49

Yawmsaub tug qhev

¹Tej tebchaws lawv ntug havtxwv 'e,
ca le noog kuv has,
mej cov tuabneeg kws nyob deb 'e,
ca tig ntsej noog.
Yawmsaub hu kuv txwj thaus nruab thab lug,
nwg tis kuv npe txwj thaus kuv nyob huv kuv nam lub plaab lug.
²Nwg ua kuv lub qhov ncauj ntse le raab ntaaj,
nwg muab kuv nraim rua huv nwg txhais teg tug duab ntxoo.
Nwg muab kuv ua raab xub kws muab txhuam zoo zoo lawm,
nwg muab kuv zais rua huv nwg lub raaj xub.
³Nwg has rua kuv tas,
“Yixayee, koj yog kuv tug qhev,
kuv yuav tau koob meej ntawm koj.”
⁴Tassws kuv has tas,
“Kuv ua num khwv dawb dawb xwb,
kuv nkim kuv tug zug do do qhuav qhawv xwb.
Tassws kuv txujcai nyob ntawm Yawmsaub,
hab kuv tug nqe zug nyob ntawm kuv tug Vaajtswv.”

⁵Yawmsaub yog tug kws puab kuv huv lub plaab lug ua nwg tug qhev
hab coj Yakhauj rov lug cuag nwg
hab qaws Yixayee sau zog ua ke lug cuag nwg,
vem yog kuv tau koob meej ntawm Yawmsaub lub qhov muag,
hab kuv tug Vaajtswv yog kuv tug daag tug zug.
⁶Nwg has tas, “Qhov kws koj yuav
ua kuv tug qhev es tsaa Yakhauj cov xeem sawv
hab pub cov kws tseed tshuav nyob huv Yixayee
rov tau zoo le qub yog ib qho miv miv xwb.
Kuv yuav pub koj ua lub teeb kws ci rua ib tsoom tebchaws,
sub kuv txujkev cawm dim txhad moog txug qaab ntuj kawg.”

⁷Yawmsaub kws yog tug txhwv Yixayee
hab yog tug Dawb Huv huv cov Yixayee,
has le nuav rua tug kws ib tsoom tebchaws saib tsw taug hab ntxub kawg,
yog cov tuabneeg kws kaav le tub qhe, has tas,
“Tej vaajntxwv yuav tsaa muag saib hab sawv tseeg,
cov thawj yuav pum hab yuav pe,
vem Yawmsaub yog tug kws ua ncaaj,
nwg yog tug Dawb Huv huv cov Yixayee,
yog tug kws xaiv koj lawm.”

Yixayee yuav rov zoo le qub

⁸Yawmsaub has le nuav tas,
“Lub swjhawm kws kuv hlub, kuv yuav teb koj,
nub kws cawm dim, kuv yuav paab koj.
Kuv yuav tsom kwm koj
hab pub koj ua lu lug cog tseg rua ib tsoom tuabneeg,
sub txhad le tuav tau lub tebchaws nyob ruaj
hab rov muab tej teb kws nyob do cuas faib ua qub txeeg qub teg,
⁹hab has rua cov kws raug kaw tas, ‘Ca le tawm lug lauj,’
hab has rua cov kws nyob huv qhov tsaus ntuj tas,
‘Ca le tshwm plawg lug.’
Puab yuav nrhav noj ntawm tej ntug kev,
hab sau tej roob do hau yuav ua puab lub tshaav zaub.
¹⁰Puab yuav tsw tshaib tsw nqhes,
tej cua kub hab lub nub yuav tsw hlawv puab
tsua qhov tug kws khuvleej puab yuav coj puab,
nwg yuav coj puab taug kev ze tej qhov dej txhawv.
¹¹Kuv yuav muab kuv tej roob huvsw ua txujkev,
kuv tej nam kev yuav raug muab tswm tsaa ca.
¹²Saib maj, puab yuav lug deb deb lug,
saib maj, puab lug saab peg hab saab nub poob,
hab puab lug tebchaws Xi‑ene⚓ lug.”

¹³Lub ntuj 'e, ca le hu nkauj zoo sab xyiv faab,
lub nplajteb 'e, ca le xyiv faab kawg,
tej roob 'e, ca le tsaa suab hu nkauj,
tsua qhov Yawmsaub nplig nwg haiv tuabneeg lub sab,
hab yuav taab ncuab nwg cov tuabneeg
kws raug kev txom nyem nyuaj sab.

