36

Tus Neeg ua Phem

¹Kev txhaum hais rau tus neeg
ua phem ua qias lub siab,
nws thiaj tsis lees yuav Vajtswv
thiab tsis paub ntshais Vajtswv hlo li.
²Rau qhov nws xav li nws lub qhovmuag pom xwb,
nws xav hais tias Vajtswv yuav tsis pom nws tej kev
txhaum thiab tsis txiav txim rau nws li.
³Nws hais tej lus phem lus qias thiab
lus dag xwb,
nws tsis nyiam ua raws li kev txawj ntse thiab kev ua zoo.
⁴Thaum nws pw saum txaj nws xav
rau txojkev ua phem ua qias xwb,
nws tsis ua ib yam zoo thiab tsis tso
tej kev phem kev qias tseg li.

Vajtswv Yog Tus Zoo Kawg Nkaus

⁵Tus TSWV, koj txojkev hlub siab mus nto saum ntuj,
koj txojkev ncaj ncees siab mus nto saum nruab ntug.
⁶Koj txojkev ncaj ncees loj ib yam li lub hauv roob,
koj txojkev txiav txim tob ib yam li dej hiavtxwv.
Koj yog tus cawm tej neeg thiab tsiaj txhu.

⁷Vajtswv, koj txojkev hlub zoo kawg nkaus!
Peb nrhiav tau koj ob phabtis tus
duab ntxoov ntxoo los tsomkwm peb
thiab ua peb qhov chaw nkaum xwb.
⁸Peb tau noj tej zaub mov uas koj pub
rau peb tsau npo,
koj pub peb haus tus dej uas yog koj
txojkev tau zoo nyob kaj siab lug.
⁹Koj yog lub qhovdej cawm txojsia,
vim koj yog qhov kaj peb thiaj pom kev.

¹⁰Thov koj tsis txhob tso cov uas hlub
koj tseg,
thiab ua zoo rau cov neeg uas muaj
lub siab ncaj ncees.
¹¹Thov tsis txhob pub cov neeg
khavtheeb tawmtsam kuv,
lossis cov neeg siab phem tuaj raws kuv tawm.

¹²Cov neeg uas ua phem ua qias ntog
rau qhov twg, lawv pw qhov ntawd sawv tsis taus li.

36

Vaajtswv txujkev hlub kws ruaj khov

Sau rua tug thawj coj hu nkauj. Yawmsaub tug qhev Tavi sau.

¹Txujkev txhum has tub tub
rua huv tug tuabneeg limham lub sab,
nwg tsw paub ntshai Vaajtswv hlo le.
²Nwg rov qhuas nwg tug kheej tas
nwg tej kev txhum tsw muaj leejtwg pum
tsw muaj leejtwg ntxub.
³Nwg qhov ncauj has tej lug phem tej lug daag.
Nwg tseg kag txujkev xyum txawj xyum ntse
hab tsw ua qhov zoo.
⁴Thaus nwg pw, nwg tsuas yog
ntaus tswvyim phem xwb.
Nwg npaaj ua qhov kws tsw zoo xwb,
nwg tsw tso txujkev phem tseg.

⁵Au Yawmsaub, koj txujkev hlub ruaj khov
sab moog nto ntuj,
koj txujkev ncaaj kws tso sab tau
sab moog nto tej fuab.
⁶Koj txujkev ncaaj nceeg
zoo yaam le Vaajtswv tej roob,
qhov kws koj txav txem ncaaj
yaam le dej havtxwv.
Au Yawmsaub, koj tsom kwm
tuabneeg hab tsaj txhu.
⁷Au Vaajtswv, koj txujkev hlub ruaj khov
mas tswm txaj kawg nkaus.
Ib tsoom tuabneeg moog cawm sav
rua huv qaab koj phob tis tug duab ntxoo.
⁸Puab noj tej kws muaj nplua quas mag
huv koj lub tsev tsau npo,
hab koj pub puab tau haus tug nam dej
kws pub koj txujkev zoo txujkev xyiv faab.
⁹Tsua qhov txuj hauv paug sav nyob ntawm koj,
peb pum txujkev kaaj
vem peb nyob huv koj qhov kaaj.

¹⁰Thov koj ua koj txujkev hlub ruaj khov
tshwm rua cov kws paub koj tsw tu le,
hab ua koj txujkev cawm dim
rua cov kws sab ncaaj sab nceeg.
¹¹Thov tsw xob kheev cov tuabneeg
khaav theeb txhais kwtaw tsuj kuv,
hab tsw xob kheev cov tuabneeg
limham txhais teg lawv tau kuv tswv.
¹²Saib maj, cov tuabneeg phem tub qaug lawm,
puab raug laim pov tseg sawv tsw taug le lawm.