4Lawv tsis tau tiv kev mob kev nkees, lawv noj qab nyob zoo thiab lawv muaj zog npho 5lawv tsis tau tiv kev txomnyem li luag tej; thiab lawv tsis muaj kev ntxhov siab li luag lwm tus. 6Yog li ntawd, lawv thiaj li muab kev khavtheeb los coj ib yam li coj xauv, thiab muab kev nruj tsiv los hnav ib yam li hnav lub tsho ntev; 7lawv lub siab nthuav tej kev phem tawm tuaj, thiab lawv lub tswvyim npaj rawv ua kev phem kev qias. 8Lawv luag lwm tus plig thiab hais tej lus phem lus qias; lawv khavtheeb thiab tuav hauv tsimtxom luag. 9Lawv thuam Vajtswv tus uas nyob saum ntuj ceebtsheej thiab hais lus khavtheeb ntxhias yuam tej neeg ntiajteb no. 10Txawm yog Vajtswv haivneeg los cia li yuam kev nrog cov neeg ntawd lawm, thiab nyiam ntseeg lawv tej lus heev. 11Lawv hais tias, “Vajtswv yeej tsis paub li, tus uas muaj hwjchim loj kawg nkaus los yeej tsis paub zaj no li.” 12Cov neeg siab phem yeej los zoo li ntawd, lawv muaj txhua yam nplua mias lawm los lawv yimhuab xav muaj ntau ntxiv.
13Qhov uas kuv tswj kuv lub siab kom ua tau neeg zoo thiab tsis ua txhaum ntawd txawm tsis muaj nqis li los? 14Vajtswv, koj tau ua rau kuv tiv kev txomnyem tas hnub; thiab koj rau txim rau kuv txhua tagkis sawv ntxov.
15Yog kuv lam tau lam hais tej ntawd, ntshai kuv tsis coj lub neej zoo li koj haivneeg. 16Zaj no nyuaj kawg li, tiamsis kuv muab los xav txhij xav txhua saib zoo li cas, txawm yog li ntawd los kuv yeej tsis totaub 17mus txog thaum uas kuv mus rau hauv koj lub Tuamtsev. Thaum ntawd kuv mam paub tseeb txog tej uas yuav los raug cov neeg siab phem ntawd.
18Qhov tseemceeb, koj yuav cia lawv taug txojkev uas nplua nplua kom lawv ntog thiab puastsuaj mus. 19Tib ntsais muag xwb lawv cia li raug kev puastsuaj tas; thaum kawg lawv yuav poob mus rau txojkev txomnyem heev! 20Lawv lub neej zoo ib yam li neeg ua npau suav, thaum nws tsim los nws tsis nco qab txhua yam tas lawm; Tus TSWV, thaum koj sawv tsees los, cov neeg ntawd yuav ploj ntais mus.
21Thaum kuv chim thiab tu siab heev, 22kuv ruam ib yam li tus tsiaj, kuv yeej tsis totaub tej uas koj ua hlo li. 23Txawm yog li ntawd los kuv yeej nrog nraim koj nyob ua ke, thiab koj yeej tuav rawv kuv txhais tes. 24Koj tej lus qhuab ntuas niaj hnub coj kuv txoj haukev, thiab txog thaum kawg koj yuav los tos kuv mus thiab pub rau kuv tau ntsejmuag. 25Dhau koj lawm, tsis muaj lwm yam uas kuv xav tau nyob saum ntuj. Yog muaj koj lawm, kuv tsis ntshaw ib yam dabtsi hauv ntiajteb no li. 26Kuv lub zog thiab kuv lub siab qaug zog zuj zus lawm, tiamsis Vajtswv yog kuv lub zog, nws yog tus uas kuv ntshaw mus ibtxhis.
27Cov neeg uas tso koj tseg, yuav ploj mus tas; koj yuav ua kom cov neeg uas tsis muab siab npuab koj raug puastsuaj tas. 28Tiamsis kuv mas zoo siab kawg, vim kuv nyob ze Vajtswv; kuv muaj tus TSWV uas yog Vajtswv ua tus tsomkwm kuv, thiab kuv yuav qhia txhua yam uas nws ua rau sawvdaws paub!
