23

Philaj Taug Yexus Zaj

(Mathais 27.1-2; Malakaus 15.1-5; Yauhas 18.28-38)

¹Tagnrho cov neeg uas tuaj sablaj ntawd txawm sawv tsees coj Yexus mus cuag Philaj, ²lawv nkaug Yexus rau Philaj hais tias, “Peb ntes tus txivneej no thaum nws tabtom ntxias kom peb haivneeg ua yuam kev, thiab txwv tsis pub lawv them se rau Xixas, thiab nws khav hais tias nws yog tus Mexiyas uas yog vajntxwv.”
³Philaj nug Yexus hais tias, “Koj yog cov Yudais tus vajntxwv los?”
Yexus teb hais tias, “Koj hais yog lawm.”
⁴Ces Philaj hais rau cov thawj ntawm cov povthawj thiab cov neeg coob coob ntawd hais tias, “Kuv tsis pom tus txivneej no muaj ib qhov txhaum li.”
⁵Tiamsis lawv hajyam hais tawv tawv hais tias, “Nws tej lus qhia ua rau sawvdaws muaj kev kub ntxhov thoob lub xeev Yudas. Nws pib qhia pem lub xeev Kalilais thiab tuaj txog ntawm no.”

Helauj Taug Yexus Zaj

⁶Thaum Philaj hnov lawv hais li ntawd, nws nug hais tias, “Tus txivneej no yog neeg Kalilais los?” ⁷Thaum Philaj paub hais tias Yexus tuaj pem cheebtsam uas Helauj kav tuaj, ces nws txawm xa Yexus mus cuag Helauj, rau qhov lub sijhawm ntawd Helauj tuaj so hauv lub nroog Yeluxalees. ⁸Thaum Helauj pom Yexus, Helauj zoo siab kawg li, rau qhov nws ibtxwm hnov Yexus lub moo, thiab xav pom Yexus ntev los lawm. Helauj cia siab hais tias nws yuav pom Yexus ua ib yam txujci tseemceeb. ⁹Helauj nug Yexus ntau zaj, tiamsis Yexus tsis teb li. ¹⁰Cov thawj ntawm cov povthawj thiab cov xibhwb uas qhia Vajtswv txoj Kevcai txav zog mus nkaug Yexus rau Helauj. ¹¹Helauj thiab nws cov tubrog thuam Yexus thiab ua saib tsis taus Yexus; lawv muab ib lub tsho ntev uas zoo nkauj heev rau Yexus hnav, thiab xa nws rov qab mus rau Philaj. ¹²Txij hnub ntawd los Helauj thiab Philaj txawm sib raug zoo lawm; yav tas los nkawd ua yeebncuab.

Txiav Txim Muab Yexus Tua

(Mathais 27.15-26; Malakaus 15.6-15; Yauhas 18.39–19.16)

