txojsia.
²⁷Ib tug txivneej yuav puag nplaim taws
rau ntawm nws hauv siab
es nws lub tsho tsis kub hnyiab tau thiab lov?
²⁸Lossis ib tug txivneej yuav tsuj
saum cov ncaig taws uas kub heev
es nws txhais kotaw
tsis kub hnyiab tau thiab lov?
²⁹Tus uas mus nrog luag pojniam pw
kuj zoo ib yam li ntawd.
Tsis muaj ib tug twg uas kov luag tus pojniam
es yuav tsis raug txim.
³⁰Yog tub sab nyiag los noj vim nws tshaib heev
mas tsis muaj leejtwg thuam nws.
³¹Yog ntes tau mas nws yuav them xya npaug,
nws yuav muab tej qhov txhia chaw
hauv nws tsev huvsi them.
³²Tus uas ntxias luag pojniam
yeej yog tsis thoob tsib,
tus uas ua li ntawd kuj yog nws
rov rhuav nws ua kom puam tsuaj.
³³Nws yuav raug luag nplawm
thiab poob ntsej muag,
ntxuav tsis tau nws qhov txaj muag ploj li.
³⁴Qhov uas khib xeeb ua rau neeg
npau taws kawg nkaus,
mas hnub uas nws ua pauj
nws tsis tswj nws lub zog li.
³⁵Nws yuav tsis kam yuav
ib qho nyiaj sam hwm li,
txawm yog yeem muab ntau
los nws yeej tsis yib.