19
Eliyas Nce Mus Saum Roob Xinais
1Vajntxwv Ahaj piav txhua yam uas Eliyas ua thiab zaj uas Eliyas tua cov xibhwb cev Npa-as lus ntawd rau Yexenpees uas yog niam vajntxwv mloog.
2Yexenpees txawm tso neeg mus hais rau Eliyas hais tias: “Tagkis thaum txog lub caij no yog kuv tsis tau ua rau koj ib yam li koj ua rau cov xibhwb cev Npa-as lus, thov tej vajtswv cia li muab kuv tua kom tuag.”
3Eliyas ntshai heev, nws thiaj nrhiav kev khiav nkaum; nws coj nws tus tubtxib mus rau nram lub nroog Npesenpas uas nyob hauv lub xeev Yudas.
Eliyas muab nws tus tubtxib tso tseg rau nrad,
4Eliyas mus ib hnub ke rau tom roob mojsab qhua. Nws mus nkaum tshav rau hauv ib tsob qab ntoos thiab nws xav tuag lawm xwb. Nws thiaj thov Vajtswv hais tias, “Tus TSWV, txaus kuv lawm lauj. Cia li rho kuv txojsia mus; kuv tuag yuav zoo dua!”
5Nws txawm qhau cev hlo pw hauv qab ntoos thiab tsaug zog hlias lawm. Ces tamsim ntawd txawm muaj ib tug timtswv ceebtsheej los tuav nkaus nws thiab hais tias, “Eliyas, koj cia li sawv los noj mov.”
6Eliyas tsim dheev los xam ncig lees, nws pom ib lub ncuav thiab ib hub dej nyob ze ntawm nws taubhau. Nws txawm muab los noj thiab haus tas, nws rov qhau cev pw dua lawm thiab.
7Ces tus TSWV tus timtswv rov los tsa Eliyas dua zaum ob hais tias, “Eliyas, koj cia li sawv los thiab noj mov, nyob tsam koj tsis muaj zog taug kev.”
8Eliyas sawv los noj mov thiab haus dej, cov mov ntawd ua rau nws muaj zog taug kev tau plaub caug hnub mus txog rau tom Roob Xinais uas yog Vajtswv lub roob dawbhuv.
9Eliyas nkag mus pw ib hmos hauv qhovtsua.
Ces tus TSWV txawm los hais rau Eliyas hais tias, “Eliyas, koj tuaj ua dabtsi ntawm no?”
10Eliyas teb hais tias, “Tus TSWV uas yog Vajtswv tus muaj hwjchim loj kawg nkaus, kuv ibtxwm ua koj tes haujlwm. Tiamsis cov Yixalayees tsis coj raws li tej lus uas lawv tau cog tseg rau koj, lawv muab koj tej thaj rhuav thiab muab koj cov cevlus tua povtseg tas lawm. Tsuas tshuav kuv tib leeg xwb los lawv tseem nrhiav kuv tua povtseg thiab!”
11Tus TSWV teb Eliyas hais tias, “Koj cia li tawm mus sawv saum ncov roob tabmeeg kuv.” Tus TSWV txawm hla los mus thiab ua cua daj cua dub ntsawj tej pov roob tawg pleb zom zaws thiab tej pobzeb tawg dawbvog, tiamsis tus TSWV tsis nyob hauv cov cua ntawd. Tom qab cua tu lawm, txawm muaj av qeeg, tiamsis tus TSWV tsis nyob hauv qhov av qeeg ntawd thiab.
12Tom qab av qeeg tas txawm muaj hluavtaws, tiamsis tus TSWV tsis nyob hauv cov hluavtaws ntawd li thiab. Ces thaum cov hluavtaws dhau lawm, txawm muaj ib lub suab hais yau yau tuaj.
13Thaum Eliyas hnov lub suab ntawd, nws txawm muab nws lub tsho los npog nws ntsejmuag thiab tawm mus sawv ntawm rooj tsuas. Muaj ib lub suab hais rau Eliyas hais tias, “Eliyas, koj tuaj ua dabtsi ntawm no?”
14Eliyas teb hais tias, “Tus TSWV uas yog Vajtswv tus muaj hwjchim loj kawg nkaus, kuv yeej ibtxwm ua koj tes haujlwm. Tiamsis cov Yixalayees tsis coj raws li tej lus uas lawv tau cog tseg rau koj, lawv muab koj tej thaj rhuav thiab muab koj cov cevlus tua povtseg tas lawm. Tsuas tshuav kuv tib leeg xwb los lawv tseem nrhiav kuv tua povtseg thiab!”
