1Tus TSWV hais tias, “Leejtwg nqhis dej, cia li los haus, muaj dej nyob ntawm no! Leejtwg tsis muaj nyiaj, cia li los yuav dawb thiab noj! Cia li los yuav cawv txiv hmab thiab mis nyuj, tsis tas them nyiaj li. 2Vim li cas nej siv nej tej nyiaj mus yuav tej uas tsis yog mov? Vim li cas nej siv nej tej nqi zog mus yuav tej uas tsis txaus nej siab? Cia li mloog kuv hais, nej thiaj tau noj tej zaub mov uas zoo, nej lub siab thiaj tsau npo rau tej zaub mov uas zoo tshaj plaws.
3“Kuv haivneeg, nimno nej cia li mloog thiab los cuag kuv nej thiaj yuav muaj sia nyob! Kuv coglus ruaj khov rau nej mus ibtxhis, thiab kuv yuav muab tej koob hmoov uas kuv twb coglus rau Daviv lawm pub rau nej. 4Kuv tsa Daviv ua ib tug thawjcoj thiab kav txhua haivneeg, thiab kuv yuav qhia kuv lub hwjchim ntawm nws mus rau lawv. 5Nimno nej yuav nqua hu ib tsoom tebchaws tuaj, lawv yeej ibtxwm tsis tau paub nej li, tiamsis nimno lawv yuav los poog nej. Kuv yog tus TSWV nej tus Vajtswv uas yog cov Yixalayees tus Vajtswv uas dawbhuv, kuv yuav ua kom tej no tshwm tuaj; kuv yuav ua kom nej tau koob meej thiab hwjchim.”
6Cia li nrhiav tus TSWV thaum uas tseem yuav ntsib tau nws, cia li thov nws pab thaum nws tseem nyob ze nej. 7Cia cov neeg siab phem tso lawv txojkev phem tseg, thiab cia cov neeg tsis ncaj tso lawv txojkev xav phem tseg. Cia lawv tig los cuag tus TSWV, Vajtswv thiaj yuav hlub lawv; los cuag peb tus Vajtswv, nws thiaj yuav zam lawv lub txim. 8Tus TSWV hais tias, “Tej uas kuv xav zoo tsis thooj li tej uas nej xav, thiab tej uas kuv ua zoo tsis thooj li tej uas nej ua. 9Lub ntuj nyob siab lub ntiajteb no li cas, tej uas kuv ua thiab kuv xav nyob siab tshaj tej uas nej ua thiab nej xav npaum li ntawd.
10“Daus thiab nag los saum nruab ntug los tsis rov qab rau saud lawm, yog los ywg lub ntiajteb kom qoobloo loj hlob tawg paj txi txiv, thiaj muaj noob tseb thiab kom muaj mov rau neeg tau noj. 11Tej lus uas kuv hais tawm lawm zoo ib yam li ntawd ntag; tej lus ntawd yuav tsis rov qab los cuag kuv dawb do ib zaug li, tiamsis yuav tawg paj txi txiv raws li kuv xav tseg lawm, kuv tej lus yuav ua txhua yam uas kuv tso nws mus ua.
12“Nej yuav tawm hauv lub nroog Npanpiloos mus zoo siab hlo, luag yuav coj nej tawm kaj siab lug hauv lub nroog ntawd mus. Tej roob thiab tej pov roob yuav tsa suab hu nkauj, thiab tej xyoob tej ntoo yuav qw zoo siab. 13Ntoo ciab yuav loj hlob tuaj hloov ntoo pos chaw, thiab ntoo tsw qab yuav tuaj hauv hav pos. Tej no yuav ua rau sawvdaws nco ntsoov thiab ua lub cim nco txog kuv uas yog tus TSWV, tus uas tau ua tej no mus ibtxhis li.”
55
Vaajtswv hlub suavdawg
1“Txhua tug kws nqhes ca le lug cuag dej, tug kws tsw muaj nyaj ca le lug yuav hab noj. Ca le lug yuav cawv txwv maab hab kua mig tsw txug them nyaj them nqe. 2Ua caag mej swv mej tej nyaj yuav yaam kws tsw yog zaub mov, hab ua num khwv rua tej kws tsw txaus mej sab? Ca le rau sab noog kuv has, hab noj yaam kws zoo, hab ca le zoo sab rua tej zaub mov kws zoo tshaaj. 3Ca le tig ntsej noog hab lug cuag kuv. Ca le noog sub mej tug ntsuj plig txhad le caj sa nyob. Kuv yuav cog lug tseg moog ib txhws rua mej, yog kuv txujkev hlub ruaj khov kws muaj tseeb rua Tavi. 4Saib maj, kuv muab nwg ua timkhawv rua ib tsoom tuabneeg, ua tug thawj hab tug kws kaav ib tsoom tuabneeg. 5Koj yuav hu tej tebchaws kws koj tsw tau paub dua, hab tej haiv tuabneeg kws tsw tau paub dua koj, yuav dha tuaj cuag koj, vem yog muaj koj tug Vaajtswv Yawmsaub kws yog tug Dawb Huv huv cov Yixayee, tsua qhov nwg pub koob meej rua koj.”
6Ca le nrhav Yawmsaub rua thaus kws tseed ntswb tau, ca le thov nwg rua thaus nwg tseed nyob ze. 7Ca cov tuabneeg limham tso puab tej kev phem tseg, hab tug kws tsw ncaaj nceeg tso nwg tej kev xaav tseg. Ca puab rov lug cuag Yawmsaub sub nwg txhad le khuvleej puab, hab lug cuag peb tug Vaajtswv vem nwg yuav zaam txem huvsw rua puab. 8“Kuv tej kev xaav tsw thooj le mej tej kev xaav, hab mej tej kev tsw thooj le kuv tej kev.” Yawmsaub has le nuav ntaag. 9“Lub ntuj sab dhau lub nplajteb le caag, kuv tej kev kuj sab dua mej tej kev, hab kuv tej kev xaav sab dua mej tej kev xaav le ntawd. 10Naag hab daus xwb daus npu lug sau ntuj lug hab tsw rov qaab moog rua sau, tsuas muaj kws ntub lub nplajteb ua rua lub nplajteb tuaj kaug tuaj ntsuag, pub noob rua tug kws tseb noob hab pub zaub mov rua tug kws noj le caag, 11kuv tej lug kws tawm huv kuv lub qhov ncauj moog kuj zoo ib yaam le ntawd. Tej lug hov yuav tsw rov lug do cuas rua kuv, tassws yuav ua tej kws kuv hom tseg lawd kuas tav, hab ua rua tej kws kuv khaiv moog ua hov hlub tuaj. 12Mej yuav tawm moog ua zoo sab xyiv faab hab raug coj moog kaaj sab quas lug. Tej roob hab tej pov roob yuav tsaa suab hu nkauj ua mej ntej, hab tej ntoo huvsw huv nruab teb yuav npuaj teg. 13Ntoo cab nplooj suab yuav tuaj nyob xuav paug ntsaaj chaw, txwv ntoo roj yuav tuaj nyob xuav paug ntswm chaw. Tej nuav yuav ua lub chaw cim kuas ncu ntsoov Yawmsaub, yuav yog txujci tseem ceeb moog ib txhws kws tsw muab rhuav le.”