22

Klei Hưn Êlâo Bi Kdơ̆ng Hŏng Yêrusalem

¹Klei blŭ djŏ kơ tlung klei bi ƀuh:
Ya klei truh bi rŭng diih
tơl jih jang diih đĭ leh ti dlông čuôr găp?
²Ơ ƀuôn bŏ hŏng klei hao hao,
bŏ hŏng ênai ur ngă klei hơ̆k mơak?
Phung djiê ih arăng amâo bi mdjiê hŏng đao gưm ôh,
kăn diñu djiê hlăm klei bi blah rei.
³Jih jang phung khua kiă kriê diih êran đuĕ mđrăm mbĭt;
arăng mă čăp diñu amâo yua hna ôh.
Arăng mă čăp leh jih jang hlăm phung ƀuôn sang diih arăng ƀuh,
wăt tơdah diñu đuĕ leh kbưi.
⁴Kyuanăn kâo lač, “Đăm dlăng kơ kâo ôh,
lui kâo hia ênguôt snăk.
Đăm duah bi juh kâo ôh,
kyua klei bi rai anak mniê phung ƀuôn sang kâo.”

⁵Kyuadah Khua Yang Yêhôwa kơ phung kahan bi truh hruê
klei rŭng răng, klei ktư̆ juă, leh anăn klei mĭn lŭk lăk hlăm tlung klei bi ƀuh;
klei bi klưh mnư̆ leh anăn klei ur truh kơ čư̆.
⁶Phung Êlam čiêng đĭng tiông
mbĭt hŏng lu êdeh aseh leh anăn phung kahan đĭ aseh.
Phung Kir djă khil.
⁷Jih jang tlung ih siam hĭn bŏ hŏng êdeh aseh,
leh anăn phung kahan đĭ aseh dăp leh kơ klei bi blah ti ƀăng jang ƀuôn.
⁸Ñu mă hĕ leh mnơ̆ng mgang čar Yuđa.

Hlăm hruê anăn diih knang kơ
mnơ̆ng bi blah hlăm Sang Kmrơ̆ng.
⁹Diih ƀuh lu ƀăng hluh hlăm ƀuôn Y-Đawit;
diih bi kƀĭn mbĭt êa mơ̆ng êa ênao ti gŭ.
¹⁰Diih yap sang hlăm ƀuôn Yêrusalem,
leh anăn diih bi klưh hĕ phung sang anăn čiăng bi kjăp mnư̆.
¹¹Diih ngă sa êa ênao prŏng plah wah dua tal mnư̆
čiăng pioh êa mơ̆ng ênao hđăp,
ƀiădah diih amâo knang ôh kơ Pô ngă klei anăn,
kăn diih uêñ rei kơ Pô čuăn leh klei anăn mơ̆ng sui.

¹²Hlăm hruê anăn Khua Yang Yêhôwa kơ phung kahan
iêu diih kơ klei hia, kơ klei kơŭ kyăm,
kơ klei kuêh kŏ, leh anăn kơ klei hơô klŭng.
¹³ Ƀiădah lĕ nĕ anei, mâo klei hơ̆k leh anăn klei mơak,
arăng koh êmô leh anăn bi mdjiê biăp,
arăng ƀơ̆ng kđeh čĭm leh anăn mnăm kpiê.
“Brei drei ƀơ̆ng huă leh anăn mnăm,
kyuadah mgi drei srăng djiê.”
¹⁴Yêhôwa kơ phung kahan bi êdah leh ñu pô blŭ kơ knga kâo, “Sĭt nik arăng amâo srăng pap brei kơ diih klei wê anei ôh tơl diih djiê,” Khua Yang Yêhôwa kơ phung kahan lač.

Y-Êliakim Srăng Hrô Y-Sêpna

¹⁵Snei Khua Yang Yêhôwa kơ phung kahan lač,
“Nao lač bĕ kơ pô kiă ngăn,
Y-Sêpna, pô jing khua sang mtao:
¹⁶Ya ih dôk ngă tinei, leh anăn hlei jing găp djuê leh
tơl ih ngă kơ ih pô sa boh msat tinei?
Ih klei kơ ih pô sa boh msat ti anôk dlông,
ih krah anôk dôk kơ ih pô hlăm boh tâo.

