8
Cov Yixalayees Thov Kom Tsa Ib Tug Vajntxwv rau Lawv
1Thaum Xamuyees laus heev lawm, nws tsa nws ob tug tub tu plaub ntug rau cov Yixalayees.
2Tus tub hlob hu ua Yau-ees thiab tug tub yau hu ua Anpiyas; nkawd tu plaub ntug hauv lub nroog Npesenpas.
3Tiamsis nkawd tsis ua lub neej zoo li nkawd txiv; nkawd tsuas ntshaw txojkev nrhiav nyiaj xwb, nkawd thiaj yuav tej nyiaj uas luag coj tuaj xiab, thiab nkawd tsis tu plaub kom ncaj rau sawvdaws.
4Cov Yixalayees cov thawjcoj tuaj sib sau, thiab mus cuag Xamuyees hauv lub nroog Lamas,
5thiab hais rau nws hais tias, “Nimno koj laus heev lawm, koj ob tug tub tsis coj thiab ua raws li koj ua. Yog li ntawd, thov koj tsa ib tug vajntxwv kav peb, kom peb muaj vajntxwv ib yam li luag lwm haivneeg muaj thiab.”
6Xamuyees tsis pom zoo qhov uas cov Yixalayees thov nws tsa ib tug vajntxwv kav lawv; yog li ntawd, Xamuyees thiaj thov tus TSWV,
7thiab tus TSWV teb hais tias, “Koj ua tib zoo mloog tej lus uas cov pejxeem hais rau koj. Lawv tsis yog tso koj tseg xwb; tiamsis lawv tso kuv uas yog lawv tus vajntxwv tseg lawm.
8Txij thaum kuv coj lawv tawm nram tebchaws Iziv los, lawv yeej tsis muab siab npuab kuv thiab pheej mus pe lwm haivneeg tej vajtswv; nimno lawv tabtom ua rau koj ib yam li lawv ua rau kuv ntag.
9Koj cia li uas raws li lawv thov, tiamsis koj yuav tsum ntuas lawv tawv qhawv thiab qhia kom lawv paub hais tias, cov vajntxwv ntawd yuav kav lawv li cas.”
10Xamuyees thiaj qhia txhua yam rau cov pejxeem uas tuaj thov nws tsa ib tug vajntxwv kav lawv, raws li tej lus uas tus TSWV hais rau Xamuyees lawm.
11Xamuyees hais rau lawv hais tias, “Nej tus vajntxwv yuav kav nej li no: nws yuav coj nej tej tub mus ua tubrog; ib txhia yuav ua tubrog tsav tsheb nees, ibtxhia yuav ua tubrog caij nees thiab ibtxhia yuav khiav ua vajntxwv tej tsheb nees ntej.
12Nws yuav tsa ibtxhia saib ib txhiab leej thiab ib txhia saib tsib caug leej. Nej cov tub yuav mus laij nws tej liaj tej teb thiab sau nws tej qoobloo, lawv yuav ntaus ntaj ntau riam thiab ntaus cuabyeej ua rog tiv thaiv nws tej tsheb nees.
13Nej tej ntxhais yuav mus tov tshuaj tsw qab rau nws, ua zaub mov thiab ci ncuav rau nws noj.
14Nws yuav txeeb nej tej liaj tej teb uas zoo, tej vaj txiv hmab thiab txiv ntoo roj rau nws cov nomtswv yuav.
15Nws yuav sau nej tej qoobloo thiab tej txiv hmab ib feem kaum rau nws cov thawj tubrog thiab cov nomtswv.
16Nws yuav txeeb nej tej tubtxib, tej nyuj thiab tej neesluav uas zoo mus ua nws tej haujlwm.
17Nws yuav sau nej tej tsiaj txhu ib feem kaum rau nws yuav, thiab nej yuav tau ua nws qhev.
18Thaum ntawd, nej yuav cem thiab yws nej tus vajntxwv uas nej xaiv, tiamsis tus TSWV yuav tsis mloog nej tej lus yws li.”
19Cov pejxeem tsis mloog Xamuyees hais li, lawv hais tias, “Peb tsis mloog koj hais! Peb xav tau ib tug vajntxwv
20kom peb thiaj yuav zoo ib yam li luag lwm haivneeg, peb tus vajntxwv yuav kav peb, coj peb mus tua rog thiab tawmtsam peb cov yeebncuab.”
21Xamuyees mloog tej lus uas lawv hais ntawd, nws coj zaj no mus piav qhia rau tus TSWV.
22Tus TSWV teb hais tias, “Koj cia li ua raws li lawv thov thiab tsa ib tug vajntxwv rau lawv.” Ces Xamuyees thiaj kom cov Yixalayees rov qab mus tsev.
