33

Manaxe ua vajntxwv kav

(2Vntx. 21:1-9, 17-18)

¹Thaum Manaxe pib ua vajntxwv nws hnub nyoog muaj kaum ob xyoos, nws nyob hauv Yeluxalees kav tau tsib caug tsib xyoos. ²Nws ua tej uas Yawmsaub pom tias phem kawg li, nws ua raws li tej kevcai qias vuab tsuab uas lwm haiv neeg ua, yog cov uas Yawmsaub ntiab tawm ntawm cov Yixayee hauv ntej mus. ³Nws rov ua tej chaw siab teev dab uas nws txiv Hexekhiya twb muab rhuav tag lawd, thiab nws ua tej thaj teev dab Npa‑as thiab ua tej ncej dab Asela, thiab nws pe hnub pe hli thiab tej hnub qub saum nruab ntug huvsi thiab ua koom tu tej ntawd. ⁴Nws ua tej thaj teev dab rau hauv Yawmsaub lub tuam tsev, uas yog lub chaw uas Yawmsaub twb hais tias, “Kuv lub npe yuav nyob rau hauv Yeluxalees mus ib txhis.” ⁵Nws ua tej thaj xyeem rau hnub hli tej hnub qub saum nruab ntug huvsi rau hauv ob lub tshav puam hauv Yawmsaub lub tuam tsev. ⁶Nws muab nws tej tub tua hlawv xyeem rau dab rau hauv lub hav Npeehinoo,⚓ thiab nws saib caij saib nyoog saib yaig saib sij thiab ua khawv koob yees siv, nws mus nug tej txiv neeb txiv yaig thiab tej uas muaj dab leej nkaub. Nws ua tej uas Yawmsaub pom tias phem kawg nkaus li zes ua rau Yawmsaub npau taws. ⁷Tus dab mlom uas nws txaug nws kuj muab txawb rau hauv Vajtswv lub tuam tsev uas Vajtswv twb hais rau Davi thiab nws tus tub Xalaumoo lawm hais tias, “Lub tuam tsev no thiab lub nroog Yeluxalees uas kuv twb xaiv hauv txhua xeem Yixayee los mas kuv yuav cia kuv lub npe nyob hauv mus ib txhis. ⁸Kuv yuav tsis rho cov Yixayee txhais kotaw tawm hauv lub tebchaws uas kuv tu tseg rau nej tej poj koob yawm txwv lawd dua li lawm, yog tias lawv ceev faj ua txhua yam uas kuv hais rau lawv, yog txoj kevcai huvsi thiab tej kab ke thiab tej kevcai uas kuv tau kom Mauxe hais rau lawv.” ⁹Manaxe ntxias cov Yuda thiab cov uas nyob hauv Yeluxalees yuam kev, lawv thiaj ua phem heev dua tej haiv neeg uas Yawmsaub twb muab ua puam tsuaj tag rau ntawm lawv hauv ntej.
¹⁰Yawmsaub hais rau Manaxe thiab nws cov pejxeem tiamsis lawv tsis mloog. ¹¹Vim li no Yawmsaub thiaj coj cov thawj rog uas kav Axilia tus vajntxwv cov tub rog tuaj tawm tsam lawv. Lawv xuas nqe lauj cab Manaxe mus thiab muab saw tooj liab khi nws thiab coj nws mus rau Npanpiloo. ¹²Thaum Manaxe raug kev txom nyem heev nws thov Yawmsaub uas yog nws tus Vajtswv khuvleej nws thiab nws txo nws lub hwjchim qes kawg rau ntawm nws tej poj koob yawm txwv tus Vajtswv. ¹³Nws thov Vajtswv mas Vajtswv txais nws tej lus thiab mloog nws tej lus thov, thiab coj nws rov los rau hauv Yeluxalees rov kav nws lub tebchaws. Thaum ntawd Manaxe paub tias Yawmsaub yog Vajtswv tiag.
¹⁴Los rau tom qab nws tsim lub ntsa loog txheej sab nraud rau Davi lub nroog rau hauv lub hav sab dej Kihoo uas hnub poob mus txog ntawm txojkev nkag rau hauv lub Rooj Loog Ntses, thiab mus rau ib sab lub pov roob Aufee. Nws xov lub ntsa loog siab heev. Nws xa cov thawj uas kav cov tub rog mus nyob rau hauv Yuda txhua lub moos uas muaj ntsa loog. ¹⁵Nws muab lwm haiv neeg tej dab thiab tus dab mlom rho hauv Yawmsaub lub tuam tsev mus thiab muab tej thaj huvsi uas nws ua rau saum lub roob uas muaj Yawmsaub lub tuam tsev thiab tej uas ua rau hauv Yeluxalees rho pov tseg rau sab nraum lub nroog. ¹⁶Thiab nws kho Yawmsaub lub thaj thiab ua kevcai xyeem sib raug zoo thiab xyeem ua tsaug rau saum lub thaj ntawd. Nws kuj hais kom cov Yuda ua koom tu Yawmsaub uas yog cov Yixayee tus Vajtswv. ¹⁷Txawm li ntawd los cov pejxeem tseem xyeem tsiaj rau ntawm tej chaw siab tiamsis yog xyeem rau Yawmsaub uas yog lawv tus Vajtswv xwb.
¹⁸Lwm yam haujlwm uas Manaxe ua thiab nws tej lus thov Vajtswv thiab tej lus uas cov xibhwb uas hais pom tom hauv ntej tau tuav Yawmsaub uas yog cov Yixayee tus Vajtswv lub npe hais rau nws, mas twb muab sau cia rau hauv phau ntawv uas hais txog cov Yixayee tej vajntxwv li keeb kwm. ¹⁹Nws tej lus thov thiab qhov uas Vajtswv txais nws tej lus thov, thiab nws tej kev txhaum huvsi thiab nws tej kev fav xeeb, thiab thaj chaw uas nws ua tej chaw siab teev dab thiab txhos tej ncej dab Asela thiab tej dab mlom ua ntej uas tsis tau txo hwjchim, kuj twb muab sau cia rau hauv phau ntawv keeb kwm uas cov xibhwb hais pom tom hauv ntej sau cia. ²⁰Manaxe txawm tuag mus nrog nws tej poj koob yawm txwv nyob. Lawv muab nws log rau hauv nws lub tsev, mas nws tus tub Asmoo sawv nws chaw ua vajntxwv kav.

