37

Yeluxalee yuav dim ntawm Xenakhawli

(2Vntx. 19:1-19)

¹Thaus vaajntxwv Hexekhiya nov tej lug ntawd, nwg txawm dua rhe nwg lub tsho hab muab khaub seev tsaaj lug naav hab moog rua huv Yawmsaub lub tuam tsev. ²Mas nwg khaiv Eliyakhi kws yog tug saib vaajntxwv lub tsev hab Sena kws yog tug tub sau ntawv hab cov pov thawj laug naav khaub seev tsaaj moog cuag Amoj tug tub Yaxaya kws ua xwbfwb cev Vaajtswv lug. ³Puab txawm has rua nwg tas, “Hexekhiya has le nuav tas, ‘Nub nua yog nub kws ntxhuv sab hab raug luas thuaj poob ntsej muag. Tej mivnyuas tub txug caij yug lawm tassws tsw muaj zug ntsub. ⁴Tej zag Yawmsaub kws yog koj tug Vaajtswv tub nov tej lug kws Axilia tug vaajntxwv kuas Lasakhe tuaj has saib tsw taug Vaajtswv kws muaj txujsa nyob, hab Yawmsaub yuav rhuav tshem tej lug kws Yawmsaub kws yog koj tug Vaajtswv tau nov. Yog le ntawd thov koj thov Yawmsaub paab cov tuabneeg kws tseed tshuav nyob nuav.’ ”
⁵Thaus vaajntxwv Hexekhiya cov tim xyoob tuaj cuag Yaxaya, ⁶Yaxaya has rua puab tas, “Ca le has rua mej tug vaajntxwv tas, ‘Yawmsaub has le nuav tas, Tsw xob ntshai tej lug kws mej tau nov hov, yog tej lug kws Axilia tug vaajntxwv tej num tswv thuaj kuv. ⁷Saib maj, kuv yuav tshoov nwg lub sab ua kuas nwg nov lug fuab lug cua mas nwg yuav rov qaab moog rua nwg lub tebchaws. Hab kuv yuav ua kuas nwg tuag nav ntaaj rua huv nwg lub tebchaws.’ ”
⁸Lasakhe txhad rov qaab moog mas ntswb Axilia tug vaajntxwv ua rog rua lub moos Lina, tsua qhov nwg nov tas vaajntxwv tub tawm huv Lakhi moog lawm. ⁹Axilia tug vaajntxwv nov xuv has tas Khuj⚓ tug vaajntxwv Thihakha tub sawv kev tuaj ntaus nwg. Thaus nwg nov le ntawd nwg txawm khaiv tuabneeg xaa xuv rov moog has rua Hexekhiya has tas, ¹⁰“Mej yuav tsum has le nuav rua Yuta tug vaajntxwv Hexekhiya has tas, ‘Tsw xob ca koj tug Vaajtswv kws koj vaam khom ntawd daag has tas Yeluxalee yuav tsw raug muab rua huv Axilia tug vaajntxwv txhais teg. ¹¹Saib maj, mej tub nov lawm tas Axilia tej vaajntxwv tub ua le caag rua ib tsoom tebchaws huvsw lawm, tub ua rua tej tebchaws puam tsuaj taag huvsw. Koj nev, koj yuav tau kev dim lov? ¹²Ib tsoom tebchaws tej daab paab tau puab dim lov? Tub yog tej tebchaws kws kuv tej laug muab ua puam tsuaj, yog lub moos Kauxaa, lub moos Halaa, lub moos Lexe hab cov tuabneeg Etee kws nyob huv lub moos Thee‑axa. ¹³Tug vaajntxwv huv lub moos Hama hab tug vaajntxwv huv Apa hab tug vaajntxwv huv Xefava‑i, hab tug vaajntxwv huv Hena hab tug vaajntxwv huv Iva dua twg lawm?’ ”
¹⁴Hexekhiya txais tsaab ntawv ntawm tug xaa xuv txhais teg hab nyeem. Mas Hexekhiya txhad moog rua huv Yawmsaub lub tuam tsev, hab muab tsaab ntawv nthuav rua ntawm Yawmsaub lub xubndag. ¹⁵Hab Hexekhiya thov Yawmsaub has tas, ¹⁶“Au Yawmsaub tug muaj fwjchim luj kawg nkaus kws yog cov Yixayee tug Vaajtswv, kws nyob lub zwm txwv sau cov Khelunpee,⚓ koj tuab leeg xwb txhad yog ib tsoom tebchaws huv qaab ntuj tug Vaajtswv, koj tau tswm lub ntuj hab lub nplajteb. ¹⁷Au Yawmsaub, thov tig qhov ntsej noog. Au Yawmsaub thov tsaa qhov muag saib, hab thov koj noog Xenakhawli tej lug huvsw kws nwg xaa tuaj thuaj luag Vaajtswv kws muaj txujsa nyob. ¹⁸Au Yawmsaub, yeej muaj tseeb le ntawd tag, Axilia tej vaajntxwv tau ua rua txhua haiv tuabneeg hab puab lub tebchaws puam tsuaj taag, ¹⁹hab muab puab tej txoov daab nrum rua huv suavtawg, vem tej hov tsw yog timtswv, tsuas yog tej kws tuabneeg txhais teg ua xwb, yog ntoo hab pob zeb. Vem le hov tej hov txhad raug muab ua puam tsuaj taag. ²⁰Au Yawmsaub kws yog peb tug Vaajtswv, nwgnuav kuv thov koj cawm peb dim huv nwg txhais teg, sub ib tsoom tebchaws huv nplajteb txhad paub tas koj tuab leeg yog Yawmsaub.”