8
Cov Yixayee thov muaj vaajntxwv
1Thaus Xamuyee laug lawd nwg tsaa nwg tej tub ua thawj kaav cov Yixayee.
2Nwg tug tub hlub hu ua Yau‑ee, tug tub yau hu ua Anpiya. Ob tug nyob huv lub moos Npe‑awsenpa ua thawj kaav.
3Tassws nwg ob tug tub tsw ua lub neej lawv le nwg, ob tug lub sab qaug lais rua nyaj txag xwb. Ob tug yuav tej nyaj xab hab tu plaub tsw ncaaj.
4Mas Yixayee cov kev txwj quas laug suavdawg ua ke tuaj cuag Xamuyee huv lub moos Lama,
5hab has rua nwg tas, “Swm xaav saib, koj laug lawm, koj ob tug tub tsw taug koj txujkev. Nwgnuav thov koj tsaa ib tug vaajntxwv kaav peb ib yaam le ib tsoom tebchaws suavdawg.”
6Thaus puab has tas, “Thov tsaa vaajntxwv kaav peb,” kuj ua rua Xamuyee tsw txaus sab. Xamuyee txhad thov ua nug rua Yawmsaub,
7mas Yawmsaub has rua Xamuyee tas, “Ca le noog txhua yaam kws cov pejxeem thov koj ntawd, tsua qhov tsw yog puab tso koj tseg, yog puab tso kuv tseg tsw yuav kuv ua vaajntxwv kaav puab.
8Tej kws puab ua huvsw rua kuv txwj nub kws kuv coj puab tawm huv Iyi tebchaws lug txug naj nub nwgnuav, yog puab tso kuv tseg moog ua koom rua luas tej daab, mas puab kuj ua ib yaam le ntawd rua koj.
9Vem le nuav ca le noog puab lub suab thov. Koj tsuas muaj kws qhuab ntuag puab xwb hab qha puab paub tas vaajntxwv yuav muaj kov txwv kaav puab le caag.”
10Xamuyee txhad muab Yawmsaub tej lug huvsw has rua cov pejxeem kws thov kuas nwg tsaa vaajntxwv rua puab.
11Nwg has tas, “Nuav yog vaajntxwv txujkev kws yuav kaav mej. Nwg yuav sau mej cov tub hab tsaa ua tub rog tsaav nwg tsheb ua rog hab ua nwg cov tub rog caij neeg hab dha ua nwg lub tsheb ua rog ntej.
12Nwg yuav tsaa puab ua tug kaav ib txheeb leej kaav tswb caug leej, hab yuav kuas ib txha laij nwg tej teb hab hlais nwg tej qoob hab ua nwg tej cuab yeej ua rog hab tej cuab yeej swv huv nwg tej tsheb ua rog.
13Nwg yuav coj mej tej ntxhais moog tov tshuaj tsw qaab hab ua zaub mov hab ci ncuav.
14Nwg yuav muab mej tej teb mej tej vaaj txwv maab hab tej vaaj txwv aulib kws zoo kawg pub rua nwg cov tub teg tub taw.
15Nwg yuav sau mej tej qoob loos tej txwv maab ib feem kaum pub rua nwg cov thawj rog hab nwg cov tub teg tub taw.
16Nwg yuav sau mej tej tub qhe nkauj qhev tej tsaj txhu⚓ tej neeg luav kws zoo coj moog ua nwg le num.
17Nwg yuav sau mej tej yaaj tej tshws ib tug huv kaum hab mej yuav ua nwg le qhev.
18Mas nub ntawd mej yuav quaj thov kev paab vem yog tim mej tug vaajntxwv kws mej xaiv lug kaav mej, tassws nub ntawd Yawmsaub yuav tsw teb mej.”
19Tassws cov pejxeem tsw quav ntsej noog Xamuyee tej lug, puab has tas, “Peb tsw noog koj has, peb yeej xaav muaj vaajntxwv kaav peb xwb,
20sub peb txhad zoo le ib tsoom tebchaws suavdawg hab peb tug vaajntxwv yuav kaav peb hab coj peb hauv ntej moog ntaus rog.”
21Thaus Xamuyee nov cov pejxeem tej lug huvsw lawm, nwg kuj coj moog has rua Yawmsaub.
22Tes Yawmsaub has rua Xamuyee tas, “Ca le noog tej lug kws puab has es tsaa ib tug vaajntxwv kaav puab.” Tes Xamuyee txawm has rua cov Yixayee kuas txhua tug ca le rov qaab moog rua nyag vaaj nyag tsev.