1Hnub xiab kaug lub xyoo tshiab uas yog xyoo nees nkaum tsib uas peb raug ntes mus, thiab tom qab kaum plaub xyoos uas luag tuaj txeeb tau lub nroog Yeluxalees. Hnub ntawd tus TSWV lub hwjchim los kav hlo kuv thiab coj kuv mus. 2Hauv zaj yogtoog ntawd Vajtswv coj kuv mus tso rau saum ib lub roob siab siab hauv lub tebchaws Yixalayees. Nyob ntawm kuv hauv ntej kuv pom ib koog tsev zoo li ib lub nroog nyob sab qabteb. 3Thaum nws coj kuv mus ze lub nroog ntawd kuv pom ib tug neeg ci ib yam li tooj dag. Nws tuav rawv ib txoj hlua ntaubmag thiab ib tug pas ntsuas sawv ntawm roojvag. 4Nws hais rau kuv hais tias, “Tub noobneej, koj cia li tsa qhovmuag saib. Koj ua tib zoo mloog thiab nco tej lus uas kuv hais rau koj. Kuv coj koj tuaj yog xav qhia tej no rau koj; koj cia li mus qhia txhua yam uas koj pom rau cov Yixalayees.”
Lub Roojvag Sab Hnubtuaj
5Kuv pom ib tug ntsayeej uas xov puagncig lub Tuamtsev. Tus txivneej ntawd txawm muab nws tus pas uas ntev rau tshim coj los ntsuas tus ntsayeej qhov tuab muaj rau tshim thiab qhov siab muaj rau tshim. 6Ces nws mus rau ntawm lub roojvag sab hnubtuaj. Nws nce ntaiv mus rau theem saud, nws ntsuas lub roojvag qhov tob muaj rau tshim. 7Nyob ntawm lub roojvag sab tod muaj ib txojkev, txojkev ntawd ib sab twg muaj peb lub chaw fajxwm. Cov chaw ntawd ib chav twg qhov dav muaj rau tshim, qhov ntev muaj rau tshim, thiab tej phabntsa uas quas cov chaw ntawd tuab tsib tshim. Muaj dua ib txojkev nyob sab nraud ntev rau tshim, txojkev ntawd mus rau hauv sab uas tig rau ntawm lub Tuamtsev. 8-9Nws mus ntsuas lub roojvag uas yuav mus rau hauv lub Tuamtsev, qhov tob muaj yim tshim thiab qhov tuab muaj ob tshim. Sab roojvag ntawd tig mus rau lub Tuamtsev. ( 10Txojkev uas mus rau hauv lub Tuamtsev, ib sab twg muaj peb lub chaw fajxwm, cov chaw fajxwm ntawd qhov dav thiab qhov ntev ib yam nkaus, thiab tej sab phabntsa uas quas cov chav ntawd los tuab ib yam nkaus.) 11Tus txivneej ntawd ntsuas lub roojvag qhov dav muaj kaum tshim, thiab qhov ntev muaj kaum peb tshim. 12Sab phabntsa ntawm hauv ntej cov chav fajxwm, qhov siab muaj ib tshim thiab qhov tuab muaj ib tshim. (Cov chaw ntawd txhua chav puavleej dav rau tshim.) 13Nws ntsuas cov chaw ntawm sab phabntsa tom qab ib chav rau ib chav hla txojkev ntawd muaj nees nkaum tsib tshim. 14Nws ntsuas chav uas mus rau ntawm lub tshav puam, qhov dav muaj rau caum tshim. 15Nws ntsuas lub roojvag sab phabntsa nraud mus rau sab phabntsa hauv muaj tsib caug tshim. 16Nyob ntawm tus ntsa loog sab nraud muaj ib co qhovrai qhib thiab sab ntsa loog hauv luag txaug tej duab toovlaj rau.
Lub Tshavpuam Sab Nraud
17Tus txivneej ntawd coj kuv ntawm lub roojvag mus rau hauv lub tshavpuam. Nyob raws tus ntsa loog sab hauv muaj peb caug chav uas tig tuaj rau ntawm lub tshavpuam, thiab sab nraum cov chav ntawd luag muab pobzeb pua 18puagncig lub tshavpuam. Lub tshavpuam sab nraud qis dua lub tshavpuam sab hauv. 19Nws ntsuas lub roojvag theem qis sab hauv mus rau ntawm lub roojvag theem siab sab nraud muaj ib puas tshim.