¹³Philaj hu cov thawj ntawm cov povthawj, cov thawjcoj thiab cov pejxeem tuaj, ¹⁴thiab nws hais rau lawv hais tias, “Nej hais tias nws ntxias kom cov pejxeem yuam kev. Nimno kuv twb taug nws zaj tabmeeg nej sawvdaws lawm, thiab tsis pom nws muaj ib qho txhaum raws li uas nej nkaug nws ntawd. ¹⁵Helauj los tsis pom nws muaj ib qho txhaum li thiab, Helauj thiaj xa nws rov los rau peb. Tus txivneej no yeej tsis tau ua ib qho txhaum uas tsimnyog yuav muab nws tua povtseg. ¹⁶Yog li ntawd, kuv yuav kom luag muab nws nplawm thiab tso nws mus.” ¹⁷[Raws li ibtxwm, txhua zaus uas ua Kevcai Hla Dhau, Philaj yuav tsum tso ib tug neeg raug txim raws li cov pejxeem thov.]
¹⁸Cov neeg coob coob ntawd hais nrov nrov hais tias, “Muab nws tua povtseg! Thiab tso Npalanpas los rau peb!” ¹⁹(Npalanpas raug kaw rau hauv tsev lojcuj, vim nws ntxeev nom ntxeev tswv hauv lub nroog thiab nws tua neeg.)
²⁰Philaj xav tso Yexus, nws thiaj rov hais rau cov neeg coob coob ntawd ib zaug ntxiv thiab. ²¹Tiamsis lawv hajyam qw nrov nrov hais tias, “Muab nws ntsia rau saum ntoo khaublig! Muab nws ntsia rau saum ntoo khaublig!”
²²Philaj rov hais rau lawv ib zaug hais tias, “Vim li cas? Nws ua txhaum dabtsi? Kuv tsis pom nws muaj ib qho txhaum uas tsimnyog yuav muab nws tua! Kuv yuav kom luag muab nws nplawm thiab tso nws mus.”
²³Tiamsis cov neeg coob coob ntawd qw tas zog kom Philaj muab Yexus ntsia rau saum ntoo khaublig. Thaum kawg lawv kovyeej Philaj. ²⁴Philaj txawm txiav txim rau Yexus raws li lawv thov. ²⁵Thiab Philaj tso tus txivneej uas lawv thov rau lawv. Tus ntawd yog tus uas raug kaw rau hauv tsev lojcuj, nws ntxeev nom ntxeev tswv thiab tua neeg. Ces Philaj muab Yexus rau lawv raws li lawv siab nyiam.

Muab Yexus Ntsia rau Saum Ntoo Khaublig

(Mathais 27.32-44; Malakaus 15.21-32; Yauhas 19.17-27)

²⁶Thaum lawv tabtom coj Yexus tawm mus; lawv ntsib ib tug txivneej hu ua Ximoos uas nyob hauv lub nroog Kulenes uas nyob pem yajsab tuaj yuav mus rau hauv lub nroog. Lawv ntes nws thiab yuam kom nws kwv tus ntoo khaublig nrog Yexus mus.
²⁷Cov neeg coob coob uas raws Yexus qab ntawd, muaj ib co pojniam tsa suab hlo quaj nrov nrov, rau qhov lawv hlub Yexus heev. ²⁸Yexus tig mus saib lawv thiab hais tias, “Cov pojniam uas nyob hauv lub nroog Yeluxalees! Nej tsis txhob quaj kuv, tiamsis cia li quaj nej thiab nej tej menyuam. ²⁹Thaum txog lub sijhawm ntawd, sawvdaws yuav hais tias, ‘Cov pojniam uas ibtxwm xeeb tsis taus menyuam, thiab cov pojniam uas tsis tau xeeb dua menyuam thiab tsis tau pub dua mis rau menyuam noj, yog cov uas hmoov zoo!’ ³⁰Lub sijhawm ntawd, yuav muaj neeg hais rau tej roob hais tias, ‘Nphau los tsuam peb!’ thiab yuav hais rau tej pov roob hais tias, ‘Pob los txhub peb!’ ³¹Yog lawv twb ua li no rau tsob ntoo uas tseem nyoos, thaum tsob ntoo qhuav lawm, lawv yuav ua li cas rau?”
³²Lawv coj ob tug txivneej uas ua tubsab mus tua nrog Yexus. ³³Thaum lawv mus txog ntawm qhov chaw uas hu ua “Pob Txha Taubhau,” lawv muab Yexus ntsia rau saum ntoo khaublig thiab muab txhos rau qhov ntawd, thiab muab ob tug tubsab ntsia rau saum ntoo khaublig, muab ib tug txhos rau ntawm Yexus sab xis thiab muab ib tug txhos rau ntawm Yexus sab laug. ³⁴Yexus hais tias, “Txiv, thov koj zam txim rau lawv! Rau qhov lawv tsis paub hais tias lawv ua dabtsi.”
Lawv muab Yexus cev ris tsho los twv saib leejtwg yuav tau yam twg. ³⁵Tej neeg sawvdaws sawv ibcag saib. Cov Yudais cov thawjcoj thuam Yexus hais tias: “Nws twb pab tau lwm tus dim; yog hais tias nws yog tus Mexiyas uas Vajtswv xaiv tiag, nws cia li pab kom nws dim!”
³⁶Cov tubrog thuam Yexus thiab lawv muab cawv txiv hmab qaub los cev rau Yexus haus, ³⁷thiab hais tias, “Yog koj yog cov Yudais tus vajntxwv tiag, koj cia li pab kom koj dim!”
³⁸Muaj ib cov lus sau rau ntawm ib daim txiag uas nyob ncaj ntawm Yexus taubhau rau saud hais tias, “Tus no yog cov Yudais tus vajntxwv.”
³⁹Ob tug tubsab uas lawv muab ntsia rau saum ntoo khaublig ntawd, ib tug thuam Yexus hais tias, “Koj tsis yog tus Mexiyas los? Koj cia li pab koj thiab pab kom wb dim!”
⁴⁰Tiamsis muaj dua ib tug cem hais tias, “Koj tsis ntshai Vajtswv los? Koj twb raug txim ib yam nkaus li nws thiab. ⁴¹Wb raug txim li no yeej tsimnyog qhov uas wb ua txhaum; tiamsis tus no tsis tau ua txhaum dabtsi li.” ⁴²Nws hais rau Yexus hais tias, “Thaum koj rov qab los ua Vajntxwv, thov koj nco txog kuv thiab.”
⁴³Yexus hais rau nws hais tias, “Kuv qhia tseeb rau koj hais tias, hnub no koj yuav tau nrog kuv nyob saum qhov chaw uas kaj siab lug.”

