13

Tej lug kws has txug Npanpiloo

¹Tej lug kws Vaajtswv qha rua Yaxaya kws yog Amoj tug tub pum txug Npanpiloo.
²Ca le tsaa tug chij ntaus rog rua sau lub roob do hau,
ca le hu puab, ca le cu teg
kuas puab nkaag cov thawj lub rooj loog moog rua huv.
³Kuv tub has rua cov kws kuv xaiv ca lawm
hab tub hu kuv cov tub rog kws sab luj sab tuab
yog kuv cov kws khaav theeb hab khaav quas ntxhas,
kuas puab moog ua lawv le kuv chim.

⁴Noog saib, lub suab nrov ntshu nrooj sau tej roob
yaam le ib paab tuabneeg coob coob.
Noog saib, lub suab hov yog
tej tebchaws hab tej haiv tuabneeg tuaj txoos ua ke.
Yawmsaub kws muaj fwjchim luj kawg nkaus
saamswm txhwj tub rog coob coob moog ntaus rog.
⁵Puab tuaj tej tebchaws kws deb tuaj
hab tuaj qaab ntuj kawg tuaj,
tub yog Yawmsaub hab nwg kev chim tej cuab yeej,
txhad ua rua lub nplajteb puam tsuaj huvsw.

⁶Ca le quaj nyav tsua qhov nub kws Yawmsaub teem ca lug ze lawm,
nub ntawd yuav lug yog nub kws
Vaajtswv tug muaj fwjchim luj kawg nkaus⚓ yuav coj kev puam tsuaj lug.
⁷Vem le ntawd txhua txhais teg yuav tsaug leeg
hab txhua tug lub sab yuav yaaj taag.
⁸Puab yuav poob sab taag, puab yuav raug kev mob kev ntsaaj.
Puab yuav nti yaam nkaus le quaspuj ua mob teb yug mivnyuas.
Puab ib leeg yuav saib ib leeg hle muag hlo ceeb kawg nkaus
ua ntsej muag thum xem taag.
⁹Saib maj, Yawmsaub nub saamswm lug,
ua nyaum npau tawg vog
chim heev ua rua lub nplajteb nyob do cuas ca
hab muab tej tuabneeg txhum rhuav tshem pluj taag.
¹⁰Tej nub qub sau ntuj hab tej ntsauv nub qub yuav tsw ci lawm.
Txawm yog lub nub tawm tuaj los yuav tsaus ntuj nti
hab lub hli yuav tsw muaj duab ci lawm.
¹¹Kuv yuav rau txem rua lub nplajteb vem yog tej kev phem,
hab tej tuabneeg limham vem puab tej kev txhum.
Kuv yuav ua rua cov tuabneeg muab hlub tej kev khaav theeb pluj taag
hab yuav txu cov tuabneeg ua limham ndais ntuj kws tsaab ua luj poob taag.
¹²Kuv yuav ua kuas ceblaaj nrhav tau tej txwvneej
heev dua le nrhav tau tej tseem kub,
hab ceblaaj nrhav tau tuabneeg
heev dua le nrhav tau tej kub ntawm Aufi.