Lub Roojvag Sab Qaumteb
20Ces tus txivneej ntawd ntsuas ntawm lub roojvag sab qaumteb mus rau ntawm lub tshavpuam uas nyob sab nraud. 21Nws ntsuas cov chaw fajxwm uas peb lub nyob rau ib sab kev, cov phabntsa uas quas cov chav thiab txojkev uas nkag sab nraud los dav thiab tuab ib yam nkaus li cov uas nyob ntawm lub roojvag sab hnubtuaj. Lub roojvag qhov ntev muaj sib caug tshim thiab qhov dav muaj nees nkaum tsib tshim. 22Cov chav, cov qhovrai thiab cov duab toovlaj uas luag txaug rau ntawm cov phabntsa zoo ib yam li cov uas luag txaug rau ntawm cov roojvag uas nyob sab hnubtuaj thiab. Muaj xya theem qib ntai nce mus rau saum lub roojvag uas nkag mus rau hauv lub tshavpuam. 23Ncaj ntawm lub roojvag sab qaumteb los muaj ib lub roojvag mus rau lub tshavpuam sab hauv zoo ib yam li lub roojvag uas nyob sab hnubtuaj. Tus txivneej ntawd ntsuas qhov deb ntu nruab nrab ntawm ob lub roojvag ntawd muaj ib puas tshim.
Lub Roojvag Sab Qabteb
24Tus txivneej ntawd coj kuv mus rau sab qabteb; nyob nrad muaj ib lub roojvag thiab. Nws ntsuas cov phabntsa sab hauv thiab lub roojvag dav thiab tuab ib yam li lub roojvag sab qaumteb thiab lub sab hnubtuaj. 25Lub roojvag ntawd muaj qhovrai ib yam li lwm lub roojvag thiab. Lub roojvag ntawd qhov ntev muaj tsib caug tshim thiab qhov dav muaj nees nkaum tsib tshim. 26Muaj xya theem qib ntai nce mus rau saum lub roojvag uas nkag mus rau hauv lub tshavpuam. Luag txaug tej tsob duab toovlaj rau ntawm ob sab phabntsa hauv raws txojkev. 27Tus txivneej ntawd ntsuas ntawm lub roojvag sab qabteb los rau ntawm lub tshavpuam uas nyob sab hauv muaj ib puas tshim.
Lub Tshavpuam Sab Hauv thiab Lub Roojvag Sab Qabteb
28Tus txivneej ntawd coj kuv ntawm lub roojvag sab qabteb mus rau ntawm lub tshavpuam sab hauv. Nws ntsuas lub roojvag ntawd txhua phab, qhov ntev thiab qhov dav ib yam nkaus li lwm lub roojvag thiab. 29-30Cov chaw fajxwm, cov roojvag, thiab cov phabntsa sab hauv puavleej dav thiab tuab ib yam li lwm lub roojvag thiab. Tej chav ntawm lub roojvag puavleej muaj qhovrai. Lub roojvag qhov ntev muaj tsib caug tshim thiab qhov dav muaj nees nkaum tsib tshim. 31Lub roojvag uas tig rau ntawm lub tshavpuam sab nraud muaj tej duab toovlaj uas luag txaug rau ntawm ob sab phabntsa raws txojkev. Muaj yim theem qib ntai nce mus rau saum lub roojvag.
Lub Tshavpuam sab hauv thiab Lub Roojvag Sab Hnubtuaj
32Tus txivneej ntawd coj kuv ntawm lub roojvag sab hnubtuaj mus rau ntawm lub tshavpuam sab hauv. Nws ntsuas lub roojvag ntawd txhua phab, qhov ntev thiab qhov dav ib yam li lwm lub roojvag thiab. 33Cov chaw fajxwm, cov roojvag thiab cov phabntsa uas nyob sab hauv puavleej dav thiab tuab ib yam li lwm lub roojvag thiab. Tej chav ntawd puavleej muaj qhovrai nyob puagncig. Lub roojvag qhov ntev muaj tsib caug tshim thiab qhov dav muaj nees nkaum tsib tshim. 34Lub roojvag uas tig rau ntawm lub tshavpuam sab nraud. Luag txaug tej duab toovlaj rau ob sab phabntsa raws txojkev. Muaj yim theem qib ntai nce mus rau saum lub roojvag.