¹⁴Tassws Xi‑oo has tas, “Yawmsaub tso kuv tseg lawm,
kuv tug Tswv nov qaab kuv lawm.”
¹⁵“Tug quaspuj yuav nov qaab nwg tug mivnyuas kws tseed noj mig,
hab tsw taab ncuab tug tub kws nwg yug tau hab lov?
Txawm yog puab tseed nov qaab tau
los kuv yuav tsw nov qaab koj.
¹⁶Saib maj, kuv sais koj rua huv kuv xwb teg,
koj lub ntsaa loog nyob rawv ntawm kuv xubndag.
¹⁷Cov kws tswm khu koj kuj kov yeej cov kws ua kuas puam tsuaj,⚓
cov kws ua rua koj raug tso tseg nyob do cuas
kuj tswv ntawm koj moog lawm.
¹⁸Ca le tsaa muag saib ib ncig hab pum,
puab suavdawg tuaj txoos ua ke, puab tuaj cuag koj.”
Yawmsaub has tas, “Kuv muaj txujsa nyob pum,
koj yuav muab puab lug coj ib yaam le coj tej npauj nyaj npauj kub,
koj yuav muab puab coj ib yaam le tug nkauj nyaab coj npauj.

¹⁹“Txawm yog koj tej chaw raug muab tso tseg nyob do cuas
hab koj lub tebchaws raug lamswm taag,
los nwgnuav koj yeej yuav nqaim dhau
tsw txaus koj cov tuabneeg nyob,
hab cov kws nqog koj yuav nyob deb deb lawm.
²⁰Cov mivnyuas kws yug rua thaus koj quaj ntsuag poob tebchaws
yuav has rua koj lub qhov ntsej tas,
‘Lub chaw nuav nqaim dhau tsw txaus kuv nyob,
ca le nrhav chaw rua kuv nyob.’
²¹Thaus hov koj yuav has huv lub sab tas,
‘Leejtwg yug cov tuabneeg nuav rua kuv?
Kuv cov mivnyuas tuag hab kuv xeeb tsw taug mivnyuas lawm.
Kuv raug poob tebchaws hab raug ntab tswv taag lawm,
mas leejtwg tu cov mivnyuas nuav?
Saib maj kuv raug muab tso tseg nyob tuab leeg,
es cov nuav tawm hovtwg lug?’ ”

²²Vaajtswv Yawmsaub has le nuav tas,
“Kuv yuav tsaa kuv txhais teg cu rua ib tsoom tebchaws,
hab tsaa kuv tug chij rua ib tsoom tuabneeg,
mas puab yuav puag koj cov tub rua ntawm xubndag lug,
hab yuav rws koj cov ntxhais sau xub pwg lug.
²³Tej vaajntxwv yuav ua koj txwv tshab,
hab tej puj vaaj yuav ua koj nam tshab tu koj.
Puab cov nuav yuav khoov ntshws rua huv aav pe koj,
puab yuav yaim moov aav ntawm koj kwtaw.
Tes koj txhad paub tas kuv yog Yawmsaub.
Cov kws tog ntsoov kuv yuav tsw raug txaaj muag.”

²⁴Yuav txeeb tau tej kws tug muaj zug heev lws tau rov lug lov?
Lossws cawm cov kws tug limham ndais ntuj nteg tau kuas dim lov?
²⁵Yawmsaub yeej has le nuav tas,
“Txawm yog cov kws raug tug muaj zug heev nteg lawm
los yuav muab txeeb tau rov lug,
hab tej kws tug limham ndais ntuj lws tau lawm
los yuav cawm kuas dim tau rov lug,
tsua qhov kuv yuav tawm tsaam cov kws tawm tsaam koj,
hab kuv yuav cawm koj tej tub ki kuas dim.
²⁶Kuv yuav ua kuas cov kws quab yuam koj rov noj puab cev nqaj,
hab haus puab tej ntshaav qaug ib yaam le qaug cawv txwv maab.
Mas ib tsoom tuabneeg txhad paub tas kuv yog Yawmsaub
yog koj tug cawmseej, yog tug kws txhwv koj
hab yog Yakhauj tug Vaajtswv kws muaj fwjchim.”

