7

Lus Pivtxwv Txog Kev Sib Yuav

¹Cov kwvtij, nej yeej paub hais tias kuv hais txog cov neeg uas twb paub tej kevcai lawm; tej kevcai ntawd tsuas kav tus neeg uas tseem ua neej nyob xwb. ²Raws li txoj kevcai, tus pojniam uas yuav txiv lawm, nws yuav tsum nrog nws tus txiv nyob mus txog thaum nws tus txiv tuag, tiamsis yog tus txiv tuag lawm, tus pojniam mus yuav lwm tus los yeej tsis txhaum kevcai. ³Yog hais tias nws tus txiv tseem nyob, nws cia li mus yuav dua txiv lawm, sawvdaws yuav hais tias nws deev hluas nraug; tiamsis yog nws tus txiv tuag lawm, nws mus yuav txiv tshiab los yeej tsis txhaum kevcai, thiab tsis muaj leejtwg yuav hais tias nws deev hluas nraug.
⁴Cov kwvtij, ib yam nkaus li ntawd, Mauxes txoj Kevcai yeej tsis kav nej cov uas nrog Yexus Khetos tuag ua ke lawm. Nimno Yexus Khetos tus uas Vajtswv tsa sawv hauv qhov tuag rov qab los twb yuav nej los ua nws tug lawm, nws ua li ntawd kom nej ua nej lub neej rau Vajtswv tau koob meej. ⁵Thaum uas peb tseem ua peb lub neej raws li neeg ibtxwm ua, vim txoj kevcai, txojkev txhaum thiaj tshoov peb lub siab kom peb nyiam mus ua txhaum thiab raug kev ploj kev tuag. ⁶Tiamsis nimno peb twb dim txoj kevcai uas khi peb, rau qhov peb zoo li cov neeg uas tuag lawm. Niaj hnub no peb thiaj tsis ua peb lub neej raws li txoj qub kevcai uas sau tseg rau hauv ntawv, tiamsis peb ua peb lub neej raws li txoj kevcai tshiab uas Vaj Ntsujplig qhia.

Txoj Kevcai thiab Txojkev Txhaum

⁷Peb yuav hais li cas? Txoj kevcai yog kev txhaum los? Yeej tsis yog li ntawd! Tiamsis twb yog muaj txoj kevcai, kuv thiaj paub hais tias kev txhaum yog dabtsi. Yog txoj kevcai tsis hais tias, “Tsis txhob ntshaw luag tug,” ces kuv yeej tsis paub hais tias qhov uas ntshaw luag tug txhaum. ⁸Tiamsis txojkev txhaum muab txoj kevcai ua hau kev tshoov kuv siab kom kuv ntshaw txhua yam. Yog tsis muaj txoj kevcai, ces txojkev txhaum yeej tuag lawm. ⁹Yav tas los kuv ua kuv lub neej tsis muaj txoj kevcai kav kuv, tiamsis thaum muaj txoj kevcai lawm, ua rau kev txhaum tshwm tuaj, ¹⁰thiab kuv thiaj tuag. Vajtswv rhawv txoj kevcai yog ua kom neeg tau txojsia, tiamsis kuv pom hais tias txoj kevcai ua rau kuv raug kev ploj kev tuag. ¹¹Rau qhov txojkev txhaum muab txoj kevcai ua hau kev los dag ntxias kuv thiab tua kuv povtseg.
¹²Yog li ntawd txoj kevcai yeej dawbhuv, thiab tej nqe kevcai los yeej dawbhuv, ncaj ncees thiab zoo kawg nkaus li. ¹³Puas yog txoj Kevcai uas yog txoj zoo ua rau kuv raug kev ploj kev tuag? Yeej tsis yog li ntawd! Twb yog txojkev txhaum muab txoj kevcai tua kuv, kuv thiaj raug kev ploj kev tuag. Yog li ntawd, kuv thiaj paub hais tias txojkev txhaum zoo li cas, thiab tej kevcai ntawd ua rau kuv pom hais tias txojkev txhaum pem kawg nkaus li.