Lub Tshavpuam Sab Hauv thiab Lub Roojvag Qaumteb
35Ces tus txivneej ntawd coj kuv mus rau ntawm lub roojloog sab qaumteb. Nws ntsuas lub roojvag ntawd, qhov ntev thiab qhov dav ib yam li lwm lub roojvag thiab. 36Cov chaw fajxwm, tej duab uas txaug rau ntawm tej phabntsa sab hauv, cov roojvag thiab tej qhovrai uas nyob puagncig cov chav ntawd puavleej dav thiab tuab ib yam li lwm lub roojvag thiab. Lub roojvag ntawd qhov ntev muaj tsib caug tshim thiab qhov dav muaj nees nkaum tsib tshim. 37Lub roojvag uas tig rau ntawm lub tshavpuam sab hauv. Muaj tej duab toovlaj uas luag txaug rau ntawm ob sab phabntsa raws txojkev. Muaj yim theem qib ntai nce mus rau saum lub roojvag.
Cov Tsev Nyob Ze Lub Roojvag Sab Qaumteb
38Nyob ntawm lub tshavpuam sab nraud muaj ib chav txuas nkaus lub roojvag sab hauv uas nyob sab qaumteb. Luag siv chav ntawd ntxuav tej tsiaj uas yuav coj mus hlawv ua khoom fij. 39Chav uas nyob ntawm lub roojvag muaj plaub lub rooj, ib sab txawb ob lub. Lawv muab tej tsiaj uas ua khoom fij coj los tua rau saum plaub lub rooj ntawd, tsis hais tej tsiaj uas yuav muab hlawv theej txhoj lossis daws txim. 40Nyob rau hauv chav sab nraud muaj plaub lub rooj zoo ib yam li plaub lub uas nyob sab hauv thiab, ib sab roojvag txawb ob lub rooj rau sab ped. 41Tagnrho yog muaj yim lub rooj uas coj tej tsiaj ua khoom fij tuaj tua rau saud: Plaub lub nyob rau sab hauv thiab plaub lub nyob rau sab nraum lub tshavpuam. 42Plaub lub rooj uas nyob sab hauv yog siv tua cov tsiaj uas hlawv ua khoom fij; cov rooj ntawd muab pobzeb txaug ua. Qhov siab muaj ib tshim, qhov dav thiab qhov ntev puavleej muaj ib tshim thiab ib dos. Tej cuabyeej uas lawv siv tua tej tsiaj ua khoom fij, lawv muab cia rau saum cov rooj ntawd. 43Muaj ib co nqelauj ntev li tus ntivtes ntsia thoob plaws rau ntawm cov phabntsa. Tej nqaij uas tua ua khoom fij lawv muab tso rau saum cov rooj ntawd. 44Nws coj kuv mus rau hauv lub tshavpuam sab hauv. Nyob hauv muaj ob chav, chav uas nyob ntawm lub roojvag sab qaumteb tig rau sab qabteb thiab chav uas nyob ntawm lub roojvag sab qabteb tig rau sab qaumteb. 45Tus txivneej ntawd hais rau kuv hais tias cov povthawj uas ua haujlwm hauv lub tuamtsev nyob hauv chav uas tig rau sab qabteb, 46thiab cov povthawj uas hlawv tsiaj fij rau saum lub thaj nyob hauv chav uas tig mus rau sab qaumteb. Cov povthawj ntawd yog Xadaus cajces; lawv puavleej yog xeem Levis thiab yog cov uas muaj cai mus cuag tau tus TSWV.