49

Yawmsaub tus qhev

¹Tej tebchaws raws ntug hiavtxwv 'e,
cia li mloog kuv hais,
nej cov neeg uas nyob deb 'e,
cia tig ntsej mloog.
Yawmsaub hu kuv txij thaum nruab thiab los,
nws tis kuv npe txij thaum
kuv nyob hauv kuv niam lub plab los.
²Nws ua kuv lub qhov ncauj ntse li rab ntaj,
nws muab kuv nraim rau hauv
nws txhais tes tus duab ntxoov ntxoo.
Nws muab kuv ua rab xub
uas muab txhuam zoo zoo lawm,
nws muab kuv zais rau hauv nws lub raj xub.
³Nws hais rau kuv tias,
“Yixayee, koj yog kuv tus qhev,
kuv yuav tau koob meej ntawm koj.”
⁴Tiamsis kuv hais tias,
“Kuv ua haujlwm khwv dawb dawb xwb,
kuv nkim kuv lub zog
do do qhuav qhawv xwb.
Tiamsis kuv txojcai nyob ntawm Yawmsaub,
thiab kuv tus nqe zog
nyob ntawm kuv tus Vajtswv.”

⁵Yawmsaub yog tus uas puab kuv
hauv lub plab los ua nws tus qhev
thiab coj Yakhauj rov los cuag nws
thiab qaws Yixayee
sau zog ua ke los cuag nws,
vim yog kuv tau koob meej
ntawm Yawmsaub lub qhov muag,
thiab kuv tus Vajtswv
yog kuv lub dag lub zog.
⁶Nws hais tias, “Qhov uas koj yuav ua
kuv tus qhev es tsa Yakhauj cov xeem sawv
thiab pub cov uas tseem tshuav nyob
hauv Yixayee rov tau zoo li qub
yog ib qho me me xwb.
Kuv yuav pub koj ua lub teeb
uas ci rau ib tsoom tebchaws,
kom kuv txojkev cawm dim
thiaj mus txog qab ntuj kawg.”

⁷Yawmsaub uas yog tus txhiv Yixayee
thiab yog tus Dawb Huv hauv cov Yixayee,
hais li no rau tus uas ib tsoom tebchaws
saib tsis taus thiab ntxub kawg,
yog cov neeg uas kav li tub qhe, hais tias,
“Tej vajntxwv yuav tsa muag ntsia
thiab sawv tsees,
cov thawj yuav pom thiab yuav pe,
vim Yawmsaub yog tus uas ua ncaj,
nws yog tus Dawb Huv hauv cov Yixayee,
yog tus uas xaiv koj lawm.”

Yixayee yuav rov zoo li qub

⁸Yawmsaub hais li no tias,
“Lub sijhawm uas kuv hlub, kuv yuav teb koj,
hnub uas cawm dim, kuv yuav pab koj.
Kuv yuav tsom kwm koj thiab pub koj ua
lo lus cog tseg rau ib tsoom neeg,
kom thiaj li tuav tau lub tebchaws nyob ruaj
thiab rov muab tej teb uas nyob do cuas
faib ua qub txeeg qub teg,
⁹thiab hais rau cov uas raug kaw tias,
‘Cia li tawm los lauj,’
thiab hais rau cov uas nyob hauv
qhov tsaus ntuj tias, ‘Cia li tshwm plaws los.’
Lawv yuav nrhiav noj ntawm tej ntug kev,
thiab saum tej roob do hau
yuav ua lawv lub tshav zaub.
¹⁰Lawv yuav tsis tshaib tsis nqhis,
tej cua kub thiab lub hnub
yuav tsis hlawv lawv
rau qhov tus uas khuvleej lawv yuav coj lawv,
nws yuav coj lawv
taug kev ze tej qhov dej txhawv.
¹¹Kuv yuav muab kuv tej roob huvsi ua txojkev,
kuv tej niag kev yuav raug muab tsim tsa cia.
¹²Saib maj, lawv yuav los deb deb los,
saib maj, lawv los sab ped thiab sab hnub poob,
thiab lawv los tebchaws Xi‑ene⚓ los.”

¹³Lub ntuj 'e, cia li hu nkauj zoo siab xyiv fab,
lub ntiajteb 'e, cia li xyiv fab kawg,
tej roob 'e, cia li tsa suab hu nkauj,
rau qhov Yawmsaub
nplij nws haiv neeg lub siab,
thiab yuav khuvleej nws cov neeg
uas raug kev txom nyem nyuaj siab.

