23

Cov uas tsis muaj feem koom nrog Yawmsaub cov neeg ua ke

¹Tus txivneej twg uas noob qes xaum lossis tus noov tu⚓ lawm tsis muaj feem koom nrog Yawmsaub cov neeg tuaj txoos ua ke.
²Tej menyuam tsaub tsis muaj feem koom nrog Yawmsaub cov neeg ua ke, tsis kheev lawv tej tub ki koom nrog Yawmsaub cov neeg ua ke mus txog kaum tiam.
³Cov Asmoo thiab cov Mau‑a tsis muaj feem koom nrog Yawmsaub cov neeg ua ke. Tsis kheev lawv caj ces koom nrog Yawmsaub cov neeg ua ke mus txog kaum tiam, ⁴rau qhov thaum uas nej khiav tawm hauv Iyi tebchaws los cov neeg no tsis nqa dej nqa mov tuaj tos nej ntawm tog kev. Lawv tseem ntiav Npe‑au tus tub Npala‑as tuaj ntawm Pethau hauv Mexauphautamia tebchaws tuaj foom nej. ⁵Txawm li cas los xij, nej tus Vajtswv Yawmsaub tsis mloog Npala‑as lus tiamsis nej tus Vajtswv Yawmsaub tseem muab tej lus foom ntawd ntxeev ua tej lus koob hmoov rau nej, vim yog nej tus Vajtswv Yawmsaub hlub nej. ⁶Nej tsis txhob nrog lawv sib raug zoo thiab txhawb lawv vam meej mus ib txhis.
⁷Nej tsis txhob ntxub cov Edoo rau qhov lawv yog nej li kwvtij. Nej tsis txhob ntxub cov Iyi rau qhov nej twb txeev mus nrog lawv nyob rau hauv lawv lub tebchaws. ⁸Lawv cov no tej menyuam mas tiam uas peb ces los koom tau nrog Yawmsaub cov neeg ua ke.

Kev dawb huv rau hauv lub yeej

⁹Thaum nej tawm mus ua rog rau nej tej yeeb ncuab es nej tseem nyob hauv lub yeej, nej yuav tsum nyob deb txhua yam kev phem kev qias. ¹⁰Yog nej cov txivneej leejtwg qias tsis huv vim muaj kua chaw xis ntws los thaum hmo ntuj, nws yuav tsum tawm mus nyob sab nraum lub yeej nws tsis txhob los rau hauv lub yeej, ¹¹tiamsis thaum yuav tsaus ntuj, nws yuav tsum da dej ces thaum hnub poob qho lawm nws los tau rau hauv lub yeej.
¹²Koj yuav tsum muaj ib lub chaw rau sab nraum lub yeej es koj mus plob sab rau ntawd. ¹³Hauv koj tej cuab yeej koj yuav tsum muaj ib rab taum txhob ntoo mas thaum uas koj zaum sab nraud lawd koj thiaj tau khawb qhov thiab tau faus quav. ¹⁴Rau qhov Yawmsaub uas yog koj tus Vajtswv nrog koj nyob hauv nruab nrab koj lub yeej kom thiaj tsom kwm tau koj thiab muab koj tej yeeb ncuab cob rau koj. Vim li no koj lub yeej yuav tsum dawb huv kom Vajtswv thiaj tsis pom tej uas tsis zoo saib nyob hauv koj, thiab thiaj tsis fee plhu kiag ntawm koj.