Yaxaya xaa xuv rua Hexekhiya

(2Vntx. 19:20-37)

²¹Mas Amoj tug tub Yaxaya has moog rua Hexekhiya has tas, “Yawmsaub kws yog Yixayee tug Vaajtswv has le nuav tas, Vem koj tau thov kuv has txug Xenakhawli kws yog Axilia tug vaajntxwv, ²²mas ntawm nuav moog yog tej lug kws Yawmsaub has txug Xenakhawli.
“Xi‑oo tug ntxhais dawb huv saib tsw taug koj luag koj,
Yeluxalee tug ntxhais cu hau quas nyo luag lawv koj qaab.

²³“Koj thuaj hab has phem rua leejtwg?
Koj tsaa koj lub suab tawm tsaam leejtwg
hab koj khaav theeb zwg ncauj ntxw muag rua leejtwg?
Yog ua rua cov Yixayee tug Tswv kws Dawb Huv ntaag.
²⁴Koj muab lug rua koj tej tub qhe thuaj luag tug Tswv⚓
hab koj tau khaav tas, ‘Kuv muaj tsheb ua rog ntau heev,
kuv nce moog sau tej roob sab,
moog txug tej qhov kws deb kawg huv Lenpanoo.
Kuv tub muab nwg tej ntoo cab kws sab kawg ntuv qaug
hab ntuv nwg tej ntoo cab nplooj suab kws zoo nkauj kawg.
Kuv moog txug nwg lub ncov roob kws deb kawg nkaus
hab moog txug lub haav zoov kws tsaus kawg nkaus.
²⁵Kuv khawb qhov dej hab haus tej dej,
kuv txhais xwb taw tsuj Iyi tej haav dej qhuav taag huvsw.’

²⁶“Koj tsw tau nov lov?
Kuv tub npaaj ca le ntawd ntev lug lawm.
Tej num kws kuv ua nwgnuav
kuv tub hom ca thau u lug lawm,
has tas koj yuav tsoo tej moos kws muaj ntsaa loog ruaj khov
pob taag ua tej nam pawg ca.
²⁷Tej tuabneeg huv tej moos ntawd
qaug zug ntshaus ntsho poob sab taag hab txaaj muag heev,
puab zoo le tej zaub huv teb hab zoo le tej nroj mog mog,
zoo le tej nroj kws tuaj sau ruv tsev
kws ca le qhuav taag tsw hlub.

²⁸“Kuv yeej paub qhov kws koj nyob tsawg
hab qhov kws koj tawm moog hab nkaag lug,
hab qhov kws koj npau tawg rua kuv.
²⁹Vem koj tau npau tawg rua kuv
hab kuv tub nov qhov kws koj khaav theeb,
mas kuv yuav muab kuv tug nqai lauj chob koj lub qhov ntswg
hab muab kuv txuj xauv saam koj lub qhov ncauj,
mas kuv yuav caab koj tig hlo rov qaab
taug txujkev kws koj tuaj moog.