Asmoo ua vajntxwv kav

(2Vntx. 21:19-26)

²¹Thaum Asmoo sawv ua vajntxwv kav nws hnub nyoog muaj nees nkaum ob xyoos, nws nyob hauv Yeluxalees kav tau ob xyoos. ²²Nws ua tej uas Yawmsaub pom tias phem kawg li, ib yam nkaus li nws txiv Manaxe tau ua lawd. Asmoo tua tsiaj xyeem rau tej dab mlom huvsi uas nws txiv Manaxe ua cia thiab ua koom tu tej dab mlom ntawd. ²³Nws tsis txo nws lub hwjchim rau ntawm Yawmsaub yam li nws txiv Manaxe tau txo. Tus Asmoo no ua txhaum muaj txim ntau zuj zus. ²⁴Nws cov tub teg tub taws ntaus tswvyim fav xeeb rau nws thiab muab nws tua rau hauv nws lub tsev. ²⁵Tiamsis cov pejxeem muab txhua tus uas ntaus tswvyim fav xeeb rau vajntxwv Asmoo tua huvsi lawm, thiab cov pejxeem tsa nws tus tub Yauxiya ua vajntxwv nyob nws chaw.

33

Manaxe ua vaajntxwv kaav

(2Vntx. 21:1-9, 17-18)