15Tus TSWV hais tias, “Koj cia li rov qab mus rau pem tebchaws mojsab qhua uas ze lub nroog Damaxes, mus rau hauv lub nroog thiab muab roj hliv rau Haxayees taubhau tsa nws ua cov Xilias tus vajntxwv;
16muab roj hliv rau saum Nimesis tus tub Yehus taubhau, tsa nws ua vajntxwv kav lub tebchaws Yixalayees, thiab muab roj hliv rau saum Safas uas yog neeg Anpees Mehaulas tus tub Elisas taubhau tsa nws ua tus cev kuv lus hloov koj chaw.
17Yog leejtwg khiav dim tsis raug Haxayees tua tuag, tus ntawd yuav raug Yehus tua tuag, thiab yog leejtwg khiav dim tsis raug Yehus tua tuag, tus ntawd yuav raug Elisas tua tuag.
18Tiamsis kuv tseem tseg xya txhiab leej nyob hauv lub tebchaws Yixalayees no. Lawv yog cov uas muaj lub siab npuab kuv, lawv tsis tau txhos caug pe Npa-as thiab nwj nws cov mlom li.”
Eliyas Hu Elisas Los ua Haujlwm
19Eliyas mus ntsib Elisas thaum nws tseem tabtom tsav khais laij teb; muaj kaum ib nkawm laij ua nws ntej, nws yog tus uas tsav khais rau nkawm heev nyuj kawg tom qab. Eliyas hle hlo nws lub tsho loj thiab muab rau Elisas hnav.
20Elisas txawm tso plhuav nws ob tug nyuj tseg, mus caum Eliyas qab thiab hais tias, “Thov cia kuv mus nwj kuv niam kuv txiv ncaim nkawd tso kuv mam li nrog koj mus.”
Eliyas teb hais tias, “Tau los mas, koj cia li mus, kuv tsis txwv koj li!”
21Elisas txawm muab nws ob tug heev nyuj tua thiab muab tus quab los ua taws rauv hau cov nqaij. Elisas muab cov nqaij nyuj faib rau sawvdaws noj. Ces Elisas txawm nrog Eliyas mus thiab ua tus pab Eliyas lawm.
19
Eliya tswv moog rua lub roob Haule
1Ahaj txawm pav txhua yaam kws Eliya ua hab qhov kws nwg xuas ntaaj tua cov txwv neeb huvsw rua Yexenpee paub.
2Tes Yexenpee txawm tso ib tug xaa xuv moog has rua Eliya tas, “Yog pigkig lub swjhawm nuav kuv tsw ua rua koj txujsa zoo ib yaam le cov kws tu sav hov, kuj ca tej daab rau txem rua kuv hab rau nyaav dua.”
3Tes Eliya ntshai heev, hab sawv tseeg tswv kuas dim txujsa. Nwg moog txug rua lub moos Npe‑awsenpa huv Yuta tebchaws hab tseg nwg tug qhev nyob hov ntawd.
4Tassws nwg tuab leeg tswv moog ib nub ke huv tebchaws moj saab qhua hab moog nyob tsawg huv qaab ib tsob nyuas ntoo ntxhuv hab thov Yawmsaub ca nwg tuag, has tas, “Txaus kuv lawm lauj! Au Yawmsaub, nwgnuav thov koj rhu kuv txujsa moog, tsua qhov kuv zoo tsw dua le kuv tej laug.”
5Tes nwg txawm pw tsaug zug rua huv qaab tsob ntoo hov, tes txawm muaj ib tug tubkhai ntuj lug kov nwg hab has rua nwg tas, “Ca le sawv tseeg lug noj mov.”
6Eliya tsaa muag saib ua cav pum muaj ib lub ncuav ci sau tej pob zeb kws kub quas lug hab muaj ib lub nyuas hub dej txawb ncaaj ntawm nwg taubhau. Nwg txawm noj hab haus tes rov qaab pw.
7Yawmsaub tug tubkhai ntuj kuj rov lug dua zag ob kov nwg hab has tas, “Ca le sawv tseeg lug noj mov, koj txhad le muaj zug taug txujkev kws koj moog.”
8Nwg txawm sawv tseeg lug noj hab haus taag mas cov mov hov pub nwg muaj zug moog tau plaub caug nub plaub caug mo le txug Vaajtswv lub roob Haule.⚓
9Nwg moog txug ib lub qhov tsua tes txawm moog su ib mos rua huv.