Neeg Lub Siab Muaj Kev Sib Tawmtsam

¹⁴Peb paub hais tias Mauxes txoj Kevcai yog Vajtswv txoj; tiamsis kuv yog neeg, txojkev txhaum thiaj niaj hnub yuam kuv ua txhaum. ¹⁵Kuv tsis to taub tej uas kuv ua; vim li cas kuv ua tej uas kuv tsis nyiam ua, tiamsis tej uas kuv nyiam kuv ho tsis ua. ¹⁶Thaum kuv ua tej uas kuv tsis nyiam ua, kuv thiaj paub hais tias txoj kevcai ntawd yeej zoo tiag. ¹⁷Yog li ntawd, kuv tsis yog tus uas ua txhaum; tiamsis yog txojkev txhaum uas nyob hauv kuv lub siab ua xwb. ¹⁸Kuv paub hais tias kuv yog neeg xwb, kuv thiaj ua tsis tau ib qho zoo li. Kuv xav ua zoo, tiamsis kuv ua tsis tau. ¹⁹Kuv xav ua qhov zoo, tiamsis kuv ho tsis ua; kuv tsis xav ua qhov phem, tiamsis kuv ho ua. ²⁰Yog kuv ua tej uas kuv tsis xav ua, tej ntawd yeej tsis yog kuv ua, tiamsis yog txojkev txhaum uas nyob hauv kuv lub siab ua.
²¹Yog li ntawd, kuv pom txoj kevcai zoo li no: thaum kuv xav ua qhov zoo, kuv ho xaiv ua qhov phem. ²²Kuv muaj ib lub siab xav ua raws li Vajtswv txoj kevcai, ²³tiamsis kuv pom hais tias kuv muaj dua ib lub siab tawmtsam txoj kevcai uas nyob hauv kuv lub siab. Lub siab ntawd thiaj yuam kuv mus ua txojkev txhaum qhev. ²⁴Ua cas kuv yuav nyuaj siab ua luaj li? Leejtwg thiaj yuav cawm tua kuv dim ntawm lub siab uas coj kuv mus raug kev ploj kev tuag? ²⁵Kuv ua Vajtswv tsaug uas peb tus Tswv Yexus Khetos twb pab kuv dim lawm.
Yog li ntawd, kuv lub siab ua raws li Vajtswv kom kuv ua, tiamsis kuv lub cev ua raws li txojkev txhaum kom kuv ua.

7

Lug pev txwv kev sws yuav

¹Kwvtij suavdawg mej tsw paub lov? (Kuv has rua cov kws paub Mauxe txuj kevcai lawm.) Txuj kevcai muaj fwjchim kaav tuabneeg tsuas yog thaus kws nwg muaj txujsa nyob xwb. ²Ib yaam le tug quaspuj kws yuav quasyawg lawm mas lawv le txuj cai thaus tug quasyawg tseed nyob nwg yuav tsum nrug tug quasyawg nyob. Yog tug quasyawg tuag lawm nwg txhad dim txuj kevcai kws muaj quasyawg. ³Vem le nuav yog tug quaspuj hov ca le moog muaj dua lwm tug rua thaus tug quasyawg tseed muaj txujsa nyob nwg yuav tau lub npe tas deev hluas nraug. Tassws yog nwg tug quasyawg tuag lawm nwg kuj dim txuj kevcai hov. Yog nwg moog yuav dua lwm tug quasyawg kuj tsw yog deev hluas nraug.
⁴Ib yaam nkaus le ntawd, kuv cov kwvtij, mej kuj tuag ntawm Mauxe txuj kevcai rua ntawm Kheto lub cev, sub mej txhad ua tau lwm tug le, yog ua tug kws raug tsaa sawv huv qhov tuag rov lug le, sub peb txhad txw txwv rua Vaajtswv. ⁵Thaus peb muaj txujsa nyob huv lub cev nqaj tawv, peb lub sab kws ntshaw ua phem raug txuj kevcai tshaum ua rua peb lub cev txw txwv kws coj moog txug txujkev tuag. ⁶Tassws nwgnuav peb tub dim huv txuj kevcai lawm, yog peb tuag ntawm yaam kws txeev khi peb ca, sub peb txhad ua tau qhev lawv le Vaaj Ntsuj Plig txujkev tshab tsw yog lawv le txujkev qub kws sau ca.