¹⁷Nĕ anei, Ơ mnuih ktang, Yêhôwa srăng hwiê ih ktang kơ anôk kbưi.
Ñu srăng djă păn ih kjăp,
¹⁸ñu srăng mdar ih pral leh anăn bhĭr ih msĕ si bhĭr boh čưng kơ sa bĭt anôk ƀai.
Tinăn ih srăng djiê,
tinăn jih êdeh aseh guh kơang ih srăng dôk,
Ơ pô bi hêñ sang khua ih.
¹⁹Kâo srăng suôt ih mơ̆ng bruă ih;
arăng srăng dlăm ih mơ̆ng anôk ih dôk.
²⁰Hlăm hruê anăn kâo srăng iêu dĭng buăl kâo, Y-Êliakim anak êkei Y-Hilkia. ²¹Kâo srăng bi hơô ñu hŏng ao ih, kâo srăng hyuă ñu hŏng hdrăng kơiêng ih, leh anăn kâo srăng jao klei ih kiă kriê hlăm kngan ñu. Ñu srăng jing sa čô ama kơ phung dôk hlăm ƀuôn Yêrusalem leh anăn kơ sang Yuđa. ²² Kâo srăng dưm kliăng sang Y-Đawit ti dlông mra ñu; ñu srăng pŏk leh anăn amâo mâo pô dưi kđăl ôh; ñu srăng kđăl leh anăn amâo mâo pô dưi pŏk ôh. ²³Kâo srăng pơ̆ng ñu msĕ si msei kđĭn hlăm anôk kjăp, leh anăn ñu srăng jing sa boh jhưng mtao guh kơang kơ sang ama ñu. ²⁴Arăng srăng yuôl kă ti ñu jih klei guh kơang sang ama ñu, phung čô čĕ wăt phung hlăm sang, jih jang čhiên mngan đơ điêt mơ̆ng hmăm hlao hlŏng kơ čeh điêt. ²⁵Hlăm hruê anăn, Yêhôwa kơ phung kahan lač, hnim pơ̆ng leh hlăm anôk kjăp srăng kbuč hĕ; arăng srăng bi joh ñu, leh anăn ñu lĕ ti gŭ, leh anăn mnơ̆ng ktrŏ ti ñu arăng srăng bi rai hĕ.” Kyua Yêhôwa lač leh klei anăn.

22

A Prophecy About Jerusalem

¹A prophecy against the Valley of Vision:
What troubles you now,
that you have all gone up on the roofs,
²you town so full of commotion,
you city of tumult and revelry?
Your slain were not killed by the sword,
nor did they die in battle.
³All your leaders have fled together;
they have been captured without using the bow.
All you who were caught were taken prisoner together,
having fled while the enemy was still far away.
⁴Therefore I said, “Turn away from me;
let me weep bitterly.
Do not try to console me
over the destruction of my people.”

⁵The Lord, the Lord Almighty, has a day
of tumult and trampling and terror
in the Valley of Vision,
a day of battering down walls
and of crying out to the mountains.
⁶Elam takes up the quiver,
with her charioteers and horses;
Kir uncovers the shield.
⁷Your choicest valleys are full of chariots,
and horsemen are posted at the city gates.

⁸The Lord stripped away the defenses of Judah,
and you looked in that day
to the weapons in the Palace of the Forest.
⁹You saw that the walls of the City of David
were broken through in many places;
you stored up water
in the Lower Pool.
¹⁰You counted the buildings in Jerusalem
and tore down houses to strengthen the wall.
¹¹You built a reservoir between the two walls
for the water of the Old Pool,
but you did not look to the One who made it,
or have regard for the One who planned it long ago.

¹²The Lord, the Lord Almighty,
called you on that day
to weep and to wail,
to tear out your hair and put on sackcloth.
¹³But see, there is joy and revelry,
slaughtering of cattle and killing of sheep,
eating of meat and drinking of wine!
“Let us eat and drink,” you say,
“for tomorrow we die!”
¹⁴The Lord Almighty has revealed this in my hearing: “Till your dying day this sin will not be atoned for,” says the Lord, the Lord Almighty.
¹⁵This is what the Lord, the Lord Almighty, says:
“Go, say to this steward,
to Shebna the palace administrator:
¹⁶What are you doing here and who gave you permission
to cut out a grave for yourself here,
hewing your grave on the height
and chiseling your resting place in the rock?

¹⁷“Beware, the Lord is about to take firm hold of you
and hurl you away, you mighty man.
¹⁸He will roll you up tightly like a ball
and throw you into a large country.
There you will die
and there the chariots you were so proud of
will become a disgrace to your master’s house.
¹⁹I will depose you from your office,
and you will be ousted from your position.
²⁰“In that day I will summon my servant, Eliakim son of Hilkiah. ²¹I will clothe him with your robe and fasten your sash around him and hand your authority over to him. He will be a father to those who live in Jerusalem and to the people of Judah. ²²I will place on his shoulder the key to the house of David; what he opens no one can shut, and what he shuts no one can open. ²³I will drive him like a peg into a firm place; he will become a seat⚓ of honor for the house of his father. ²⁴All the glory of his family will hang on him: its offspring and offshoots—all its lesser vessels, from the bowls to all the jars.
²⁵“In that day,” declares the Lord Almighty, “the peg driven into the firm place will give way; it will be sheared off and will fall, and the load hanging on it will be cut down.” The Lord has spoken.