¹⁴Tiamsis Xi‑oo hais tias,
“Yawmsaub tso kuv tseg lawm,
kuv tug Tswv tsis nco qab kuv lawm.”
¹⁵“Tus pojniam yuav tsis nco qab
nws tus menyuam uas tseem noj mis,
thiab tsis khuvleej tus tub
uas nws yug tau thiab lov?
Txawm yog lawv tseem tsis nco qab tau
los kuv pheej yuav nco ntsoov koj.
¹⁶Saib maj, kuv sais koj rau hauv kuv xib teg,
koj lub ntsa loog nyob rawv
ntawm kuv xubntiag.
¹⁷Cov uas tsim kho koj
kuj kov yeej cov uas ua kom puam tsuaj,⚓
cov uas ua rau koj raug tso tseg nyob do cuas
kuj khiav ntawm koj mus lawm.
¹⁸Cia li tsa muag ntsia puag ncig thiab pom,
lawv sawvdaws tuaj txoos ua ke,
lawv tuaj cuag koj.”
Yawmsaub hais tias,
“Kuv muaj txojsia nyob pom,
koj yuav muab lawv los coj
ib yam li coj tej npauj nyiaj npauj kub,
koj yuav muab lawv coj
ib yam li tus nkauj nyab coj npauj.

¹⁹“Txawm yog koj tej chaw
raug muab tso tseg nyob do cuas
thiab koj lub tebchaws raug liamsim tag,
los nimno koj yeej yuav nqaim dhau
tsis txaus koj cov neeg nyob,
thiab cov uas nqos koj
yuav nyob deb deb lawm.
²⁰Cov menyuam uas yug rau thaum
koj quaj ntsuag poob tebchaws
yuav hais rau koj lub qhov ntsej tias,
‘Lub chaw no nqaim dhau tsis txaus kuv nyob,
cia li nrhiav chaw rau kuv nyob.’
²¹Thaum ntawd koj yuav hais hauv lub siab
tias, ‘Leejtwg yug cov neeg no rau kuv?
Kuv cov menyuam tuag
thiab kuv xeeb tsis taus menyuam lawm.
Kuv raug poob tebchaws
thiab raug ntiab khiav tag lawm,
mas leejtwg tu cov menyuam no?
Saib maj kuv raug muab tso tseg
nyob tib leeg, es cov no tawm qhovtwg los?’ ”

²²Vajtswv Yawmsaub hais li no tias,
“Kuv yuav tsa kuv txhais tes
co rau ib tsoom tebchaws,
thiab tsa kuv tus chij rau ib tsoom neeg,
mas lawv yuav puag koj cov tub
rau ntawm xubntiag los,
thiab yuav ris koj cov ntxhais
saum xub pwg los.
²³Tej vajntxwv yuav ua koj txiv tshiab,
thiab tej poj vaj
yuav ua koj niam tshiab tu koj.
Lawv cov no yuav khoov ntshis
rau hauv av pe koj,
lawv yuav yaim hmoov av ntawm koj kotaw.
Ces koj thiaj paub tias kuv yog Yawmsaub.
Cov uas tos ntsoov kuv
yuav tsis raug txaj muag.”

²⁴Yuav txeeb tau tej uas tus muaj zog heev
lws tau rov los lov?
Lossis cawm cov uas
tus limhiam ntais ntuj ntes tau kom dim lov?
²⁵Yawmsaub yeej hais li no tias,
“Txawm yog cov uas raug
tus muaj zog heev ntes lawm
los yuav muab txeeb tau rov los,
thiab tej uas tus limhiam ntais ntuj
lws tau lawm los yuav cawm
kom dim tau rov los,
rau qhov kuv yuav tawm tsam
cov uas tawm tsam koj,
thiab kuv yuav cawm koj tej tub ki kom dim.
²⁶Kuv yuav ua kom cov uas quab yuam koj
rov noj lawv cev nqaij,
thiab haus lawv tej ntshav qaug
ib yam li qaug cawv txiv hmab.
Mas ib tsoom neeg thiaj paub tias
kuv yog Yawmsaub yog koj tus cawmseej,
yog tus uas txhiv koj thiab yog Yakhauj
tus Vajtswv uas muaj hwjchim.”