73
Ntu 3
(Zaaj nkauj 73 - 89)
Tug tuabneeg phem lub khuab
Axas zaaj nkauj.
1Vaajtswv yeej ua zoo rua cov Yixayee tag tag le, yog ua zoo rua cov kws lub sab dawb huv. 2Kuv mas kuv txhais kwtaw tub yuav dawm, kuv txhais kwtaw tub yuav nplaam tuab tag, 3vem yog kuv khib cov kws khaav theeb, rua thaus kuv pum cov tuabneeg phem vaam meej.
4Puab tsw muaj mob hlo le, puab lub cev nyob zoo hab muaj zug npho. 5Puab tsw raug ceblaaj le lwm tug, puab tsw raug xwm txheej phem le lwm tug. 6Vem le nuav puab txhad muab qhov kws khaav theeb lug ua saw coj, puab muab qhov kws ua nruj ua tswv lug ua tsoog naav. 7Puab rog rog qhov muag qe tauv, tej tswvyim phem phwj huv puab lub sab lug. 8Puab thuaj luag hab has tej lug kws xaav ua phem, puab tsaab ua luj hem tas yuav quab yuam. 9Puab tsaa ncauj tawm tsaam lub ntuj, puab tug nplaig kuj lig xaiv thoob nplajteb. 10Vaajtswv cov pejxeem txhad tig lawv puab qaab, hab yuav puab tej lug ib yaam le haus dej ntau heev.⚓ 11Puab has tas, “Vaajtswv yuav paub tau le caag? Tug kws Luj Dua Ndais txawj paub lov?” 12Saib maj, cov tuabneeg phem zoo le nuav ntaag, puab pheej noj qaab nyob zoo hab vaam meej tuaj. 13Kuv tu kuv lub sab dawb huv, hab ntxuav kuv txhais teg tsw ua txhum do do xwb. 14Kuv raug tej xwm txheej phem ib nub tsaus ntuj, hab raug muab nplawm txhua taagkig. 15Yog kuv tau has tas, “Kuv yuav has le ntawd,” kuj yog kuv faav xeeb rua koj cov mivnyuas. 16Tassws thaus kuv xaav tas kuv yuav nkaag sab zaaj nuav le caag, kuv pum tas yog teg num kws khwv kawg, 17txug thaus kuv nkaag moog rua huv lub chaw pe Vaajtswv, kuv txhad tshuaj pum puab txujkev qhov kawg. 18Qhov tseeb koj yeej muab puab tso rua huv txujkev kws nplua, koj ua rua puab qaug puam tsuaj taag. 19Ib plag ntshws xwb puab raug puam tsuaj, puab raug txujkev ntshai muab ntxuav tu noob nrho moog lawm lauj! 20Au tug Tswv, thaus koj tswm dheev lug, koj nov qaab puab tug duab lawm, ib yaam le zaaj npau suav rua thaus yug tswm dheev lug.
21Thaus kuv tug ntsuj plig ywg hab chim, thaus chob txug kuv lub sab, 22kuv txawm ruag tsw paub daabtsw le, kuv zoo le ib tug tsaj txhu rua koj. 23Txawm le caag los kuv pheej nrug nraim koj, koj tuav rawv kuv txhais teg xws ca. 24Koj tej lug taw qha coj kuv txuj hauv kev, hab yaav tom qaab koj yuav coj kuv kuas tau koob meej. 25Dhau koj lawm kuv muaj leejtwg sau ntuj ceeb tsheej? Dhau koj lawm kuv tsw ntshaw ib yaam daabtws huv lub nplajteb. 26Kuv lub cev hab lub sab yuav qaug zug moog, tassws Vaajtswv yog kuv lub sab tug zug, hab yog kuv teej kuv tug moog ib txhws. 27Vem tas cov kws nyob deb koj yuav puam tsuaj, koj ua rua cov kws tsw muab sab npuab koj pluj moog. 28Kuv mas qhov kws kuv nyob ze Vaajtswv yog qhov zoo. Kuv muab Vaajtswv Yawmsaub ua kuv lub chaw cawm sav, sub kuv txhad tau pav txug koj tej num huvsw.