Yexus Tuag

(Mathais 27.45-56; Malakaus 15.34-41; Yauhas 19.28-30)

⁴⁴Thaum hnub ntseg, lub hnub tsis ci lawm, thiab lub tebchaws tsaus ntuj nti mus txog thaum peb teev; ⁴⁵daim ntaub uas thaiv hauv lub Tuamtsev txawm ntuag rhe ua ob daig. ⁴⁶Yexus hu nrov nrov hais tias, “Txiv, kuv muab kuv txojsia tso rau hauv koj txhais tes!” Yexus hais li ntawd tas, nws txawm tuag lawm.
⁴⁷Tus thawj tubrog pom muaj li ntawd, nws qhuas Vajtswv hais tias, “Yog tiag, tus no yeej yog neeg ncaj ncees!”
⁴⁸Thaum cov neeg uas tuaj saib pom li no, lawv ntaus hauv siab thiab rov qab mus tsev lawm. ⁴⁹Cov neeg uas ibtxwm paub Yexus, thiab cov pojniam uas nrog Yexus tuaj pem lub xeev Kalilais tuaj, lawv sawv deb deb saib tej no.

Faus Yexus

(Mathais 27.57-61; Malakaus 15.42-47; Yauhas 19.38-42)

^50-51Muaj ib tug txivneej hu ua Yauxej, tuaj pem lub nroog Alimathas hauv lub xeev Yudas tuaj. Nws yog ib tug neeg zoo uas sawvdaws hwm, thiab nws niaj hnub tos Vajtswv lub Tebchaws uas yuav los thiab nws yog cov Yudais ib tug nomtswv, tiamsis thaum lawv sablaj yuav txiav txim rau Yexus, nws tsis pom zoo tej uas lawv ua ntawd. ⁵²Nws mus cuag Philaj thiab thov Philaj muab Yexus lub cev rau nws. ⁵³Ces nws muab Yexus lub cev txo, muab qhwv thiab muab kwv mus tso rau hauv lub qhov ntxa uas luag txaug rau hauv ib phab pobzeb, yeej tsis tau muaj leejtwg coj neeg mus tso rau hauv li. ⁵⁴Hnub ntawd yog hnub uas npaj qhov txhia chaw tseg rau Hnub Xanpataus uas twb los yuav txog.
⁵⁵Cov pojniam uas nrog Yexus tuaj pem Kalilais tuaj, lawv nrog Yauxej mus, lawv pom lub qhov ntxa, thiab Yauxej muab Yexus lub cev tso li cas los lawv pom huv tibsi. ⁵⁶Lawv rov mus tsev, lawv npaj tej tshuaj tsw qab thiab tej roj tsw qab, yuav nqa mus pleev Yexus lub cev.
Hnub Xanpataus lawv so raws li Vajtswv txoj Kevcai qhia tseg lawm.