¹³Kuv yuav ua kuas lub ntuj tseeg quas nkawg,
hab lub nplajteb ua zug quas kais txaav dua ib qho,
vem yog Yawmsaub kws muaj fwjchim luj kawg nkaus
npau tawg rua nub kws nwg chim heev.
¹⁴Txhua tug nyag yuav tig rov moog rua nyag haiv tuabneeg
hab txhua tug nyag yuav tswv moog rua nyag lub tebchaws,
ib yaam nkaus le tug kauv seb kws raug luas lawv
hab yaam le tej yaaj kws tsw muaj tug kws sau lug ua ib paab.
¹⁵Yog luas ntswb tug twg
mas tug ntawd yuav raug muab nkaug,
hab nteg tau tug twg mas yuav raug ntaaj tua.
¹⁶Puab tej mivnyuas mog yuav raug muab ntsawm
rua huv aav tuag taag taab meeg ntawm puab xubndag,
puab tej tsev yuav raug lws
hab puab tej quaspuj yuav raug yuam.
¹⁷Kuv saamswm tshaum cov Mintia lub sab kuas tawm tsaam puab,
cov Mintia yog cov kws tsw ntshaw tej nyaj hab tsw nyam tej kub.
¹⁸Puab tej neev yuav tua tej tub hluas tuag taag.
Puab yuav tsw khuvleej tej mivnyuas mog,
hab puab lub qhov muag
yuav tsw taab ncuab tej mivnyuas yau.
¹⁹Mas lub nroog Npanpiloo kws
yog lub nroog ci quas nplaag zoo dua lwm lub tebchaws,
hab yog cov Kheentia lub koob meej
hab yog lub chaw kws puab khaav ntxhas,
mas yuav zoo ib yaam le lub moos Xauntoo hab Kaumaula
rua thaus Vaajtswv muab rhuav tshem taag.
²⁰Yuav tsw muaj leejtwg moog nyob huv Npanpiloo
lossws nyob txhua tam tuabneeg.
Yuav tsw muaj ib tug Alam moog tsaa tsev ntaub rua huv,
hab tsw muaj ib tug yug yaaj yuav coj nwg paab yaaj moog pw rua hov ntawd.
²¹Tej tsaj qus yuav pw rua huv,
hab puab tej tsev yuav muaj loov nyuas nyob puv nkaus,
tej noog ntxhuav yuav nyob hov ntawd,
hab tej daab tshws yuav seev cev quas yeeg rua huv.
²²Tej maa lab yuav quaj nqov huv tej chaw tsom faaj,
hab tej maa ntsuab yuav quaj nqov huv vaajntxwv tej vaaj tse zoo nkauj.
Lub nroog hov le swjhawm tub lug ze lawm,
hab nwg tej noob nyoog yuav nqug tsw tau ntev lawm.

13

Tej lus uas hais txog Npanpiloo

¹Tej lus uas Vajtswv qhia rau Yaxaya uas yog Amoj tus tub pom txog Npanpiloo.
²Cia li tsa tus chij ntaus rog
rau saum lub roob do hau,
cia li hu lawv, cia li co tes kom lawv nkag
cov thawj lub rooj loog mus rau hauv.
³Kuv twb hais rau cov uas kuv xaiv cia lawm
thiab twb hu kuv cov tub rog
uas siab loj siab tuab
yog kuv cov uas khav theeb thiab khav ntxhias,
kom lawv mus ua raws li kuv chim.

⁴Mloog saib, lub suab nrov ntshu nrooj
saum tej roob yam li ib pab neeg coob coob.
Mloog saib, lub suab ntawd yog tej tebchaws
thiab tej haiv neeg tuaj txoos ua ke.
Yawmsaub uas muaj hwjchim loj kawg nkaus
tabtom txhij tub rog coob coob mus ntaus rog.
⁵Lawv tuaj tej tebchaws uas deb tuaj
thiab tuaj qab ntuj kawg tuaj,
twb yog Yawmsaub
thiab nws kev chim tej cuab yeej,
thiaj ua rau lub ntiajteb puam tsuaj huvsi.

