28

¹Thaum ntawd cov Filixatee sau tub rog yuav mus ua rog rau cov Yixayee. Mas Akhij hais rau Davi tias, “Koj yuav tsum paub tias koj thiab koj cov neeg yuav tau nrog kuv tawm mus ua rog.” ²Davi hais rau Akhij tias, “Zoo kawg, koj yuav paub tias kuv uas yog koj tus qhev muaj peevxwm li cas.” Akhij hais rau Davi tias, “Zoo lawm, kuv yuav tsa koj ua tus uas hwj xwm kuv mus tag sim neej.”

Xa‑u thiab tus txiv neeb hauv lub moos Eedau

³Xamuyee twb tuag lawm thiab cov Yixayee sawvdaws quaj ntsuag nws thiab muab nws log rau hauv Lama uas yog nws lub moos. Xa‑u twb rhuav tshem tej txiv neeb txiv yaig hauv lub tebchaws tag lawm. ⁴Cov Filixatee sau zog tuaj ua ke ua yeej ze ntawm lub moos Sunee. Mas Xa‑u txhij Yixayee cov tub rog sawvdaws tuaj ua yeej rau saum lub roob Kinpau‑a. ⁵Thaum Xa‑u pom Filixatee cov tub rog mas nws ntshai heev, nws lub siab tshee hnyo. ⁶Thaum Xa‑u ua nug rau Yawmsaub, Yawmsaub kuj tsis teb nws, tsis hais teb hauv npau suav lossis teb ntawm Uli lossis ntawm cov xibhwb cev Vajtswv lus. ⁷Xa‑u thiaj hais rau nws cov tub teg tub taws tias, “Cia li mus nrhiav ib tug pojniam uas txawj ua neeb es kuv yuav mus kom nws ua neeb saib.” Xa‑u cov tub teg tub taws hais tias, “Muaj ib tug pojniam ua txiv neeb hauv lub moos Eedau.”
⁸Xa‑u thiaj hloov nws tsoos tsho ua cuav tsab nrog ob tug txivneej mus. Lawv mus txog tus pojniam ntawd rau thaum tsaus ntuj, mas Xa‑u hais tias, “Thov ua neeb rau kuv es coj tus tuag uas kuv qhia npe rau koj los.” ⁹Tus pojniam ntawd teb Xa‑u tias, “Koj yeej paub tseeb lawm tias Xa‑u twb ua li cas, qhov uas nws rhuav tshem tej txiv neeb txiv yaig hauv lub tebchaws. Ua cas koj tseem tuaj ua ntxiab ua hlua cuab kuv txojsia?” ¹⁰Xa‑u tuav Yawmsaub lub npe twv tias, “Muaj Yawmsaub uas muaj txojsia nyob pom, koj yuav tsis raug txim rau qhov uas ua neeb no.” ¹¹Tus pojniam ntawd thiaj hais tias, “Koj yuav kom kuv hu leejtwg los?” Xa‑u hais tias, “Hu Xamuyee los rau kuv.” ¹²Thaum tus pojniam ntawd pom dheev Xamuyee ces txawm qw nrov nrov thiab hais rau Xa‑u tias, “Ua cas koj dag kuv? Koj twb yog Xa‑u ntag.” ¹³Vajntxwv hais rau tus pojniam ntawd tias, “Tsis txhob ntshai li, koj pom dabtsi?” Tus pojniam hais rau Xa‑u tias, “Kuv pom ib tug timtswv sawv hauv nruab yeeb los.” ¹⁴Xa‑u nug tus pojniam hais tias, “Nws lub cev zoo li cas?” Tus pojniam ntawd teb tias, “Yog ib tug yawg laus hnav lub tsho ntev sawv los.” Xa‑u thiaj paub tias yog Xamuyee, nws txawm khoov ntshis pe rau hauv av.
¹⁵Xamuyee hais rau Xa‑u tias, “Koj hu kuv sawv los tab kaum ua dabtsi?” Xa‑u teb tias, “Kuv muaj kev nyuaj siab heev vim yog cov Filixatee ua rog rau kuv thiab Vajtswv tig kiag ntawm kuv mus lawm tsis teb kuv dua li lawm, tsis hais teb ntawm cov xibhwb cev Vajtswv lus lossis teb hauv tej npau suav. Yog li no kuv thiaj thov hu koj sawv los xwv koj thiaj qhia kuv paub tias kuv yuav tsum ua dabtsi.” ¹⁶Xamuyee hais tias, “Thaum Yawmsaub tig hlo ntawm koj thiab ua yeeb ncuab rau koj lawm, ua cas koj tseem tuaj nug kuv? ¹⁷Yawmsaub ua rau koj yam li uas nws twb kom kuv hais rau koj lawd. Yawmsaub muab lub tebchaws dua ntawm koj txhais tes thiab muab cob rau lwm tus kav yog Davi. ¹⁸Twb yog vim koj tsis mloog Yawmsaub tej lus thiab ua raws li uas nws npau taws rau cov Amalej, hnub no Yawmsaub thiaj ua tej no rau koj. ¹⁹Tsis tag li ntawd xwb Yawmsaub yuav muab koj thiab cov Yixayee huvsi cob rau hauv cov Filixatee txhais tes. Tagkis koj thiab koj cov tub yuav nrog kuv nyob, thiab Yawmsaub yuav muab Yixayee cov tub rog cob rau hauv cov Filixatee txhais tes.”
²⁰Ces Xa‑u txawm ntog vau hlo xyab kiag rau hauv pem teb tamsim ntawd, nws ntshai kawg vim yog Xamuyee tej lus. Nws tsis muaj zog kiag li lawm rau qhov nws tsis tau noj mov ib hnub ib hmos lawm. ²¹Tus pojniam ntawd thiaj los rau ntawm Xa‑u. Thaum nws pom tias Xa‑u ntshai kawg nws hais rau Xa‑u tias, “Kuv uas yog koj tus nkauj qhev yeej mloog koj hais. Kuv sev nyog txojsia yeem ua raws li koj tej lus txhua yam. ²²Vim li no thov koj mloog koj tus nkauj qhev hais. Cia kuv muab mentsis zaub mov rau koj, koj cia li noj thiaj muaj zog taug kev rov qab mus.” ²³Xa‑u kuj tsis kam, nws hais tias, “Kuv tsis noj.” Tiamsis nws cov tub teg tub taws thiab tus pojniam ntawd txhob txhob nws, nws thiaj mloog lawv hais. Nws sawv los nyob saum lub txaj. ²⁴Tus pojniam ntawd muaj ib tug menyuam nyuj rog rog nyob ntawm tsev nws txawm maj nroos muab tua. Nws muab hmoov mog los zuaj cub ua ncuav tsis xyaw keeb. ²⁵Nws coj los rau rau Xa‑u thiab nws cov tub teg tub taws noj. Lawv noj tag ces txawm rov qab mus tsev hmo ntawd.