Txuj kevcai txhob kuas ua txhum

⁷Yog le ntawd peb yuav has le caag? Yuav has tas txuj kevcai yog kev txhum lov? Tsw tau le. Yog tsw muaj txuj kevcai lawm kuv yeej yuav tsw paub kev txhum. Yog txuj kevcai tsw tau has tas, “Tsw xob ua sab hlub,”⚓ kuv yeej tsw paub tas daabtsw yog kev ua sab hlub. ⁸Tassws kev txhum tog nrhw swv txuj kevcai hov txhob ua rua kuv ua sab hlub rua txhua yaam. Yog tsw muaj txuj kevcai, kev txhum kuj tuag lawm. ⁹Yaav taag lug kuv ua lub neej tsw muaj txuj kevcai, tassws thaus muaj txuj kevcai lug kev txhum kuj rov caj sa tuaj mas kuv txhad tuag. ¹⁰Txuj kevcai kws yuav tsum pub txujsa, kuv pum tas tsuas yog coj txujkev tuag lug. ¹¹Tsua qhov kev txhum tog nrhw swv txuj kevcai hov daag ntxag kuv hab muab kuv tua. ¹²Vem le nuav txuj kevcai yog kev dawb huv hab tej kaab ke kuj dawb huv hab ncaaj hab zoo kawg. ¹³Yog le nuav yaam kws zoo ntxeev ua txujkev tuag rua kuv lov? Tsw yog. Yog kev txhum swv yaam kws zoo ua rua kev tuag tshwm rua huv kuv, sub txhad pum tas txujkev txhum hov txhum tag tag le hab vem muaj txuj kevcai kev txhum txhad phem kawg nkaus.

Tuabneeg muaj ob lub sab

¹⁴Peb paub tas txuj kevcai yog has txug saab ntsuj plig, tassws kuv yog nqaj tawv kuv txhad raug muab muag ua kev txhum le qhev. ¹⁵Kuv tsw nkaag sab tej kws kuv ua. Tsua qhov kuv tsw ua yaam kws kuv xaav ua, kuv tsua ua yaam kws kuv ntxub xwb. ¹⁶Yog kuv ua yaam kws kuv tsw xaav ua, kuv yeem leeg tas txuj kevcai zoo. ¹⁷Tes tsw yog kuv tug kheej ua tassws yog kev txhum kws nyob huv kuv ua. ¹⁸Tsua qhov kuv paub tas huv kuv tug kheej kws yog huv kuv lub cev nqaj tawv tsw muaj ib qho zoo hlo le. Kuv txawj xaav zoo tassws ua tsw tau qhov zoo hlo le, ¹⁹vem qhov zoo kws kuv xaav ua kuv kuj tsw ua, tassws qhov phem kws kuv tsw xaav ua, kuv kuj tseed ua. ²⁰Yog kuv pheej ua yaam kws kuv tsw xaav ua, yeej tsw yog kuv tug kheej ua, tassws yog kev txhum kws nyob huv kuv ua xwb.
²¹Yog le hov kuv txhad pum muaj ib txuj kevcai has tas yog thaus twg kuv xaav ua qhov zoo, qhov phem kuj nyob ze. ²²Vem tub tub huv kuv lub sab yeej nyam Vaajtswv txuj kevcai, ²³tassws kuv pum muaj dua ib txuj kevcai nyob huv kuv lub cev kws pheej tawm tsaam txuj kevcai kws nyob huv kuv lub sab hab ua kuas kuv raug txuj kev txhum kws nyob huv kuv lub cev nteg. ²⁴Ua le caag kuv yuav nyuaj sab ua luaj le nuav? Leejtwg yuav tso kuv dim huv lub cev kws coj moog txug kev tuag nuav? ²⁵Ua Vaajtswv tsaug kws nwg yuav tso kuv dim vem yog muaj Yexu Kheto kws yog peb tug Tswv. Yog le ntawd kuv lub sab ua Vaajtswv txuj kevcai le qhev, tassws kuv lub cev ua txujkev txhum le qhev.