³⁰“Nuav yog tej txujci kws qha rua koj paub. Xyoo nuav koj yuav noj tej qoob loos kws nwg tuaj nwg. Xyoo ob koj yuav noj tej kws tuaj ntawm lub qub chaw. Mas xyoo peb ca le tseb hab hlais hab ua vaaj txwv maab hab noj tej txwv ntawd. ³¹Yuta caaj ceg cov kws dim hab tseed tshuav nyob yuav rov cog caag rua huv hab txw txwv rua sau. ³²Vem tas muaj ib co kws tseed tshuav nyob yuav tawm huv Yeluxalee moog, hab muaj ib co kws dim yuav tawm huv lub roob Xi‑oo moog. Yawmsaub kws muaj fwjchim luj kawg nkaus kub sab quas lug yuav ua tej nuav.
³³“Vem le nuav Yawmsaub txhad has txug Axilia tug vaajntxwv le nuav tas, Nwg yuav tsw nkaag lug rua huv lub nroog nuav hab tsw tua xub neev moog rua huv, hab tsw tuav daim hlau thaiv tuaj ze lub nroog hab tsw tsub aav ua chaw nce ntsaa loog. ³⁴Nwg tuaj txujkev twg nwg yuav rov txujkev ntawd moog, nwg yuav tsw nkaag rua huv lub nroog nuav. Yawmsaub has le nuav ntaag. ³⁵Kuv yuav tsom kwm lub nroog nuav ca kuas dim, vem saib rua kuv hab saib rua kuv tug tub qhe Tavi.”
³⁶Yawmsaub tug tubkhai ntuj tawm moog tua Axilia cov tub rog huv puab lub yeej tuag 185,000 leej. Mas thaus sawv ntxuv puab sawv saib na cav cov ntawd tub tuag taag lawm. ³⁷Tes Axilia tug vaajntxwv Xenakhawli txawm ca le sawv kev rov qaab moog tsev, moog nyob huv Ninave. ³⁸Thaus nwg saamswm pe hawm huv lub tsev teev daab Nilau kws yog nwg tug daab, nwg ob tug tub Alamelej hab Salexaw txawm xuas ntaaj tua nwg. Tes ob tug tswv moog rua Alalab tebchaws lawm. Mas nwg tug tub Exahantoo sawv kaav nyob nwg chaw.

37

Yeluxalees yuav dim ntawm Xenakhawli

(2Vntx. 19:1-19)