Lub Tshavpuam Sab Hauv thiab Lub Tuamtsev
47Tus txivneej ntawd ntsuas lub tshavpuam sab hauv qhov dav thiab qhov ntev muaj ib puas tshim ib yam nkaus. Lub tuamtsev nyob rau sab hnubpoob thiab lub thaj nyob ntawm hauv ntej lub Tuamtsev. 48Nws coj kuv mus rau ntawm lub qhovrooj uas mus rau hauv lub Tuamtsev. Nws ntsuas lub qhovrooj ntawd qhov siab muaj tsib tshim thiab qhov dav muaj kaum plaub tshim, thiab ob tug ncej qhovrooj tuab peb tshim. 49Cov qib ntai uas nce mus rau saum lub qhovrooj, qhov ntev muaj nees nkaum tshim thiab qhov dav muaj kaum ob tshim, thiab muaj ob sab phabntsa nyob ntawm ob sab qhovrooj.
40
Zaaj yug quas toog pum lub tuam tsev
1Thaus peb poob tebchaws tau neeg nkaum tswb xyoos, nub xab kaum lub hauv xyoo, yog thaus Yeluxalee poob tau kaum plaub xyoos lawm, mas nub hov ntaag Yawmsaub txhais teg lug rua sau kuv, hab coj kuv moog hov ntawd. 2Mas nwg coj kuv huv Vaajtswv zaaj yug quas toog lug txug Yixayee tebchaws, hab muab kuv tso rua sau ib lub roob sab heev. Ncaaj ntawm kuv rua saab nraag muaj ib lub chaw zoo le lub nroog. 3Thaus nwg coj kuv lug txug lub chaw ntawd, na cav muaj ib tug txwvneej, saib mas zoo le tooj lab, muaj ib txuj hlua maaj hab ib tug paas ntsuag nyob huv nwg txhais teg. Nwg sawv nreg nreeg ntawm rooj loog. 4Tug txwvneej hov has rua kuv tas, “Tuabneeg tug tub, koj ca le tsaa muag saib hab tig ntsej noog, muab lub sab rau rua txhua yaam kws kuv yuav qha rua koj, vem tas qhov kws coj koj tuaj ntawm nuav kuj yog yuav qha rua koj. Txhua yaam kws koj pum nuav ca le pav rua cov Yixayee.” 5Kuv saib na cav muaj ntsaa loog vej hlo lub tuam tsev. Tug paas ntsuag kws nyob huv tug txwvneej hov txhais teg ntev rau tshwm, txhua tshwm yog ib tshwm hab ib dus. Nwg txhad ntsuag lub ntsaa loog qhov kws tuab mas tuab ib paas, hab qhov kws sab kuj yog sab ib paas. 6Mas nwg nkaag moog rua huv lub rooj loog kws tig rua saab nub tuaj. Nwg nce tug ntaiv moog hab nwg ntsuag lub paws rooj tuab ib paas. 7Nwg ntsuag tej chaav zuv khuav, ib chaa ntev ib paas daav ib paas xwm faab xwm meem, qhov kws kem ib chaa zuv khuav rua ib chaa yog ntev tswb tshwm. Hab lub paws rooj tom kawg zaaj qaab khaav kuj tuab ib paas. 8Nwg ntsuag lub rooj loog zaaj qaab khaav daav yim tshwm. 9Ob tug puab rooj ntawm zaaj qaab khaav daav ob tshwm xwm faab xwm meem. Nuav yog lub rooj loog zaaj qaab khaav saab huv. 10Ob saab kev ntawm rooj loog saab nub tuaj muaj chaav zuv khuav, ib saab muaj peb chaav sws luag zog, hab tej ncej kws nyob ob saab sws luag zog hab. 11Nwg ntsuag lub paws rooj qhov daav kaum tshwm, hab txujkev huv lub rooj loog daav kaum peb tshwm. 12Tej chaav zuv khuav ntawm xubndag xov sab ib tshwm tuab ib tshwm, tej chaav zuv khuav ntawd daav rau tshwm xwm faab xwm meem. 13Nwg ntsuag qhov daav ntawm chaav zuv khuav saab nraus qaum moog rua chaav kws sws ncaag saab nraus qaum mas muaj neeg nkaum tswb tshwm, yog ntsuag ntawm ib lub qhov rooj miv moog rua chaav sws ncaag lub qhov rooj miv. 14Nwg ntsuag zaaj qaab khaav qhov ntev muaj neeg nkaum tshwm,⚓ nwg ntsuag moog rua tej puab rooj kws saib rua huv lub tshaav puam. 15Ntsuag ntawm lub rooj loog saab nrau moog txug zaaj qaab khaav saab huv muaj tswb caug tshwm. 