¹Thaus Manaxe chiv ua vaajntxwv nwg noob nyoog muaj kaum ob xyoos, nwg nyob huv Yeluxalee kaav tau tswb caug tswb xyoos. ²Nwg ua tej kws Yawmsaub pum tas phem kawg le, nwg ua lawv le tej kevcai qas vuab tsuab kws lwm haiv tuabneeg ua, yog cov kws Yawmsaub ntab tawm ntawm cov Yixayee hauv ntej moog. ³Nwg rov ua tej chaw sab teev daab kws nwg txwv Hexekhiya tub muab rhuav taag lawd, hab nwg ua tej thaaj teev daab Npa‑aa hab ua tej ncej daab Asela, hab nwg pe nub pe hli hab tej nub qub sau nruab ntug huvsw hab ua koom rua tej hov. ⁴Nwg ua tej thaaj teev daab rua huv Yawmsaub lub tuam tsev, kws yog lub chaw kws Yawmsaub tub has tas, “Kuv lub npe yuav nyob rua huv Yeluxalee moog ib txhws.” ⁵Nwg ua tej thaaj xyeem rua nub hli tej nub qub sau nruab ntug huvsw rua huv ob lub tshaav puam huv Yawmsaub lub tuam tsev. ⁶Nwg muab nwg tej tub tua hlawv xyeem rua daab rua huv lub haav Npeehinoo,⚓ hab nwg saib caij saib nyoog saib yaig saib swj hab ua khawv koob yeeg swv, nwg moog nug tej txwv neeb txwv yaig hab tej kws muaj daab leej nkaub. Nwg ua tej kws Yawmsaub pum tas phem kawg nkaus le zwg ua rua Yawmsaub npau tawg. ⁷Tug txoov daab kws nwg txaug nwg kuj muab txawb rua huv Vaajtswv lub tuam tsev kws Vaajtswv tub has rua Tavi hab nwg tug tub Xalaumoo lawm has tas, “Lub tuam tsev nuav hab lub nroog Yeluxalee kws kuv tub xaiv huv txhua xeem Yixayee lug mas kuv yuav ca kuv lub npe nyob huv moog ib txhws. ⁸Kuv yuav tsw rhu cov Yixayee txhais kwtaw tawm huv lub tebchaws kws kuv tu tseg rua mej tej laug lawd dua le lawm, yog tas puab ceev faaj ua txhua yaam kws kuv has rua puab, yog txuj kevcai huvsw hab tej kaab ke hab tej kevcai kws kuv tau kuas Mauxe has rua puab.” ⁹Manaxe ntxag cov Yuta hab cov kws nyob huv Yeluxalee yuam kev, puab txhad ua phem heev dua tej haiv tuabneeg kws Yawmsaub tub muab ua puam tsuaj taag rua ntawm puab hauv ntej.
¹⁰Yawmsaub has rua Manaxe hab nwg cov pejxeem tassws puab tsw noog. ¹¹Vem le nuav Yawmsaub txhad coj cov thawj rog kws kaav Axilia tug vaajntxwv cov tub rog tuaj tawm tsaam puab. Puab xuas nqai lauj caab Manaxe moog hab muab saw tooj lab khi nwg hab coj nwg moog rua Npanpiloo. ¹²Thaus Manaxe raug kev txom nyem heev nwg thov Yawmsaub kws yog nwg tug Vaajtswv khuvleej nwg hab nwg txu nwg tug fwjchim qeg kawg rua ntawm nwg tej laug tug Vaajtswv. ¹³Nwg thov Vaajtswv mas Vaajtswv txais nwg tej lug hab noog nwg tej lug thov, hab coj nwg rov lug rua huv Yeluxalee rov kaav nwg lub tebchaws. Thaus hov Manaxe paub tas Yawmsaub yog Vaajtswv tag.
¹⁴Lug rua tom qaab nwg tswm lub ntsaa loog txheej saab nrau rua Tavi lub nroog rua huv lub haav saab dej Kihoo kws nub poob moog txug ntawm txujkev nkaag rua huv lub Rooj Loog Ntseg, hab moog rua ib saab lub pov roob Aufee. Nwg xov lub ntsaa loog sab heev. Nwg xaa cov thawj kws kaav cov tub rog moog nyob rua huv Yuta txhua lub moos kws muaj ntsaa loog. ¹⁵Nwg muab lwm haiv tuabneeg tej daab hab tug txoov daab rhu huv Yawmsaub lub tuam tsev moog hab muab tej thaaj huvsw kws nwg ua rua sau lub roob kws muaj Yawmsaub lub tuam tsev hab tej kws ua rua huv Yeluxalee rhu pov tseg rua saab nrau lub nroog. ¹⁶Hab nwg khu Yawmsaub lub thaaj hab ua kevcai xyeem sws raug zoo hab xyeem ua tsaug rua sau lub thaaj hov. Nwg kuj has kuas cov Yuta ua koom rua Yawmsaub kws yog cov Yixayee tug Vaajtswv. ¹⁷Txawm le ntawd los cov pejxeem tseed xyeem tsaj rua ntawm tej chaw sab tassws yog xyeem rua Yawmsaub kws yog puab tug Vaajtswv xwb.
¹⁸Lwm yaam num kws Manaxe ua hab nwg tej lug thov Vaajtswv hab tej lug kws cov xwbfwb kws has pum tom hauv ntej tau tuav Yawmsaub kws yog cov Yixayee tug Vaajtswv lub npe has rua nwg, mas tub muab sau ca rua huv phoo ntawv kws has txug cov Yixayee tej vaajntxwv le keeb kwm. ¹⁹Nwg tej lug thov hab qhov kws Vaajtswv txais nwg tej lug thov, hab nwg tej kev txhum huvsw hab nwg tej kev faav xeeb, hab thaaj chaw kws nwg ua tej chaw sab teev daab hab txhus tej ncej daab Asela hab tej txoov daab ua ntej kws tsw tau txu fwjchim, kuj tub muab sau ca rua huv phoo ntawv keeb kwm kws cov xwbfwb has pum tom hauv ntej sau ca. ²⁰Manaxe txawm tuag moog nrug nwg tej laug nyob. Puab muab nwg log rua huv nwg lub tsev, mas nwg tug tub Amoo sawv nwg chaw ua vaajntxwv kaav.

Amoo ua vaajntxwv kaav

(2Vntx. 21:19-26)

²¹Thaus Amoo sawv ua vaajntxwv kaav nwg noob nyoog muaj neeg nkaum ob xyoos, nwg nyob huv Yeluxalee kaav tau ob xyoos. ²²Nwg ua tej kws Yawmsaub pum tas phem kawg le, ib yaam nkaus le nwg txwv Manaxe tau ua lawd. Amoo tua tsaj xyeem rua tej txoov daab huvsw kws nwg txwv Manaxe ua ca hab ua koom rua tej txoov daab hov. ²³Nwg tsw txu nwg tug fwjchim rua ntawm Yawmsaub yaam le nwg txwv Manaxe tau txu. Tug Amoo nuav ua txhum muaj txem ntau quas zug. ²⁴Nwg cov tub teg tub taw tuav huv faav xeeb rua nwg hab muab nwg tua rua huv nwg lub tsev. ²⁵Tassws cov pejxeem muab txhua tug kws tuav huv faav xeeb rua vaajntxwv Amoo tua huvsw lawm, hab cov pejxeem tsaa nwg tug tub Yauxiya ua vaajntxwv nyob nwg chaw.