23

Yexu nyob ntawm Philaj xubndag

(Mth. 27:1-2, 11-14; Mk. 15:1-5; Yh. 18:28-38)

¹Puab suavdawg txawm sawv tseeg coj Yexu moog cuag Philaj. ²Puab chiv kom Yexu has tas, “Peb pum tug nuav saamswm ntxeev peb lub tebchaws. Nwg txwv kuas peb tsw xob them se rua Xixa hab has tas nwg yog tug Kheto, yog ib tug vaajntxwv.” ³Philaj txawm nug Yexu tas, “Koj yog cov Yutai tug vaajntxwv lov?” Yexu has tas, “Yog le koj has.” ⁴Philaj txawm has rua cov pov thawj hlub hab cov tuabneeg hov tas, “Kuv tsw pum tug nuav muaj ib qho txhum hlo le.” ⁵Tassws puab has tawv qhawv tas, “Tug nuav tshaum cov pejxeem hab qhuab qha thoob plawg Yutia txwj ntawm Kalilai lug txug ntawm nuav.”

Yexu nyob ntawm Helauj xubndag

⁶Thaus Philaj nov le ntawd, nwg txawm nug tas tug hov yog tuabneeg Kalilai lov? ⁷Thaus nwg paub tas Yexu nyob huv Helauj le kaav xyuam, nwg txawm xaa Yexu moog cuag Helauj kws tseed nyob huv Yeluxalee rua lub swjhawm ntawd. ⁸Thaus Helauj pum Yexu nwg kuj zoo sab heev tsua qhov nwg tub xaav pum Yexu ntev lug lawm tsua qhov nwg tub nov txug Yexu, hab nwg vaam tas yuav pum Yexu ua ib yaam txujci tseem ceeb. ⁹Nwg txawm nug Yexu ntau qhov tassws Yexu tsw teb le. ¹⁰Cov pov thawj hlub hab cov xwbfwb qha Vaajtswv kevcai kuj sawv ntawd swv zug kom Yexu heev kawg. ¹¹Helauj hab nwg cov tub rog kuj saib tsw taug thuaj luag Yexu. Thaus muab ib cev tsoog zoo nkauj ua rua Yexu naav, Helauj txawm xaa Yexu rov moog rua Philaj. ¹²Helauj hab Philaj txawm sws raug zoo rua nub ntawd, tsua qhov yaav taag lug ob tug ua yeeb ncuab.

Yexu raug teem txem tuag

(Mth. 27:15-26; Mk. 15:6-15; Yh. 18:39-19:16)