16Lub rooj loog muaj qhov rais puag ncig, tej qhov rais huv tej chaav zuv khuav mas ua nqaim quas zug moog rua tug puab qhov rais saab nrau. Zaaj qaab khaav kuj muaj qhov rais ib yaam nkaus, hab luas sais tej tsob toov laaj rua tej ncej puab rooj. 17Nwg coj kuv tawm lug rua huv lub tshaav puam saab nrau, ua cav muaj ntau chaav hab pua laag zeb puag ncig lub tshaav puam. Muaj peb caug chaav tig ndag rua ntawm txujkev kws pua laag zeb. 18Cov laag zeb hov pua taug txujkev kws npuas cov rooj loog, pua thoob plawg qhov kws muaj rooj loog. Nuav yog cov laag zeb kws pua txheej kev qeg. 19Mas nwg ntsuag ntawm lub rooj loog kws nyob txheej qeg moog txug lub qhov rooj kws nkaag moog rua huv lub tshaav puam saab huv, muaj ib puas tshwm, saab peg hab saab nub tuaj ntev ib yaam nkaus.⚓20Lub rooj loog ntawm lub tshaav puam saab nrau kws tig rua saab peg, nwg kuj ntsuag qhov ntev hab qhov daav. 21Lub rooj loog ib saab muaj peb chaav zuv khuav, mas tej puab rooj hab tej chaw kem ib chaa rua ib chaa luj sws luag zog ib yaam le thawj lub rooj loog, qhov ntev muaj tswb caug tshwm, qhov daav muaj neeg nkaum tswb tshwm. 22Tej qhov rais hab zaaj qaab khaav hab tej tsob toov laaj kws sais zoo ib yaam nkaus le lub rooj loog kws tig rua saab nub tuaj. Muaj xyaa qaib ntai nce moog txug hab zaaj qaab khaav nyob saab huv. 23Ncaaj rua lub rooj loog saab peg muaj ib lub qhov rooj nkaag moog rua huv lub tshaav puam saab huv ib yaam le lub rooj loog saab nub tuaj. Nwg ntsuag ntawm lub rooj loog moog txug lub qhov rooj hov muaj ib puas tshwm. 24Nwg coj kuv moog rua saab nraag na cav muaj ib lub rooj loog saab nraag. Nwg ntsuag tej puab rooj hab zaaj qaab khaav kuj luj sws luag le lwm lub. 25Muaj qhov rais puag ncig rooj loog hab zaaj qaab khaav ib yaam le lwm lub qhov rais, ntev tswb caug tshwm, daav neeg nkaum tswb tshwm. 26Muaj xyaa qaib ntai nce moog txug hab zaaj qaab khaav nyob saab huv, sais tsob toov laaj rua ob tug puab rooj ib saab ib tsob. 27Hab muaj ib lub qhov rooj saab nraag kws nkaag moog rua huv lub tshaav puam saab huv. Nwg ntsuag ntawm lub qhov rooj moog txug lub rooj loog saab nraag muaj ib puas tshwm. 28Mas nwg coj kuv nkaag lub qhov rooj saab nraag lug rua huv lub tshaav puam saab huv. Nwg ntsuag lub qhov rooj saab nraag kuj luj sws luag le lwm lub rooj loog. 29Tej chaav zuv khuav hab tej puab rooj hab zaaj qaab khaav kuj luj sws luag le lwm lub. Muaj qhov rais puag ncig lub qhov rooj hab zaaj qaab khaav, ntev tswb caug tshwm, daav neeg nkaum tswb tshwm. 30[Muaj qaab khaav puag ncig ntev neeg nkaum tswb tshwm daav tswb tshwm.]