¹Thaum vajntxwv Hexekhiya hnov tej lus ntawd, nws txawm dua rhe nws lub tsho thiab muab khaub seev tsaj los hnav thiab mus rau hauv Yawmsaub lub tuam tsev. ²Mas nws txib Eliyakhi uas yog tus saib xyuas vajntxwv lub tsev thiab Sena uas yog tus tub sau ntawv thiab cov pov thawj laus hnav khaub seev tsaj mus cuag Amoj tus tub Yaxaya uas ua xibhwb cev Vajtswv lus. ³Lawv txawm hais rau nws tias, “Hexekhiya hais li no tias, ‘Hnub no yog hnub uas ntxhov siab thiab raug luag thuam poob ntsej muag. Tej menyuam tub txog caij yug lawm tiamsis tsis muaj zog ntsub. ⁴Tej zaum Yawmsaub uas yog koj tus Vajtswv twb hnov tej lus uas Axilia tus vajntxwv kom Lasakhe tuaj hais saib tsis taus Vajtswv uas muaj txojsia nyob, thiab Yawmsaub yuav rhuav tshem tej lus uas Yawmsaub uas yog koj tus Vajtswv tau hnov. Yog li ntawd thov koj thov Yawmsaub pab cov neeg uas tseem tshuav nyob no.’ ”
⁵Thaum vajntxwv Hexekhiya cov tim xyoob tuaj cuag Yaxaya, ⁶Yaxaya hais rau lawv tias, “Cia li hais rau nej tus vajntxwv tias, ‘Yawmsaub hais li no tias, Tsis txhob ntshai tej lus uas nej tau hnov ntawd, yog tej lus uas Axilia tus vajntxwv tej nom tswv thuam kuv. ⁷Saib maj, kuv yuav tshoov nws lub siab ua kom nws hnov lus huab lus cua mas nws yuav rov qab mus rau nws lub tebchaws. Thiab kuv yuav ua kom nws tuag hniav ntaj rau hauv nws lub tebchaws.’ ”
⁸Lasakhe thiaj rov qab mus mas ntsib Axilia tus vajntxwv ua rog rau lub moos Lina, rau qhov nws hnov tias vajntxwv twb tawm hauv Lakhi mus lawm. ⁹Axilia tus vajntxwv hnov xov hais tias Khuj⚓ tus vajntxwv Thihakha twb sawv kev tuaj ntaus nws. Thaum nws hnov li ntawd nws txawm txib neeg xa xov rov mus hais rau Hexekhiya hais tias, ¹⁰“Nej yuav tsum hais li no rau Yuda tus vajntxwv Hexekhiya hais tias, ‘Tsis txhob cia koj tus Vajtswv uas koj vam khom ntawd dag hais tias Yeluxalees yuav tsis raug muab rau hauv Axilia tus vajntxwv txhais tes. ¹¹Saib maj, nej twb hnov lawm tias Axilia tej vajntxwv twb ua li cas rau ib tsoom tebchaws huvsi lawm, twb ua rau tej tebchaws puam tsuaj tag huvsi. Koj nev, koj yuav tau kev dim lov? ¹²Ib tsoom tebchaws tej dab pab tau lawv dim lov? Twb yog tej tebchaws uas kuv tej poj koob yawm txwv muab ua puam tsuaj, yog lub moos Kauxas, lub moos Halas, lub moos Lexe thiab cov neeg Edee uas nyob hauv lub moos Thee‑axa. ¹³Tus vajntxwv hauv lub moos Hama thiab tus vajntxwv hauv Apa thiab tus vajntxwv hauv Xefava‑i, thiab tus vajntxwv hauv Hena thiab tus vajntxwv hauv Iva dua twg lawm?’ ”
¹⁴Hexekhiya txais tsab ntawv ntawm tus xa xov txhais tes thiab nyeem. Mas Hexekhiya thiaj mus rau hauv Yawmsaub lub tuam tsev, thiab muab tsab ntawv nthuav rau ntawm Yawmsaub lub xubntiag. ¹⁵Thiab Hexekhiya thov Yawmsaub hais tias, ¹⁶“Au Yawmsaub tus muaj hwjchim loj kawg nkaus uas yog cov Yixayee tus Vajtswv, uas nyob lub zwm txwv saum cov Khelunpee,⚓ koj tib leeg xwb thiaj yog ib tsoom tebchaws hauv qab ntuj tus Vajtswv, koj tau tsim lub ntuj thiab lub ntiajteb. ¹⁷Au Yawmsaub, thov tig pob ntseg mloog. Au Yawmsaub thov tsa qhov muag saib, thiab thov koj mloog Xenakhawli tej lus huvsi uas nws xa tuaj thuam luag Vajtswv uas muaj txojsia nyob. ¹⁸Au Yawmsaub, yeej muaj tseeb li ntawd tiag, Axilia tej vajntxwv tau ua rau txhua haiv neeg thiab lawv lub tebchaws puam tsuaj tag, ¹⁹thiab muab lawv tej dab mlom pov rau hauv hluavtaws, vim tej ntawd tsis yog timtswv, tsuas yog tej uas neeg txhais tes ua xwb, yog ntoo thiab pob zeb. Vim li ntawd tej ntawd thiaj raug muab ua puam tsuaj tag. ²⁰Au Yawmsaub uas yog peb tus Vajtswv, nimno kuv thov koj cawm peb dim hauv nws txhais tes, kom ib tsoom tebchaws hauv ntiajteb thiaj paub tias koj tib leeg yog Yawmsaub.”

Yaxaya xa xov rau Hexekhiya

(2Vntx. 19:20-37)

²¹Mas Amoj tus tub Yaxaya hais mus rau Hexekhiya hais tias, “Yawmsaub uas yog Yixayee tus Vajtswv hais li no tias, Vim koj tau thov kuv hais txog Xenakhawli uas yog Axilia tus vajntxwv, ²²mas ntawm no mus yog tej lus uas Yawmsaub hais txog Xenakhawli.
“Xi‑oo tus ntxhais dawb huv
saib tsis taus koj luag koj,
Yeluxalees tus ntxhais
co hau nto luag raws koj qab.