28

¹Now ⚓it happened in those days that the Philistines gathered their armies together for war, to fight with Israel. And Achish said to David, “You assuredly know that you will go out with me to battle, you and your men.”
²So David said to Achish, “Surely you know what your servant can do.”
And Achish said to David, “Therefore I will make you one of my chief guardians forever.”

Saul Consults a Medium

³Now ⚓Samuel had died, and all Israel had lamented for him and buried him in ⚓Ramah, in his own city. And Saul had put ⚓the mediums and the spiritists out of the land.
⁴Then the Philistines gathered together, and came and encamped at ⚓Shunem. So Saul gathered all Israel together, and they encamped at ⚓Gilboa. ⁵When Saul saw the army of the Philistines, he was ⚓afraid, and his heart trembled greatly. ⁶And when Saul inquired of the Lord, ⚓the Lord did not answer him, either by ⚓dreams or ⚓by Urim or by the prophets.
⁷Then Saul said to his servants, “Find me a woman who is a medium, ⚓that I may go to her and inquire of her.”
And his servants said to him, “In fact, there is a woman who is a medium at En Dor.”
⁸So Saul disguised himself and put on other clothes, and he went, and two men with him; and they came to the woman by night. And ⚓he said, “Please conduct a séance for me, and bring up for me the one I shall name to you.”
⁹Then the woman said to him, “Look, you know what Saul has done, how he has ⚓cut off the mediums and the spiritists from the land. Why then do you lay a snare for my life, to cause me to die?”
¹⁰And Saul swore to her by the Lord, saying, “As the Lord lives, no punishment shall come upon you for this thing.”
¹¹Then the woman said, “Whom shall I bring up for you?”
And he said, “Bring up Samuel for me.”
¹²When the woman saw Samuel, she cried out with a loud voice. And the woman spoke to Saul, saying, “Why have you deceived me? For you are Saul!”
¹³And the king said to her, “Do not be afraid. What did you see?”
And the woman said to Saul, “I saw ⚓a spirit ascending out of the earth.”
¹⁴So he said to her, “What is his form?”
And she said, “An old man is coming up, and he is covered with ⚓a mantle.” And Saul perceived that it was Samuel, and he stooped with his face to the ground and bowed down.
¹⁵Now Samuel said to Saul, “Why have you ⚓disturbed me by bringing me up?”
And Saul answered, “I am deeply distressed; for the Philistines make war against me, and ⚓God has departed from me and ⚓does not answer me anymore, neither by prophets nor by dreams. Therefore I have called you, that you may reveal to me what I should do.”
¹⁶Then Samuel said: “So why do you ask me, seeing the Lord has departed from you and has become your enemy? ¹⁷And the Lord has done for Himself ⚓as He spoke by me. For the Lord has torn the kingdom out of your hand and given it to your neighbor, David. ¹⁸⚓Because you did not obey the voice of the Lord nor execute His fierce wrath upon ⚓Amalek, therefore the Lord has done this thing to you this day. ¹⁹Moreover the Lord will also deliver Israel with you into the hand of the Philistines. And tomorrow you and your sons will be with ⚓me. The Lord will also deliver the army of Israel into the hand of the Philistines.”
²⁰Immediately Saul fell full length on the ground, and was dreadfully afraid because of the words of Samuel. And there was no strength in him, for he had eaten no food all day or all night.
²¹And the woman came to Saul and saw that he was severely troubled, and said to him, “Look, your maidservant has obeyed your voice, and I have ⚓put my life in my hands and heeded the words which you spoke to me. ²²Now therefore, please, heed also the voice of your maidservant, and let me set a piece of bread before you; and eat, that you may have strength when you go on your way.”
²³But he refused and said, “I will not eat.”
So his servants, together with the woman, urged him; and he heeded their voice. Then he arose from the ground and sat on the bed. ²⁴Now the woman had a fatted calf in the house, and she hastened to kill it. And she took flour and kneaded it, and baked unleavened bread from it. ²⁵So she brought it before Saul and his servants, and they ate. Then they rose and went away that night.