Tej kevcai

¹⁵Yog muaj tub qhe khiav ntawm tus lospav los nrog koj nyob mas tsis txhob muab tus qhev ntawd xa rov qab rau tus lospav. ¹⁶Koj cia nws nrog koj nyob hauv nej nruab nrab rau hauv lub chaw uas nws xaiv cia rau hauv nej tej moos qhov twg kuj tau raws li nws siab nyiam. Koj tsis txhob quab yuam tsim txom nws.
¹⁷Tsis txhob kheev Yixayee tej ntxhais ib tug twg ua poj muag cev xyeem rau dab. Tsis txhob kheev Yixayee cov tub ib tug twg ua txivneej muag cev xyeem rau dab. ¹⁸Koj tsis txhob coj tej nqe zog uas pojniam muag cev txivneej muag cev tuaj pub rau hauv koj tus Vajtswv Yawmsaub lub tsev pauj tej uas koj yeem lus tseg yuav pub, rau qhov ob yam no yog tej uas qias vuab tsuab rau koj tus Vajtswv Yawmsaub.
¹⁹Koj tsis txhob qev txais ib yam dabtsi rau kwvtij es yuav paj tsis hais nyiaj txiag, qoob loo los ib yam dabtsi uas luag qev es xam yuav paj. ²⁰Koj muab qev txais rau lwm haiv neeg mas yuav paj kuj tau. Yog qev txais rau kwvtij mas tsis txhob yuav paj, xwv koj tus Vajtswv Yawmsaub thiaj li foom koob hmoov rau koj txhua yam uas koj ua rau hauv lub tebchaws uas koj mus txeeb ua koj tug.
²¹Thaum koj yeem lus yuav pub ib yam dabtsi rau Yawmsaub uas yog koj tus Vajtswv tsis txhob muab sej cia ntev, rau qhov koj tus Vajtswv Yawmsaub yuav tsob kom tau ntawm koj thiab koj yuav muaj txim. ²²Yog koj tsis tau yeem lus koj kuj tsis muaj txim. ²³Koj yuav tsum ceev faj ua raws li tej lus uas tawm hauv koj qhov ncauj los rau qhov yog koj zoo siab yeem pub rau koj tus Vajtswv Yawmsaub.
²⁴Thaum koj mus txog hauv koj tej kwvtij zej zog vaj txiv hmab koj noj tau tej txiv hmab ntawd kom tsau npaum li uas koj xav noj, tiamsis tsis txhob muab ntim rau hauv koj lub kawm. ²⁵Thaum koj mus rau hauv koj tej kwvtij zej zog daim teb qeb teb mog koj cev tes de hnab puav kuj tau, tiamsis koj tsis txhob rho liag hlais kwvtij zej zog tej qoob loo.

23

Cov kws tsw muaj feem koom nrug Yawmsaub cov tuabneeg ua ke

¹Tug txwvneej twg kws noob qais xum lossws tug noov tu⚓ lawm tsw muaj feem koom nrug Yawmsaub cov tuabneeg tuaj txoos ua ke.
²Tej mivnyuas tsaub tsw muaj feem koom nrug Yawmsaub cov tuabneeg ua ke, tsw kheev puab tej tub ki koom nrug Yawmsaub cov tuabneeg ua ke moog txug kaum tam.
³Cov Aamoo hab cov Mau‑a tsw muaj feem koom nrug Yawmsaub cov tuabneeg ua ke. Tsw kheev puab caaj ceg koom nrug Yawmsaub cov tuabneeg ua ke moog txug kaum tam, ⁴tsua qhov thaus kws mej tswv tawm huv Iyi tebchaws lug cov tuabneeg nuav tsw nqaa dej nqaa mov tuaj tog mej ntawm ntog kev. Puab tseed ndav Npe‑au tug tub Npala‑aa tuaj ntawm Pethau huv Mexauphautamia tebchaws tuaj foom mej. ⁵Txawm le caag los xwj, mej tug Vaajtswv Yawmsaub tsw noog Npala‑aa lug tassws mej tug Vaajtswv Yawmsaub tseed muab tej lug foom hov ntxeev ua tej lug koob moov rua mej, vem yog mej tug Vaajtswv Yawmsaub hlub mej. ⁶Mej tsw xob nrug puab sws raug zoo hab txhawb puab vaam meej moog ib txhws.
⁷Mej tsw xob ntxub cov Entoo tsua qhov puab yog mej le kwvtij. Mej tsw xob ntxub cov Iyi tsua qhov mej tub txeev moog nrug puab nyob rua huv puab lub tebchaws. ⁸Puab cov nuav tej mivnyuas mas tam kws peb tes lug koom tau nrug Yawmsaub cov tuabneeg ua ke.