²³“Koj thuam thiab hais phem rau leejtwg?
Koj tsa koj lub suab tawm tsam leejtwg
thiab koj khav theeb
zij ncaug ntxi muag rau leejtwg?
Yog ua rau cov Yixayee tug Tswv
uas Dawb Huv ntag.
²⁴Koj muab lus rau koj tej tub qhe
thuam luag tus Tswv⚓
thiab koj tau khav tias,
‘Kuv muaj tsheb ua rog ntau heev,
kuv nce mus saum tej roob siab,
mus txog tej qhov
uas deb kawg hauv Lenpanoo.
Kuv twb muab nws tej ntoo ciab
uas siab kawg ntov vau
thiab ntov nws tej ntoo ciab nplooj suab
uas zoo nkauj kawg.
Kuv mus txog nws lub ncov roob
uas deb kawg nkaus
thiab mus txog lub hav zoov
uas tsaus kawg nkaus.
²⁵Kuv khawb qhov dej thiab haus tej dej,
kuv txhais xib taws
tsuj Iyi tej hav dej qhuav tag huvsi.’

²⁶“Koj tsis tau hnov lov?
Kuv twb npaj cia li ntawd ntev los lawm.
Tej haujlwm uas kuv ua nimno
kuv twb hom cia thaum ub los lawm,
hais tias koj yuav tsoo tej moos
uas muaj ntsa loog ruaj khov
pob tag ua tej niag pawg cia.
²⁷Tej neeg hauv tej moos ntawd
qaug zog ntshaus ntsho poob siab tag
thiab txaj muag heev,
lawv zoo li tej zaub hauv teb
thiab zoo li tej nroj mos mos,
zoo li tej nroj uas tuaj saum ruv tsev
uas cia li qhuav tag tsis hlob.

²⁸“Kuv yeej paub qhov uas koj zaum
thiab qhov uas koj tawm mus thiab nkag los,
thiab qhov uas koj npau taws rau kuv.
²⁹Vim koj tau npau taws rau kuv
thiab kuv twb hnov qhov uas koj khav theeb,
mas kuv yuav muab kuv tus nqe lauj
chob koj lub qhov ntswg
thiab muab kuv txoj xauv
sam koj lub qhov ncauj,
mas kuv yuav cab koj tig hlo rov qab
taug txojkev uas koj tuaj mus.

³⁰“No yog tej txujci uas qhia rau koj paub. Xyoo no koj yuav noj tej qoob loo uas nws tuaj nws. Xyoo ob koj yuav noj tej uas tuaj ntawm lub qub chaw. Mas xyoo peb cia li tseb thiab hlais thiab ua vaj txiv hmab thiab noj tej txiv ntawd. ³¹Yuda caj ces cov uas dim thiab tseem tshuav nyob yuav rov cog cag rau hauv thiab txi txiv rau saud. ³²Vim tias muaj ib co uas tseem tshuav nyob yuav tawm hauv Yeluxalees mus, thiab muaj ib co uas dim yuav tawm hauv lub roob Xi‑oo mus. Yawmsaub uas muaj hwjchim loj kawg nkaus kub siab lug yuav ua tej no.
³³“Vim li no Yawmsaub thiaj hais txog Axilia tus vajntxwv li no tias, Nws yuav tsis nkag los rau hauv lub nroog no thiab tsis tua xub hneev mus rau hauv, thiab tsis tuav daim hlau thaiv tuaj ze lub nroog thiab tsis tsub av ua chaw nce ntsa loog. ³⁴Nws tuaj txojkev twg nws yuav rov txojkev ntawd mus, nws yuav tsis nkag rau hauv lub nroog no. Yawmsaub hais li no ntag. ³⁵Kuv yuav tsom kwm lub nroog no cia kom dim, vim saib rau kuv thiab saib rau kuv tus tub qhe Davi.”
³⁶Yawmsaub tus tubtxib saum ntuj tawm mus tua Axilia cov tub rog hauv lawv lub yeej tuag 185,000 leej. Mas thaum sawv ntxov lawv sawv saib ua ciav cov ntawd twb tuag tag lawm. ³⁷Ces Axilia tus vajntxwv Xenakhawli txawm cia li sawv kev rov qab mus tsev, mus nyob hauv Ninave. ³⁸Thaum nws tabtom pe hawm hauv lub tsev teev dab Nilau uas yog nws tus dab, nws ob tug tub Alamelej thiab Salexaw txawm xuas ntaj tua nws. Ces ob tug khiav mus rau Alalab tebchaws lawm. Mas nws tus tub Exahadoo sawv kav nyob nws chaw.