⚓31Zaaj qaab khaav tig rua lub tshaav puam saab nrau, hab sais tsob toov laaj rua tej puab rooj, hab muaj yim qaib ntai nce moog txug. 32Hab nwg coj kuv lug rua huv lub tshaav puam saab huv kws yog saab nub tuaj, hab nwg ntsuag lub qhov rooj, kuj luj sws luag ib yaam le lwm lub. 33Tej chaav zuv khuav hab tej puab rooj hab zaaj qaab khaav kuj luj sws luag le lwm lub. Lub qhov rooj hab zaaj qaab khaav, ntev tswb caug tshwm, daav neeg nkaum tswb tshwm, muaj qhov rais puag ncig. 34Zaaj qaab khaav tig rua lub tshaav puam saab nrau, hab sais tsob toov laaj rua tej puab rooj ib saab ib tsob, hab muaj yim qaib ntai nce moog txug. 35Hab nwg coj kuv lug rua lub qhov rooj saab peg hab muab ntsuag, mas kuj luj sws luag le lwm lub. 36Tej chaav zuv khuav hab tej puab rooj hab zaaj qaab khaav kuj luj sws luag le lwm lub. Muaj qhov rais puag ncig, ntev tswb caug tshwm, daav neeg nkaum tswb tshwm. 37Zaaj qaab khaav tig rua lub tshaav puam saab nrau, hab sais tsob toov laaj rua ob tug puab rooj, ib saab ib tsob, hab muaj yim qaib ntai. 38Muaj ib chaav kws nkaag ntawm zaaj qaab khaav lub qhov rooj rua huv, yog lub chaw kws ntxuav tej tsaj kws yuav hlawv xyeem. 39Ntawm zaaj qaab khaav kws yuav nkaag rua huv lub qhov rooj muaj ob lub rooj txawb ib saab kev, ob lub txawb ib saab kev ca tua tej tsaj kws yuav hlawv xyeem hab xyeem daws txem hab xyeem ntxuav kev txaug kev txhum. 40Lub qhov rooj saab peg zaaj qaab khaav saab nrau muaj ob lub rooj txawb ib saab kev, ob lub rooj txawb ib saab kev. 41Muaj plaub lub rooj nyob saab qhov rooj huv, muaj plaub lub nyob saab qhov rooj nrau, huvsw yim lub, yog puab swv tua tej tsaj kws yuav xyeem. 42Muaj plaub lub rooj kws txaug pob zeb ua swv tua tsaj hlawv xyeem, ntev ib tshwm txhais daav ib tshwm txhais sab ib tshwm, muab tej cuab yeej kws tua tej tsaj xyeem hab tej tsaj hlawv xyeem tso rua sau. 43Muaj nqai lauj ntev ib dus dai puag ncig tej phaab ntsaa ntawm lub rooj.⚓ Yuav muab tej nqaj kws xyeem tso rua sau tej rooj ntawd. 44Mas nwg coj kuv moog rua huv lub tshaav puam saab huv, ua cav muaj ob chaav huv lub tshaav puam saab huv, ib chaav nyob ntawm ib saab lub qhov rooj saab peg tig rua saab nraag, hab ib chaav nyob ntawm ib saab lub qhov rooj saab nraag tig rua saab peg. 45Mas nwg has rua kuv tas, “Chaav kws tig rua saab nraag yog cov pov thawj kws saib lub tuam tsev chaav, 46chaav kws tig rua saab peg yog cov pov thawj kws saib lub thaaj xyeem chaav. Cov pov thawj nuav yog Xantau caaj ceg, huv xeem Levi mas tuab cov nuav yog cov kws tuaj ze Yawmsaub ua koom tau rua nwg.” 47Mas nwg ntsuag lub tshaav puam hov ntev ib puas tshwm daav ib puas tshwm xwm faab xwm meem, hab lub thaaj xyeem nyob ntawm lub tuam tsev hauv ntej. 48Hab nwg coj kuv moog txug ntawm lub tuam tsev zaaj qaab khaav hab nwg ntsuag ob saab puab rooj, ib saab phaab ntsaa ntawm qhov rooj daav tswb tshwm, hab lub qhov rooj daav kaum plaub tshwm, ib saab puab rooj tuab peb tshwm. 49Zaaj qaab khaav ntev neeg nkaum tshwm daav kaum ob tshwm. Muaj kaum qaib ntai nce moog txug hab muaj ob tug ncej qaab khaav nyob ob saab puab rooj.