¹³Philaj txawm hu cov pov thawj hlub hab cov thawj hab cov pejxeem tuaj txoos ua ke, ¹⁴hab has rua puab tas, “Mej coj tug nuav tuaj cuag kuv has tas nwg tshaum cov pejxeem kuas faav xeeb. Kuv tub tshuaj saib nwg taab meeg mej los kuv tsw pum tas nwg muaj kev txhum lawv le mej kom nwg, ¹⁵hab Helauj kuj tsw pum nwg muaj kev txhum tsua qhov Helauj tub xaa nwg rov lug cuag kuv. Saib maj, tug nuav yeej tsw muaj ib qhov txhum kws tswm nyog muab rau txem tuag. ¹⁶Vem le nuav kuv yuav muab nwg nplawm hab tso nwg dim.”⚓ ¹⁸Tassws cov tuabneeg ib txhwj qw has tas, “Muab tug nuav tua pov tseg, es tso Npalanpa rua peb.” ¹⁹Npalanpa yeej raug kaw huv tsev lojfaaj vem yog tshaum tuabneeg faav xeeb huv lub nroog hab tua tuabneeg. ²⁰Philaj tseed xaav tso Yexu dim txhad has rua puab dua ib zag, ²¹tassws puab qw nrov has tas, “Muab nwg teem, muab nwg teem rua sau khaublig ntoo.” ²²Philaj has rua puab zag peb tas, “Ua caag muab teem? Nwg tau ua txhum daabtsw? Kuv tsw pum nwg ua txhum daabtsw kws yuav tswm nyog tuag. Vem le nuav kuv yuav muab nwg nplawm hab tso nwg moog.” ²³Tassws puab qw nrov nrov txhwb kuas muab Yexu teem rua sau khaublig ntoo, tes puab lub suab txawm kov yeej. ²⁴Philaj txhad txav txem lawv le puab thov. ²⁵Nwg txhad tso tug kws puab thov hov yog tug raug kaw huv tsev lojfaaj vem yog tshaum tuabneeg faav xeeb hab tua tuabneeg. Hab nwg muab Yexu cob rua puab ua lawv le puab lub sab.

Teem Yexu sau khaublig ntoo

(Mth. 27:32-44; Mk. 15:21-32; Yh. 19:17-27)

²⁶Thaus puab saamswm coj Yexu moog, puab yuam Ximoo kws yog tuabneeg Khulene taug kev peg yaaj saab tuaj. Puab txawm muab tug khaublig ntoo rua nwg kwv lawv Yexu qaab moog. ²⁷Muaj tuabneeg coob coob hab ib co quaspuj kws ntaus hauv sab quaj ntsuag lawv Yexu qaab moog. ²⁸Yexu tig lug saib puab hab has tas, “Yeluxalee cov ntxhais 'e, tsw xob quaj kuv, ca le quaj mej tug kheej hab mej cov mivnyuas nawj. ²⁹Tsua qhov yuav txug lub swjhawm kws luas yuav has tas, ‘Cov quaspuj mooj hab lub plaab kws tsw tau xeeb dua mivnyuas hab tej txwv mig kws mivnyuas tsw tau ntxais dua tau nyob kaaj sab lug.’ ³⁰Lub swjhawm ntawd puab yuav chiv hu rua tej roob tas, ‘Ca le nphau lug tsuam peb,’ hab hu rua tej pov roob tas, ‘ Ca le txhub hlo peb.’⚓ ³¹Thaus tsob ntoo nyoog, puab tub ua le nuav, tes thaus tsob ntoo qhuav lawm puab tseed yuav ua le caag?”
³²Puab kuj coj dua ob tug yawm tuabneeg phem moog tua pov tseg nrug Yexu ua ke. ³³Thaus puab moog txug lub chaw kws hu tas roob Txhaa Taubhau, puab txawm muab Yexu teem rua sau khaublig ntoo rua hov ntawd, hab muab ob tug tuabneeg phem hov teem nrug Yexu, saab xws ib tug saab phem ib tug. ³⁴Yexu has tas, “Au kuv txwv, thov daws puab lub txem, vem puab tsw paub tas puab ua daabtsw.” Puab muab nwg cev tsoog tsho lug rhu ntawv faib rua puab. ³⁵Cov tuabneeg kuj sawv ntawd saib ntsoov. Cov thawj kuj thuaj luag Yexu has tas, “Nwg cawm tau luas dim, yog nwg yog Vaajtswv tug Kheto kws Vaajtswv xaiv ca lawd, kuj ca nwg cawm nwg tug kheej dim los maj!” ³⁶Cov tub rog kuj thuaj luag nwg, hab tuaj muab cov kua qaub⚓ cev rua nwg haus, ³⁷hab has tas, “Yog koj yog cov Yutai tug vaajntxwv, ca le cawm koj tug kheej dim los maj!” ³⁸Ntawm Yexu lawm sau muaj ib co lug sau ca has tas, “Tug nuav yog cov Yutai tug vaajntxwv.”
³⁹Ib tug kws raug teem rua sau khaublig ntoo ntawd, kuj has tuam mom Yexu tas, “Koj yog tug Kheto los tsw yog? Ca le cawm koj hab ib ob leeg dim los maj!” ⁴⁰Tassws muaj dua ib tug txwv nwg has tas, “Koj tsw ntshai Vaajtswv lov? Koj tub raug txem ib yaam nkaus hab. ⁴¹Ib ob leeg yeej raug txem lawv le txujcai, vem ib tau saws lawv le ib tau ua lug lawm, tassws tug nuav tsw tau ua ib qho txhum hlo le.” ⁴²Tes nwg txawm has tas, “Yexu, thaus koj nkaag rua huv koj lub tebchaws thov koj ncu txug kuv.” ⁴³Yexu has rua nwg tas, “Kuv has tseeb rua koj tas, nub nua koj yeej yuav tau nrug kuv nyob huv lub chaw zoo kawg nkaus.”⚓

