1Thaum cov Yudas tus Vajntxwv Yehausafas rov los txog hauv nws lub loog hauv lub nroog Yeluxalees, nws tseem noj qab nyob zoo. 2Muaj ib tug cev Vajtswv lus hu ua Yehus uas yog Hananis tus tub tuaj cuag Vajntxwv Yehausafas thiab hais rau nws tias, “Puas tsimnyog koj pab cov neeg ua phem ua qias thiab hlub cov neeg uas ntxub tus TSWV? Qhov uas koj ua ntawd, ua rau tus TSWV chim heev rau koj. 3Txawm li ntawd los koj tseem ua tau qee yam zoo thiab. Koj tau rhuav tej mlom pojniam Aselas uas tej neeg sawvdaws pheej mus pe, thiab koj ua raws li Vajtswv lub siab nyiam.”
Yehausafas Kev Txhim Kho
4Txawm yog Vajntxwv Yehausafas nyob hauv lub nroog Yeluxalees los nws mus mus los los rau nram Npesenpas thiab pem lub laj roob Efalayees nqua hu kom cov pejxeem sawvdaws rov los cuag tus TSWV uas yog lawv cov yawgkoob tus Vajtswv. 5Vajntxwv tsa ib co txiav txim nyob rau hauv txhua lub nroog uas muaj ntsayeej thaiv hauv tebchaws Yudas 6thiab hais rau lawv tias, “Nej yuav tsum ua tib zoo saib thaum nej txiav txim, rau qhov tsis yog nej txiav txim raws li neeg lub siab nyiam, tiamsis yog raws li tus TSWV lub siab nyiam, nws yuav nrog nraim nej thaum nej txiav txim. 7Nej yuav tsum hwm tus TSWV thiab txiav txim ncaj ncees, rau qhov tus TSWV uas yog peb tus Vajtswv yog tus ncaj ncees, nws tsis xaiv leej twg ntsej muag thiab yuav luag tej nyiaj xiab.” 8Yehausafas tsa cov Levis, cov povthawj thiab cov thawjcoj qee leej ntawm tej cuab hauv lub nroog Yeluxalees ua cov txiav txim rau tus uas ua txhaum rau tus TSWV txoj kevcai lossis cov pejxeem uas nyob hauv lub nroog Yeluxalees tej plaub ntug. 9Yehausafas hais rau lawv tias, “Nej yuav tsum hwm tus TSWV, muab siab npuab nws thiab ua nej tej haujlwm kom ncaj ncees. 10Thaum nej cov neeg uas nyob hauv tej nroog, coj lawv tej plaub ntug tuaj rau nej hais, tsis hais kev sib ntaus sib tua, ua txhaum kevcai lossis tus TSWV tej lus, nej yuav tsum ua tib zoo ntuas thiab qhia kom lawv tsis txhob ua txhaum rau tus TSWV. Yog nej tsis ua li ntawd, tus TSWV txoj kev chim yuav los raug nej thiab cov neeg. Tiamsis yog nej ua nej tes haujlwm ncaj, nej yuav tsis muaj txim. 11Amaliyas uas yog tus Povthawj Hlob, yog tus txiav txim thaum kawg rau tus uas ua txhaum tus TSWV txoj kevcai, thiab Yisamayees tus tub Xenpadiyas uas yog cov Yudas tus tswvxeev, yog tus txiav txim thaum kawg rau tus uas ua txhaum nomtswv kevcai. Cov Levis tes haujlwm yog saib cov txiav txim. Nej tsis txhob qaug zog ua tej haujlwm no, thov tus TSWV nrog nraim tus uas ua ncaj.”
19
Yehu ntuag vaajntxwv Yehausafa
1Cov Yuta tug vaajntxwv Yehausafa rov qaab moog txug nwg tsev huv Yeluxalee zoo. 2Hanani tug tub Yehu kws ua xwbfwb has pum tom hauv ntej txawm tawm moog ntswb vaajntxwv Yehausafa hab has rua nwg tas, “Tswm nyog koj paab cov tuabneeg phem hab hlub cov kws ntxub Yawmsaub lov? Vem le nuav, Yawmsaub txujkev npau tawg poob rua sau koj lawm. 3Txawm le caag kuj xwj, koj muaj ib qhov zoo vem yog koj rhuav tshem tej ncej daab Asela tawm huv lub tebchaws nuav hab rau sab nrhav Vaajtswv.”
Yehausafa tsaa cov kws tu plaub
4Yehausafa nyob huv Yeluxalee, hab tawm moog saib tej pejxeem txwj ntawm lub moos Npe‑awsenpa moog txug peg toj sab Efa‑i tebchaws dua ib zag, hab coj puab rov lug cuag Yawmsaub kws yog puab tej laug tug Vaajtswv. 5Nwg tsaa cov kws tu plaub rua huv Yuta tej moos kws muaj ntsaa loog txhua lub thoob plawg lub tebchaws, 6hab has rua cov kws tu plaub hov tas, “Ca le ua tuab zoo xaav txug tej kws mej yuav ua, tsua qhov tsw yog mej tu plaub kuas hum tuabneeg, tassws mej tu kuas hum Yawmsaub xwb, Yawmsaub nrug nraim mej tu plaub. 7Yog le nuav mej yuav tsum paub ntshai Yawmsaub, hab ceev faaj tej kws mej ua, tsua qhov Yawmsaub kws yog peb tug Vaajtswv tsw ntxeev cai hab tsw saib leejtwg ntsej muag hab tsw yuav nyaj xab.” 8Tsw taag le ntawd Yehausafa tsaa cov Levi hab cov pov thawj qee leej hab Yixayee cov thawj huv txhua xeem huv Yeluxalee ua cov kws tu tej plaub kws ntswg txug Yawmsaub kevcai hab tu tej plaub ntug kws has tsw hum. Puab ua num rua huv Yeluxalee xwb. 9Hab nwg nkaw lug rua puab tas, “Mej yuav tsum paub ntshai Yawmsaub ua tej num nuav. Mej yuav tsum mob sab ua kuas kawg mej lub sab lub ntsws xob tso tseg. 10Thaus mej cov kwvtij kws nyob huv puab tej moos coj puab tej plaub tuaj txug mej tsw has kev sws tua lossws plaub ua txhum txuj kevcai hab tej lug nkaw hab tej kaab ke hab tej kevcai twg kuj xwj mas mej yuav tsum qhuab ntuag puab kuas puab tsw xob ua txhum rua Yawmsaub, mas Yawmsaub txujkev npau tawg txhad tsw poob rua sau mej hab mej cov kwvtij. Mej yuav tsum ua le nuav mej txhad tsw muaj txem. 11Tug pov thawj hlub Amaliya kuj kaav mej rua huv txhua yaam kws ntswg txug Yawmsaub, hab Yisama‑ee tug tub Xenpantiya kws ua thawj huv xeem Yuta kuj kaav mej rua txhua yaam kws ntswg txug vaajntxwv, hab cov Levi yuav ua tub teg tub taw paab mej. Mej ca le ua sab luj sab tuab ua num. Thov Yawmsaub nrug nraim tug kws ua ncaaj.”