⁶Cia li quaj nyiav rau qhov
hnub uas Yawmsaub teem cia los ze lawm,
hnub ntawd yuav los yog hnub uas Vajtswv
tus muaj hwjchim loj kawg nkaus⚓
yuav coj kev puam tsuaj los.
⁷Vim li ntawd txhua txhais tes yuav tsaug leeg
thiab txhua tus lub siab yuav yaj tag.
⁸Lawv yuav poob siab tag,
lawv yuav raug kev mob kev ntsaj.
Lawv yuav nti yam nkaus li
pojniam mob plab yug menyuam.
Lawv ib leeg yuav saib ib leeg
hle muag hlo ceeb kawg nkaus
ua ntsej muag thim xem tag.
⁹Saib maj, Yawmsaub hnub tabtom los,
ua nyaum npau taws vog chim heev
ua rau lub ntiajteb nyob do cuas cia
thiab muab tej neeg txhaum
rhuav tshem ploj tag.
¹⁰Tej hnub qub saum ntuj
thiab tej ntsauv hnub qub yuav tsis ci lawm.
Txawm yog lub hnub tawm tuaj
los yuav tsaus ntuj nti
thiab lub hli yuav tsis muaj duab ci lawm.
¹¹Kuv yuav rau txim rau lub ntiajteb
vim yog tej kev phem,
thiab tej neeg limhiam vim lawv tej kev txhaum.
Kuv yuav ua rau cov neeg muab hlob
tej kev khav theeb ploj tag
thiab yuav txo cov neeg ua limhiam ntais ntuj
uas tsab ua loj poob tag.
¹²Kuv yuav ua kom ceeblaj nrhiav tau
tej txivneej heev dua li nrhiav tau tej tseem kub,
thiab ceeblaj nrhiav tau neeg
heev dua li nrhiav tau tej kub ntawm Aufi.

¹³Kuv yuav ua kom lub ntuj ntseeg nkaws,
thiab lub ntiajteb ua zog koog txav dua ib qho,
vim yog Yawmsaub uas muaj hwjchim
loj kawg nkaus npau taws
rau hnub uas nws chim heev.
¹⁴Txhua tus nyias yuav tig rov mus
rau nyias haiv neeg
thiab txhua tus nyias yuav khiav mus
rau nyias lub tebchaws,
ib yam nkaus li tus kauv seb
uas raug luag raws
thiab yam li tej yaj uas tsis muaj
tus uas sau los ua ib pab.
¹⁵Yog luag ntsib tug twg
mas tus ntawd yuav raug muab nkaug,
thiab ntes tau tus twg mas yuav raug ntaj tua.
¹⁶Lawv tej menyuam mos yuav
raug muab ntsawm rau hauv av tuag tag
tab meeg ntawm lawv xubntiag,
lawv tej tsev yuav raug lws
thiab lawv tej pojniam yuav raug yuam.
¹⁷Kuv tabtom tshum cov Midia lub siab
kom tawm tsam lawv,
cov Midia yog cov uas tsis ntshaw tej nyiaj
thiab tsis nyiam tej kub.
¹⁸Lawv tej hneev yuav tua tej tub hluas tuag tag.
Lawv yuav tsis khuvleej tej menyuam mos,
thiab lawv lub qhov muag
yuav tsis tab ncuab tej menyuam yaus.
¹⁹Mas lub nroog Npanpiloo uas yog lub nroog
ci nplas zoo dua lwm lub tebchaws,
thiab yog cov Kheedia lub koob meej
thiab yog lub chaw uas lawv khav ntxhias,
mas yuav zoo ib yam li
lub moos Xaudoo thiab Kaumaula
rau thaum Vajtswv muab rhuav tshem tag.
²⁰Yuav tsis muaj leejtwg mus nyob
hauv Npanpiloo lossis nyob txhua tiam neeg.
Yuav tsis muaj ib tug Alam
mus tsa tsev ntaub rau hauv,
thiab tsis muaj ib tug yug yaj yuav coj
nws pab yaj mus pw rau qhov ntawd.
²¹Tej tsiaj qus yuav pw rau hauv,
thiab lawv tej tsev
yuav muaj lib nyug nyob puv nkaus,
tej noog ntxhuav yuav nyob qhov ntawd,
thiab tej dab tshis yuav seev cev yees rau hauv.
²²Tej hma liab yuav quaj nqov
hauv tej chaw tsom faj,
thiab tej hma ntsuab yuav quaj nqov
hauv vajntxwv tej vaj tse zoo nkauj.
Lub nroog ntawd li sijhawm twb los ze lawm,
thiab nws tej hnub nyoog
yuav rub tsis tau ntev lawm.