Yexu tuag

(Mth. 27:45-56; Mk. 15:33-41; Yh. 19:28-30)

⁴⁴Thaus ntawd kwvlaam taav su txawm tsaus ntuj ndais thoob plawg lub tebchaws moog txug nub qaij peb teev. ⁴⁵Lub nub kuj tsaus nti, daim ntaub kws thaiv huv lub tuam tsev txawm nduag rhe ua ob daim. ⁴⁶Yexu txawm tsaa suab qw nrov has tas, “Kuv txwv, kuv muab kuv tug ntsuj plig cob rua huv koj txhais teg.” Yexu has le ntawd taag nwg txawm tu sav nrho.
⁴⁷Thaus tug thawj rog kws kaav ib puas leej pum tej kws tshwm lug nuav, nwg txawm qhuas Vaajtswv has tas, “Tseeb tag lauj, tug nuav yeej yog ib tug ncaaj nceeg.” ⁴⁸Cov tuabneeg coob kws tuaj saib tej xwm txheej nuav thaus pum lawd kuj ntaus hauv sab rov qaab moog tsev. ⁴⁹Txhua tug kws paub Yexu hab cov quaspuj kws nrug Yexu tuaj peg Kalilai tuaj kuj sawv deb deb saib tej xwm txheej nuav.

Muab Yexu log

(Mth. 27:57-61; Mk. 15:42-47; Yh. 19:38-42)

⁵⁰Muaj ib tug yawm npe hu ua Yauxej kws nyob huv cov Yutai lub moos Alimathia yog ib tug huv cov thawj lub rooj sablaaj, nwg yog ib tug tuabneeg zoo hab ncaaj nceeg. ⁵¹Nwg tsw pum zoo qhov kws puab tau has hum hab puab ua le ntawd, hab nwg tog rawv Vaajtswv lub tebchaws. ⁵²Yauxej txawm moog cuag Philaj thov Yexu lub cev tuag. ⁵³Thaus Yauxej txu Yexu lub cev tuag lug lawd nwg muab ib daim ntaub maag qhwv, coj moog tso rua huv lub qhov ntxaa kws txaug ca rua huv phaab zeb, kws tsw tau log tuag le. ⁵⁴Nub ntawd yog nub kws npaaj rua nub Xanpatau kws tub yuav txug. ⁵⁵Cov quaspuj kws nrug Yexu tuaj peg Kalilai tuaj kuj lawv qaab moog pum lub qhov ntxaa hov hab pum tas puab muab Yexu lub cev tuag tso le caag. ⁵⁶Tes cov quaspuj hov txawm rov qaab moog npaaj tshuaj tsw qaab hab roj tsw qaab. Nub Xanpatau puab txawm su lawv le kevcai.