Mas Yawmsaub has lug tuaj rua nwg, hab has rua nwg tas, “Eliya, koj ua daabtsw ntawm nuav?”
10Eliya has tas, “Kuv kub sab quas lug rua Vaajtswv Yawmsaub kws muaj fwjchim luj kawg nkaus, vem cov Yixayee muab koj tej lug cog tseg tso tseg, hab rhuav tej thaaj kws xyeem rua koj pov tseg hab xuas ntaaj tua koj cov xwbfwb cev lug. Tsuas tshuav kuv tuab leeg xwb los puab tseed nrhav txuv kuv txujsa hab.”
11Mas Yawmsaub has tas, “Ca le tawm moog sawv sau lub roob taab meeg Yawmsaub xubndag, vem Yawmsaub yuav hlaa lug moog.” Mas cua ntsawj hlub hlub hab muaj zug heev ua rua tej roob tawg pleb zum zawg hab tej pob zeb dha dawb vog rua ntawm Yawmsaub xubndag, tassws Yawmsaub tsw nyob huv tej cua hov. Dhau tej cua hov lawm, aav txawm qeg ua zug quas kais, tassws Yawmsaub kuj tsw nyob huv cov aav qeg ua zug quas kais hov.
12Dhau aav qeg ua zug quas kais lawm, kuj muaj suavtawg, tassws Yawmsaub tsw nyob huv cov suavtawg hov. Dhau cov suavtawg hov lawm muaj ib lub suab has yau yau tuaj.
13Thaus Eliya nov lawd, nwg txawm muab nwg lub tsho ntev kauv nwg lub plhu tawm moog sawv ntawm roob tsua, tes txawm muaj ib lub suab has tuaj rua nwg tas, “Eliya, koj ua daabtsw ntawm nuav?”
14Nwg teb tas, “Kuv kub sab quas lug rua Vaajtswv Yawmsaub kws muaj fwjchim luj kawg nkaus, vem cov Yixayee muab koj tej lug cog tseg tso tseg, hab rhuav tej thaaj kws xyeem rua koj pov tseg hab xuas ntaaj tua koj cov xwbfwb cev lug. Tsuas tshuav kuv tuab leeg xwb los puab tseed nrhav txuv kuv txujsa hab.”
15Mas Yawmsaub has rua nwg tas, “Ca le rov qaab taug koj txujkev moog rua huv tebchaws moj saab qhua ntawm Ntamaxaka. Thaus koj moog txug lawd, koj ca le laub roj tsaa Haxa‑ee ua vaajntxwv kaav Alaa tebchaws.
16Hab koj yuav laub roj tsaa Yehu kws yog Nisi tug tub ua vaajntxwv kaav Yixayee tebchaws. Hab tsaa Elisa kws yog Safa tug tub kws yog tuabneeg huv lub moos Anpee Mehaula ua xwbfwb cev Vaajtswv lug nyob koj chaw.
17Mas tug kws dim Haxa‑ee raab ntaaj Yehu yuav muab tua. Tug kws dim Yehu raab ntaaj Elisa yuav muab tua.
18Tassws kuv yuav tseg xyaa txheeb leej huv cov Yixayee ca, yog txhua lub hauv caug kws tsw tau pe daab Npa‑aa hab txhua lub qhov ncauj kws tsw tau nwj tug txoov daab hov.”
Hu Elisa
19Eliya txawm tawm hov ntawd moog. Nwg moog ntswb Elisa kws yog Safa tug tub saamswm laij teb, muaj kaum ib nkawm nyuj laij ua nwg ntej, nwg laij nkawm kws kaum ob. Eliya txawm hlaa lug moog hab muab nwg lub tsho ntev coj moog khwb nkaus rua Elisa.
20Elisa txawm tso plhuav nkawm nyuj hov tseg dha lawv Eliya qaab hab has tas, “Thov ca kuv moog nwj xob kuv nam kuv txwv tsaiv kuv le nrug koj moog.” Eliya has rua nwg tas, “Ca le moog. Kuv tub ua daabtsw rua koj lawm?”
21Tes Elisa txawm tso qhov kws nwg lawv Eliya qaab hov rov lug muab nwg nkawm nyuj tua, muab raab quab rauv hau nqaj nyuj pub rua tej tuabneeg noj. Tes nwg txawm sawv tseeg lawv Eliya qaab moog hab ua koom rua Eliya.