Kev dawb huv rua huv lub yeej

⁹Thaus mej tawm moog ua rog rua mej tej yeeb ncuab es mej tseed nyob huv lub yeej, mej yuav tsum nyob deb txhua yaam kev phem kev qas. ¹⁰Yog mej cov txwvneej leejtwg qas tsw huv vem muaj kua phev ndwg lug thaus mo ntuj, nwg yuav tsum tawm moog nyob saab nrau lub yeej nwg tsw xob lug rua huv lub yeej, ¹¹tassws thaus yuav tsaus ntuj, nwg yuav tsum daa dej tes thaus nub poob qho lawm nwg lug tau rua huv lub yeej.
¹²Koj yuav tsum muaj ib lub chaw rua saab nrau lub yeej es koj moog plhob saab rua ntawd. ¹³Huv koj tej cuab yeej koj yuav tsum muaj ib raab toom txhob ntoo mas thaus kws koj nyob tsawg saab nrau lawd koj txhad tau khawb qhov hab tau faus quav. ¹⁴Tsua qhov Yawmsaub kws yog koj tug Vaajtswv nrug koj nyob huv plawv koj lub yeej sub txhad tsom kwm tau koj hab muab koj tej yeeb ncuab cob rua koj. Vem le nuav koj lub yeej yuav tsum dawb huv sub Vaajtswv txhad tsw pum tej kws tsw zoo saib nyob huv koj, hab txhad tsw fee plhu hlo ntawm koj.

Tej kevcai

¹⁵Yog muaj tub qhe tswv ntawm tug lospaav lug nrug koj nyob mas tsw xob muab tug qhev hov xaa rov qaab rua tug lospaav. ¹⁶Koj ca nwg nrug koj nyob huv plawv mej rua huv lub chaw kws nwg xaiv ca rua huv mej tej moos qhov twg kuj tau lawv le nwg sab nyam. Koj tsw xob quab yuam tswm txom nwg.
¹⁷Tsw xob kheev Yixayee tej ntxhais ib tug twg ua puj muag cev xyeem rua daab. Tsw xob kheev Yixayee cov tub ib tug twg ua quasyawg muag cev xyeem rua daab. ¹⁸Koj tsw xob coj tej nqe zug kws quaspuj muag cev quasyawg muag cev tuaj pub rua huv koj tug Vaajtswv Yawmsaub lub tsev pauj tej kws koj yeem lug tseg yuav pub, tsua qhov ob yaam nuav yog tej kws qas vuab tsuab rua koj tug Vaajtswv Yawmsaub.
¹⁹Koj tsw xob qev txais ib yaam daabtsw rua kwvtij es yuav paaj tsw has nyaj txag, qoob loos los ib yaam daabtsw kws luas qev es xaam yuav paaj. ²⁰Koj muab qev txais rua lwm haiv tuabneeg mas yuav paaj kuj tau. Yog qev txais rua kwvtij mas tsw xob yuav paaj, sub koj tug Vaajtswv Yawmsaub txhad le foom koob moov rua koj txhua yaam kws koj ua rua huv lub tebchaws kws koj moog txeeb ua koj tug.
²¹Thaus koj yeem lug yuav pub ib yaam daabtsw rua Yawmsaub kws yog koj tug Vaajtswv tsw xob muab sej ca ntev, tsua qhov koj tug Vaajtswv Yawmsaub yuav rob kuas tau ntawm koj hab koj yuav muaj txem. ²²Yog koj tsw tau yeem lug koj kuj tsw muaj txem. ²³Koj yuav tsum ceev faaj ua lawv le tej lug kws tawm huv koj qhov ncauj lug tsua qhov yog koj zoo sab yeem pub rua koj tug Vaajtswv Yawmsaub.
²⁴Thaus koj moog txug huv koj tej kwvtij zej zog vaaj txwv maab koj noj tau tej txwv maab hov kuas tsau npaum le kws koj xaav noj, tassws tsw xob muab ntim rua huv koj lub kawm. ²⁵Thaus koj moog rua huv koj tej kwvtij zej zog daim teb qeb teb mog koj cev teg de naab puav kuj tau, tassws koj tsw xob rhu lag hlais kwvtij zej zog tej qoob loos.